اختى العزيزه اولا انا بشكرك جدا لانك كل حاجه بتقليها بطبقها وتطلع دايما صح
اختى مشكلتى دلوقتى ان جوزى بيشتغل ف الكويت وحصلتله مشكله ف شغله هو بيشتغل ف فندق ويعنى الفندق وف غرفه اولاد الحرام وخدنها عشان يمرسوا فيه الرزيله المهم الشرطه جت واخدت جوزى وكل ال بيشتغلوا ف الفندق اخدوهم الشرطه
وبعدين للاسف بصموا جوزى وهينزلوه مصر وخلاص ممنوع جوزى يدخل الدوله دى تانى
وهو دلوقتى محبوس هناك اديله اسبووع ومش عارفه اعمل ايه
والمصيبه ان مفيش شغل ف مصر وجوزى مؤهله ضعيف ومش عارفين يعمل ايه ويشتغل فين
والله ياختى من يوم ما اتجوزت ودايما ف ظروف صعبهالاول كانت عنده مشكله فى الرخصه بتعته وكانت فيها قضيه واول جوزنا سافر وبعد شهر القضيه بعد ما طلعت برائه استئنفوها وهو نزل خاف يتسجن وطبعا مكنش معانا اى مبلغ نقدر نعيش بيه
فنزلت عند حماتى وناكل عندهم وطبعا حماتى وبناتها كانوا بيطلعوا عينى ربنا يعلم كانوا بيعملوا ايه فيا
كانوا يلقحوا عليا كلام وانا مكنتش اعرف ارد عليهم وهما يزيدوا فيها وكل ما كنت اقول لجوزى نعزل ونقعد لوحدنا يقلى اجيب منين معييش وكنا عالطول نستنا القضيه وقعدنا 5 شهور ننتظرها ان ربنا يطلعه برائه
والله كانت مشاكلنا انا وجوزى كلها بسببهم وهو دايما يصنتوا علينا واخيرا عزنا وحماتى قالت مدام عزلتى اهلك ميجوش عندنا شفتى يا اختى
المهم جوزى قرر يسافر وبعدين بعد ماسافر القضيه الحمدلله طلعت برائه وعشنا كام شهر كويسين وكان كل ما يقبض المرتب كان يسدد ال عليه
ودلوقتى المصيبه ال حصلتله مش عارفه اعمل فيها ايه بعد ماقلنا الحمدلله ربنا كرمنا جت المشكله دى وهددت كل حاجه
وخايفه لما ييجى يقلى ننزل نقعد مع امه واخواته البنات وانا بصراحه كرمتى متسمحليش بالى بتشوف عينى منهم
وخايفه كمان تحصل اى مشكله وجوزى بيتوتر بسرعه وعصبى جدا ويعلى صوته يسمعونه
ويقولوا زى ما قالوا الاول مش قادره استحمله عشان معناش فلوس
اختى العزيزه ارجوكى تردى عليا وتقليلى اعمل ايه بظبط انا بثق ف رايك كتير
اتعامل مع جوزى ازاى واهله ازاى صدقينى دول مش بشر عاديين صدقينى لو اقلك بيحكوا عليا قدام قرايبهم وطبعا حاجات مش فيا خالص
الله يجزيهم
اختى الغاليه منتظره ردك عليا بس ياريت تشرحيلى بظبط اتعامل ازاى
رد مع اقتباس