المقادير والطريقه مع بعض:
بهارات منوعه (فلفل _ملح _فلفل احمر_ثوم ناشف ومطحون _قرفه _هيل _ماجي ابيض_بهارات مشكله_كركم) كلها تكون ناعمه
دجاجه مغسوله ومنظفه
نتبل الدجاج بالبهارات والملح
ونلفه بنايلو وندخله الثلاجه لمدة ساعه او اقل
بعد ماتتبل الدجاجه ونطلعها من الثلاجه نحط عليها هالخلطه وهنا سر اللمعه
(زبده وعسل)
نضع بمقلى ربع اصبع زبده ونذوبه
نبعد المقلى عن النار ونضيفله نص ملعقه صغيره عسل (سبب ابعاده عن النار عشان مايتكتل العسل )
وانا افضل العسل اللي بالاسواق على العسل الاصلي لاني جربته ومااعجبني طعمه
وهنا بعد ماذا العسل
نجهز صينية الفرن ونلفها بقصدير(عشان مااتعب بتنظيف الصينيه) ونحط الدجاج فيها ونصب خلطة العسل عليها
وندخلها الفرن ونشعل النار على تحت (انا حطيتها بهالجهاز عشان ارتاح من تنظيف جدران الفرن والا النتيجه وحده) ونتركها لمدة ساعه ونصف او اقل
وهذي مقادير وطريقة الرز(سهله وبسيطه ولذيذه)
رز مغسول ومنقع بماء حار
بهارات (بهارات عدله_بهار مشكل_ملح_ماجي ابيض_مستكه_فلفل اخضر)
ماء مغلي
نضع زيت بالقدر ونحميه ونضيف المستكه عليه الافضل ماتكثرونها لانه تعطي مراره انا شلت نص اللي بالصوره
نضيف البهارات العدله ونقصر النار عشان ماتحترق بعدين نضيف الرز ونطول النار ونحركه
وبالاخير نضيف باقي البهارات ونستمر بتحريكه
ونضيف المويه المغليه ونتركه لحد مايتشرب مويته ونقصر عليه(افضل طريقه لقياس موية الرز انك تضيفين لكل كأس رز كأسين مويه مغليه بكذا ترتاحون من تعجن الرز)
نسوي الكشنه (بصل _زبيب_جزر_سمنه_هيل يعطي ريحه للرز)
نسكر على الرز ونضيف الكشنه فوقه ونتركها 10 دقايق يابنات لا تضيفونها قبل عشان مايسود البصل
نغرفه ونزينه وبألف صحه وعافيه
صحتين وعافيه
ملحوظة
انا اسويها بهذا الشكل بس ماستخدم العسل استخدم الكاتشب او معجون الطماطم اوعصير برتقال
هي نفس الطريقة والنتيجة
اذا عجبكم لا تنسون تقيموني ..
رد مع اقتباس
