روابط قد تهمك :
فساتين العروس | تسريحات | تنظيم الاعراس | زخرفة | عالم حواء


صفحة 1 من 2 12 الأخيرةالأخيرة
النتائج 1 إلى 15 من 18

الموضوع: معي حق ولا لأ؟؟؟؟؟

  1. #1
    عروس جديدة
    تاريخ التسجيل
    19/11/2006
    الدولة
    الخبر
    المشاركات
    43

    معي حق ولا لأ؟؟؟؟؟

    السلام عليكم ورحمة الله وبركاته

    اخواتي 0000

    بالمختصر 0000

    لو ولدتي وكل اهلك ومعارفك باركو لك وزاروك الا اخوك اللي اصغر منك

    بحجة انه مغترب !!!!!!!!!!!!!!!!

    ورجع بالسلامه هل تروحين تسلمين عليه


    او ايش راح تعملي مع العلم اني ما قصرت معه يوم جاه مولود

  2. #2
    عروس مبدعة الصورة الرمزية Jummana
    تاريخ التسجيل
    29/04/2003
    الدولة
    بلد الأحلام
    المشاركات
    810
    حبيبتي انتي تقولي مغترب ........ يعني مو موجود في المنطقه
    بس اذا اول ماجى ونزل وجالك على طول خير وبركه
    واذا ماجى على طول هذذا اخوك من لحمك ودمك

    اذا جئ اكيييد تروحي له وليش لا

  3. #3
    عروس جديدة
    تاريخ التسجيل
    19/11/2006
    الدولة
    الخبر
    المشاركات
    43
    جمانه 00000 مشكوره يا عمري على ردك

    ايييه مغترب بس عنده تلفون ونت واللحين التكنولوجيا

    ما خلت شئ المغترب كنه بالديره

    وزوجي ارسل له مسج يبشره بولادتي

    غير كذا هو يكلم اهلي باستمرار شئ اكيد

    قالو له وهو يعرف اني حامل لابد اني بولد صح

  4. #4
    مشرفة سابقة الصورة الرمزية دلوعةحناني
    تاريخ التسجيل
    04/03/2008
    الدولة
    السعوديه
    المشاركات
    2,982
    انا اقترح تروحين تباركي له وتعاتبيه على تقصيره لك
    لان هذا اخوك والصغير بعد يمكن ما جا على باله او يمكن حتى لو هو طنش وغلط بحقك
    انتي الاكبر والاطيب لا تقاطعيه بالواجبات علشان اول غلطه
    عطيه فرصه ثانيه وشوفي اذا استمر تجاهله ساعتها محد بيلومك اذا انتي قصرتي بعد
    تحياتي

  5. #5
    عروس رائعة
    تاريخ التسجيل
    17/03/2006
    الدولة
    مصر
    المشاركات
    1,202
    طبعا اروح ازوره
    الدم عمره ما يبقى مية ابدا كلو الا صلة الرحم

  6. #6
    عروس ركن النساء والحمل والولادة الصورة الرمزية ღღ دريـــم ويــب ღღ
    تاريخ التسجيل
    26/06/2006
    الدولة
    الجبــــ الظهران يـــــل
    المشاركات
    10,720
    اروح له واسلم عليه واحط ولدي بين ايديه ... صيري حنونه مو انتي الاكبر

  7. #7
    عروس مشرقة
    تاريخ التسجيل
    13/04/2007
    الدولة
    الإمارات العربية المتحدة
    المشاركات
    445
    عزيزاتي مهما كان خطأ أقاربنا لنا فلنكون نحن الاحسن هل تعلون لماذا

    لأن صلة الرحم أجرها كبير لقول رسول الله <من كان يؤمن بالله واليوم الآخر فليصل رحمه> رواه البخاري

    وقال « من أحب أن يبسط له في رزقه وينسأ له في أثره فليصل رحمه» رواه البخاري ومسلم

    والكثير من احاديثه عن صلة الرحم عليه افضل الصلاة والسلام

    دمتي بحفظ الرحمن

  8. #8
    عروس مبدعة الصورة الرمزية أمي أنتِ عمري
    تاريخ التسجيل
    19/08/2006
    الدولة
    في بلاد الله
    المشاركات
    769

    الاخوات ما قصروا فعلا لازم تروحى واحتسبي الاجر من عند الله تعالى مو لشيء اخر وما تخلى الشيطان يدخل بينكم وكمان اعطيه اعذار مهما كان ممكن انشغل وني وبالنهايه هذه صله رحم واكسبي انتى الاجر والثواب فيه ولا تقطعي

  9. #9
    عروس ماسية
    تاريخ التسجيل
    27/05/2003
    الدولة
    السعودية
    المشاركات
    4,224
    [COLOR="DarkGreen"]
    حبيبتي الغالية اذا كنت توك والدة انا مجربة هالفترة تكون الوحدة حساسة مرة من ناحية

    من بارك وسال عنها وعن البيبي وهذا اخوك اولا مشاعر المرة غير عن الرجال

    اسمحيلي هو يمكن مشغول او من نوع ما يعرف في سوالف التباريك مثلا


    لو انا مكانك اصور ولدي وارسلها له بالايميل او على جوال وتحتها عبارة

    اسال عنك يا خالي

    وشوفي الرد

    اذا كان اخوك زين وياك عاتبية شو يصير الواحد مالة غناة عن اخوانة واهلة
    هذا شي بسيط لا تكبرية ترى الدنيا فيها بلاوي مشاكل اكبر الله يبعدها عنكم وعنا


    اختك رابنزول
    ادعوا لوالدتي بالشفاء العاجل محتاجة دعائكم
    [/COLOR
    ]

  10. #10
    عروس نشيطة
    تاريخ التسجيل
    03/11/2007
    الدولة
    بيـن أغلى ناسـي
    المشاركات
    126
    اكـيد بروح له وبسلم عليه وبتحمد له ع السلامه وبراويه ولدي وبعدين هذا اخوك الاصغر ما بينكم جمايل ولا بينكم ازوره لانه زارني واقاطعه لانه قاطعني انتو اخوان والي بينكم اكبر من هالشكل صح قصر معاك لانه ما اتصل بس مو معناته تقاطعينه وماتزورينه بسبب اتصال !!
    بعدين شكلك حساسه بزياده امر طبيعي يكلم امه وابوه باستمرار واذا يكلم احد من اخوانك او خواتك باستمرار بعد امر طبيعي يمكن يتصلون عليه دايم ويرسلون له مسجات بعدين لا تنسين الاخوان بينهم بين قربهم موب مثل بعض يعني انتي اكيد وحده من خواتك او اخوانك قريب من نفسك اكثر .
    والأهـــم من هذا كله لا تنسين انتي والاخوات الي مرو بموقفك ورانا قبر وكل نفس بتذوق الموت ومصيرنا نفترق عن اهلنا عيشي حياتك بدون هذا ما كلم وهذا ما بارك وهذا ماسلم خل الكل يسوي الي يسويه المهم انتي ما تقصرين بواجباتك معاهم ولا تخلين الشيطان يوسوس لك صدقيني اخوك هو نفسه اخوك الي يحبك قبل الزواج بس شغلته عنك مسئولياته شوي وبكل امانه انا كسوله شوي يعني ممكن تمر مناسبات بناس قريبين مني ما اتصلت ابارك لهم انسى اتصل فيهم وانشغل بحياتي وتمر الايام وتصير فرحه المناسبه باارده وانحرج اتصل متأخر ابارك لهم :o .. ولاتنسين ياعمري ربي يحاسبنا على كل عمل سويناه بحياتنا والقطيعه مو شي هين .. هذي صله رحم ولازم توصلين فيه حتى لو اخطاء عليك خطأ واضح مو عشان اتصال بس .
    آسفه لاني طولت عليك .. وياليت تطمنينا عليك وتبشرينا بأخبار زيارتك له
    تقبلي مروري ,,,

  11. #11
    عروس جديدة
    تاريخ التسجيل
    19/11/2006
    الدولة
    الخبر
    المشاركات
    43
    مشكورات 0000 حبيباتي ما قصرتو

    وجزاكم الله الف خير


    يا بنات 0000 هو اخوي موب شقيقي

    وغير كذا رجال عمره فوق ال30 سنة

    ومتزوج ومعيل بعد

    غير كذا موب اول مره يطنشني مره تنومت بالمستشفى 3 ايام

    ما شفت وجهه ولا رفع علي سماعة التلفون وبعد ما طلعت من المستشفى

    ولدت زوجته ورحت ركض لبيتهم ابارك تخيلو

  12. #12
    عروس مبدعة
    تاريخ التسجيل
    09/04/2008
    الدولة
    مملكه الانسانيه
    المشاركات
    558
    اقتباس المشاركة الأصلية كتبت بواسطة رابنزول مشاهدة المشاركة
    [COLOR="DarkGreen"]
    حبيبتي الغالية اذا كنت توك والدة انا مجربة هالفترة تكون الوحدة حساسة مرة من ناحية

    من بارك وسال عنها وعن البيبي وهذا اخوك اولا مشاعر المرة غير عن الرجال

    اسمحيلي هو يمكن مشغول او من نوع ما يعرف في سوالف التباريك مثلا


    لو انا مكانك اصور ولدي وارسلها له بالايميل او على جوال وتحتها عبارة

    اسال عنك يا خالي

    وشوفي الرد

    اذا كان اخوك زين وياك عاتبية شو يصير الواحد مالة غناة عن اخوانة واهلة
    هذا شي بسيط لا تكبرية ترى الدنيا فيها بلاوي مشاكل اكبر الله يبعدها عنكم وعنا


    اختك رابنزول
    ادعوا لوالدتي بالشفاء العاجل محتاجة دعائكم
    [/COLOR
    ]
    كلامك حلو

  13. #13
    مشرفة سابقة الصورة الرمزية اكليل الورد85
    تاريخ التسجيل
    18/03/2008
    الدولة
    الاررررررررررررردن
    المشاركات
    4,435
    اختي هدا اخوكي وانت لازم تعملي معه الواجب وزياده

  14. #14
    مشرفة سابقة الصورة الرمزية الجوهرة
    تاريخ التسجيل
    02/04/2002
    الدولة
    قطـــــر
    المشاركات
    4,615
    مادام مب شقيقك يمكن مستحي وخاصة انه مايزوركم وايد

    اتصلي فيه ان ماقدرتي تروحين وقولي له ماودك تشوف ولد اختك

    ولاتقاطعينه حبيبتي ولاتشيلين شي في نفسك

    والله يهدينا للخير

  15. #15
    عروس فضية الصورة الرمزية Um.Abdullah
    تاريخ التسجيل
    14/11/2005
    الدولة
    Qatar
    المشاركات
    2,122
    حبيبتي انا ابوي ما اجا بارك لي وهو في نفس البلاد ولا لمته! لان كلن له عذره، ويمكن لانه ما بارك لج من الاول علشان جذي استحى يبارك متاخر، انا ابوي لما رحت بيته تحمد لي بالسلامة بس، بس شوفيه الحين يموت في بنتي، مو شرط اذا ما بارك لج يعني ما يحبج او مو راضي

صفحة 1 من 2 12 الأخيرةالأخيرة