انا متضايقة قولولي شو اسوي؟؟؟

السلام عليكم ورحمة الله وبركاته


خواتي واغلى من خواتي عضوات احلى منتدى ...


خواتي انا متضايقة وايد ومب عارفة شو اسوي...


مشكلتي اني مالجة وعرسي بيكون آخر شهر 7 وانا زوجي مب عارفين نتفاهم عشي مشكلته انه على اي كلمه اقولها يسوي مشكلة وعلى كل شي يسوي مشكلة مايخلي الامور تمشي ببساطة ووايد مهموم ويفكر ويأجل الامور وايد وامس استوى بينا مشكلة عشان السفر وقالي ماتوقعت انج بتزعلين عسبت سفر وانا انفجرت ورديت عليه بكلام يزعل وانجرح من كلامي وزعل ولين الحين زعلان قالي انا مب زعلان بس انا اعرفه يوم يكون زعلان والدليل انه ماكلمني اليوم واتصله ومايرد عليه قولولي شو اسوي ؟؟؟ المشكلة ان العرس آخر الشهر واذا قتله أجله بيزعل مني لانه مأجلينه من قبل وانا احسني مب مستعده للزواج ونحن مب متفاهمين يمكن هالمشاكل تستوي ونحن بعيدين عن بعض ومانعرف نتفاهم بالتلفون ولا يمكن في أشياء تستويله وانا مافهمته عدل بصراحة انا ماعرف شو اسوي وماقلت حق اي حد عن هالسالفة لا امي ولا خواتي بس حبيت افضفض يمكن حد مر بنفس تجربتي ويقدر ينصحني ؟؟؟


:sad::sad::sad:

حبيبتي عاااااااااااادي تصير وايد ... وصارتلي انا ... وبعطيج الحل اللي طلعني من هالمشاكل..
انتي عرسج وايد قريب .. حاولي تفهمينه انكم لازم ماتكلمون بعض لييييييييين العرس عشان تشتاقون حق بعض ويوم العرس يشوفج ولافي قلبه شي واذا في شي ضروري ضروري خل يطرش مسج او انتي طرشيله مسج ... وصدقيني لما تكونون مع بعض بعد العرس ان شااااااء الله بتخف هالمشاكل وااايد ....
سوي اللي قلت لج عليه وبتدعينلي...
الله يوفقج حبوبه

لا تخافي اختي.............

كل الازواج كده يكونون معصبين لانهم يفقدون حريتهم

صلي استخاره و ادعي الله ييسرلك امرك و ان شاء الله خيييييييييييييير

حبيبتي العصبية نتيجتها مو حلوة
لذالك بهاي الفترة حاولي انج ترتاحين لان العرس قرب واعصابكم شوية بقلق لذالك حاولي ما تكلمون بعض وانتم معصبين لو مضايقين وربي يسهل عليكم
ان شاء الله

مرحبا اختي

ريلج مشغول ومضغوط يمكن لان العرس قريب

وريايل كلهم فيهم نفس الطبع دومهم هم الصح وحريمهم الغلط ... سايريه وقوليله كلامك الصحوانا ماحطيت هالشي فبالي وسوي اللي تشوفه زين "كبريبه دووم" وجيه بتقل مشاكلكم وبترتاحين ... بتقوليلي في اشياء واايد يسويها غلط وبقولج اعرف بس ععليج بصبر وحواللي باللي تقدرين عليه بس بطريقه ما تنرفزه ... ومدحي فيه لين ما يقول بس .... وكوني ساعده اليمين في كل شي لاتخلينه يخطو خطوه وانتي مب وياه في نجاح هذي الخطوه ...

بيخليج فعيونه وبتعيشين احلى عيشه

اسمعيني وما بتندمين هذا اللي يبونه الازواج
نصيحه اخيره لا تحطين في خاطرج ولا تكلمينه لين العرس عسب ما تكبر المشاكل

فكري بالايجابيات اللي فيه وانسي سلبياته اذا تبين تحسين بطعم الفرح

والله يوفقج ان شاء الله

خواتي مشكورات عالكلام الي يريح بس الحين فليل واتصله مايرد عليه واطرشله مسجات مايرد وانا وايد متضايقة عالاقل يرد يطمني عليه معقوله لهدرجة قلبة قاسي ولا كل الرياييل جي ...

هذي المشاكل وايد طبيعية ولازم تصير لانكم للحين ما اخذتوا على بعض وعرفتوا بعض

يعني انت تتوقعين انج اول ما تتزوجين بتكونين فاهمة زوجج

لازم المشاكل تصير

بس انت غلطتي لما رديتي عليه بكلام جارح

لا تعودين نفسج من الحين على هالشي

رسلي له مسج واعتذري منه

بس لا تلحين في الاتصال

خليه هو اذا هدا بيكلمج

ونصيحتي لج اقراي كتاب: الرجال من المريخ والنساء من الزهرة دام انج مقبلة على الزواج

ولا تاجلين العرس

واعتبريها مشكلة وبتعدي

حالها حال اي مشكلة راح تواجهج في المستقبل

بس نصيحتي اذا لقيتي زوجج عصب سكتي

لا تردين حتى لا تشعللين الوضع

الغالية انا اعتذرت منه وايد


يعني من رايج ما ارد اتصل ولا ارسل مسج لين باجر واذا باجر ما اتصل ولا سأل شو اسوي؟؟؟

الله يعينج اختي انا مريت بنفس ظروفج كنت التمس له العذر وياليت ماصبرت وطلبت الطلاق قبل العرس
لانه من بدايه الملجه وهو تصرفاته غريبهيعني مره يموت علي ومره انا عااااااادي
بعد العرس من شهر العسل وانا دايما في نكد وصياح مع ذلك صبرت ولا قصرت في واجباته ولكنه مايستاهل وااااااخيرا


طلبت الطلاق بعد معاناه مايعلم فيها الا ربي
نلت حريتي بعد سبع شهور عذااااااااااااااااااااااا ااااااب
الله يعينج ويوفقج وتكونين احسن حال مني

اقتباس:

---

المشاركة الأصلية كتبت بواسطة alain_pride

الغالية انا اعتذرت منه وايد


يعني من رايج ما ارد اتصل ولا ارسل مسج لين باجر واذا باجر ما اتصل ولا سأل شو اسوي؟؟؟

---

اختي تحملي تهدمين بيتج بايدج

انتظري عليه لا تتصلين
بعد المسج خليه هو اللي يتصرف

لانج كلما الحيتي في الاتصال راح يلح هو في عدم الرد

لكن اذا تركتي الموضوع هو راح يرجع

يا الغاليه هذي الامور تصير وصدقيني أمور عاديه وطبيعيه
بسبب الضغط والحاله النفسيه

يعني شوفي احنا الحريم نعتفس ونتلعوز لما يقرب العرس
كذلك الرجال يفكروا بتنظيم وكيف تكون المعيشه بعدين والخ...

فأنتي امتصي كل حاجه تصدر منه وخصوصا هذي الفتره اعطيه عذره
ولو هو ما بادر الشعور بيتعلم منك لبعدين

القصد كوني انتي الاقوى ولا تقلديه يوم ما يرد ولا ما يرسل
كوني انتي اكثر متفاهمه
حاولي بقدر المستطاع تكوني كامله عنده بس عشان تكونوا دوم سعيدين وما في بينكم سالفه عناد
وصديقيني الرجل من يشوف كذي المرأه يحترمها واااااااااااايد وبيخليها على راسه
عكس اللي تزعل وتنعاند وتبكي وراعيه مشاكل اربع وعشرين ساعه ربي يبعدك من هذي الصفات
بيمل منها ويدور اي شي عشان يخلق مشكله وما يطيقها ابدااا

الله يحفظك ويسر امور زفتك ان شاء لله
طمنينا عليج

http://3roos.com/up4/salam1.jpg

هــــــــــلا وغـــــــــــــــــــلا..

هالشي طبيعي والكل يعاني منه في فترة الملجه وخاصة قبل الزواج بسبب الضغط..
انتي خليج هاديه واسمعيله وكوني معاه وقفي جنبه ولا تكونين ضده بيحس انه ضعيف فبيستقوى عليج..
ان تكلم سمعيه وان سكت كلميه وشاركيه ولا تصيرين حساسه..
كلنا مرينا بنفس الظروف..

وربي يحفظج ويوفقج يا رب..

وشكـــــــــرا..

http://3roos.com/up4/salam0.jpg

يسرني مروركم على مواضيعي واضافة الاطلاله فيه
ركن العناية بالشـــــــــــــعر
من افضل الطرق لتطويل الشعر http://forum.hawaaworld.com/images/icons/momayez.gif
بدك شعر حرير وبيجنن في نفس الوأت؟!http://forum.hawaaworld.com/images/icons/momayez.gif
سر غلاظة وطول الشعر
عندي لكم زيت ولا دابر املا بريحته ولا الحشيش بمفعوله ولاحمام الزيت بفوايده وتطويلهhttp://forum.hawaaworld.com/images/icons/momayez.gif
أنا بادي شعر أحمر وحلو وبيجنن وبدون لاصبوغو.. بادي بالحنى!؟
شعرج متقصف+ فيه قشره+ بطئ النمو+ يتساقط اذا زيت Trichup هو الحل باذن الله+ صوره
كريم يستخدم للشعر: (لغلاظته, نعومته, ولمعته) عن تجربه
لكل مشكله حل باذن الله (كل انواع الزيوت وفوايدها ومكوناتها مع الصور) http://forum.hawaaworld.com/images/icons/momayez.gif
طريقة عمل زيت البابونج بالبيت ومن صنع يديك (حصريا ب عروس دوت كوم فقط)
الخلطه السريه هدية العيد (لاعادة صحة الشعر والتغلب على جميع مشاكلها) حصريا في عروس
الطريقه المضمونه باذن الله لزيادة طول+ كثافة+ قضاء على القشره= للشعر (مجرب)
_.:•‡ஐஇ زيت جوجوبا jojoba فوايد مهمه للشعر ال......... مع الصور حصريا ب عروس இஐ‡•:._
طريقة عمل المساج لفروة الرأس+ الصور (حصريا ب منتدى ال عروس دوت كوم)http://www.3roos.com/up4/G10.gif
ماسك للشعر طبيعي.. يخلي الشعر صحي+ لامع+ كثيف ومغذي للفروه ايضا (صور)
خطوه خطوه لشعر كيرلي رائع لمحبي Curly يالله على الطااااااااابور
KalaKola Hair Tonic لعلاج القشره ولسواد الشعر ولعلاج التساقط وتاخر الشيب معقوله؟؟!!
ღஐღ الخلطات والزيوت المجربه من قبل الاعضاء+ معلومات بدقه+ صورღஐღ http://www.3roos.com/up4/G10.gifhttp://forum.hawaaworld.com/images/icons/momayez.gif
زيت الخروع الي استخدمه ورهيب
شامبو روعه روعه عن تجربه يقضي على القشره من أول مره وطبي وجديد ومتوفر في الصيدليات http://www.uaepigeon.com/upload/img/new-ar.gif
قناع الموز 30 دقيقه لشعر صحي وناعم
بلسم طبيعي لشعر
زيت السمسم لشعر لامع
-(أسرار صحه وجمال شعر الأسيويات)- بحث كامل Exclusive الجزء (1)
حمام زيت (تحفه) عن تجربه ممتاز ومتوفر ولا يتفوت+ صورة المنتج http://forum.hawaaworld.com/images/icons/momayez.gif

http://3roos.com/up4/hopefeelbettera1.gif

فدييييتكن خواتي والله ماتوقعت بتوقفن وياي هالوقفة وكل كلمة قتلنها على عيني وراسي والحمدالله رب العالمين كل شي تصلح وهو اتصل وتفاهمنا عالموضوع وحصل خير الحمدالله بس مابنسى وقفتكن ويايه والله يسعد الجميع انشاء الله