(l)السلام عليكم ورحمة الله وبركاته(l)
اخواتي الفاضلات ....كيفكم انا اول مره اشارك في هذا المنتدى الرائع والجميل :oولو قعدت حتى بكره وانا امدح فيه ماوفيته حقه وانتم النور كله :o
وهذا المنتدى مايوصف لان فعلا ساعدني كثير وارجوا انكم تعتبروني صديقه لكم:o
حبيت مشاركتي في هذا القسم اني اساعد صديقتي المقربه والغاليه وما ابغى اطول عليكم واقولكم وشي المشكله
بدت مشكلتها في النت تعرفت في الماسنجر على واحد :confused:وكانت ماتعرف شي بالنت وهذا كان يساعدها ويعلمها لكن مع مر الايام حس في ميل لها وكانت هي ماتعطيه وجه لكن مع مر الايام حست انها تحبه وشوي شوي حتى حبوا بعض لدرجة ان كل واحد مايقدر يستغني عن الثاني هو يتمنى اليوم اللي يتقدم فيه لها لكن المشكلهان صديقتي من احدى دول الخليج وهو من برا الخليج وتعرفون صعبه اهلها يوافقون على جنسيه ثانيه والسبب الثاني انه عايش بالغربه وعلى قد حاله واحنا مجتمعنا فيه غلاء المهور وهم بديرتهم مهر البنت ارخص من عندنا المهم مرت تقريبا 6شهور على حبهم وطلب منها رقم جوالها بحكم ان صديقتي ماتدخل كل يوم النت لانها بالكليه وامتحانات رفضت في البدايه لكن مع الضغط وافقت وعطته واستمرت علاقتهم واصبح كل واحد مايقدر يترك الثاني دقيقه وحده هي تساعده وتقومه لعمله وهو يشجعها بدراستها لدرجه صارت متفوقه ويشجعها اكثر من اهلها وابوها اللي مايعرف اي سنه هي المهم جاء يوم واضطر انه يرجع لديرته وفاتح صديقتي انه لازم يتزوج بنت عمه حسب تقاليد عايلتهم صديقتي حزنت كثيير وقعد يقولها انه مراح يستغني عنها ابداوراح ينتظرها لو بعد حين:eek:لحد مالظروف تساعد ويجي يتقدم لها فاتفقت هي واياه بمجرد مايسافر يقطعون العلاقه اللي بينهم وافقوا على كذا جاء يوم السفر وقعدت صديقتي تبكي هي واياه بمجرد ماوصل هناك دق لها تلفون واليوم الثاني اخذ جوال واخذ يرسل لها مسج وراء الثاني لكن صديقتي ماردت عليه لكن هو اخذ يعلق بالرن لحد ماردت وقالت له خلاص مو اتفقنا انك اذا تزوجت ينتهي كل شي قال والله ماقدرت استغني عنك صديقتي شكت بالموضوع الواحد اذا جاء يعرس يتحمس للزواج وشافت منوه مافي اي حماس فقررت انها تصارحه في الموضوع وخاصه انه كم مره يبغى يقولها شي لكن يترددفقالت له صارحني بكل شي عن حياتك فقالها انه في بداية تعرفهم حب يساعدها على النت لكن مع مر الاياح حبها وهو متزوج وعنده اولاد وتزوج بدري يكبرها بخمس سنوات انصدمت صديقتي لكن اللي خفف عليها انه قالها لازم اتزوج ولكن ضميرها عذبها وقعدت في حاله يرثى لها حاولت معها وفعلا قعدت كم يوم لكن ماقدرت وخاصه انه يرسله باليوم 20مسج وحبه لحد الحين بقلبها لانه تتذكر كيف كان يساعدها اكثر من اهلها انا حسيت من كلام صديقتي انه فعلا صادق في حبه لها وخاصه انه ماطلب لاصوره ولا مقابله كان يبغى يساعدها وقالها مراح يتركها حتى يضمن مستقبلها وخاصه انه ساعدته يوم كان في الغربه المهم مرت الايام تقريبا سنه ورجع لديرتها واستمرت العلاقه اكثر من قبل كل واحد فيهم مايقدر يصبر عن الثاني جاتني مره وهي تبكي ماهي عارفه وش تسوي ضميرها يعذبها ولا قادره تتركه شجعتها قامت قفلت جوالها عشان شوي شوي حتى تنساه لكن قام ودق على تلفون البيت الخاص فيها وهو يبكي ويترجاها انها ماتتركه وانه راح يسوي المستحيل عشان يقهر الظروف صديقتي تاثرت فعلا فيه والى الان وهي مستمره معاه ويحاولون انهم يلقون حل لحالتهم هو يبغى يتقدم لكن اهلها راح يرفضون لان الجنسيه تختلف ولا راح يرضون انها تكون الزوجه الثانيه صديقتي صراحه ماتعوض لانها متفمه جدا جدا فاكيد ان زوجته فيها نقص وحصله بصديقتي وانا بذلت جهدي ونصحتها والى الان احاول معهالانهاترفض اي خاطب يجيها بحجة ان قلبها مراح يحب غيره وهو كل شوي رسائل ومكالمات حتى بوقت الدوام يدق عليها شدة انه مايقدر على فراقها وقت الاكل والشرب :s
ياجماعة الخير اسفه على التطويل لكن ابغاكم تساعدوني بحل المشكله وتعطوني رايكم في الموضوع لعل الله يهدي صديقتي ويهديه ويكتب مافيه الخير للجميع وشكرا لكم ولا تنسون عطوني الحل والاراء تهمني (l)