الملل قتلني .. كيف أقنع والدي ؟!

السلام عليكم و رحمة الله و بركاته ..

أخواتي الكرام ,, مشكلتي هي ,و باختصار .. ان أنا كل الخطط الي كنت ناويه استغل الإجازة بها ,

ماكتبها ربي ..

السفر و ماسافرنا !

ترم صيفي , و الكلية مافيها ترم صيفي :(

كنت باخذ دورة إنقليزي , و رحت و اختبرت , و كل المعاهد قالوا مستواك مرتفع ماشالله ,

ماتحتاجين :(



صرت اشغل وقتي بالنت لحد ماأدمنته و كرهته ..

دورت على وظيفه , و برضو مالقيت ..

جتني فكره ! .. ليش ماأقدم على تدريب صيفي ..! خصوصاً ان عدد من صديقاتي , يتدربون حالياً ..!

المشكله , ان الوالد رااافض تماما الحديث في هذا الموضوع , و مع ذلك كلمته مره ثانية و برضو رفض !!
هو يقول اني لسه صغيره _ و أنا خلصت المستوى الرابع في الجامعه ! _ المهم اني وجدت ان التدريب فرصة ماتتعوض , و بتفيدني في مستقبلي كثير و انا بصراحه الملل موّتني .. ذبحني .. !,, بس المشكله في ابوي ,, مو مقتنع و لامعطيني فرصة حتى اني أكلمه !!:confused:

إلى متى ؟؟؟:(

[GRADE="0000FF 00BFFF 00008B FF1493 4169E1"]تدريب إيش؟
بعدين شهالكلمة(إلى متى ؟؟؟)ها؟
ماالمشكلة حبيبتي والدك يرفض لايريد،إذن أطيعيه
ولاتكررين الطلب سيصر على رأيه هداكي الله،لماذا لاتسجلي في حلقة تحفيظ؟
اتفقت بنات حينا وسجلن فالتحفيظ فهذا الذي سينفعكي غدا
تنويه:كتبت حرف الياء في بعض الكلمات كهداكي وهي خاطئة ولكن لأوضح لكي لأنه حرف علة[/GRADE]

فديت قلبج يأختي .. انا بجاوبج على كل نقطه ذكرتيها ..وعقب بقولج شتسوين ..

اقتباس:

---

المشاركة الأصلية كتبت بواسطة دولفينه

السلام عليكم و رحمة الله و بركاته ..

---

وعليكم السلام ورحمه الله وبركاته ..

اقتباس:

---

أخواتي الكرام ,, مشكلتي هي ,و باختصار .. ان أنا كل الخطط الي كنت ناويه استغل الإجازة بها ,

ماكتبها ربي ..

---

قدر الله وماشاء فعل .. الحمد الله على كل حال ..:D

اقتباس:

---

السفر و ماسافرنا !

---

حتى احنا .. تخيلي كنا بنحجز وكل شي بس جدي توفى .. الحمد الله على كل حال ..

اقتباس:

---

ترم صيفي , و الكلية مافيها ترم صيفي :(

---

أنا بعد جامعتي مافيها صيفي لبنات الهندسة فماخذت ..:D ومستانسه لانه أكيد خيره .. عشان مايجي الكورس الجاي وانه في كرف الدراسه .. يعني اعتبريها اجازه من غير دراسه .. :D عشان تردين الكورس الجاي بجماس و تجيبين في كل المواد A>> ان شاء الله ياااااااااارب

اقتباس:

---

كنت باخذ دورة إنقليزي , و رحت و اختبرت , و كل المعاهد قالوا مستواك مرتفع ماشالله ,

ماتحتاجين :(

---

الحمد الله حبيبتي هذي نعمه من الخالق .. أحمدي ربج و شكريه على نعمه ..قال تعال:(( وان شكرتم لازيدنكم ))

اقتباس:

---

صرت اشغل وقتي بالنت لحد ماأدمنته و كرهته ..

---

Me ToOoO
:(

اقتباس:

---

دورت على وظيفه , و برضو مالقيت ..

جتني فكره ! .. ليش ماأقدم على تدريب صيفي ..! خصوصاً ان عدد من صديقاتي , يتدربون حالياً ..!

المشكله , ان الوالد رااافض تماما الحديث في هذا الموضوع , و مع ذلك كلمته مره ثانية و برضو رفض !!
هو يقول اني لسه صغيره _ و أنا خلصت المستوى الرابع في الجامعه ! _ المهم اني وجدت ان التدريب فرصة ماتتعوض , و بتفيدني في مستقبلي كثير و انا بصراحه الملل موّتني .. ذبحني .. !,, بس المشكله في ابوي ,, مو مقتنع و لامعطيني فرصة حتى اني أكلمه !!:confused:

---

أختي والله التدريب ممل .. أنا كنت مشتطه ابي اتدري في الصيف ورحت وكل شي .. بس مايهتمون فيج وايد على اساس انه في الصيف معظم الموظيفين في اجازه وعندهم ضغط عمل .. وحتى لو عطوج شي يكون مملل كابرزنيشن .. >> كنت مجبوره اخذ لاني تبع شركه ادرس على احسابهم .. وابوج الله يخليه لج اكيد خايف عليج وماينلام .. أنتي جوهره ثمينه عنده مايقدر يضيعها ..>>هالكلمه قالها لي ابوي يوم بغيت ادرس برع ..






أختي و حبيبتي .. سبحان الله فكرتي في كل شي ينفع مستقبلج و اكيد نسيتي شي بينور طريقج وبيشغل وقتج و بينمي مداركج و يزيد من ايمانج وان شاء الله يقربج من الله ...

ليش ماتحفظين كتاب الله .. وترتقين ان شاء الله ..

على طاري حفظ القران تدرين يوم كنت بأول ثانوي((أصعب مرحله )) كنت احفظ قران وادرس وسبحان الله جبت أعلى نسبه جبتها في مراحل دراستي كلها جبنت 98% يعني صج القران يفتح المخ ماشاء الله ...

والله يوفقج ويسعدج وينور دربج ان شاء الله

انتي يعني حالتج مثلي
انا اذكر من فتره قدمت على شغل مؤقت او تدريب في شركة من الشركات
وابوي في البداية كان معاي وموافق اني اقدم
بس بعدين لما نادوني انقلب علي وقال لي لا وماعندج سالفه ومادري شنو واهتمي بدراستج
وليش تبين تتعبين عمرج ويعني هالكلام
وانا صج صج انقهرت، مو عشان شي، بس عشان انه في البداية قال لي ايه وبعدين غير رايه، وانا كنت صج صج متحمسه للفكره
خصوصا اني من النوع اللي ابي اطور من نفسي وآخذ خبره، وكنت قابله اني اشتغل بدون فلوس وطبعا هذا حال اغلب التدريب بدون راتب

المهم، الحين الحمدلله تخرجنا
وانا ناوية اني اقعد جم شهر جذي فاااضيه بدون شغل ولا شي
ومابي اشغل عمري وافكر في اي شي، وابي اريح بالي بدون اي تفكير ان وراي دراسه ولا شغل ولا بروجكت خخخخ تعقدت من الجامعه
وخصوصا ان شهر رمضان مابقى عليه شي فحبيت اني استغله احسن استغلال

هو اذا ابوج مب راضي فما اتوقع ان في شي بيقنعه، او يمكن انابعد مادري بس انتي اكثر وحده تعرفين شخصيه ابوج

طيب انتي الحين شوفي لج اي مركز في منطقتج فيه دورات او محاضرات دينية واشتركي فيه، منها تتعرفين على ناس غير وتغريين جو وتستفيدين
وممكن تسجلين في معهد تدرسين لغة فرنسية مثلا، اذا كانت لغتج الانجليزيه ممتازه
او تقدرين تاخذي كورسات عن طريق النت او حتى تتعلمين لغة في النت او من الكتب
وبعد تنزلين لج كتب وتقعدين تقرينهم

يعني عندج خيارات وايد

وبعدين بما ان انتي في الجامعة الحين فأتوقع ان الاجازه مابقى شي وتخلص وترجعين للدوام
وعندج الحين رمضان ممكن يعتبر تغيير عن الروتين اللي انتي متملله منه

رمضان على الابواب اشغلي نفسك بالعباده

واول ماخلص رمضان يجي العيد

ويوم 11 تبدأ الدراسه

وحتنشغلي

صح كلامي ولا لأ :)

عيون الفهد

دولفينه

رائعتي ... قدر الله ما شاء فعل ... توكلي على الله ... رائعتي حتى ولو لغتك الانجليزيه توب ...
فدخلي فلا ضير في ذلك ... فاللغة عالم تبحرين به ... رائعتي نحن عرب ولغتنا الام عربية ولكن
من المستحيل ان نكون توب بها فلابد من نواقص بلغتنا الأم ... ولن يمنعكِ المعهد من الدخول
إجباري ...

رائعتي اباك له نظرته الخاصة ... ويجب احترامها وتقديرها ... ولا انصحكِ بالاصرار أمام رغبة ابيك
فتحدث ما لا تحمد عقباه


أختك العتب

السلام عليكم ورحمة الله وبركاتهط

اولا" طاعه ابوك واجبه عليج ولو مافهمتي ليش قال لا

ثانيا" الاساس ان المرأه مكانها البيت"وقرن في بيوتكم" هاذا قول الرحمان وهو اعلم مني ومنك

ثالثا" من قال ان قعدة البيت ملل ... يعني اذا مافي شغل ولا دراسه مافي شي..؟؟؟
صدجيني لو تلتفتين حوالينك بتلاقين الف شي
يعني من يساعد الوالده فشغل البيت واستقبال الضيوف خصوصا" ان رمضان على الابواب...؟؟؟
تقدرين تطبخين او تساعدين فالبيت
تقرين قرآن و اي كتاب مفيد
تقدرين تمارسين اي هوايه....

رابعا"عن ابن عباس أن رسول الله صلى الله عليه وسلم قال لرجل وهو يعظه: « اغتنم خمسا قبل خمس:

شبابك قبل هرمك، وصحتك قبل سقمك، وغناك قبل فقرك، وفراغك قبل شغلك، وحياتك قبل موتك

احط الف خط تحت فراغك قبل شغلك
بكره لما تتزوجين باذن الله تعرفين انك بدورين الوقت دواره
يعني والله اني اموت على ساعه اقعج فيها فاضيه ماعندي شي


فكري بكلامي زين لان تفكيرج هو مشكلتك مو ابوك لان الدنيا م مثل ما انتي ظانه اما دراسه او شغل
الحياه احلى من كذا بس لو عرفتي لها

اممممم دولفينه

اختي احمدي ربج على كل شي

ومدام الوالد موب راضي يعني ما بيرضىى!!

هذا حال كل الاباء وعموما هم الصواب في الاغلب

اممم المهم انتي شكلك راكبه راسك والا تبين تدريب

اهوه زين وشين في نفس الوقت يعني تقضين وقت بس بتتعبين على الفاضي لا معاش وتقدير من الموظفين

اممممممم المهم فيه شغلات وايد ممكن تسوينها وانتي في البيت ما تتخيلي اي كثر

اذا ما تعرفي تطبخيي تعلميي !! خخخخخخخ خوش فكره طبي على منتدى الطبيخ\

اشغليي ايديك بشئ يدوي مثلا كروشيه ادري بتقولين شعرفيني والله ممل بس ترىى فيه افكار حلووه ممكن تسوين لك ورود ودزاينات حق غرفتك

اممممممم اقراي روايات وقصص بكتب مو في النت على قولتج مليتي النت

اممممم طلعي ويا صديقاتك

زوري اهلك

امممممم سجلي دورات سباحه او gym في نادي رياضي حتى لوكنتي ضعيفه كلش!! شو المانع

خخخخخخ انه بالنسبه ليي هالاشياء مجربتنها بحكم انيي متخرجه وانتظر التوظيف ان شاء الله بعد رمضان ادعوو ليي

والانسان لازم فيه يوم في حياته فاضي ويوم مشغول!!

جداً سعدت بردودكن أخواتي ..
قد تكون مشكلتي بسيطه , لكن يعلم الله اني ملييييت لأني وحدانية , و اخواني الشباب عاملين البيت فندق , أمي و ابوي , مالهم إلا نفسهم .. طلعاتهم لوحدهم و اذا أحد دخل البيت , سكر على نفسه الغرفه و ماله شغل بأحد (w)
أنا قسمي طبي , و لازم استغل الفرص بالصيف , لأن التدريب بيفيدني مو بس بمستقبلي للوظيفه , حتى للدراسه :(
الله يعين بس

إن شالله برد عليكم وحده وحده :

اقتباس:

---

تدريب إيش؟
بعدين شهالكلمة(إلى متى ؟؟؟)ها؟
ماالمشكلة حبيبتي والدك يرفض لايريد،إذن أطيعيه
ولاتكررين الطلب سيصر على رأيه هداكي الله،لماذا لاتسجلي في حلقة تحفيظ؟
اتفقت بنات حينا وسجلن فالتحفيظ فهذا الذي سينفعكي غدا
تنويه:كتبت حرف الياء في بعض الكلمات كهداكي وهي خاطئة ولكن لأوضح لكي لأنه حرف علة

---

جزاك الله خير , أنا بديت أراجع قصار السور في الإجازة و في نيتي أكثف من الحفظ برمضان .. أحب أحفظ القرآن من دون ماأسجل بحلقة تحفيظ , لأني قادرة على الحفظ و انا في بيتي .
و لاتنسين قول الرسول عليه الصلاة و السلام : ساعه لربك و ساعه لقلبك .
(f)



أميرة الذوق .. اسم على مسمى .
عظم الله أجرك و غفر لجدك يارب (f)
الحمدلله على كل حال , و جزاك الله خير .

اقتباس:

---

طيب انتي الحين شوفي لج اي مركز في منطقتج فيه دورات او محاضرات دينية واشتركي فيه، منها تتعرفين على ناس غير وتغريين جو وتستفيدين
وممكن تسجلين في معهد تدرسين لغة فرنسية مثلا، اذا كانت لغتج الانجليزيه ممتازه
او تقدرين تاخذي كورسات عن طريق النت او حتى تتعلمين لغة في النت او من الكتب
وبعد تنزلين لج كتب وتقعدين تقرينهم

يعني عندج خيارات وايد

وبعدين بما ان انتي في الجامعة الحين فأتوقع ان الاجازه مابقى شي وتخلص وترجعين للدوام
وعندج الحين رمضان ممكن يعتبر تغيير عن الروتين اللي انتي متملله منه

---

الكلام سهل , بحثت و مالقيت شي يناسبني .. إمل بسبب الموقع , أو التكلفة المادية .. إلخ إلخ
بديت أتعلم من النت , بس مثل ماقلت اني أدمنته و كرهته ,لأن المغريات واجد , و تلقين نفسك متصلة ساعات و بعدين ماطلعتي بشي مفيد :( .. لدرجة اني اذا فارقت الشاشه أحس بصداااع
مايروح إلا لما استخدم الكمبيوتر من جديد , و انا على هالأساس ببتعد عنه .
باقي على نهاية إجازتي , شهر و 10 أيام :ss: (f)(f)

اقتباس:

---

رمضان على الابواب اشغلي نفسك بالعباده

واول ماخلص رمضان يجي العيد

ويوم 11 تبدأ الدراسه

وحتنشغلي

صح كلامي ولا لأ

---

صح كلامك ..يعلم الله كم أنا مشتاقة لرمضان .
المسألة بالنسبة لي مو إنشغال و بس .. المسأله استغلال فرصة و الخروج من الإجازة بإنتاج !
(f)

اقتباس:

---

رائعتي ... قدر الله ما شاء فعل ... توكلي على الله ... رائعتي حتى ولو لغتك الانجليزيه توب ...
فدخلي فلا ضير في ذلك ... فاللغة عالم تبحرين به ... رائعتي نحن عرب ولغتنا الام عربية ولكن
من المستحيل ان نكون توب بها فلابد من نواقص بلغتنا الأم ... ولن يمنعكِ المعهد من الدخول
إجباري ...

---

أختي العنب أنا معاك , أتمنى و الله .
أغلب المعاهد رفضت تفتح كورسات علشاني , يقولون انتي طالبه وحده بس و صعبه نفتح كورس كامل علشان وحده !.. بل في منهم قالوا لي , اذا بتطورين لغتك , ادرسي بالخارج :ss:
(f)

اقتباس:

---

السلام عليكم ورحمة الله وبركاتهط
اولا" طاعه ابوك واجبه عليج ولو مافهمتي ليش قال لا
ثانيا" الاساس ان المرأه مكانها البيت"وقرن في بيوتكم" هاذا قول الرحمان وهو اعلم مني ومنك
ثالثا" من قال ان قعدة البيت ملل ... يعني اذا مافي شغل ولا دراسه مافي شي..؟؟؟
صدجيني لو تلتفتين حوالينك بتلاقين الف شي
يعني من يساعد الوالده فشغل البيت واستقبال الضيوف خصوصا" ان رمضان على الابواب...؟؟؟
تقدرين تطبخين او تساعدين فالبيت
تقرين قرآن و اي كتاب مفيد
تقدرين تمارسين اي هوايه....
رابعا"عن ابن عباس أن رسول الله صلى الله عليه وسلم قال لرجل وهو يعظه: « اغتنم خمسا قبل خمس:
شبابك قبل هرمك، وصحتك قبل سقمك، وغناك قبل فقرك، وفراغك قبل شغلك، وحياتك قبل موتك
احط الف خط تحت فراغك قبل شغلك
بكره لما تتزوجين باذن الله تعرفين انك بدورين الوقت دواره
يعني والله اني اموت على ساعه اقعج فيها فاضيه ماعندي شي
فكري بكلامي زين لان تفكيرج هو مشكلتك مو ابوك لان الدنيا م مثل ما انتي ظانه اما دراسه او شغل
الحياه احلى من كذا بس لو عرفتي لها

---

و عليكم السلام و رحمة الله و بركاته ..
عارفه اختي ان طاعة ابوي واجبه , علشان كذا أنا أطلب طريقه "لإقناعه" و ليس "لإجباره" !
و الوالده مادرت عني مثل ماذكرت بأول الصفحة , يوميا نهار و مسا بالنادي أو .. أو ..
و انا لي شهرين جالسه اسوي الي تقولينه , أقرأ قرآن أو كتاب الخ .. الخ , لاتتوقعين انه الشي هذا ماخطر على بالي .. الي مو فاهمينه اني أرغب في أن" أستغل الفرصة و أطور من نفسي " و ليس مجرد إنشغال و السلام .
ثانيا \ ( و قرن في بيوتكن ) مو معناها حبس النساء في المنزل .
ثالثا \ ( اغتنم شبابك قبل هرمك ) طلع شي صعب مو سهل , و هذا الي أنا جالسه أحاول أسويه.
صدقيني الكلام سهل جدا , بس وحده بعمري عندها 24 ساعه لاشغله و لاعمله و لاأنيس و لاشي ! ..:(
(f)



أميره عند زوجي
شكراو الله يعجلك بالوظيفة ان شالله (f)



أكرر شكري , ممتنه لكن .

الله يعينك يا اختي
والله من جد قهر
ادري انه ملل وودك تنتجين بالعطلة
بس والله مافي بالي شي

كل شي قالوه البنات

تفنني بالطبخ أو ختم القرآن .. لان رمضان على الابواب .. احس لج من التدريب ولا الصيفي عاد من زين جوونا يجيب المرض ..أستغفر الله ..