-
اتمنا الحل تعبت تعبت
الشكر لكي اختي على وقتك وجهدك
المشكله اني مطلقه وابني يعيش مع اهله سبق وتعرض لتحرش من احد اقاربه بالبيت قبل سنتين
تعبت ونهرت واتصلت بوالده فكرت ارجعه عندي بس ماقدرت ظروفي ما تسمح سكت ودفنت هالالم بقلبي وانا اردد حسبي الله ونعم الوكيل بسبب اهمال والده له مرت الايام والحمد لله احس ابني نسا الموضوع ولا يردد علي اي شي ابد ولكن مو مرتاح من معامله اهله طبعا اخواتي واهلي عرفو عن الموضوع ومحد وقف معي غير بالكلام بس محد وقف معي .. بعد هالسنين زرت اختي بالبيت ابنها الصغير دايما تضحك عليه لانه يفصخ ملابسه عمره سنتين جلس ولدي معاه ومع بنتها يلعبون البنت طاحت وقامت تصيح والولد كعادته يفصخ ملابسه ويمشي بالبيت .... ولدي دخل عليه ابو الولد قال ليش مفصخ والبنت ليش تصيح ؟؟ تجي اختي تقولي الشغاله تقول ان ولدي مفصخ ولدها وانتبهي يا اختي وخليك ام واعيه لا يسوي مثل ما صار له قبل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ انا بكيت يوم قالت اختي هالكلام لاني متأكده من ولدي ومتأكده انها هي تعترف ان ولدها يفصخ نفسه من زود الشطانه ؟؟؟؟ تعبت قلت لها انا استأمنتكم سر ولدي والحين تتحاشون ولدي والمشكله ان اختي هذي كنت احسب انها مقربه لي حسيت انها اليوم انها مو قد ثقتي فيهم كلهم شمتو فيني وبولدي ؟؟ ارجو من الحل والمشوره لاني تعبت .. احس بخوف وعدم امان ...
-
هلا اختي ابنك كم عمره؟
وشنو الظروف اللي خلتك تتخلين عن امومته
-
ابني الان عمره 10 سنوات والموضوع هذا حق التحرش كان قبل سنتين
الظروف اني تحملته لين صار 6 سنوات وماكان ابوه لا يسال ولا يصرف عليه
يوم طلبه ابوه فرحت وحسيت انه ممكن حس بالمسؤليه واستخرت وراح عند اهله
بس ابوه اهمله يوم راح عنده من حكايه انه ما يجلس معه وقت طويل وكذا
امي وابوي متوفين وحسيت لاززم اتفرغ لمستقبلي واشتغل واشتغلت
بس تعبت ان الي قلت لهم السر صارو يحذرون مني الحين وخفت مستقبلا يعايرون ولدي
لو صار شي ؟؟
-
حبيبتي انا من رايي انج ترجعين الطفل معاج وتتفقين مع ابوه انه ياخذه مرة او مرتين في الاسبوع
وبعدين موضوع التحرش ماعليج منه اذا هو نسى الموضوع وخلاص بس من الافضل انج تروحين لطبيب نفسي تسألينه او حتى لو تتصلين على دكتور نفسي بالتلفون وتسألين عن الآثار النفسية المترتبة على هذه الحادثة وشلون انتي تقدرين تتصرفين معاها
اما موضوع انه الناس اللي اعرفوا السر بعايرونك على موضوع انتي مو بيدج هذا قدر ومكتوب والحمدلله عليه ما عليج منهم اهم شي تعززين ثقة ابنك في نفسه
وعموما ً الطفل ذو ال 10 سنوات يكون شقي زيادة وهذا لانه يحب يلعب ويكتشف فلا تجعلين حساسيتج من موضوع التحرش تأثر عليه وعليك
الله يوفقج ان شاء الله
بس اهتمي في ابنك اكثر خليه حولك لا تخلينه يبعد عنك وانتي اللحين تشتغلين يعني تقدرين تصرفين عليه ارحميه من الهم اللي هو فيه عند ابوه ترى ولدج مو حاس بالاستقرار معاه
-
مشكوره اختي على النصيحه والله يجعلها في ميزان حسناتج راح اعمل بالي قلتيه بس يرجع عندي الولد صعب الله يعيني يارب ... بسألج من من حركات ابوه انه يبي يرجعني يحاول يتودد وانا تطلقت منه من 5 سنوات وافكر شلون ارجع فشله قدام الناس رايحه راده لاني رجعت قبل ظليت عند اهلي سنتين ورجعت .. وظعي صعب صاير وضع ابوه صار صعب بس ما تنازل يقولها انه يبي يرجعني ..تزوج وجاب عيال وطلق وانا محد تقدم لي واتزوج وانساه حاسه ابي ارجع له بس ماعرف شلوون ولدي رايح راد علي هو في مدينه وانا بمدينه ثانيه .. تعبت وماعرف شسوي ..
-
والله حبيبتي اذا رجعتك لطليقك فيها خير لك ولابنك لاوالله الا ترجعين وما يهمج كلام الناس
وبعدين اذا انتي مهتمه بالناس الناس شنو سووا لك كله كلام في كلام حتى اهلك اقرب الناس تكلموا عليك وعلى ابنك اسمعي كلامي وما عليج من الناس الناس تتكلم على الفاضي والمليان
ارضاء الناس غاية لا تدرك
شوفي صالحك وين وسويه بس عاد لما ترجعين له هالمرة غيري من اسلوبك وغيري من نفسك وحافظي على بيتك وزوجك وابنك لا تصيرين ريشة في مهب الريح
حاولي تحولين كل اللي صارلك قبل على انه تجربه لازم تستفيدين منها ترى والله يااختي المراه مو كل يوم لها زوج
انا اعرف وحدة متزوجه من 15 سنة وما عندها عيال وتطلقت وتمت بيت ابوها 3 سنوات وما قولج تقدموا لها وايد بس هي اللي ترفض وسبحان الله عقب هال 3 سنوات رجعت لزوجها وتبنوا لهم ياهل وكاهي عايشة ومتهنيه
شوفي انا أؤمن بالنصيب والقدر واحس انه زوجك هو قدرك ونصيبك اختي انا من رايي ترجعين لها بس اذا انتي تحسين غير هالشي شوفي اللي يرضيك واللي في صالحك انتي تعرفين زوجك عدل وانتي اللي لازم تقيمين الوضع واذا على الناس مثل ما قلت لج ما عليج من احد خصوصا ً وانج يتيمة
الله يوفقج ويسعدج ان شاء الله