المساعد الشخصي الرقمي

مشاهدة النسخة كاملة : أبغي نصيحتكم !!



Romancia
16/08/2004, 09:12 PM
السلام عليكم يأخواتي الفاضلات ...
أنا عضوه جديده وأن شالله أكون شقيقه/ رفيقه / او عضوة خفيفه عليكم ..
الصراحه أنا ارتحت وايد لهذا المنتدى.. من خلال مروري له حسيت وكأنكم كلكم متعاونين والحمدلله ...

بدخل فالموضوع على طول :
أنا عمري 23 مخطوبه من فترة قصيره من ولد عمي..
وهو (ولد عمي) يصغرني ب 3 أشهر....
وأنا حلمي من يوم كنت مراهقه أني أتزوج واحد يكبرني بعدة سنوااااااااات . عشان يدلعني و يهتم فيه ...الخ .
ولكن مب كل اللي يحلمه المرء يلاقيه.. و هذا شيء طبيعي ..
على كلام عمي عرفت أنه ولده (اللي خاطبني) كان يحلم فيه من زمان يعني من حوالي 10 سنوات ..
كان يفكر اني أكون زوجته ...
وأنا فرحت وايد من هالكلام لأن يابخت اللي ياخذج أو يتزوجج وهو يبغيج من خاطره ..
المهم يابنات .. المشكله الوحيده أنه هذا الحلم اللي كان يحلم فيه وهو صغير أخاف بعد الزواج يكتشف انه مايحبني.. وانا خايفه انا نتسرع فالزواج علما انه العرس الصيف الياي كما حددنا ....
وأنا لين الحين ماحس بشيء تجاهه ..... هل هذا طبيعي ولا ؟؟؟
ومن يوم كنا يهال الكل كان يقول أنا (فلان حق فلانه) وانا دايما أقول يمكن هذا أثر فيه وقال لازم أتزوجهاااا.....
وانا من النوع الدلوع والرومانسي وايد ... وأخاف هو وايد جدي ومايدلعني ....


للعلم أنا صليت صلاة الأستخاره أكثر من مره ... وحلمت أني أكلمه وأقوله خلاص مابنملج .. وتستوي ضرابه من بينناااااااااااااا ....

أبغي حد يوجهني الله يخليكم .. انتوا شو رايكم باللي سمعتوه ؟؟؟؟

Romancia
16/08/2004, 09:18 PM
:confused:

توته الصغيرونة
16/08/2004, 10:00 PM
هلا عزيزتي رومانسية .......

لا تزعلين حالك :clap: اول شئ فكري زين هل انتي تبيه فعلا من قلبش ولا عشان في فكرة مزروعة في راسش انش انتي له وهو لش .. او انش حاسة انه التزام امام اهلش ولازم تنفذيه ... وهل صفاته وشخصيته هي صفات فارس احلامش ...
:pain:

رومانسية حبيبتي مو كل وحده حبت زوجها قبل الزفاف كثيرررر كثير منهم صار بينهم حب ومودة كبيرة بعد الزواج بفترة ...

صلي استخارة مرة ثانية لمدة اسبوع واول ما تصليها نامي وشوفي كيف ...

تعرفي حتى انا مثلش ابي اتزوج واحد اكبر مني بكثير :o :o


والله يوفقش عزيزتي وخبرينا عن اخر المستجدات .. :up:

ولا تنسي هذي حياتش انتي اقتنعي بأي خطوة تخطيها وانا ادري انه موضوع محيررررررر جدا

تحياتي ,

مرموم
17/08/2004, 10:05 AM
السلام عليكم ورحمة الله وبركاته

شوفي أختي...

إنتي تقنعي نفسك بأشياء...و تطلعي عيوب في الموضوع من غير داعي...

إنه أصغر منك ب 3 شهور هذه مش مشكلة كبيرة...الفرق أبدا مش كبير...و ياما الناس حلمت باشياء و ما تحققت...

لو كان هو ما يريدك...ما كان اتقدم لك و انخطبتوا...و لو سألتيه سؤال صغير الحين..قولي له هل ما زلت في عينك مثل ما حلمت في...و هل فعلا تريد هذا الزواج؟...و هو مش راح يكذب...

هو من أهلك و ناسك...عمره ما راح يزعلك و لا يهينك...و يتمنّاكي زوجة له من 10 سنوات...

حاولي تختلطي بإخواته البنات و شوفي طباعه...و خليهم يحكولك كيف هو يحبك...

حاولي تتقربي منه أكثر...و الله هو نعمة...فكري أكثر من مرة قبل ما ترفضيها...بنظري ابن عمك أفضل من ييجي واحد من بره...و تشوفيه كويس...و بعد الخطبة تكتشفي الإختلاف الكبير في الطباع...

صلي استخارة مرة ثانية...بس بشرط إنك ما تكوني حاطة في بالك شيء معيّن...يعني وكلي كل أمرك لله...و هو أكيد راح يختار لك الأفضل...

مذهلة البحرين
17/08/2004, 11:14 AM
اختي عليك بالحوار والصراحه والتلقائية معاه
حسب كلامك اعتقد انه مافي اتصال بينكم صح؟

فطبيعي تحسين بالغربه منه وبالنسبه لفرق العمر انه معاك المفروض ان البنت تتزوج من واحد اكبر منها بسنوات لأسباب كثيره.....

Romancia
17/08/2004, 07:47 PM
شكرا ياخواتي على ردركن... والله فرحتوني على الأقل محد أهمل رسالتي !!

توته الصغيرونه .. مشكوره حبيبتي على الرد .. انا الصراحه مافكرت فيه أبد وانا وافقت علشان من الأهل وان شالله أهلي وأهله بيدعلونا في ان هذا الزواج يتبارك .. وعلشان هالفكره مزروعه براسي.. وكمان عشان مازعل أهلي .... .
وانا خايفه من حبه لي لأنه مايعرف طبعي كيف ولا شخصيتي .. فكيف حبني .؟؟؟؟ هذا السؤال اللي محيرني !؟؟؟
وانا صليت صلاة استخاره ولكن ان شالله بصلي بعد ....
شكرا حبيبتي على ردج وان شالله الله ينولج اللي في بالج يارب

مرموم شكرا عى النصايح حبيبتي ,اكيد أحترم وأقدر رايج .. وانا كذلك ماشوف فارق السن مشكله بس متردده اشوي على الفكره ككل !