المساعد الشخصي الرقمي

مشاهدة النسخة كاملة : بغينا افكار وراها مِكدّة $$$$$ يعني وانتي في البيت الفلووس تيج



غـــايه
19/08/2004, 02:26 AM
السلام عليكم


يا اصحاب الافكار والخبرات ...

ودي بأفكار يستغل الواحد فيها وقت جلوسه بالبيت في آدائها وبعدين نسوي بزنس
...

مثلا بنت عمتي بدأت بنوع من الحلويات بالتمر ..وبعدين صارت مشهوره واخذت تصريح وصارت السالفه صدق بيع وشرا ... وهي يالسه في البيت ..


يعني وانتي في البيت .. الفلوووس تيج

بصراحه انا مالي شده عل المطبخ ..:pain:

بس فعلا الواحد لازم يستغل مهاراته.. ما يحكرها وبعدين تموووت


احترت ابي شي مب موجود في السووق او الناس محتاجتنه بس صعب تلاقيه .. والله احترت ساعدوني ..

مليت من اليلسه في البيت بدون شغل ...

افيدوني بلييييييييز:cool2:

شقرة
19/08/2004, 11:50 AM
اختي غاية

عندي فكرة يا ريت تعجبك

اذا كنتي دقيقة وتحبين تخربشين

تقدرين تسوين اشغال يدوية الموجودة في المنتدى ترى روعة
وتحصلين منها مبلغ معقول

شرط انها تجب المشترين

العاش
19/08/2004, 12:53 PM
مرحبا..حبيت اقولج زيييين انج قررتي على هالشي لانه شي بيقضي وقتج و بيدخلج فلوس او حتى بيشغل الفلوس الي عندج..

انا حاليا ابيع من البيت و ماشالله الشغله ماشيه صح الربح مش كبير بس انشالله شوي شوي بنكبر و قريب انفكر نفتح محل صغير..

أهم شي انج اتبيعين شي مميز لانه ماشالله كل شي موجود عنا بس اهم شي التميز و الجوده.. اذا انتي اتسافرين ممكن لو رحتي بلاد شرق اسيا او تركيا بتحصلين اشيا وااايد مميزه..

اذا ما تسافرين ممكن اتدورين شركات عن طريق الانترنت ولو انه التعامل مع بعض الشركات احيانا يكون معقد و احيانا اتخافين تثقين فيهم و يغشونج.. اهم شي ادورين شركات كبيره و معروفه بالبيع بالجمله لمحلات رائده في العالم.

تعالي في منتدى ثاني في شركة مكياج و كريمات مثل بودي شوب..يطلبون انج اتكونين مندوبتم..يعني تدفعين مبلغ صغير اظن 50 درهم اشتراك عندهم و هم يعطونج سنبل من منتجاتم بعدين انتي كل ما اتبيعين لهم هم يعطوزنج نسبه على كل بيعه,,اذا عيبج الفكره بطرش لج الرابط مال الموقع

حبيبة يوسف
19/08/2004, 02:04 PM
السلام عليكم ورحمة الله وبركاته
ممكن اختي طرشيلى الرابط

Mrs.Flower
19/08/2004, 02:23 PM
أنا مره كنت أتابع برنامج أوبرا و في و حده أمريكيه كانت مفلسه و تعاني مشاكل ماديه فقامت و سوت بسكويت و كيكات بس قليلة السعرات الحراريه و تستعمل فيهم مواد جديده و طعمهم يكون حلو.....حتى هذي الحرمه من كثر ما أشتهرت بحلوياته الحلوه و القليله في السعرات الحراريه مطاعم مكدونالز و قعو عقد معاه و أحين هي أشترت فيلا و سياره و تسافر كل مكان :up::up::up::up::up::up: يعني قامت تلعب في البيزات لعب :D2:D2:D2:D2:D2

لولــي
19/08/2004, 09:47 PM
العاش .. طرشيلي الرابط عالخاص الله يخليج

أنستازيا
20/08/2004, 03:11 PM
:cry: أرييييييييييييد أسوي بزنس !!!

خطيرة حدي
20/08/2004, 03:34 PM
اعجبتني سالفة اوبرا :D2:up:

coffee 7aly
20/08/2004, 09:56 PM
:up::up::up:

العاش الله يخليج الرابط :smile:

المياسة
21/08/2004, 12:55 AM
و أنا بعد أبا الرابط :)

العاش
21/08/2004, 01:52 PM
ساامحوني بنات ما شفت الموضوع من شاركة فيه انشالله الحين بطرشلكم الرابط

العاش
21/08/2004, 02:33 PM
هذي شركة سويدية اسمها اورفليم ( لا تخافين مو يهودية) تشتغل في الماكياج والتجميل والعطور والعناية بالبشرة نسائية ميه في الميه لها كتالوج وتطلع كل ثلاث شهور كتالوج جيد ومنتجاتها طبيعية وأسعارها ممتازة ودائما عندها عروض وتخفيضات وهدايا ما عليك الا انك تسوقي للمنتجات عند اهلك وزميلاتك وجيرانك ولك نسبة 30% من كل فاتورة بيع هذا غير انك اذا اشركتي عضوات جدد لك نقاط تتجمع لحد ما تصير مكافأت مالية نهاية كل شهر(كأنه راتب شهري) وانتي وشطارتك


للعلم الموضوع منقول من مندوبه للشركةو الموضوع في ..... يمنع وضع اسماء لمنتديات اخرى .. امشرفة
الي تبا تدخل ..... يمنع وضع اسماء لمنتديات اخرى .. امشرفة
قسم سيدة أعمال و سوو بحث اكتبو شركة اورفليم و بتطلع لكم مواضيع مختلفه لمندوبات من الشركه شوفو الموضوع و كيفية الاشتراك :cool2:

sarona10
23/08/2004, 07:08 AM
والله فعلا انا كنت مسافره مصر من فتره وجتني مندوبة هالشركة لين البيت واشتريت من عندها مجموعة شامبوهات لي وللاطفال ومعطرات جسم وكريمات واشياء كثيره بس وايد حلوه واسعارها احلى :up: ياريت ترسلين لي الرابط ومشكوره

أوركيـــــــــد
23/08/2004, 07:49 AM
الغالية،،،،

إذا تعرفين تخيطين مثلا،،، ترومين تسوين شراشف غاوية خاصة بالاسرة واسرة الاطفال بعد،،، يعني من ها الامور اللي تييج بدانتيلات وكراكش واكسسوارت قطنية واشياء ناعمة،،، اتذكر في موضوع في المنتدى طلبت فيه طلب إذا حد يروم يدليني على حرمة تعرف تخيط لبس للفراش الخاص بالعرسان واللي تييج اشكالها تجنن وما تحصلينها في السوق،،، من نفس النمط الامريكي المعروف الخاص بالشراشف والالبسة الخاصة بالسرير التي تنعرض دوم في المنتدى وما تتحصل في البلاد إلا بإسعار ضو،،، ووحدة يابت طاري حرمة تعرف تسوي هاالامور بس اللاسف انها ما تطيع تسوي إلا حج ربيعاتها،، ولو تشوفين اش كثر البنات اللي طلبن رقم الحرمة،،، والله بتستغربين،،، بالفعل انج بتربحين صدق لو اتقنتي هاي الشغلة،،، وطبعا اكيد ها الشي يتطلب موهبة في الخياطة او حب لهاي الشغله،،،،او انج تيبلج خياط واحد يعرف يخيط وتربحين من وراه،،، والله الفكرة تجنن لاني لاحظت وايدات يدورن على هاي الامور،،،،

اعرف وحدة ما شاء الله عليها تسوي حلويات تجنن،،، وتعالي شوفي بيتها قصر،،، بالفعل اتخبلت يوم دشيت بيتها،،، طبعا هيه غنية من قبل بس شوفي لو انها مب محتاجة لكن مسوتلها شغله تقضى وقتها،،، وآخر شي يوم تعبت يابت بشكارتين وعلمتهن على الشغلة عدل وما زالت تربح وايد وهيه يالسة في بيتها ما تسوي شي بالرغم من غناها،،،

وشو بعد،،، إذا عندج مهارة في مسح الحريم مثلا اللي توهن مربيات ها الشي وايد بينفعج،،،، طبعا مب اي حد يعرف هاي المهنه بس انتي شوفي شو مهاراتج وشو ترومين تسوين،،، ومن هناك ابتدي،،، حتى لو مجرد انج تعرفين تغلفين هدايا بشكل رائع ويخلي الناس يوون عندج،،، او مثلا تيلسين على الكومبيوتر وتسوين ملزمات خاصة بأطفال الحضانة تعلمينهم فيها الحروف والاشكال والصور وتسوين اشكال يدوية حلوة للتعليم وعجب تبيعينها على المدرسات في المدارس،،، والله انه المدرسات ما يخلن شي ما يشترنه من الحريم اللي يبيعن من ها الامور،،، او انج تسوين لج عطورات عربية مخلطة ودخون بخلطات تميزج وتكون حلوة وتبيعينها على المدرسات فهمتي عليه الغالية،،،،

ان شاء الله تطلعين بشي حلو تربحين من وراه،،،

susu_redrose
23/08/2004, 09:04 AM
الموضوع حلو كتير


وعجبتني الافكار كتير

اليكه
24/08/2004, 12:57 PM
:clap:

omma
26/08/2004, 08:39 PM
احب افيد الاخوات انا عضوة في هذه الشركة وفي غيرها طبعا النظام تدفعين قيمة اشتراك عندنا في السعودية 100 ريال وتسجلين اسمك يجيبون لك باكيج فيه 3كاتلوجات للمنتجات وكاتلوج تحتفضين فيه اسمه كاتلوج الجمال يعلمك كل منتج وين ومتى يستخدم وكيف تعرفين الزبونة المحتاجة ليه وشنطة فيها عينات للارواج والعطور طبعا العطور روعة وطبعا لش نسبة خصم 30%من كل 200 ريال يعني فيطلبيتش لازم يوصل سعرها 200 حتى تاخذين هذه النسبة وطبعا فيه عروض كل فترة قبل فترة اختاروا بعض المنتجات وسوو عليها خصم 50%طبعا العرض يكون للزبونات وانت لش نفس االخصم واللي تبي تشترك تراسلني على الخاص وعندي شركة ثانية بعد وترى الشغلة مربحة انا اليوم بس بعت ب850ريال خلال ساعة طبعا الترويج بسيط وين ماتروحين اخذي الكاتلوج معاش انا اخذ كمية وابيعها الشركة الثانية لمن اشتري ب1500 يعطوني هدية قيمتها 400 فتقدرين تبيعينهاترى الشغلة حلوة
راسلوني على الخاص

رهههههههف
28/08/2004, 03:52 PM
شركة اورافليم منتجاتها كويسه تقدرين تشتركين فيها كمندوبه وانت فلبيت تبعين للاقارب وزميلاتك.....الخوانتمرتاح فى البيت واذا انتى من الرياض فتح فرع لها.....:eek2:

مسز جاتوه
29/08/2004, 09:31 AM
خوش موضوع .. :clap:

مسز جاتوه
29/08/2004, 09:49 AM
خوش موضوع .. :clap:

مرموم
29/08/2004, 11:20 AM
السلام عليكم ورحمة الله وبركاته

بصراحة عجبني جدا الموضوع...و عجبتني أكتر همة البنات...ما شاء الله عليهم...و أفكارهم الحلوة...

ياللا أختي غايـــة قولي لنا شو اخترتي...علشان نسوي لك دعاية على المنتدى...

و طبعا راح نكون أول الزباين...:smile:

غـــايه
29/08/2004, 01:31 PM
:يا بنات ... افكر ... بأني اتعلم اصول المساج ... خصوصا ان ايدي متمرسه على المساج ...


بس اخاف من شغله وحده:pain:

أخاف البنات ما يلتزمون بلبسهم ..

أهم شي يكون شورت مب فاضح ...

لكن ان شاءالله يوم تستقر احوالي لأني مسافره مع زوجي للدراسه :shy:

كن افكر استغل الوقت خارج البلد بشغلات يدويه ... بس والله احترت .. خصوصا اني في بلاد غربه .. يعني مب كل شي ابيه بلقاه ... لأني ما اعرف محلاتهم ومبيعاتهم عدل ..

المهم .. الفرصه مازالت .. ..

شي ثاني ..

انا رسامه .. بس ما اعرف في شو استغل رسوماتي :confused:

ممكن افكار

:up:

ومشكورين على التفاعل

blue_angel
30/08/2004, 06:01 AM
انا عندي افكار كتيره
1 زي ما قالولك البنات ممكن تشتغلي بالطبخ زي المعجنات او الحلويات.
2 ممكن الاعمال اليدويه انا بساوي اشياء يدويه كتيره يعني زي الاشكال اللي جوه البراويز اوتنسقي اشكال حلوه للاطفال بالخياطه اشكال على الثياب والمريله او اواشكال كمان جوات المناشف للحمام.على فكره انا عندي كتالوجات كتيره لكل هاي الاشياء وكيف تنسقي.
3 ممكن تعملي افكار فنيه حلوه واكتر حاجه ممكن تشتغلي فيها الافراح زي التنسيق بلالوان بهدايا المعازيم وسلات وديكورات الطاولات ومشاله لو عملت بحث في المنتدى راح تستفادي كتير.
4 كمان ممكن تعملي خلطات للشعر والجسم وتبيعي انا عمتي وصحبتها كانو يعملوا خلطه للشعر ويبيعوها غالي ومشاله الناس تشتري عشان كانوا يلاقوا نتيجه.
5ممكن تكوني baby sitter
يعني تعملي حضانه في بيتك لو بتحبي الصغار وطبعا تعمليلهم وجبه وتعلمينهم اشياء بسيطه.
6 ممكن مندوبه زي ما قالوا البناات.
7 ممكن انك تعملي تجاره يعني تسافري وتشتري وتبيعي بعرف وحده كانت تسافر طبعا مع زوجها ومن الصبح لليل تدور على ثياب سهره غريبه وتبيعها بسعر اغلى.
8 انا درست تجميل ومعايا شهادات شعر ومكياج ومساج وعنايه بالبشره وعلاجها وليزر لازالة الشعر وعلاج السيلولايت وانشاله ناويه اشتغل بعياده لليزر وعلاج البشره والاشياء الثانيه ممكن اساويها في البيت زي الشعر والمساج وتنظيف البشره يعني ممكن تدرسي شعر وتشتغلي في بيتك.

غـــايه
31/08/2004, 06:01 PM
شكرا blue_angel

أفكارك عحيبه وحلوه ....

وان شاءالله نستفيد

الفراولة
03/09/2004, 03:01 AM
ما شاء الله الافكار واااااايد حلوة ....

سوار العسل
11/09/2004, 11:14 AM
انا حالي مثل حالش يا غاية وفكرت اني ادرس الاطفال دروس تقويةواكسب من وراهم وانا جالسة في بيتي ...

روض القصيد
20/10/2004, 10:58 AM
الشيخة غاية

يوم انت رسامة ويالسة في البيت

حاولي تسيرين تقدمين في الحضانات أو الروضات بأفكارج الحلوة

خلي حد يروج هالموهبة

ارسميلهم لوحات فينة وبيعيهن

تعرفين لوحان الفنان مب رخيصة

وبتربحين انشاءالله

غـــايه
20/10/2004, 05:08 PM
أختي روض القصيد ... انا حاولت ارسم .. بس ما حصلت تشجيع ... وبعدين مع العيال وعندي بنوته صغيره ريحة الالوان البيت يسكر منها ... بس يمكن أأجل المشروع للمستقبل .. إذا ما نسيت الرسم:s2


وتسلمين على مرورج

شمس الحرية
20/10/2004, 09:06 PM
موضوع قمة اشكركم عليه:up:

أميرة العيون
22/10/2004, 12:42 PM
والله فكرة حلوة بزنس البيت

بس تنفيذه مو بسهل

Kind_Heart
26/12/2004, 11:59 AM
:up:



وان بعد عندي بنت عمي من كثرة الفراغ اللي عندها تصدقوون قامت تسوي اكسسوارات وخواتم رائعه...:up:






الغاليه اوركيد ممكن تدليني على مكان الحرمه اللي تسوي هالحلويات .....

moaz
26/12/2004, 12:45 PM
أختي الغالية ،،،،،،،

إتصدقين أنا عندي هواية الخياطة وقبل ماأتوظف كنت أسوي ( توك للشعر

بأشكال وألوان ) وورود بالسيراميك وتلي،،،، بس صدق كنت أكسب منها

ذهب ولكن الحين إستويت كسوله :down: وإنشاء الله تعجبك تجربتي .



---------------------------------------------------------------------
اللهم رضني بما قسمت لي وعافني فيما أبقيت حتى لاأحب
تعجيل ماأخرت ولاتأجيل ماقدمت

روض القصيد
27/12/2004, 08:42 AM
والله اني محتراة ماعرف شاسوي؟


شو تشورون عليه؟

كنديه أصل
28/01/2005, 10:30 PM
انا قرأت مشاركات الاخوات وحاسه بمعاناة الكل

كنت مثل اي وحده ما عندها شغل ولا شيئ يقضي وقتها بالفايده

والحين الحمدلله بدأت ابيع دراريع وشيل في البيت لحد
ما شجعوني الاهل والاصدقاء وفتحت محل صغير ابيع فيه هالاشياء
بالاضافه الى منتجات اورفليم .. الحقيقه منتجاتهم روعه
شوي شوي بدينا نفهم الناس ومتطلباتهم لكن ينقصني الكثير
لأكمل نجاحي ..

الشغل حلو ومو عيب ابدا المهم انك تكونين على ثقه من نفسك

حبيبة يوسف
02/02/2005, 03:58 PM
انا بعد الحمد الله بديت فى مشرول صغيروني والكل شجعني على هذا المشرول اني اسوي حلويات وابيع نفس اختي كنديه الاصل الاهل والاصدقاء شجعوني بس بصراحه استفاد منه هذى الحلويات بذات ايام الاعياد واذا حد عنده عرس بس الايام العاديه مب وايد بس اقول الحمد الله على كل شي

عبورة30
07/02/2005, 08:52 PM
اختى الغالية انستازيا نرجوا منكى التوضيح لاننا اشتركنا وما جتنا رسايل على الجوال ولا شىء وكمان انا مش فاهمة قوى ونطلب كنكى التوضيح والف شكر مقدما

ام بلقيس
08/02/2005, 12:03 AM
التجاره تبي وحده شاطره ولهلوبه ع قولت المصريين يعني وحده ما تستحي مثلي حياويه وايد انا مثلا اعرف اسوي اشياء كثيره مثل الحلويات واعرف ارسم ع الزجاج وسوي لوحات من فضيات وكثير من اشياء الفنيه باضافه الى صناعة البخور وغيره اشياء كثيره بس الحظ له دور بس استحي اعرض اشياي واقول انا ابيع

sarona10
08/02/2005, 10:36 AM
هلاااااااا
اختي ام بلقيس ليش البيع مو عيب وانا اعرف حريم يبيعون شغلات لهم وكله يقولون مو لنا وحده عطتنا نبيع لها
ممكن تشتركي معاي في اوريفليم وتربحي وش رايك

غيداء البحرين
22/02/2005, 11:31 PM
هلا أختي غاية
أنا خالتي عندها صديقات من الكويت يشترون لها بضايع بالجملة ( الدزينة) وتبيع لهم في البحرين والربح لخالتي نسبة بسيطة منه الأفكار وايد بس المشكلة على العزم والتنفيذ

أختج غيداء البحرين

Miss Wanted
15/03/2005, 09:48 AM
بنااااااااااااااااااااااا اااات
والله اني استانست يوم شفت هالموضوع...

انا يالسه في البيت بعد ما تخرجت من الجامعة .. ادور على وظيفة بس خاطري اسوي بزنس بعد بدال ما اقعد في البيت بدون فايدة ..الحمدالله انا عندي موهبة الرسم ..و ارسم لوحات زيتيه بأحجام .. و اقدر اسوي تصاميم على االكمبيوتر .. في نواحي كثيرة ..
بس المشكلة ويييييييين اعلن عن هالشي ؟؟ و كيف اعرف من حاب يشتري مني؟؟

كل الافكار إلي قلتوها روعة و عن نفسي الحمدالله عندي مواهب كثيرة ..بس المشكلة وين تسوون دعايه لهذا الشي ..
على اهلي و معارفي ..صعبة

Miss Wanted
16/03/2005, 12:38 PM
ها بنات؟ على الاقل رد واحد؟؟ بليز
:up:

إبتسام العمر
17/03/2005, 03:44 AM
كملووو ترا الموضوع حلوووووووووو ..

انا احب البزنس .. بس يبغا له تشجيع صراااحه ..

بس لو اجي ابيع مابقوول هذا لي .. بقوول مندوووبه .. استحي ..

لو عندي محل مااعلي .. بس في البيت لاا :)

يالله ننتظر الافكااار

hamida
30/06/2006, 01:45 AM
السلام عليكم اختي ا ذا كان عندك رغبه في بيع مكياج ماركه امريكيه اخبريني لتامين الطلب لك

الغــــرور
24/09/2006, 03:01 PM
اولا" احب اشكر اختي على هالمووضوع المفيــــــــــــــــــــ ـد..............

والله يسهل امورك ويرزقك برزق من عنده ياااااااااااااارب....


انا بعد متخرجه من الجامعه ومالقيت وظيفة ........... ومليت من البيت "نوم واكل وتلفزيون" ،، وحيت اشغل وقتي بأي شي...........


مرحبا اختي حميده ممكن ترسلين لي صور المكياج واسعارهم.........؟؟؟

تحياتي

ملكني غلاك
26/09/2006, 11:43 AM
الله يوفقكمـ يارب
وانا مثل حالكمـ مليت من جلست البيت
وماعندي مواهب او افكار
وعجبتني افكـاركمــ
وان شاء الله يوفقنا ربنا الى الخير دوما

ريمـــــــــــــــاز
15/08/2007, 11:33 PM
يسلمو على الموضوع الحلو

xpink_frreakx
16/08/2007, 12:48 AM
برايكم ايش احسن افون ولا اروفليم ولا كريستين الجديد ولا غيره
لاني ابي اشترك بواحد منهم بالامارات

دنيا المال
16/08/2007, 06:56 PM
وانا ابي الرابط وشكراااااااا

DarkStar
23/10/2007, 04:05 AM
انا خواتي افكر اشتري مكياااااااااااااج من دولة اسيوية بس هي تقليد على ماركة (مااااك) كان زوجي جايب لي كم نوع من المكياااج استخدمة وكل من سالني شنو نوعية مكياجك كان ما شاء الله مثل الاصلي لاني استخدم كله هل الماركة الاصلية
ففكرت انه ابيعه طبعا بارخص من الاصلية بس صدق ماشاء الله كانه اصلي حتى لهم ريحة فواكهة
ما ادري محتارة شنو رايكم؟؟؟؟؟؟؟؟؟؟؟؟

أم_غاية
23/10/2007, 04:21 AM
انا بعد ابا الرابط العاش :)

.: سـنيوريتا :.
14/11/2007, 05:36 PM
الله يوفق الجميييييييييييييييع..

بلسم szالروح
14/11/2007, 05:56 PM
وأنا بعد ابغي استفيد واطلع فلوس
ومن ورا بدي شوب اكيد بيكون مربح لأنه معروف
حبيبتي رسلي لي الرابط

سنفورة حبيبي
14/11/2007, 06:57 PM
العاش ممكن تطرشي لي الرابط على الخاص

كيفي اماراتيه
15/11/2007, 03:18 AM
العاش ممكن تطرشي لي الرابط على الخاص

sweety_zozo
15/11/2007, 09:23 AM
انا بعد اريد الموقع اذا ممكن

توأم روحي..
15/11/2007, 12:06 PM
انا اعرف وحده ماشاءلله اشتركت مع مصنه وتسوي شوكلت لذيييذ
وعليها زحمة ايام الاعياد

الله يوفقكم انشاءلله

رتاج_تاج
15/11/2007, 12:42 PM
حلوة قصه الامريكية مع اوبرا

سجلات
15/11/2007, 06:41 PM
الغالية العاش ممكن اتحطين الرابط على العام علشان الكل يستفيد والله يوفجش يا الغالية

MISS DIOR 2007
20/11/2007, 04:55 PM
السلام عليكم ....
انا بغيت الرابط بعد ...

حياة رائعة
21/11/2007, 01:44 AM
اعرف بنت عملت بيزنس رائع عن طريق احدى المنتديات
كانت بتعمل مفارش للسفرة من تصميمها وكل الحكاية انها عندها مكاينة خياطة بالبيت ومكانتش تعرف تستخدمها
واتعملت ازاى تقص القماش وتعمل منه مفرش
وطورت الموضوع وغيرت فى الموديلات
واصبحت تعمل كل المفارش للمطبخ والسفرة وغرف الاطفال وكل شئ
والان كل ما اكلمها فى التليفون تقول مشغولة وعندى طلبية
وماشاء الله اجرت شقة فاضية فى نفس العقار وبدات تشتغل هى و2 من صديقاتها
والان تكلمنى وتقولى انها عايزة تشترى سيارة سبور عشان توصل الطلبات بنفسها
بصراحة المفارش قمة فى الروعة والتصميم والتشطيب والالوان
وكمان تعرض عليكى الموديل قبل ما تبدا بتنفيذه وتاخد نص المبلغ عربون والباقى عند التسليم ووسعت نشاطها فى كل مصر وعلى الانتر نت
واصبحت تغلف المفارش باكياس مطبوعة وتعطى معها هداية
واللى خلاها تصبح موزعة جيدة هو حسن البضاعة وكمان السعر
انا اشتريت منها مفرش للسفرة تكلفته 120 ريال
وكل اللى يدخل البيت يقولى هل المفرش مستورد
يارب تكونى زيها اختى الموضوع محتاج شوية صبر واتقان فى العمل

عروسهـ
21/11/2007, 09:52 AM
الرابط أختي إذا ممكن

catycat3
21/11/2007, 10:55 AM
مرحبا عزيزاتي
اللى تحب تصير مندوبة لشركة كولايا انا حاضرة
ربح تمام
اكسسواراتهم خطيرة وتمشي معاك زي الحلاوة
والمكياج تبعهم فرنسي وغير كريمات العناية بالبشرة رهيييبة ومعالجة
باذن الله راح تستفيدي كثير
اي استفسار على الخاص

وسام1
21/11/2007, 10:59 AM
وانا كمان الرابط
ومشكورة سلفا

وسام1
21/11/2007, 11:06 AM
catycat3اختي ارسلي لي الصور او الكاتلوج
واللة يعين

كيفي اماراتيه
27/11/2007, 02:59 AM
مرحبا اختي اشحالج
.. العروض التجارية لتاجرات عروس فقط ... المشرفة

ام كرم
27/11/2007, 10:08 PM
اخواتي اريد مساعدتكم انا عندي اهتمام كتير بعمل الحلويات اقيم بالسعوديةوجالسة في البيت عندي وقت فراغ كبير كيف بقدر اعمل مشروع وابيع

&متفائله ماتهدني دمعه&
30/11/2007, 12:26 AM
انا فكرتي افتح لي محل لعمل كوش افراح بس يبيلي راس مال قوي

وجالسه افكر اول اشتغل من بيتي الى مااجمع بعدين افتح محل ايش رايكم,,


شاركوني افكاركم,,,,,,

شوق الاماراات
02/12/2007, 04:35 PM
:up::up::up:

العاش الله يخليج الرابط :smile:

مي توووووووووو:wavetowel2:

*عيون الامارات*
02/12/2007, 08:06 PM
بالتوفيق للجميع

ورده بلا ميعاد
02/12/2007, 08:58 PM
الله يوفقكمـ يارب
وانا مثل حالكمـ مليت من جلست البيت
وماعندي مواهب او افكار
وعجبتني افكـاركمــ
وكمان انامندوبه في احد الشركات كل منتجاته طبيعيه وكمان تحت اشراف طبي بس المشكله مافي احد يشتري شئ ورغم اني احب اشتغل بس ياليت يكون عن طريق النت والله اللي يدلني اش اعمل وربي لا اجلس ادعيله في سجودي وفي كل وقت
وان شاء الله يوفقنا ربنا الى الخير دوما

نوف2002
04/12/2007, 12:54 AM
خواتي ليش ما تجربون تشتغلون في تجارة العملات والله انا دخلت فيها والله على المكاسب بس بعد فيها خسارة ادا مو فاهمة العمل جيدا كل ما تحتاجونه مبلغ بصراحة بعد ممارستي له ما افضل الاشتراك باقل من 2000 دولار وبعدين كل واحد يكون حر نفسه ويشتغل بكيفه وقت ما يبي بس لاااااااااااااااااااااااا زم اولا اتقان الشغلة
تمام بعدها خموا فلوس اللي تبي معلومات زيادة واوضح تتكلم وعلى فكرة الشغل عبر النت
والله ولي التوفيق

مشتاقة إلى الجنان
04/12/2007, 03:07 AM
الله يرزقنا

هولندية
04/12/2007, 12:16 PM
الله يعطيك العافية نوف ممكن توضيح اكتر انا برضو جالسة فى البيت بس فى بلد اوربى يعنى كلووووووووو مررررررررررررره صعب

نوف2002
05/12/2007, 01:46 AM
اختي هولندية اقرئي موضوعي
[SIZE="4"]في بيوتنا واحرار انفسنا وان شاء الله مكونات ثروة
في نفس القسم وان شاء الله اي استفسار انا جاهزة

همس المشاعر 2008
15/12/2007, 12:08 PM
وانا مثلكم جالسه في البيت زهق كل يوم هالروتين
نوم واكل ودي اسوي مثل الناس بس مااعرف واستحي ابيع
مثل بنت عمي اهي خياطه تسوي شراشف واطقم طفل وشغلات ثانيه
وعندنا جاره من سوريا تسوي ورق عنب وكبه شاميه وكباب حلبي الكل يشتري منها تعلمي مثلها اذا كانتي جريئه
اوخذي خلطات مثل ا شتري مجموعه من الزيوت واخلطيهم مع بعض اوكريمات
واصنعي بخور و حلاوه اوشيره

حديث الروح
18/12/2007, 12:27 PM
انتوا ذكرتواا اكثر من شركه حق المكياج والكريمات والعطوور اذا في احد يعرفهم ويقدر يفيدنا اي وحده الافضل اورفليم او كولايا من حيث الاسعار والطلب الجوده ومشكوورين

حديث الروح
18/12/2007, 12:31 PM
ابي مووقع شركة كولايا اذا ممكن

meera_almurri
20/01/2008, 01:03 PM
انا بعد ابا الرابط

ام رومي
23/01/2008, 12:47 AM
الله يوفق الجميع افكارمرررره روعه

عندي سؤال ؟؟؟ :(:(

شنو المشاريع تصلح في النت وتربحك وانتي قاعده في البيت

نجمة حرة
23/01/2008, 03:09 AM
بنات ممكن تفيدوني تكفون انا مجنونة بشي اسمع عطور وبخور
ابغى اتعلم شلونن اصنع العطور واسوي روايح واشياء خاصة فيني واستفيد منها
الكل يشجعني على هالسالفة بس للحين ماعرفت شلون ابتدي طريقي
تكفون اذا اي وحدة عندها فكرة ممكن تفيدني بها

عسووووله
24/01/2008, 04:45 AM
افكاااااااار جنااااااااان موووووفقين ان شااااااااااء الله.

وردة الحب 77
24/01/2008, 11:23 AM
تسلمين اختي

أسطورة المجد
25/01/2008, 08:18 PM
مشكورات على الافكار

بس عندي سؤال

بالنسبة للي يسوون حلويات وش نوع الحلويات اللي يبعونها ؟

micro girl
08/02/2008, 03:53 AM
تم التنبيه اكثر من مرة على منع الاعلان عن تجارة العملات .. الرجاء الالتزام بقوانين الركن و الا تعرضت للايقاف من الادارة ... المشرفة

Um3Mar
08/02/2008, 03:23 PM
الله يوفق الجميييييييييييييييع ^_^

المتفائله**
15/02/2008, 02:22 AM
انا مندوبه لشركه روعه اسمها كولايا الي تحب تشترك وتصير مندوبه وتشتغل من بيتها حياها الله تراسلني على الخاص من السعوديه فقط
والاشتراك بمئه ريال فقط
والله يوفق الجميع

غلا روحي mm
16/02/2008, 03:16 AM
الله يوفقنا ونصير تاجرات

جنون أنثى
16/02/2008, 03:28 AM
والله ونااااااااااااااااااااااا سه


قصدي الموضوع

انا عن نفسي بدأت ولله الحمد في مشروع صغير
وان شاء الله بكره يكبر

وهو معلمة خصوصية ( دروس تقوية)
للمرحلة الابتدائية في مادتي الرياضيات والقواعد

عملت اعلان في الحي اللي انا ساكنه فيه وانتظر الطالبات


والله يوفق الجميع

M!s.Uae
18/02/2008, 11:53 PM
الله يوفق الجميع غايه وليعتيها وشردتي والله يابنات اهم شي الواحد يتوكل على رب العالمين وبعدين يطلع همته والله مايضيع حق احد

انا كنت ابيع خلطات زيوت للشعر بس محد دعمني وخليت هالشغله واناحابه هالشغله وايد بس ماعرف كيف انشرها لان خواتي وبنات عمي يستحون يقولون للصديقاتهم ان اختهم تبيع وان والله مابعته من حايه لكن وقت الفراغ ذبحني وابا اسوي شي في حياتي ابا يكون لي هدف في هالحياه ابااكون ذاتي بذاتي ابا ادخل في عالم البزنز

البـــــحرNo0oR يـــــــــن
19/02/2008, 11:29 AM
مرحــــــــــــــــــبا بنات منتداناا الغالي
أناااا صار لي تقريباً 6 اشهر أدرس أطفال دروس تقوية في البيت
لكنها شغله عن جد متعبه و بيلها مزاااج و صبر
واناا في الجامعة ولأن الاطقال ياخذون معظم وكتي وايد تأثرت دراستي
ومااا سويت زين
واناا الحين ابي شغله ثانية اسويهااا واتساعدني على مصاريف الجاامعة
ياليتكم تسااعدوني

um-3iosha
25/02/2008, 12:57 PM
مرحبا..حبيت اقولج زيييين انج قررتي على هالشي لانه شي بيقضي وقتج و بيدخلج فلوس او حتى بيشغل الفلوس الي عندج..

انا حاليا ابيع من البيت و ماشالله الشغله ماشيه صح الربح مش كبير بس انشالله شوي شوي بنكبر و قريب انفكر نفتح محل صغير..

أهم شي انج اتبيعين شي مميز لانه ماشالله كل شي موجود عنا بس اهم شي التميز و الجوده.. اذا انتي اتسافرين ممكن لو رحتي بلاد شرق اسيا او تركيا بتحصلين اشيا وااايد مميزه..

اذا ما تسافرين ممكن اتدورين شركات عن طريق الانترنت ولو انه التعامل مع بعض الشركات احيانا يكون معقد و احيانا اتخافين تثقين فيهم و يغشونج.. اهم شي ادورين شركات كبيره و معروفه بالبيع بالجمله لمحلات رائده في العالم.

تعالي في منتدى ثاني في شركة مكياج و كريمات مثل بودي شوب..يطلبون انج اتكونين مندوبتم..يعني تدفعين مبلغ صغير اظن 50 درهم اشتراك عندهم و هم يعطونج سنبل من منتجاتم بعدين انتي كل ما اتبيعين لهم هم يعطوزنج نسبه على كل بيعه,,اذا عيبج الفكره بطرش لج الرابط مال الموقع

هلا أختي أرجوج طرشيلي لان عجبتني الفكره وخبريني شو أسوي بالضبط
مشكووووووووووره

رتاج_تاج
26/02/2008, 11:54 AM
افكار حلوة يسلموووووو

ربي غفرانك
26/02/2008, 01:06 PM
الله يوفقكم جميعا