المساعد الشخصي الرقمي

مشاهدة النسخة كاملة : مسافره وراجعه - بس لكم عندي كلمه -



غرٌِابه
01/08/2004, 04:47 PM
السلام عليكم ورحمة الله وبركاته

شلونكم بنات وشخباركم

ينات بودعكم لاني مسافره ان شاء الله وبرجع لكم باذن الله بعد شهر او اكثر بس احاول اني اكلمكم من خلال السفر

وبقول حق كل وحده بخاطرها تحمل خل تتصبر وتدعي الله ولا تياس من رحمة الله ولابد في يوم بينجلي الهم وتنفجر وصدقوني كل لحظه نصبرها فيها خير لنا والله يرزق بني ادم على قدر نيته
لا تحاتين اخيتي في الله ولا تتضايقين كل ما تجي لك الدوره وتخيب امالك ولا تتحطمين صدقيني الله راح ياذن لك في يوم من الايام وراح تحملين وباذن الله راح تضحكين على ايام الانتظار هذي

خلي ايمانك في الله قوي وتذكري افضل الامثال والابتلائات مثل سيدنا زكريا وسيدنا ابراهيم عليهم افضل الصلاه والسلام هم كذلك حرموا من الخلفه الا بعد ما اشاء الله واذن لهم

وصدقوني لازم نقي ايمانا وثقتنا في رب العباد لان الله يريد لنا الخير والله يكتب لنا اياه في القريب العاجل يارب

تفكري في نعمج والخير اللي انتي فيه وحمدي الله طول الوقت
حمدي الله على حواسج وعلى عافيتج وعلى زوجج وعلى نصيبج وعلى اهلج وعلى اهل زوجج حمدي الله على اكلج وشربج وعلى كل لحظه عشتيها بخير وعافيه وانتي شبعانه ومرتاحه لان غيرج قد يكون محروم منها
تمتعي في ايامج وفي راحتج وفي علاقتج مع زوجج
لا تقصرين على روحج افرحي واستانسي
وخلي الامور بيد الله سبحانه
عيشي هذي اللحظات بصوره احلى ولا تعيشين لحظات الانتظار بهم وغم
اكتبي مذكرات انتظارج وسجليها عشان تبقى ذككرى لوليدج ان شاء الله
خلي ايام انتظارج احلى الايام في انج تتقربين فيها لله سبحانه
تعوضين اماكن النقص في العباده وغيره
لا تنسين اي عمل فيه خير حطي يدك فيه
واحتسبي الامور لله سبحانه

والله يوفق الجميع

واخيتي اللي تنتظرين الولاده

بقولج احمدي الله على كل شي لا تتمللين ولا تتضايقين لان شوفي امامك امثله واايد تنتظر الحمل بس بس الحمل وودها لو شنو تتحمل من العذاب بس عشان تحصل على النعمه اللي انتي فيها
فاحمدي ربج ولا تتشكين كثير
تحملي عشان النونو اي شي - من اجل النونو يفداه الف داء وداء

عيشي لحظات الحمل وسجلي مذكراتج وتعبج
سولفي مع جنينج لان الجنين يسمع وهو في بطن امه
لا تحرمين جنيج من القران بصوتج
اقريه وخليه يسمع منج ومن ابوه
افرحي واستانسي
والله يسهل عليج كل لحظه يارب

هذا اللي حبيت اقوله حق كل وحده تقراء موضوعي
وابيكم اتحللوني وتسامحوني يمكن اني غلطت في يوم على احد او لا قدر الله اذيت احد في رد او شيء من هالقبيل

بسافر وباذن الله برجع والله يرزقني الذريه الصالحه المعافاه معاكم

خلونا نتوكل على الله ومن توكل على الله فهو حسبه
وان شاء الله ما يضيع لنا تعب

استودعكم الله الذي لا تضيع ودائعه

اللهم لا تذرنا فردا وانت خير الوارثين

أحبـــــــــــــــــــــك م في اللــــــــــه
وراح افقدكم وايــــــــــــــــــــــ ـد

والله يرزقكم يارب وشدوا حيلكم كل وحده ابي بطنها متفوخ ما ابي ارجع واشوف بطونكم فاضيه :D2

الله يحفظكم

علبة شوكلاته
01/08/2004, 04:53 PM
هلا فيج اختي غرابه

اتروحين و ترجعين بالسلامه

انشاء الله و انتي راجعه اسمع خبر حملج ياااااا رب

و انشاء الله ايتمم رب العالمين على كل حامل حملها و يسهل كل والده في ولادتها

و الف شكر لج اختي على قلبج الطيب و الابيض

الف شكر لج على المشاعر الجميله اللي اتكنينها لاخواتنا العزيزات

و الله يعطيج على قد نيتج يااا رب

و بالسلامه خيتووو

قلوووووووب
01/08/2004, 04:58 PM
:smile:تروحي وتردي بالسلامة اختي العزيزة وان شاء الله ما تقطعينا حتى وانتي في السفر


عاد لا تنسي الصوغات ها شو بتيبين لنا من السفر :cool2::cool2::cool2:


نبا سلامتج الغالية :smile::smile:


ولا تنسينا :smile:

غرٌِابه
01/08/2004, 05:04 PM
حياج الله علبه شوكولاته


تسلمون والله ما قصرتوا والله يسهل على كل حامل يارب ويرزق كل محرومه



قلوووب

ولا يهمج اللي تامرين فيه بس اشري انتي


:D2

قلوووووووب
01/08/2004, 05:09 PM
يا سلام الي آآمر فيه يا سلام من قدي عاد انا بتشرط خلاص بعدين بكتب لج لستة بالمطلوب والصوغة المطلوبة واتحملي انتي عاد :D2:D2:D2 ما صدقت حد اييب لي صوغة :D2:D2 (( وحدة ما شايفة خير :cool2: ))

حبيبة110
01/08/2004, 05:39 PM
السلام عليكم ورحمة الله وبركاته



هلا غرابه

ماشاء الله عليكى وعلى كلامك الحلو


بتوحشينا جدا جدا

حاولى ماتغيبى علينا وادخلى من بلادك على النت عرفينا احوالك


ويارب يارب يارب يرزقك اللى بتتمنيه

وترجعى بطنك منفوخ:D2


يارب يرزقك الذريه الصالحه انتىو كل البنات


تروحين وترجعين بالسلامه


والله حالى حزينه لما سمعت كلامك اتاثرت منو جدا

بتوحشينى يااحلى غرابه

ماتغيبى علينا

:confused:


اختك


حبيبه


:sad:

فوانيس
01/08/2004, 06:58 PM
هلا غرووووبه الغالية

بحفظ الله و رعايته

بنتوله عليج وااايد

الموضوع بيتثبت لحد رجوعك

لأنه كلامج جدا رائع و جميل:smile:

غرٌِابه
01/08/2004, 07:15 PM
تسلمون لي يا عسل
والله يا حبيبه ويا اختي فوانيس الله يعلم شكقر اغليكم واغلي المنتدى هذا بشكل فوق الطبيعي احسه بالفعل بيتي الثاني

والصراحه عيني بدت تدمع مااعرف ليش حاسه في شعور غريب كأني بالفعل بترك بيتي

بس باذن الله بزوركم وانا راجعه وبتطمن على احوالكم


ومشكوره اخيتي فوانيس على تثبيت الموضوع

والله يعطيكم الصحه والعافيه

تسلمون

:up:

عذراء القلب
02/08/2004, 02:01 AM
تروحين وتردين بالسلامة يالغالية.. وان شاء الله ما تردين الا بطنج منفوخ وبطني هافت بعد هذي النفخة.. ادعيلي وانا ان شاء الله ما راح انساج من الدعاء عند بيت الله .. واللي رزقني بحملي هذا بعد طول حرمان (واقولها من قلب: طوووووول حرمان ) راح يرزقج .. اهم شيء تتمسكين بالدعاء ..


عذراء القلب

مرموم
02/08/2004, 07:41 AM
السلام عليكم ورحمة الله وبركاته

و الله راح توحشينا يا غرابة...

خلّي بالك من نفسك...و استمتعي بوقتك....

الله يكمّلك بعقلك يا رب...و يعطيكي على قد نيتك الصالحة و ما يحرمك أبدا...و يتحقق قول الله تعالى ( و لَسَوف يُعطيك ربُّك فترضى )

في أمان الله...(u)

حورا
02/08/2004, 11:02 AM
حبيبتي غرابه..

كلامج يصبرني وكل ما حسيت أني يائسه أرد أقرأه..

مشكووره وايد على قلبج الطيب والابيض..

وصدقيني انسانه بهاالطيبه مستحيل ربي ما يكون يحبها بعد..

الله يوفقج ويهون عليج غربتج ويرزقج بنونو تفرحي فيه..

آمــــــــيـــن...

:smile:

نــورة
02/08/2004, 03:42 PM
بعد عمري يا غرابه الله يزيدج ايمان ويثبتنا واياج

كلامج حلووو ويوسع الصدر

وان شاء الله يارب اول ماترجعين تكونين انتي اول وحده بطنج منفوخ :D2

وعلى قولتج اللهم لا تذرني فردا وانت خير الوارثين :up:

غرٌِابه
02/08/2004, 03:49 PM
تسلمون ما تقصرون وصدقوني كل كلمه اطلعت مني طالعه من قلب
وحاسه في شعور كل بنت

وعسى الله يوفقنا جميعا ولا يضيع لنا تعب


بالتوفيج

ommaro
02/08/2004, 07:56 PM
الله يكون معك ياغرابه ويسر امرك وينولك اللي في بالك ولا يحرمك لانو قلبك طيب والله مابينسى المؤمنين الصابرين من فضلو سبحانو اكرم الاكرمين .انشالله بترجعي بخير واذا انت مسافره عند اهلك لازم تنبسطي وتستمتعي بوقتك وتقضي معاهم ايام حلوه لانك مش كل شوي رح تقدري تشوفيهم وانشالله بترجعي بخير وبنطمن عنك وعن اخبارك.:confused::confused:والله بكاني كلامك الحلو

غرٌِابه
02/08/2004, 08:48 PM
حبيبت قلبي ام مارو

عسى ربي يثبت حملك ويوفقك ويريح بالك ويقر عينك في اهلك قريبا

انا راجعه لاهلي بالفعل وان شاء الهل انبسط وافرح والله يكرمنا بفضله يارب

تسلمين وشكرا على قرائتك لموضوعي

امانة الله وبحفظه

um_hamdaan
03/08/2004, 07:12 AM
تروحين وترجعيلنا بالسلامه يا رب والله اني ما قدرت ايود عمري :confused:وانا اقرى كلامج يختي احس انج مثل اختي واكثر ولو اني ادري اني امقصره فحقج بس والله احس اني ارتاح يوم اقرا اللي تكتبينه ودووووم افكر انه في حد يهون علي فادخل عشان اجوف مشاركاتج ...... :confused::confused::confused::confused::confused: :confused:

فديت قلبج والله يا اختي انشالله بإذن الواحد الاحد تحملين يا رب ومثل ما قلتلج نحمل انشالله فنفس الشهر انشالله وانعيش هالتجربه مع بعض انشالله يا رب


وإنشالله وبإذن الله انا باجر بروووح العمره وانشالله يا رب ما بنسى اني ادعي لكل بنات المنتدي وصدقيني ما بنسي اني ادعيلج وادعيلي انه الله يرحمنا ابرحمته ويعطينا الصحه والعافيه ويشفينا من الهرمون اللي ما راضي ينزل ويبرد اقلوبنا ويعجل من رزقنا ويرزقنا الذريه الصالحه يا رب


عاد لا تطولين طمنينا على اخبارج وسلمي علي اهلج وانشالله انجوفج علي خير انشالله يا رب

غرٌِابه
03/08/2004, 11:00 AM
حبيبــــــــــــــــــتي ام حمدان فديتج والله

لا تضيقين خلقي معاج بروحي انا على طرف دمعتي بحظني

لا ان شاء الله الله بيفتحها علينا وتنفرج قريبا يارب

وان شاء الله البشاير تتناثر على المنتدى بامر الواحد الاحد والكل يفرح

لا تضيقين خلقج

وتصبري وكل ماتميتي اقري اللي كتبته انا - ترى حتى انا ارجع واقرى اللي كتبته - لان بالفعل الواحد يحتاج حق دعم معنوي وخاااصه في مثل هالموضوع

خلينا نحط ايدينا بيد بعض ونواسي بعض ونفكر في بعض وندعي لبعض

لان ما في احسن من الدعاء - وسهام الليل ما تخطي ابد - ان شاء الله

خليني اسمع اخبارج الحلوه يا ام حمدان قريب

وانا بطمنكم علي كثر مااقدر وعسى ربي يكتب لنا الخير والبركه
في القريب العاجل


احبج في الله يا ام حمداان والله يعلم

بُوران
08/08/2004, 06:56 PM
ماشاء الله على كلامك

الله يرزقكم كلكم

ولو اني لسه مو متزوجه بس والله حاسه في كل وحده ماحملت الله يرزقكم ان شاء الله

ماشاء الله عليك ياغرابه كلامك فعلا درر درر
واصبروا .............................


اختكم في الله

um_hamdaan
09/08/2004, 10:01 AM
يختي شخبارج اتولهت عليج انا سرت العمره ورجعت الحمد لله وما كان ودي ارد لانه الصراحه الدنيا كلها اتحطينها ابصوب ويوم اتكونين فالحرم ابصوم شو الدنيا والله انها ما تسوى شعور غريب اتحسين فيه ممب عارفه كيف اوصفلج والله اني دعيتلج من كل خاطري وانشالله يا رب الله يرزقنا ويرزق كل بنات المنتدي يختي لما دخلت المنتدي اليوم اجوف بشاير الخير ,خواتي (نوره ,وحورا ) الحمد لله حمل وعقبالنا احنا بعد يا رب


طمنينا عليج وعلي اخبارج

أم عدول
09/08/2004, 10:07 AM
السلام عليكم ورحمة الله وبركاته
تروحين وترجعين لنا بالسلامة
كلامج جدا جميل .. الله يعطيج الصحة والعافية
ونحن بانتظارج عزيزتي

تحياتي
ام عدووول

النوري
18/08/2004, 08:40 PM
الله يرجعج لنا بالسلامه يا غرابه ويرزقج باللي تمنينه يا رب ومثل ما قلتي لازم ما نيأس من رحمة الله وان الله مع الصابرين.


ننتظرج يا اختي :smile:

ميثه
20/08/2004, 01:44 AM
الله يحفظج ياختي ويرزقج بالذريه الصالحه وترجعين بالسلامه

ام ناصر 2000
20/08/2004, 02:12 AM
تروحين وترجعين يالغالية بالف سلامة ان شاء الله

والله يطمن قلبج ويرزقج بالذرية الصالحة:up:

دراعه
22/08/2004, 07:56 AM
الله يرزقكم ان شاء الله بالذريه الصالحه

بس ابن ادم لازوم يصبر

انت تريد وانا اريد والله يفعل مايريد

ترى انا وحده احس بكم صدقوني لان الفطره للامومه اللي في الحرمه
مستحيل تنلغي في الوجود الله يرزقكم ان شاء الله

سكون
23/08/2004, 01:11 AM
كلامكم :cry: الله يرزقكم سبحانه قادر على ذلك ..

فوانيس
29/08/2004, 04:29 PM
السلام عليكم

حبيباتي...

غرابه ولهانه عليكم موووت:smile:

و تسلم عليكم :up:

roooo7i
29/09/2004, 06:40 AM
غرٌِابه

والله اني احبك من كل قلبي انتي والاخت اوركيد
سبحان الله الارواح جنود مجنده

الله يرجعك لنا بالسلامه محمله بالاخبار الطيبه والله لايحرمنا ولا إياك من الذرية الصالحة اللهم آمين

MISS_MATH
30/09/2004, 06:55 PM
اختي غرابه تروحين وترجعين لنا بالسلامه

والف شكر لك على مشاعرك الفياضه ..... والله لو انك جنبي كان قبلت جبينك:o على هالكلام اللي يثلج الصدر ... حسستينا بالاخوه الحقيقيه


الله يخليلك ويردك بالسلامه

اختك مس ماث :shy:

حبيبة110
01/10/2004, 03:50 PM
http://hawaaworld.net/files/23270/jjj.gif


السلام عليكم ورحمة الله وبركاته


بنات حبيت اطمنكم على غرابه

هى ان شاء الله رجعت من سفرها بخيرررر

وتسلم عليكم كتير جداااااااا

وتشكر كل اللى سالو عنها

وتبلغكم انها بتدخل قريباااااااااااا جداااااااااااااااااا:up:

:)

http://hawaaworld.net/files/23270/jjj.gif

البنات الغنادير
01/10/2004, 04:40 PM
اتروحين وترجعين بالسلامه .....

um_hamdaan
04/10/2004, 08:17 AM
يالله ياختي غرابة تعالي والله اتولهنا عليج واتولهنا علي اخبارج ....

مذهلة البحرين
04/10/2004, 11:49 AM
تسلميييين

fatma
10/10/2004, 12:23 AM
اتروحين و ترجعين بالسلامه

انشاء الله و انتي راجعه اسمع خبر حملج ياااااا رب

:shy:

غرٌِابه
19/10/2004, 12:54 PM
السلام عليكم ورحمة الله وبركاته حبيباتي الغاليات ها انا من جديد رجعت وكلي امل اني اسمع احلى الاخبار منكم وان شاء الله القاكم على خير وكل رمضان وانتم بخير

:D2