-
هل صحيح!!!
بنوتات في شي سمعته ومادري اذا هو صح او لا ممكن كلنا نتشارك ونشوف كل وحده شنو رايها ومعلوماتها بخصوص هذا الشي..
انا اللي سمعته انه الولد ياخذ كثير من امه شكليا وخصوصا الأول
والبنت تاخذ من ابوها!!
هل هذا صحيح؟
واللي كانوا حوامل وولدوا ارجوا انهم يشاركون ويقولون لنا هل البيبي الولد يشبها او يشبه زوجها.. وشكرا
-
مو شرط
انا عندي ولد وشبه ابوووووووووه بالضبط
وحتى حامل مرض نقص الخميرة مثل ابوه يعني ما اخذ شي مني
وما اعتقد ان هالكلام صح
-
-
هلا حبوبة ...
انا توني والده .. ولدي نسخه من أبوه:confused: وما خذت من الحمل إله التعب :sad: الحمد الله ... بس ما أعتقد الكلام إلي سمعتيه صح ...
وشكراً ...
-
ممممممممم والله مايندره
الظاهر ان ياخذ من الأثنين والله اعلم بعد
بس انا ياريت ولدي يطلع يشبهني هههههههه لأن زوجي اسمر
يلا اهم شي ولد بصحة وعافيه
-
انا الي اعرفه والله اعلم
ان اذا غلب ماء الرجل على ماء المرأة يصير الطفل اقرب في الشبه الى الاب والعكس
انا للحين ماجاني اطفال حتى اشوف شبه منو راح يطلع >>>الله يرزقني ويرزق كل محرومة
وطلع شبه الام او شبه الاب اهم شي الطفل بصحة وسلامة
-
السلام
والله انا ولدي طبق الاصل ابوووووووووووه
التعب لنا والشبه لهم
-
انا بنتي بكريتي سبحاااااااان الله شبه ابووها بتمم بس مااخذ البياض مني
وولدي سبحاان الله احسه يشبهني اكثر لكن اسمرااني
والي يجي من ربنا كوويس
-
هلا اختي ...
يمكن صح ويمكن غلط ...
في الغالب ربيعاتي اشوفهم ثلاثة بناتهم كوبي وطبق الاصل من ازواجهم ....
وخالاتي بكرهم نفس الشي طبق الاصل من ابوهم ....
عسى اللي ببطني يطلع كوبي من ريلي حبيبي ....
-
انا للحين ما عندي بيبي بس اتمنى لو الله رزقني يكون طفلي شبة ابوة فديت عمرة لان اتوقع اني بموت علية اكثر واكثرررررررر ...
يارب يرزقني ياهل شبة ابوة خلقا وخُلقا
وبالنسبة للاكثريه الولد دايما يطلع لخيلانه .. يقولون الخال جذاب ,,
والبنت تطلع لابوها بس تتغير دايما في الاخير تصير شبهه امهاا
<= - خبيرة خخخ
-
اني بعد حمودي يشبه أبوووه عدل عدل
حتى الكل الا يشوفه يقول ليي نسخه من أبوه ما خده شي منش
وهو أول ولد عندي وماعندي غيره
-
مو لازم يكون الإعتقاد هذا صحيح بس ولدي الأول نسخة مني
يعني حلو ههههههههههههههههههههههههه هه
والثاني نسخة من أبوه سبحان الله العظيم
الله يخليهم لي يا رب قولو آمين ...........
-
بكر اختي ولد وهو نسخة مصغرة طبق الأصل من ابوه .. سبحان الله
نفسي اجيب ولد شبه ابوووووه بالضبط .. وبنت نسخه مني ههههه
يارب
-
انا ولدي سبحان الله نسخة طبق الاصل من ابوه حتى الحركات والميول وكل شئ حتى حماتي تقول ان ابوه كان كذا وهو صغير ... سبحان الله
-
أنا بعد سمعت هالكلام ولاحظت إنه ينطبق على عايلتنا 100% أولاد خواتي البكر طالعين يشبهون خواتي وأقرب في الشبه لنا ،، وعندي أخو بجره بنت وطالعة نسخة منه وأخواني الثانيين بجرهم أولاد وطالعين شبه أمهاتهم :)
يعني إذا البكر ولد يطلع شبه أمه وإذا بنت تطلع شبه أبوها،، بس مو ضروري إن هالكلام ينطبق على الكل