مُذهله مَاهي بس قِصة حِسن عنايتي بنفسي من الالف الى الياء

السلام عليكم ورحمه الله وبركاته
آسعد الله آوقآتكم بكل خير . .
اشحالكم عساكم طيبين
آممم آليوم حبيت آحط موضوع فـ هالقسم من زمان كنت مخططه له وجت الفرصه المناسبه حبيت اليوم اشارككم عنايتي الشتويه اليوميه والاسبوعيه والشهريه حتى تستفيدون الحمد الله انا ماعاني من مشاكل لاني اهتم بنفسي واحاول قد ماقدر انه ماثقل روتيني وجدولي بكثره الاشياء اللي اسويها لانه لاحظت بعض البنات شهر كامل تعتني بنفسها وبقيه الاشهر مافيه أي اهتمام تحط مجهودها بشهر كامل وماتخلي شي ماتجربه هذي موع نايه العنايه لازم تكون مستمره مش يوم ايه يوم لا
طبعاا فصل الصيف يختلف عن الشتا الشتا بزود الجسم يصير جاف وحتى طول الشعر والاظافر ياخذ وقت اكثر عكس فصل الشتا هذا الموضوع هديه لكل بنت تحب تهتم بنفسها عشان نفسها مش عشان زوجها ولا عشان الناس انتقذوها واهداء لكل بنت وزوجه مهمله بنفسها وجمالها عشان تتحمس وتهتم بنفسها واكرر مو عشان احد عشانها هي وعشان لاتسمع كلمه من زوجها تجرحها والا يقارن بينها وبين غيرها او تشوف فلانه متغيره ومهتمه وتجي فلانه متغيره مادري وش مسويه في بشرتها حابه اقولكم لازم تهتمون بانفسكم لانه بينعكس على النفسيه وحابه اقول مافيه بنت مو جميله مو شرط الجمال يكون ببياض البشره المهم تكون البشره متوحده وصافيه هذا المهم عمر الجمال ماكان بس محتكر على بياض البشره السمرا بشوي اهتمام تطلع ولا احلا منها ماتشوفون الفنانات الهنديات جميلات وهم مشهورين بالسمار مع هذا فيهم جاذبيه مو طبيعيه وحتى بعض الفنانات الاجنبيه صاروا يتجهون انهم يسمرون انفسهم عتبي على البنات وخاصه اللي قريب زواجهم ليش ماتهتمون بانفسكم قبل لاتنخطبون ليش لما يقرب الزواج تدورون وتحسون ليش يعني توج تكتشفي العيوب اللي بجسمج وتحاولين تغطيها وتبين في وقت قصير بسرعه الصاروخ تطلعين ملكه صعب صعب جدا البشره الجميله والشعر هذا نتاج سنوات من العنايه مش ليله وضحاها تتغيرون وبالخط العريض اقولها لكم كل وحده تجي تقول امي ماعلمتني وماعلمتني بعض الامهات مايعرفوا وهالشي انتي تتعلميه بنفسج الحين النت والتي في والمجلات ماقصروا ماعتقد فيه وحده ماتعرف كيف تهتم بنفسها بابسط الامور وبصراحه استغرب من اللي اشوفه اهنيه اتفاجاء لما بنت ماتعرف حتى تشيل شعر جسمها وتحط اللوم على امها المسكينه

المهم نجي لعنايتي ترا الموضوع شوي طويل وبتكلم عن البشره واليدين والاظافر والرجلين والمنطقه الحساسه والشعر
نجي للبشره بتكمل عن الوجه فيه
عنايه يوميه + اسبوعيه + شهريه + الاكل الصحي والنظام الغذائي
العنايه اليوميه بالنسبه للاكل الغذاء الصحي يبين على البشره والشعر وعلى حياه الانسان انتبهوا لصحتكم الصحه غاليه وهي امانه ربي عندكم انا ماقول اني بيرفكت وماكل جوكليت وحلويات بس كل شي باعتدال وماكثر اهم وجبه عندي وهي اللي تخليني اكمل يومي المهم انكم تكثرون من الفواكه والخضروات لانها هي اللي تحافظ على جمال البشره والشعر ولو حافظتوا على الاكل راح تلقون نتايج حلوه وماتعانون من مشاكل واهم شي ايضا شرب مايقل عن 8 اكواب ماي موزعه على كامل اليوم الفاست فود هذا اللي صج طامه واللي البنات والعالم طايحه فيه غير انه مو مفيد صحيا ويسبب امراض من كوليسترول وامراض بالقلب ماتدرون شنو من مواد يحطون فيه وهل اللحم المستخدم حلال ولا حرام
والطامه الثانيه المشروبات الغازيه ومشروبات الطاقه مدمره للاسنان والعظام والبشره وغير انه مو مضمونه لاني قريت بمقاله طبيه بعض المشروبات الغازيه تحتوي على نسبه من الكحول
• يوميا على الريق اشرب كوب ماي دافي مضاف اليه ملعقه عسل وعصير ليمون يساعد على تصفيه الجسم من السموم ويصفي الكبد draalmutawa دِراسة: شرب الماء المخلوط بالعسل الطبيعي يُزَوّد العقل بالطاقة ويرفع نسبة التركيز خلال سبع دقائق فقط

وليش لا .. إذا كان رسولنا الكريم عليه أفضل الصلاة والسلام يفعل ذلك قبل أكثر من 1400 سنة.

نصيحة: لا يروح ولدك المدرسة بدون "قفشة" عسل الصبح .. مو بس يرفع تركيزه .. لكن يزيد من قوتّه .. طاقته .. لياقته .. ويقوي مناعته.

من كلام الدكتور الرائع عبدالله المطوع #فيه_شفاء_للناس

الفطور لازم لازم ادخل فيه فواكه او بيض او خضروت مثل البروكلي والخيار والطماط وخاصه الخيار مفيد جدا ويحافظ على رطوبه الجسم وخاصه وقت الجفاف لاتستغربون او اسوي سموثي فواكه مثل ( موز توت اسود فرواله علبه زبادي كاس حليب وعسل ) ينخلطون بالخلاط مفيد جدا خصوصا انه فيه فيتامينات ومواد مضاده للاكسده
وانوع بالفطور حتى مامل وهذي وصفه من عندي مفيده جدا جربوها بالشوفان الشوفامن صحي جدا ومشبع وغني بالاشياء المفيده
2 كوب شوفان المستخدم للشوربات
نص كوب مكسرات مشكله خاصه جوز واللوز وايد مفيدين للبشره والاظافروالشعر
ملعقه بيكنج بودر
ملعقه كبيره قرفه
2 كوب حليب اذا كان عندكم حليب باللوز ( البيذان ) احلا واحلا
4 ملاعق كبار عسل
موزتين مقطعين شرايح ممكن تستبدلونها بفرواله او فواكه مجففه وتضيفيون زبيب حتى تررفعون القيمه الغذائيه
نخلط المقادير الجافه بطاسه ونتركها ع جنب وبعدين نجيب صينيه فرن متوسطه الحجم ونصق شرايح الموز
نسخن الحليب مع الفانيلا والعسل حوالي خمس دقايق ونشيله من ع النار يبرد شوي ونجهز الصينيه بصف شرايح الموز ونحط فوقها خليط الشوفان وفووقها الحليب وع الفرن المسبق التشغيل نحطه بالفرن لمده نص ساعه لين يصير لونه بني ونطلعه يبرد شوي وناكله مع كاس حليب او عصير فرش وممكن تخلونه بالثلاجه وكل يوم تاخذون منه وتسخنونه جدا مفيد ومشبع وصحي
وتقدرون تنوعون لما تسون بيض اضيفوا له سبانخ فرش او خضروات زي الطماط والفليلفه
وخذوا كمشه او بحجم قبضه اليد مكسرات مشكله او تمر ب يكون العدد فردي حتى لا يتحول سكريات
وايضا تقدرون تاكل الخبز مع شوي زيت وزعتر مفيد جدا خاصه للي يدرسون ويقضي على الجراثيم بالبطن
للغذاء لازم صحن سلطه خضروات مشكله زي الجرجير السبانخ الكزبره البقدونس البروكلي الفليفه او صحن خضروات مسلوقه واكل شوي من الاكل اللي انا اسويه بس اهم شي السلطه ولا تكثرون من الصوصات الجاهزه احسن شي تسو صوص مكون من زيت زيتون وليمون وسماق نعناع مجفف او اكليل الجبل او اوريقانو وممكن اضافه بذر الكتان ملعقه صغيره بس يكون مطحون جدا مفيد للي تبي تعرف فوايده تكتب باليوتيوب عنه وقبل النوم اشرب كاس حليب ا واكل تفاحه
الماي لازم 8 اكواب يوميا واذا بسوي رياضه اعطش بزياده
الرياضه لها نصيب بالعنايه يوميا امشي على السير الكهربائي بعد ساعه من الغذا واشرب شاي زنبجبيل بالنعناع او أي شاي اعشاب او اذا ماكان عندي جامعه اسويها الصباح امشي 35 دقيقه على السير وانا لابسه بدله الساونا وبعد ماكون داهنه جسمي بخليط متساوي من زيت اللوز والجلسرين والليمون يشد الجسم الرياضه جدا مفيده تحسن من الحاله النفسيه لللانسان وتشد الجسم وتحرك الدوره الدمويه وتحافظ على شباب الجسم بس مشكلتنا كعرب مانسوي رياضه الا اذا زاد وزنا او صارت عندنا مشاكل بالصحه
ومن ضمن التمارين اللي اسويها هذي التمارين اسمها تمارين جينفير لوبيز بالاضافه الى تمارين شد الصدر صح متعبه بس اللي تبي الشي الزين راح تدوام عليها والنتيجه جسم منحوت اسوي التمارين لمده 25 دقايق او حسب وقتي ساعات يكون الوقت زياده وبما انه ممنوع الروابط اكتبوا باليوتيوب هذا الاسم ويطلع لكم
Top 5 killer exercises for sexy booty, hips and thighs - all you need is an exercise mat (part 1)
والثاني Jennifer Lopez Sexy Full Body Workout


عنايتي ببشرتي
اليومي بشرتي عاديه والمنتجات هذي فادتني مو بالضروره تناسب أي وحده
http://upload.5foq.com/up/13887250322.jpg
اغسل وجهي بغسول والغسول اللي استخدمه هالفتره من etude house بالزبادي هذي الشركه كوريه ومنتجاتها روعه وسعرها مناسب اشتريته من ماليزيا او استخدم هالمجموعه او تو وايت تتكون من تونر ولوشن وكريم مرطب حلوه جدا واستفدت عليها

http://upload.5foq.com/up/13887250323.jpg ا

غسل وجهي مرتين باليوم الصبح والليل بماي فاتر واخذ شوي من الغسول وافركه وجهي فيه بحركات دائريه ومانسى الرقبه وبعدين احط تونر ( اغلي بانونج مع شاي اخضر وشرايح ليمون وبعد مايبرد اضف كبسوله فيتامين أي واصفيه واحطه في ببخاح وبالثلاجه يوميا استخدمه واتركه يجف او اسوي لي عصير خيار مع شاي اخضر وكبسوله فيتامين روعه ويهدي البشره وينعمها واخر خطوه ارطب وجهي بكريم الكولاجين
http://upload.5foq.com/up/13887254671.jpg
[l]وايد مفيد ويعطي ملمس مخملي وبالليل استخدم سيروم الالو ايفا او زيت جنين القمح واسوي مساج ومانسى منطقه الرقبه
http://upload.5foq.com/up/13887250324.jpg

http://upload.5foq.com/up/13887261223.jpg
وجربت من قبل كريم جرجنز للوجه حلو بصراحه ويرطب وانصح فيه اللي بشرتهم جافه بس عيبه ريحته مو حلوه وشوي يدهن بس من ناحيه النعومه يشفع له

http://upload.5foq.com/up/13889888981.jpg
البنات اللي يشتغلون ويتعرضون للشمس بكثره واللي يطبخون ويتعرضون لااشعه الكمبيوتور لازم يستخدمون واقي شمس حتى يتنجبنون اضرار الشمس والحراره وماتسمر بشرتهم ويعانون وافضل واقي شمس بايوديرما

وهذيلا مناديل مرطبه من جونسون استخدمها لازاله الميك اب او امسح وجهي فيهم خصوصا وقت الصيف وانظف فيهم العلب حقت الميك من برا
http://upload.5foq.com/up/13889890501.jpg

وبعد الكريم ارطب منطقه العين بكريم كلينك all about eyes م صار لي فتره استخدمه ومرتاحه عليه اهم شي تنتهبون من الهالات السوداء
ف اسباب هالمشكله المستفحله واسبابها وايييد سبب لون الدم الوريدي تحت الجلد وكسل بالدوره الدمويه وافتقار الجلد المحيط تحت العين الى الدهون
قله النوم والسهر لساعات متاخره
قله شرب الماي والاكثار من الشاي والقهوه والنسكافيه
يمكن يكون سبب الهالات وراثيه
احتقان بالجيوب الانفيه
الريجيم المتكرر
الانيميا ونقص الحديد وبعض الفيتامينات مثل ب12 وب 6 وفوليك اسيد
التعرض لااشعه الشمس
مشاكل بالجهاز الهضمي زي الالتهابات والقولون والامساك
مشاكل بالدوره وتاخره وتكيس المبايض
قله ممارسه الرياضه
الحاله النفسيه والعصبيه والتوتر والقلق
العلاج
النوم يابنات ثم النوم لازم تنامون 8 ساعات يوميا بالليل مو بالنهار نوم النهار غير انه مو مفيد للجسم هو سبب لقله الرزق
فحص للدم وللجهاز الهضمي والتنفسي والهرمونات
شرب ماي يوميا لتر الى لترين لازم لازم حتى يحصل الجسم على كميه الكافيه من الاوكسجين
استبدال الشاي والقهوه بمشروبات الاعشاب زي الشاي الاخضر وشاي الزنجبيل وشاي اليانسون والبابونج والمراميه
تغيير نظام الاكل لازم يوميا على الريق كوب ماي دافي مع ملعقه عسل وعصير نص ليمون يصفي الكبد والجسم من السموم
بعدها تاخذون ملعقه عسل مع حبه سوداء مطحون وياليت يكون الفطور حليب وتمر او تمر وعصير برتقال وفواكه
على الغذا ويوميا حاولوا تاكلون صحن سلطه خضراء مكون من سبابنخ وجرجير وبروكلي اخضر وشبنت وكزبره وبقدونس والدريسنق عصير ليمون وملح وسماق ومع الايام ببتعودين عليه هذي السلطه مفيده للشعر والبشره خصوصا انه تحتوي على حديد ومكونات مهمه للجسم
الاكثار من اكل الشمندر او البنجر واقروا عن فوايده والاسماك والكبده والفليلفه والحليب والمكسرات والطماط والفواكه اللي يكون لونها غامق
لاتفركون عيونكم باليد بطريقه قاسيه
المشي يوميا على الاقل ساعه ونص
لاحطيتي ميك اب لانسينه وتنامين فيه لازم تمسحينه
اكل الزبادي يوميا مع ملعقه صغيره من بذر الكتان ولا تكثرون من بذر الكتان بس ملعقه صغيره اما اللي عندهم حساسيه من منتجات الالبان يستغنون عنه
عمل كمادات شاي اخضر مرتين باليوم تكون دافيه بعدين بارده لانه الشاي الاخضر يحتوي على مواد مضاده للاكسده
شرائح الخيار أو البطاطا كمادات حول العينين مدة 20 دقيقة.
او كمادات ماي ورد
ماسك مفيد للهالات السوداء
ملعقه طعام من النشا
ملعقه طعام من ماي الورد
ملعقه طعام من الخميره الفوريه
ملعقه طعام من الحليب الفاتر
ربع ملعقه صغيره من زيت اللوز المر
ملعقه طعام من عصير الخيار تاخذين خياره وتحطينه بالعصاره ولا ترمين اللب
نخلط النشا وماي الورد ونضيف عليه الخميره ونخلط ونضيف الحليب ونخلط ونضيف زيت اللوز ونخلط واخرتها عصير الخيار
الحين تجيبي قطعه شاش وتقصينها مربع وتغمسينها في الماسك وتحطينه على عيونج وتسترخين وتركين مده 7 دقائق وعقب غسلي تحت عيونج باستخدام اسفنجه ناعمه مبلله بالماي يستخدم مرتين بالاسبوع

وايضا هذا الماسك لتنعيم المنطقه تحت العين
2 ملعقتين خيار مبشور بدون القشر
ملعقه كبيره حليب بودره
ملعقه صغيره عسل خلطيهم زين وحطينهم بالشاش على عينج وعقب شيلي نفس طريقه الماسك اللي قبله

يوميا لازم نرطب منطقه العين قبل النوم ونحط الكريم بواسطه اصبع الخنصر ونحط كم نقطه على عظمه العين من تحت ونحاول نحط الكريمه بطريقه الطبطه ه
من الكريمات اللي جربتهم واعطت نعومه وتغيي بمنطقه العين بس يبي لها استمرار كلينك
all about eyes
وكريم كلارينس


اقشر وجهي مرتين بالاسبوع بعد ماغسل وجهي استخدم هالمقشر التقشير مفيد للوجه يزيل الجلد الميت وينعم البشره ( 2 ملاعق كبار سكر بني + ملعقه كبيره كاكاو بودره + ملعقه كبيره نسكافيه + زيت اللوزالمر + عسل لين شوي يصير ثقيل واحطه على وجهي وافركه بحركات دائريه واغسل وجهي بماي فاتر وبعدها احط واحد من هالماسكات او اسوي هالماسك اللي على هالرابط
محطوط بالمواضيع المثبته
او ساعات ماسوي ماسك بعد التقشير اغسل وجهي بماي بارد بعدين احط الكريم المرطب
هالماسكات طيينه من فري مان طبعا انا اخلص ماسك ماسك استمر عليه لين يخلص وابدي بالماسك الثاني حتى اشوف النتيجه
http://upload.5foq.com/up/13887250325.jpg
اغسلي اسناني بمعاجين مختلفه كل فتره انوع واحب الانواع ارم اند همر ادفانس وايت وكرست ثري ديت وايت وسونسداين للاسنان الحساسه وامضمضهم بمضمضم ليسترين وقبل النوم ادهن اللثه بشوي زيت زيتون وامضغ ورق نعناع ماصورته لانه قريب رايح فيها
الشفايف شي مهم بالوجه وايد يعانون من تشقق وسواد وجفاف اهم شي تقشرونها اقشرها مرتين بالاسبوع سكر بني وعسل وزيت اللوز
وبعدين ارطبها باي مرطب مثل مرطبات بودي شوب بزبده الشيا وجوز الهند ونيفيا واي ا واس روعه هذيلا عكس لابيلو التعيس المرطبات اشتريتهم من الول مارت وتحصلونها بامازون او من التاجرات

لجسمي استخدم أي واحد من هالشاور والشاورات المعطره مو يوميا
http://upload.5foq.com/up/13887275741.jpg
مجموعه باريس امور من باث اند بودي وركس
او مجموعه رين دربز من اجمل
http://upload.5foq.com/up/13889894741.jpg
او غسول طبي من افينو وضروري بعد الشاور لازم استخدم بودره وهذيل من اجمل رين دروبز وسكيرد لوف تطلع الريحه حلوه
ترطيب حتى مايجف البشره ويصير خشونه بالجلد
http://upload.5foq.com/up/13887275743.jpg
الترطيب استخدم بعض الاحيان زيوت للجسم انا ارطب جسمي قبل النوم وبعد الاستحمام واركز على المناطق اللي تحتاج عنايه مثل زيت اللوز وجلسرين وزيت الورد
http://upload.5foq.com/up/13889895761.jpg

يتبع لحد يرد

او زبده الشيا من بودي شوب بعد ماقشر جسمي بنفس المقشر
او نيفيا او جونسون ريحته روعه واحط معاه شوي من مسك العروسه من عبد الصمد القرشي واحط من المسك بامكان النبض وبين الصدر وساعات مسحه خفيفه للشعر ريحته تهبل تهبل
http://upload.5foq.com/up/13887262421.jpg

http://upload.5foq.com/up/13887275744.jpg

او هالسبراي والزبده من جوسي كوتور ريحته روعه

http://upload.5foq.com/up/13887258993.jpg

او هذيلا بروايح شرقيه ورنيم من اصغر علي للصدر وبين الفخوذ

http://upload.5foq.com/up/13888068923.jpg

او كريم غارنيه بالعسل والحليب كريم خفيف اسمه انتانسف سفن ديز حلو ويرطب

http://upload.5foq.com/up/13889889551.jpg
من الاشياء اللي بجدول العنايه لكل بنت لازم التقشير مرتين بالاسبوع ليش التقشير التقشير يساعد على نعومه البشره ويخلي الشعر اللي تحت الجلد يظهر
هو ازالة خلايا أو طبقات معينة منه لحثه على انتاج خلايا وطبقات جديدة خالية من المشاكل المراد علاجها مثل التخلص من ألوان (تصبغات ) غير مرغوب بها أو ازالة الندب الناتجة عن بعض الأمراض الجلدية مثل حب الشباب أو التخلص من التجاعيد الجلدية الخفيفة الى المتوسطة وقد يستعمل التقشير كعلاج جزئي أو كلي لبعض الأمراض الجلدية مثل الكلف أو النمش أو حب الشباب والتقشير اللي استخدمه يعتبر تقشير سطحي اما تقشير عميق يكون في عيادات طبيه ويستخدمون الليزر او احماض الفواكه او التقشير الكريستالي حسب حاجه ومشاكل كل بشره
احب اقشر جسمي بهذيلا المقشرات وكل مره اجرب غير ملح الحليب مع كريم كاب اللي البعض يحبها والبعض يذم فيها بس انا بالنسبه لي احبها بصراحه وشفت نتيجتها علي وبعض الاحيان استخدم مقشرات من ماركات مختلفه مثل ذا بودي شوب او استيفز او مقشر منزلي مثل مقشر بنت عذراي خلطه مبروك ومقشر شهر العسل جربتهم وللامانه استمريت عليهم اكثر من سنتين والنتيجه روعه واكيد راح ارجع اكرر التجربه
طريقتي بالتقشير ابلل جسمي بماي دافي واخذ شوي من المقشر اللي يكفيني وافرك جسمي فيه بحركات دائريه وبعدين اتحمم عادي بالشاور جل وبعدين اغسل جسمي بماي بارد نوعا ما واخر خطوه اكيد الترطيب لانه تقشير بدون ترطيب مافيه فايده والتقشير استخدم القلوفز من ذا بودي شوب بس اقشر بنعومه من دون ماكون عنيفه
http://upload.5foq.com/up/13887261222.jpg
كل عشر ايام اسوي حمام مغربي وهذي العده المستخدمه بعض الاحيان استخدم صابون مغربي اسمه بيرفكت واحس صابون مغربي هو اللي يجي جامد مو سائل حتى لما تقلبينه مايطيح وبعض الاحيان استخدم اللي بالكركم مع صابونه الطاوس وسنفره كريم كاب واكيد اللليفه المغربيه اللي مانستغني عنها بس نسيت ماصورها و
http://upload.5foq.com/up/13887275742.jpg
بتكلم شوي عن الحمام المغربي وفوايده اكيد الكل يعرف فوايده ونتايجه بس فيه بعد ناس للاسف ماتعرف شي عنه بعض البنات يفكرون الحمام المغربي له وقت معين بس للمناسبات زي خطوبه او زواج مع انه العكس هو لكل وقت لازم نسويه بمناسبه او دون مناسبه

1.. إنقاص الوزن وإفراز المياه الزائدة
2.. ينشط الدورة الدموية ويفتح لون البشرة
3.. يذيب الشحوم المترسبة على المفاصل
4.. يزيل الإرهاق العضلي والعصبي
5.. لتجديد ورفع كفاءة الأداء والتركيز في العمل
6.. يحتفظ بحيوية ونضارة جسمك وبشرتك
7.. يؤخر ظهور التجاعيد بالجسم .
8.. يساعد على إنقاص الوزن وإفراز المياه الزائدة .
اهم شي قبل لانسويه مانكون جوعانين او عطشانين وماننصح الحامل تجلس وقت واجد مو زين له ولا تسوينه وقت الدوره ابد ابد مو زين قبل لاتسوونه اشربوا كميات ماي وايد عشان لايصير عندكم جفاف لانه راح تتعرقون
طريقتي اعبي البانيو ماي ساخن جدا لين نصه واسكر منافذ الهوا النوافد والباب عشان يكتم الهوا ويصير الحمام معبي بالبخار
اخذ لي شوي من الصابون المغربي اللي يكفيني واضيف له شوي ماي ورد وبانونج مطحون واكليل الجبل مطحون
ادخل البانيو بعد ماكون وزانت الماي عشان اتحمله واقعد فيه حاولي 15 دقيقه وساعات ازود لين احس جسمي صار حار واستغل الوقت اغسل شعري بالشامبو واحط لي ماسك بوجهي
واخذ من الخلطه واوزعها على كامل جسمي وماخلي مكان يعتب علي وبحركات دائريه اسوي مساج واخليه مده من 10 الى 15 دقيقه واكون ناقعه الليفه بماي حار قبل بوقت وبعدها اغسل جسمي زين ما زين بالماي الدافي واحاول افرك بيديني حتى يروح الصابون ومايكون فيه بقايا واخذ الليفه وافرك جسمي بشويش من تحت لفوق باللليفه وبعدها اجيب لمقشر واقشر جسمي فيه واغسل جسمي اخر شي بماي بارد حتى تتقفل المسام ولما اطلع ارطب جسمي بمرطب قوي مثل زبده الشيا من بودي شوب او باث اند بودي وركس او أي مرطب قوي وبعد الحمام بشوي اشرب لي ماي وايد او اسوي لي عصير ليمون مع نعناع واحط فيه زنجبيل وياسلام على الانتعاش والروقان
نجي للايدين واليد زيها زي الجسم تحتاج الى عنايه فائقه لانها بسرعه يبين عليها العمر نصيحه نصيحه لاتستخدمون الصوابين لغسل اياديكم عندكم غسول خاص للايدي انا عن نفسي احب غسولات باث اند بودي وركس ريحتها روعه وخفيفه ماتنشف ايدي
وقت غسيل المواعين والتنظيف لازم البس قلوفز حتى ماعدم يدي وارطب يدي بعد كل صلاه يعني 5 مرات يوميا
ومن المرطبات اللي استخدمنتها مرطبات بودي شوب ومرطب لوكستيان بزبده الشيا جدا روعه ومرطب كلارينس للاسف خلص ومرطب نيفيا
http://upload.5foq.com/up/13887261221.jpg
مرتين بالاسبوع اقشرها باي مقشر عندي وقبل كتبت المقشر اللي استخدمه لوجهي استخدمه ليدي واسوي ماسك لتغذيه اليد ( عصير برتقاله + فنجان زيت اللوز + فنجان زيت جنين القمح + فنجان زيت جنين القمح + كبسوله فيتامين أي+ ملعقتين كبار عسل ) من بنات افكاري هالماسك روعه وينعم ويفتح مع الاستخدام بعد ماقشر يدي احطب فرشاه انا اشتري فرشاه للوجه رخيصه واستخدمها للماسكات تلقونها بدايسو وادهن يدي فيها والف يدي بورق السلوفان واحط فوقه فوطه دافيه واخليه ربع ساعه وممكن تلبسون قفازات قطنيه واغسل يدي بماي صحيح بتصير اليد دبقه بس لاتغسلونه بصابون

وللاظافر مره بالشهر اسوي بوديكير _ مونيكير بس يوميا استخدم هالمقوي بالشاي الاخضر وانصحكم بمنتجات سالي هنسن ومقوي الاظافر من مافالا ويوميا افرك اظافيري بنص ليمونه او معجون اسنان وافركهم بالفرشاه تبيض الاظافر وادهن الاظافر بزيت زيتون واسوي مساج لهم ولتقويه الاظافر وتطويلها انصحكم تاخذون فص ثوم تقسمونه وبعدين تفركون الاظافر فيه صح ريحه بس بعدين تروح لاغسلتوه والله العظيم مع الاستخدام يطول ولما ابردهم احاول المبرد يكون زي الفلين مادري وش اسمه ولاتستخدمون مبرد حديد يجرح الاظفر
http://upload.5foq.com/up/13887266531.jpg
http://upload.5foq.com/up/13887268011.jpg
للرجلين هذي اغراض العنايه من ذا بودي شوب وفري مان ملح لنقع الريول ومقشر وكريم مرطب وماسك بالنعناع انقع رجليني بماي دافي واحط ساعات فيه بابونج او من هذا الاملاح او بيكنج صودا وشرايح ليمون يريح وبعدين اقشره بالمقشر وافرك بالحجر واحط الماسك واخليه ربع ساعه واخر شي الترطيب
http://upload.5foq.com/up/13888068925.jpg
http://upload.5foq.com/up/13887258992.jpg
وهذيلا مرطبات من فري مان
http://upload.5foq.com/up/13887266532.jpg
للشعر شعري طويل ونوعه عادي
اغسل شعري 3 الى 4 مرات بالاسبوع مو اكثر من جذيه لانه كثره غسل الشعر تضره وماتخليه يفرز الزيوت المفيده والشامبو كل 4 شهور لازم يتغير وبعدها ارجع لنفس الشامبو اللي فيه طريقتي ابلل شعري بماي فاتر مو ساخن انتبهوا الماي الساخن يخلي الشعر وايد دهني ويسبب تساقط وقشره مع الايام واخليه يكون مبلول عدل واخذ شوي من الشامبو بعد ماكون مخففته بماي واغسل شعري فيه بحركات دائريه باطراف الاصابع وبعدها اشطف شعري زين بالماي واكون مجهزه ماي معدني اضيف له خل او ليمون حاليا استخدم شامبو ايفا بالصبار
http://upload.5foq.com/up/13887271132.jpg

وبعض الايام استخدم بانتين والبلسم مو دايم لما احس شعري محتاج له وبديل الزيت نفس الشي

http://upload.5foq.com/up/13888072512.jpg

وبعد الاستحمام استخدم هالمحلول كامينوموتو الياباني وماله ريحه هو مسرع ومقوي روعه واستفدت عليه امي جربته وشعرها ماستجاب له عكسي استخدمه مرتين باليوم الصباح وبالليل

http://upload.5foq.com/up/13887254673.jpg
ازيت شعري مرتين بالاسبوع وحاليا استخدم زيت الصبار من الو ايفا واستخدمت انواع وايد زي زيت اكليل الجبل وزيت الثوم والحبه السوداء والحلبه وغيرها اهم شي يابنات تستمروا على الزيت لين يخلص حتى تتاكدون من النتيجه ولا بالصوره زيت الكركم للشعر وفيه اس اغليه بماي وبعدين استخدم لما يبرد اذا شطفت شعري والابيض البودره ترمس استخدمه لوجهي لماسكات

http://upload.5foq.com/up/13887269321.jpg

http://upload.5foq.com/up/13887268012.jpg


يتبع لحد يرد

تنلقون لغيره الا بعد مايخلص اخذ شوي من الزيت واحطه بحمام مائي ساخن شوي يعني ادفيه وبعدين امشطي شعري وااحط من الزيت بس ابتعد عن الفروه واحطه على الجذور ومنابت الشعر والفه واخليه ساعتين واحط فوقه القبعه البلاستيكه وفوطه دافيه او فيه هالشي من امازون قبعه حراريه تقدرون تطلبونها واغسل شعري بالشامبو المعتاد وبعد ماطلع اجفف شعري بدون مالمسه اخليه يجف لحاله بالفوطه واذا جف تمام امشط شعري وطريقتي افرده قسمين ومن تحت لفوق ابدي امشطه بشويش وبعدين اجيب شعري لقدام كني بركع وامشطه من تحت لفوق هالحركه تحرك الدوره الدمويه يمشط خشبي من ذا بودي شوب اسنانه وواسعه واستخدم هالفرشاه اسمها تانقل تيزر يعني بدون تشابك وتلقون مثلها في نزيه ورخيصه وماتخلي الشعر يطيح ونصيحه المشط اسبوعيا نظفوه وغسلوه بصابون وشوي ديتول وغطا المخده كل اسبوع تغيرونه
http://upload.5foq.com/up/13889901221.jpg
ومره اللى مرتين استخدم حمام زيت فاتيكا او ماسك الفيف من لوريال او انا اسوي زبادي وعسل وسدر وشوي ليمون ماستخدم السدر وايد لانه يجفف الشعر ولازم ترطيب بعض الاحيان استخدم مسحه من تونر فازلين الازرق القديم او مسحه من كريم بالمرز بزيت الزيتون
http://upload.5foq.com/up/13887258991.jpg
http://upload.5foq.com/up/13888068922.jpg
طبعا شعري ماستشوره الا بالمناسبات واحط هالسيروم من رويال الفيف البرتقالي الاول كنت استخدم سيروم كريستال والحين غيرت السيروم احط منه شوي على الاطراف
وهذي المخمريات اللي استخدمها لشعري مو كل يوم استخدمها استخدمها مرتين او 3 مرات بالاسبوع وبالمناسبات
http://upload.5foq.com/up/13888068921.jpg
اخيرا المنطقه الحساسه ومعذبه قلوب البنات ومخليتهم يفقدون الثقه بنفسهم ليش مادري يابنات مو مهم المنطقه تكون بيضا وايد قد ماتكون بدون ريحه ونظيفه انا ماقول لاتحاولون بتفتيحها لكن بالعقل كل مادخل منتدى القى اغلب المواضيع عنها وكيف العنايه وعلى الرغم من كثره المواضيع الا انه نفس المشاكل والاستفسارات القاها بمنتدى عروس ونفس التحذيرات بس وين اللي يسمع اهم شي الوحده تكون واثقه من نفسها
اول خطوه بالعنايه الغسول الغسول لازم غسول طبي مو غسول تجاري او أي غسول تستخدمونه وانتبهوا من كثره استخدامه يعني لاتسوين نفسج البنت النظيفه وتستخدمينه كل يوم بالعكس انتي راح تعانين من الافرزات والحكه وبدل ماتكوني صلحتي شي خربتي كل شي استخدموه مره الى مرتين بالاسبوع مو اكثر لانه هالمنطقه حساسه جدا وفيه بكتيريا نافعه من الغسولات اللي استخدمتها وارتحت عليها غسول فيم فرش وغسول فيجسيال واستخدمت كير فري تعيس جدا مو حلو مو حلو سبب لي حكه فظيعه ووقفته طريقه الغسول ناخذ شوي منه ونخفف منه بماي ونغسل المنطقه من برا فقط ومن دون ماتدخلونه داخل وتغسلون بماي فاتر
واغلب الايام اتشطف بهذي الاعشاب مامنها ضرر بابونج واكليل الجبل وميراميه اخذ شوي منهم واضيف لهم ماي مغلي واخليهم عشر دقايق واصفيهم واتشطف فيهم بعد مايكون الماي دافي

http://upload.5foq.com/up/13889914981.jpg

جففوا المنطقه بعد قضاء الحاجه واشدد ع هالنقطه الرطوبه يابنات تطلع ريحه جففوا المنطقه
لاتلبسون الا ملابس قطنيه وحاولي ماتلبسينه وقت النوم بس البسي سروال خلوها تتهوى المسكينه واذا كنتي متزوجه عادي لاتلسين طول اليوم ظلي بالسروال ولا تلبسين طول اليوم الدانيتيل او الحرير الا بالاوقات احم احم

اشربوا اشياء ساخنه مفيده مثل الزنجبيل النعناع القرفه الشاي الاخضر البابونج اليانسون وقشر القهوه اليمنيه
وابتعدوا عن الاكل اللي يسبب ريحه يعني خخفوا منه زي البصل الثوم الملفوف المشروبات الغازيه الاندومي
وقت الدوره اهم وقت لازم تضاعفون الاهتمام بهذي المنطقه اهتموا للاكل اللي تاكلونه وبالقسم فيه مواضيع وايد طلوا عليها
وهذا نقلته لكم واضح اني تعبت من كثر ماكتب


المحظورات ايام الدوره: هذي ناقلتها من موضوع عشان تستفيدون

:1- النوم إلى القايلة وعدم الأستيقاظ باكراً وتناول الفطور حتى يمتلىء البطن بالهواء

2- حمل الأشياء الثقيلة مع الدورة (والأفضل لاتشيلين شيء ثقيل لامع الدورة ولا بعدها )

3- المشي حافية القدمين على ارض باردة سواء سيراميك او رخام او بلاط

4- الجلوس على مكان بارد

5- شرب الاشياء الباردة او الايسكريم (الدم الفاسد والوسخ يحتاج الى اشياء حارة تنزله فكيف ينزل وتنظفين اذا تشربين بارد او أيسكريم )

6- أكل الخضار والفواكه اللزجة مثل الباميا القرع الموز الملوخية المانجاوغيرها

7- أكل وشرب الحوامض مثل الليمون والبرتقال

8- شرب اللبن واكل الزبادي والاقط والجبن الحامض


9- شرب المشروبات الغازية وأكل المعلبات
10- البرودة لازم تدفين (عدم التعرض لأي تيار هوائي ويفضل الأبتعاد عن المكيف والمروحة وحتى مروحة الشفط اللي بالحمام طفيها )

11- الجوووع اللي تسوي رجيم توقفه أيام الدورة وأيضاً التخمة يعني لا تاكلين زيادة عن حاجتك

12- عدم الاهتمام بالنظافة الشخصية (لاتغسلين منطقة المهبل بالماء والصابون )

13- الاستحمام ايام الدورة (اذا لازم مسحي جسمج بفوطة مبللة وغسلي شعرك ولكن انتبهي من الهواء بس أهم شي الايام 3 الاولى لاتتسبحين فيها


بنـــــــات::

اهمالك لنفسك ايام الدوره فيها دمار لمستقبلك
لحياتك الزوجيه القادمه باذن الله
انتشار الطلاق نصه من ورا هالسالفه
فووق الاصوات اللي تطلع(اعذروني على المصطلح) السوائل والالتهابات

لاتقولين ويه عادي ولاتهتمين فتره وتقطعين لااا !!



بالنسبه لازاله الشعر انا كتبتها ميه مره اهنيه من خلال ردودي على البنات اللي تبي تشوف ردودي تدور بالمنتدى
هذي اغراضي غسول فيم فرش وبودره فيم فرش وديدورنت فيم فرش ماستخدمه يوميا بس مرتين والبودره حوالين الفخود من برا فقط انتبهوا لاتدخلونها داخل وهالبودره خاصه للمنطقه

http://upload.5foq.com/up/13887250321.jpg

http://upload.5foq.com/up/13887254672.jpg

وهذي الديتول الاخضر انقع فيه ملابسي الداخليه وبعدين اجففهم واكويهم واعطرهم بمسحه من عود او عطر عربي وابخرهم واحطهم باكياس اورجانزا وادخلهم بدرج خاص لهم مع ظروف للريحه تلقونها بسنتر بوينت واللي جنبه مناديل مرطبه من كير فري حلوه اذا طلعت استخدمتهم ويخلوني فرش اذا مالقيت كير فري استخدم مناديل الاطفال لانها ناعمين جدا

http://upload.5foq.com/up/13888068924.jpg
وبعد الدوره استخدم مسك اسود من عبد الصمد القرشي بس مرتين بعد الدوره ومفيد جدا وماراح اقول فوايده اكيد تعرفونه للحامل ولللالتهابات وتثبيت الرحم وسنه الرسول صلى عليه واله وسلم وتعطير المنطقه اخذ منه شوي واحط منه في ماي واجيب قطنه وامسح المنطقه كامل والمتزوجه تدخله داخل انا ساعات ادخله بس يحرق البنت لاتسويها بس من برا فاهمين لونه اسود سايل وريحته شوي مو حلوه بس سبحان الله لما يدخل داخل يصير ريحته حلوه وغالي شوي انتبهوا من أي مسك مغشوش ولا تستخدمون الابيض الابيض فقط لتعطير الجسم

http://upload.5foq.com/up/13888079281.jpg
وبجذيه انتهى موضوعي والله تعبت بالكتابه وتنزيل الصور وهم من تصويري وجهدي الشخصي اتمنى مايضيع تعبي وتحطموني ماتردون على مواضيعي وترا هالموضوع لكم مو لي والرجاء ذكر الله حبايبي مافيها شي ماشاء الله تبارك الرحمن اللهم صل على محمد وال محمد

صراحه موضوعك اكتر من رائع.....بتك الله مجهودك.....انا بعمل كتير اشايء من اللي انت تسويها بس اكيد مو كلها...ممكن نقول 50 % والحمدلله راضيه عن نفسي ماعدا بعض الاشياء البسيطه اللي ان شاءالله الاقي لها حل جذري...

ما شاء الله تبارك الله ولا حول ولا قوة الا بالله العلي العظيم
الله يحفظك يا رب جهد جبار وشرح وافي وواضح
جوزيتي خيرا يا قمر
والله يهنيكي بعنايتك بنفسك
تم لايك والتقيم رافض لاني قريب قيمتك فحجيب لفة وبرجع لك

موضوع رائع ومتكامل.

جزاكي الله عنا كل خير.....تستاهلي:08::08::08::08::08:عل� � موضوعك المميز:

[BACKGROUND="70 #CC0000"]أنفاسك دخون : ما ادري كيف اشكرك
كل اللي اقدر اقول لك جزاك الله خير على كل سطر و كل معلومة

موضوع كامل مكمل و جهدك الرائع واضح فيه

تشجعت اجرب منتجات اكثر من فريمان ، ما جربت الا المرطبات و زمان البيل اوف ماسك
و بعد المناديل من جونسون ، احسها بتكون صحية اكثر لانه اكيد خالية من الكحول

عنايتك رائعة و واضحة و مستحضراتك متوفرة

الف شكر لك انفاسك دخون ، دايما دايما اضافاتك مميزة و لمساتك بالركن لا تنسى

موضوع اكثر من رائع و مميز ، تم الختم و التثبيت [/BACKGROUND]

تبارك الله عليك يا نفاسي ماشالله سبقوني لبنات في ختم الموضوع انا سرحت معاه و لما كملت لقيتهم ميزوه والله تستاهلي هذا واكثر عندي اولا اول مره اكتشف زيت الكركم للشعر فياريت تذكريلنا فوايده و ماتقييمك لحمام زيت فاتيكا لاني شفت منو و ترددت
و لللللللللللللللللللللاييي ييييييييييييييييييييييييي يييك و تقييييييييييييييييييييييي يييم لول

ماشاء الله

شكرا جزيلا لك

بارك الله فيك


نصائحك مهمه
أكيد راح نستفيد منها
ولك أجر كل بنت إن شاء الله تستفيد من نصايحك

شكرا

ماشاء الله تبارك الرحمن اللهم صل على محمد وال محمد

موضوع رائع ومتكامل عنايتك رائعة :perfect:
يسلمو عالنصائح والمعلومات القيمة
الله يعطيك العافية وبارك الله فيك

آلف شكر آنفاسي دخون .. موضوعك جميل ومفيد

تحياتي

موضوووووع رائع تبارك الله
الله يزيد ويبارك حبيبتي
احلى لايك لعيونك

دُمتَمْ بِهذآ الع ـطآء أإلمستَمـرٍ

يُسع ـدنى أإلـرٍد على مـوٍأإضيعكًـم

وٍأإألتلـذذ بِمـآ قرٍأإتْ وٍشآهـدتْ

تـقبلـوٍ خ ـآلص إحترامي

لآرٍوٍآح ـكُم أإلجمـيله

ما شاء الله

عنااايه متكااامله فعلا

ربي يهنيج الغاليه ابدعتي

ربي يعطيج العافيه وتم التقييم


...

موضوووع أكثر من رائع

وشكلي بتبع نصايحك انتي وزهرة الاوركيد بوقف استخدام غسول كير فري لاني استخدمه يوميا :D

بس الي استغربته انه ما نشرب ليمون وما ناكل روب وقت الدوره :( عاد هالشي احبطني لاني يوميا اشرب ليمون وعسل ويوميا يا اكل روب او اشرب لبن :s

واسفه بس عندي استفسار يعد :D هو بخصوص الرياضة يعني الحين هالتمارين وحدة منهم مدتها ٣ دقايق والثانيه ما تتجاوز العشره دقايق يعني بس ف اليوم الواحد تسوينها بس هي ؟ ولا تعيدينها كذا مرة ؟ ولا تسوين وياها تمارين ثانيه ؟؟
وتستحقي التميز والتثبيت اللي عطوكيا ما شا الله
ولك احلى لايك وتقييم :*