بنتي ومصر..

[umjana79]

مرحبا خواتي

عندي سؤال . انا عندي تذكره سفر ,, وزوجي خاطره نروح مصر . المشكله هو يبغي يودي بنتي ,, وهي عمرها سنه ونص . والصراحه عباله وتعب ... وهو يقول لا خلها تستانس ....

شالحل ... انا ماعرف هالديره واول مره اروح والياهل اكيد يمكن تمل وتتعب ... وما بتستانس مثل لو كان عمره 3 سنوات او اكثر ..

افيدوني بالله عليكم

اوديها ولا ماوديها ..

[Bahrain _Queen]

انا يتراولي لو تتركينها مع احد من والدينج يكون افضل لأن صغيرة وايد وبتغير عليها الجو وثاني عشان تستانسون اكثر ومايكون عليكم عبأ الياهل؟؟؟

[*المتوكله على الله*]

نصيحتي لج ادا عندج حد يمسكها وماراح تحاتين خليها ...لان الياهل ف هالسن متعب وايد في السفر.انا وديت بنتي مااليزيا وكان عمرها 11 شهر...وبدون خدامة...ما ستانست طول الوقت وانا احاتيها في اكلها ونومها وبعدين كانت صياحة......في الرحلات البعيدة تصيح طول الطريج....كنا متوترين طول الوقت وانا على اعصابي ....رجعت البلاد وانا متسندرة ومرهقة ومحتاجة اسبوع بس عشان ارتاح .....وعلى فكرة مصر حلوة وبتستانسين فيها...وادا احتجتي اي معلومات عن مصر انا حاضرة

[دلوعة..]

حبيبة قلبي لاتأخذيها اخذت بنوتي كان عمرهاا 8شهور لمصر وربي طفشتني بس تبكي ولاتبغى ازعاج
والاكل والرضعهـ وقتها غير احيان نكون نمشي وتبغى ترضع

الله يعين

[ام سيافي]

اذا ترومين تخلينها احسن
واذا ماترومين شليها وياج

انا بصراحه سافرت وولدي عمره 5 شهور صح تعبني .... بس مااقدر اسير مكان من دونه

[عاطفة جياشة]

اهلا ومرحبا بكي اختي الغالية في بلدك الثاني مصر
لا تخافي يا اختي من مجيء بنتك معك في امكانك ان تستأجري لها بيبي سيتر تبع الفندق اللي بتنزلون فيه او من اي مكتب خدمات خلال المدة اللي بتقضونها في مصر واي خدمة او استفسار انا حاضرة لكي ان شاء الله
















ا

[ليالي الحنين]

اذا تقدرين تخلينها مع احد من اهلج احسن لو ماتقدرين خلاص توكلي علي الله واخذيها ونفس ماقالتلج الاخت عواطف جياشه تقدرين تحصلين احد يقعد معاها

[shahenda27]

ممكن تخليها مع اهلك او البيبى سيتر بتاعتها واهلا بيكى فى مصر