كل وحده زوجها يخونها وتريد الحل تدخل

[عفراء الغيد]

السلام عليكم ورحمة الله وبركاته


من كثر الي قريته في هالقسم قلت احسن نصير قلب واحد ونحاول

نحل الموضوع .

شوفن كل بيت فيها مشاكل وبدأ انا بس كل وحده تكتب بصراحه

عشان نلقا حل ونكون قلب واحد .

انا انسانه الله منعم علي بكل شي يرغب الرجل وريلي بداية

حياتي انخبل عليه وانا عمري ما اهملت وعمري ما خليته يحس

باني تغيرت لا اسلوب ولا كلام ولا معامله احاول بعيوني اداريه

بالعربي افرشله الرمش يمشي عليه واخر شي معنه يحبني

موووووووووووووووووووووووو ووووووووووووووووووووووت

ولكن يخون هيه والله واكتشف هذا ماخرا

زعلت انقهرت صحت كرهت حياتي ولكن الحمدلله اني ما خليته يدري

اني عرفت لاني جيه بعطيه فرصه يتمادا ولكن تعرفون متى المشكله

يوم ياني يعترف بذنبه ويقولي التفاصيل كنت اشوف ايده كارهه تلمسني

ولكن اخذته بحضني وقلتله مسامحتك تدرون كنت امثل وجلبت صدق

وحس اني صادقه حسيت ان مالي غيره ولكن انشرخ قلبي ومن يومها

يسوي المستحيل يرضيني وبعدين رجع للمكالمات مره ثانيه ولكن انا

سويت نفسي مثل الاطرش في الزفه وترى انصح كل بنت تراااااااقب

ريلها ولكن ما تبين انها تدري وتحاول تعيش عادي ولكن اعرف شعوركم

يتم شي في القلب ولكن شو في الايد .

الحين خلونا نتكاتف وكل وحد تكتب نصيحه جربتها وتنصح غيرها فيها

وياليت تكتب القصه وانا اذا شفت تفاعلكم بكتب اكثر وكثر


النصيحه الاولى

1_ اذا اكتشفتي الخيانه لا تبين للطرف الاخر مهما كان شعورك لحفظ

الكرامه .وماء الوجه

اتريااااااااااااااااااااا ااااكم

[دموع الفرح]

جزاك الله خير أختي
أتمنى بنات المنتدى يتفاعلون معاك
ودي أتعرف عليك ممكن ترسلين لي إيميلك على الخاص
عشان أتكلم معاك في الماسنجر
لأني وحيدة وفي غربه

[ام على الدين]

انا كان زوجى مدرس بجامعه و كان بيعطى دروس ....و ما ادراكى من الدروس مع انه ملتزم الى حد كبير و لكن ما ان اخلص من واحده الا و تجينى التانيه وده عبر التليفونات لدرجه انى بقيت الاقى البنات بيضحكوا معاه لما بيعطى الدرس عندى بالبيت و بيسيبوا موضوع الدرس و يدخلوا فى مواضيع تانيه بكون عاوزه ادخل اضربهم و اضربه...و ما ان يمشوا الا و اتخانق معاه.....الا ان فى طالبه مره جاءت الى البيت و انا مش موجوده و كانت ليها مشاكل مع خطيبها(كان مكتوب كتابها) و دخلها البيت فالهانم كانت عاوزاه ضرورى..... و كانت الطامه الكبرى لما عرفت طبعا هو لم يقل لى بس طبعا الواحده ممكن تعرف ان فى حد دخل بيتها و كمان حماتى بتسكن تحتنا و قالت لى........طبعا انا اتخانقت مع حماتى و هو انكر شويه و بعدين اعترف انها دخلت و قعدت تشتكى له و كانت عاوزاه يكلم والدها عشان تفسخ العقد و حلف 100 يمين انو فتح الشبابيك و باب الشقه و طبعا انا واثقه فيه و انو عمره ما يعمل حاجه غلط لكن دمى فار و زعلت جدا و كمان حكيت لاخته اللى الهانم بتكون زميلتها و طبعا اضايقت جدا ان اخوها يعمل كده و لقينا الهانم بتتصل تانى يوم علطول .....قامت بصراحه اخت زوجى كلمتها و قالت لها ان مجيك امبارح و كلامك لاخويا سبب له مشاكل فى بيته و لو سمحت متتصليش هنا تانى......بصراحه و عليها البنت متصلتش تانى
انا من رايى لازم المواجهه و الوصول الى اتفاق فى هذا الموضوع

[نــورة]

عفراء الغيد .. ماشالله عليج مواضيعج دايما حلوووووووووووووووووة

حتى كلمة حلوة والله ماتكفيها حقها

الصراحه انا داشه اهني بس اقرا

ما احس ان عندي شي اقدر افيدكم فيه

على كلا حبيت اشكرج على مواضيعج الحلوة واسلوبج الاحلى

وعسى الله يسعدج انتي وزوجج ولايفرق بينكم ياااااارب ويسعد ازواج المسلمين انشالله

[الام الحنون]

عفراء الغيد تسلمين والله حبيبتي هذا الكلام والنصح الزين احب اقلك ماشاء الله والله اكبر (( المرأه الحديديه )) .....
طبعاً بنتي العزيزه هذه سوايه حرمه عاقله تداري وتتصبر اذا ماقدرت تصبر والزمن كفيل انه ينسيك ترى المرأه تنسى الإسائه وهذا من طيب معدنها ورقة قلبه ....
وانا ان شاء الله راح اطرح الموضوع في مجالسي وراح اسمع رد الحريم واكتبه لكم واكتب لكم ردي الخاص بعد ما اسمع من خمسين عضوه ان شاء الله ...

[al7yrana2]

:confused: :confused: :confused: :confused: :confused: :confused: :confused: :confused: :confused: :confused: :confused: :confused: :confused: :confused: :confused: :confused: :confused: :confused: :confused:

[رومانسيه]

بصراحه قلبي عورني عليج..و حسيت في

مع اني بعدني مب متزوجه و لا مرتبطه..الله يعينج ,,و انا ابتديت اخاف من الزواج و اكره الرجال من كثرما اسمع من قصص خيانه..

الله يعينج و يقويج يا رب...

[العتب]

SIZE=[SIZE=4]والله أنا ما تعرضت لها الشي بس طبعا أثرت طريقتج في حل المشكلة في نفسي وجعلتني أفكر وايد قبل ما أتخذ أي قرار في حياتيي بالمناسبة عن صديقة تعاني من مشكلة الخيانة بس أسلوبها المواجهة والهواش لكن ما في فايدة بخليها تجرب أسلوبج الجميل


وبارك الله فيج وكثر من أمثالج والهمج الصبر والسلوان ....

الداعية لكم ولمنتدانا بالخير دائماً

العتب[/SIZE][/SIZE]

[عفراء الغيد]

دموع الفرح

مرحبا اختي ويجزي كل مسلم ومسلمه

بكل سرور الغاليه والله يرحمج من الغربه انشالله ويانسج

وانشالله احصل تفاعل اكثر .

ام على الدين

مرحبا اختي قريت الي كتبتيه بقلبي وانا حاسه فيج بس تدرين الي

سويتيه غلط لو يتيه باسلوب ثاني احسن انا احس اذا عرف الريال ان

حرمته عرفة والله يتمادى ويمكن تستوي بينهم مشاكل وكلام وموااقف

مش حلوه مع الايام تندمين عليها ولكن يا ترى هوه مشا حاله الحين ؟.


نــورة

مشكوره الغاليه وتسلميلي وشكرا على الدعاء والاطراء الحلو

( عندي معجبين مشالله وانا ما ادري ;) ).


الام الحنون

مشكوره الغاليه على كلامك الحلو

اي حديديه الله يعلم في النفوس والله لو تشوفيني يوم اعرف ان حد

وياه على الخط ادخل الحمام على طووول اصيح ويوم احس اني احسن

ندلع بس الي في البطن ما يعطون مجاااااااااااال بس اكتشفت كم اسلوب

بقوله حسيت انه يخفف شوي من المشكله .


al7yrana2
ياقلبي عليج اتصدقين حاااااااااااااااااااااااا ااسه بج والله

حاااااااااااااااااااااااا ااااااااااااااااااااااااا ااااااااااااااااااااسه .


رومانسيه

فديتج عيوني لا تتاثرين هذي حال الدنيا وشي اهون من شي

وبذكر الله تطمأن النفوس هيه والله يوم بتمرين باي حاله عليج

بالقران والله ينسيج الريل وسواااته بس لا تتعقدين العرس وااايد حلو ;) .


العتب

مرحبا الغاليه سمعي والله العتب وااااايد هب زين لان تقسي القلووووب

وانا دووووم اطلع البريئه الي مغلوب على امري الي ما عرف شي وقلبه

يتقطع عليه وقولي لبريعتج تتبع الي بقوووووووووله وانشالله خير .

[عفراء الغيد]

النصيحه الثانيه

اذا ريلج يتكلم في التليفون

اذا تدرين ان في الطرف الثاني بنت لا تبينيله انج تدرين لا بقولج

عن موقف بالتفصيل والله نفع وانشالله تدعولي .

كان الوقت داخل على8فليل وسمعته يقول بطلع بعد ربع ساعه

عشان يشووووفها هنيه انا ولعت انا اعرف انه يلاقيها في كوفي وما شابه

المهم بس بعيد عن الناس انا يوم شفته جيه كنت توني طالعه من الحمام

نشفت شعري لبست قميص نوم احمر تخيلوا وانا حاااامل شكلي شوي

غلط

بس نفع وتعطرت لين قلت بس وتعدلت رحت يبت الغتره واحتياط بستها

وعلم الروج عليها احتياط يمكن ما يقعد المهم وبعدين قلتله بتطلع قال

انشالله وما مسكت فيه لا قلتله بس استنا ادخنك واعطرك هوه استانس

المهم لين قلت للخدامه تسوي الدخون انا سكرت الباب وعقيت الروب

وقلتله شكلي غلط مع الحمل صح وارفع القميص واقوله لو هو لين اهنيه

احسن المهم بكيد النساء شوي دخل الغرفه وتليفونه يرن يرن يرن يرن يرن

ما حد يرد ولا طلع غير بالباجر .

اما فكرت الغتره جربتها في مره ما رضى يقعد غلبني ولكن رجع شوي

مضايج قال ربيعه خذ عنه فكره مش حلوه واااايد اضااايق وقاله يمكن

الحرمه قاله غريبه لين اليوم ادلعك المهم يعني خربت بينهم وانا طرت

من الفرحه وقلت انا اسفه يمكن الروج يا بالغلط من شوقي لك ما حسيت

بعمري :p

اريد تفااااااااااعل بليز بنات عندي افكااار رووووعه بعد

[samr]

اختي اللي في القلب في القلب المرأة لايمكن تنسى الخيانة بالذات مريت بتجربة قاسية جدا جدا
ذهبت لالولد عند اهلي وزوجي تعرف على وحدة ومكالمات وبعد الاربعين رجعت بيتي اشوف التيلفون يدق ويسكر وحسيت انه اكو شي واستدرجت اللي تكلم وقالت هذا بيت فلان قلت لا لكن انا سامعة صوتك هذا فين فين ياربي خافت وقالت انا قلت نعم انتي قلت ايوه اصل اخوي مسجل صوتك وكل يوم يسمعنا الشريط وانهارت واخذت تبكي طبعا اتصلت فيه وتخانقت معاه اي زوجي وانكر واصبح في حرب نفسية يدخل البيت ويكلم نفسه وقلت له انا اتصلت فيني اليوم وحده وسمعتني صوتك وانت تكلمها وتفاجاء وقال انا قلت نعم ومرض زيادة واخذ يحلف انه لايعرف احد غيري ولكن تاب لا بل تمادى من وحده لوحدة والله اذا سألته انت مرتاح معي يجيب نعم من كل الجهات نعم ودي اقول لماذا تخونني وانا متأكدة انه مايزال يكلم وقلبي يتفطر الله يجبر قلبي انشالله ويلهمني الصبر والسلوان انه قادر على كل شي

[عفراء الغيد]

samr

اختي انا عارفه الشرخ الي في قلبج والله قهر انتي على جيه زين

انا مشكلتي وااااايد مسلامه والمصيبه وااايد احبه وميته كيف اخليه

يكون صادق ويايه احس انته يحبني موت ولكن ليش يكلم وليش وليش ما

ادري .

تدرين ان ريلي يوم يا وصارحني قالي الحمدلله اني ما دخلت وياها في

الحرام قالي انه على اخر لحظه الله حماه من الشيطان اتخيلي قالي

ضميره يعذبه ويبا يتكلم كنت اسمع واسمع ما كنت اقدر ابين الي في

قلبي حولت احتضنه بكل ما فيه لازم اكون قريبه منه هذيك الحظه عشان

ما يحصل بينا شرخ والله والله انه قالي بتفاصيل ذبحتني كيف عرفها كيف

كلمها وتصدقين مش حلوه اقل مني في كل شي ولا بعد قالي كان يتلاقا

ويها في كوفي وبعد يمكن 10 مقابلات وداها الله يستر على الجميع

وقالي الي صار كيف مسك ايدها وبوس وحضنها وبطلي جبدي وقهرني

ولكن قال يوم خلاص ربي حماااااه وقالها رووحي ما ابا اسمع صوتج

المشكله يوم يقولي التفاصيل في راسي وانا الحين والله اني ابينله عكس

الي فيه عل وعسى يعقل ويتغير .

والله اني كرهت البوسه منه اتخيل لحقيره بس شنسوي الله كريم انشالله

[زهر النرجس]

والله الله يصبرك لو انا ادري ات زوجي يخوني والله مااقعدله ولا اسامحه ...حتي لو كنت اموت فيه


وسلامتكم

[مرموم]

الله معك يا أخت عفراء الغيد و الله معك يا أخت *المــــــها*...

أنتو عالجتو المشكلة بمنتهى منتهى الحكمة...مش كل الناس تقدر تعمل هيك ...


الحالة النفسية للمرأة في ساعتها بتكون مدمرة,,,,و الله صعبة واحد اعطتيله كل شيء..كل شيء..ما قصرتي معاه أبدا...عملتي معاه اللي ماعملتيه مع أحد في العالم..راعيتي حقوقه...صبرتي عليه...اتغيرتي بس علشانو...و كل صباح يكون بس همك و تفكيرك كيف تسعديه هذا اليوم من أفكار رومانسية ومن خلطات و وصفات جمال...اتحملتي كتييير...كل هدا بس علشانو..بس علشانو...


و الله الواحد تصعب عليه نفسه في الآخر..يحس ان اللي سوالو كل هدا ما يستاهل..يبدأ الواحد يفقد الثقة في نفسه و اللي حواليه...


الحالة الطبيعية اللي ممكن تحصل بعد هدا انو الواحد ينهار..يترك الجمل بما حمل...


لكن ما شاء الله عنك يا أخت عفراء الغيد..انا اتعلمت من كلامك كتير..حسيت أنك واحدة تحب زوجها و بدها تحافظ عليه حتى آخر العمر...يكفيكي أجر الله لك... أنا مبهورة بيكي...ما شاء الله عنك و عن طريقة تفكيرك..أتمنى من الله أنو يثبتك و يفرجها عليكي.. و يساعدك تنسي كل اللي فات..هو على كل شيء قدير...


راح أضل أتابع موضوعك...


و لك خالص تحياتي و تقديري..

[حـــوراء]

السلام عليكم

مرحبا بنات

اختي عفراء الغيد ... وانا قاعده اقراء الموضوع دموعي بعيني

الله يعينج اختي .. ويعين الجميع .. وماشاءالله عليج .. اللهم لا حسد

صبوره وايد .. واختي المها الله يعوضج صبرج انشاءالله .. وربي يسعدج

بنات انا مااقدر افيدكم بشيء لاني مو متزوجه ..

حسبي الله ونعم الوكيل . عليكم رياييل .. كل هذا وماينفع فيكم

الله يهديهم ... انشاءالله .. ويسعدكم ربي يابنات .. وبالتوفيق لكم

انشااااااءالله .......

تحياتي ..