مشكلة ولدي فـــ الاكــل

[أسوله]

السلام عليكم ورحمة الله وبركاااته ..

كيفيكم عرااايس ؟

يا بنات انا عندي مشكله ف ولدي .. ولدي كمل السنه والدكتوره لاحظت بانه ولدي وجهه اصفر
ف قالت بنسوي له فحص دم يمكن عنده نقص خميره او انيميا منجليه..
وطلعت النتيجه ب انه دمه ناقص واصل 10 ..

يا نباات ولدي ما ياكل شي كل يوم انوع له ف الاكل لحم وسمك بس ما يأكل .
بس يحب ياكل عنب وبرتقال ومانجو وبعض الاحيان تمر ..

وبعض الايام ما شاء الله عليه ياكل وبعض الاحيان ما ياكل شي ابدا ..
واغبيليتهم يقولوا يمكن يبا يسنن بس انا خايفه عليه لانه دمه ناقص ..
وما يشرب اي نوع من انواع الحليب بس يرضع مني وما يحب اللبن ..


بليز بنات اللي ولدها مر ب هالشي تفيديني او اللي عندها خبره تكتب لي
جدول تغذيه او اي شي يفيدني ..


ومشكوورين مقدمـــا ^^

:
:

[ام فاطمه الحلوه]

حبيتي اختي عندها ولد وملوعها مثل ولدج ما يرضى ياكل وكان عايش على الحليب وبس ..
بس عرضته على دكتوره اطفال للتغذيه ومشت على نظام غذائي صح بالبدايه جان يعاند بس بنهائيه الامر رضخت لامر الواقع والحين ياكل ويانا ويعرف قيمه الاكل ..
قالت لها الدكتوره لا تعطينا شي قبل الريوق ابدا لا حليب ولا شي لازم يتريق جربت عدتت انواع من الريوق الا ان وصلت للشي الي يحبه ..
وبعدين ما اعطته شي واجى وقت الغدى وما خلته ياكل بروحه لا قعد ويانا على الغدى لان الدكتوره قالت هالشي مهم علشان يعرف قيمه الاكل ويشوفنا كلنا ناكل وياكل معانا وراها بثلاث ساعات ممكن انها تعطيها رضعه عادي وبعدين ياما العشا او رضعه وومكن ورا العشا تعطيه الشكولاته الي هو يحبها وما شاء الله عليه كام يمشي على النظام والحين كلشي اوكي سوري على الاطاله ..
تقبلي مروري ....

[الياسمين للهدايا]

هلا اختي اسوله
انا بنتي نفس الشئ تاكل اللي هي تريده ما تحب غير الماجي وعيش مع الخضره او عيش مع لبن وتحب الدجاج احاول اني اعطيها اشياء ثانيه ما تتقبل

[أسوله]

ملاك العراق ..

مشكوره اختي بحاول اعرضه ع اخصائية تغذيه .. ^^


B2forever ..

مشكوره خيتوو ان شاء الله ربنا يهديهم وياكلوا ..

[أسوله]

وين ردودكم يا بنااات ..

ف انتظاركم

[حصه*]

ما ادري والله

بس حبيت افيدج بشي عوديه ياكل زبيب لانه يقوي الدم ^^

وما عليج شر ^^

[حبيبة القلوب]

بنتي عمرها 10 شهور ودمها بعد ناقص (10)
كتبت ليها الدكتورة حديد بس ما عطيتها اياه لان الحديد يعدم الاسنان
ومغربلتني ما تاكل ولا شي
بس ترضع واذا اطلع وياها بيت ابوها العود يعطونها اجباس واذا اقول ليهم لا تعطونها ماابغي اعودها على الاجباس لان دمها ناقص ولا ترضى تاكل ما يسمعون كلامي ولا كأني اتكلم وياهم يقولون ليي انتين معقدة اكو جهالنا من وهم صغار نعطيهم كل شي


مايشوف شر ان شاء الله الكتكوت