المساعد الشخصي الرقمي

مشاهدة النسخة كاملة : اختي في الاسلام صيحتني صياح



بنت البلوش
01/08/2004, 09:18 AM
قصة حقيقية عائلة عمانية هاجروا وعاشوا في السعودية توفوا الاب والام و هند اصغر العنقود ربتها اختها وكبرت هند وتزوجت ولد عمها عايش في عمان وطبعا هند تزوجت وراحت عمان وطبعا صعبه الحياه في عمان وعاشت في منطقة نائية جدا وتحملت الفقر والهم والاسى والحرمان والبعد عن اختها اللي حلت مكان امها زوجها شرطي في شرطة دبي يصرف عليها وعلىولده وعائلته.

وعائلته تتكون من 25 شخص والحمد لله الزوج محمد ماقصر على زوجته هند كان قدر ما يقدر ما يقصر في حق هند صار امها وابوها واخوها واهلها ومرت الايام والزوج توفي ... شافوا السياره متدهورة في حتا كان راجع من دبي توفي قبل عيد الاضحى بيومين طبعا شرطة دبي ما قصروالاسعاف كشف الدكتور قالهم روحه طلعت وهو يسوق السياره سبحان الله محد يعلم الله متى ياخذ روح كل شخص منا...

ادمرت حياة هند اهل زوجها رفضوا ترجع السعودية بعد ما خلصت العدة راحت وزارت اهلها بعد طلعت الروح.. ودها تعيش في السعودية بس ما تقدر لان اخوها مزوج اخت المرحوم ووقف في صف حرمته ورجعت هند عمان اتصلت فيني ميته من الصياح طبعا مات زوجها وما فيه حد يصرف عليها اللي كان يصرف عليها مات حياتها ادمرت لا عندها دخل و ولا عيال يصرفون عليها وما تشتغل وحالتهم صعبه جدا سبحان الله الشيخ زايد ما قصر الشؤون الاجتماعيه كل شهر يعطون المطلقات والارامل والايتام 1250 ويوفرولهم مسكن ...بس عمان شويه حالتهم


والله ما بتصدقون قلبي تقطع عليها تخيلوا عايشه في بيت 25 شخص الساعه 8 حل الظلام ولازم ينامون ما عندها اكل تاكل ولبس تلبس ولا مصروف والله الوحده منا تحمد ربها على النعمه اللي فيها...

froha22
01/08/2004, 09:24 AM
:down:والله حالتها تقطع القلب ..
الله يفرج عليها وعلى كل فقير ومحتاج يااااااااارب العالمين ..



مشكورة أختي بنت البلوش على القصة الي تقطع القلب:confused::confused::confused:

ومض الحياة
01/08/2004, 09:35 AM
الله يفتح عليها و يرزقها من حيث لا تحتسب
و يرزقها رزقا ليس لأحد فيه عليها منة و لا فضل
و يكفيها بحلاله عن حرامه و بفضله عمن سواه


طيب هي عايشه مع اهله كيف مو لاقيه تاكل؟؟؟؟؟؟



بعدين أخوها اللي مصر انها تضل بعمان ليه ما يساعدها دام هذي رغبته؟




و وين راحت حقوق زوجها ؟

بنت البلوش
01/08/2004, 10:20 AM
ومض الحياة

عمها ابو زوجها متوفي ومشاء الله تقريبا خمس عوائل في بيت واحد لان حالتهم الماديه ضعيفه وراتب اخوها يالله يكفي عياله وزوجته

وتضل بعمان لانها عندها ولد واخت المرحوم مزوجه اخوها وكلهم عايشين في بيت واحد يخاف اخوها ينطرد

للين الحين ما استلمت حقوق زوجها الصراحه بعض من بنات الخير ما قصروا في حقها من ثياب وفلوس واغراض ولبس لولدها عمره سنه ونصف

مملكة القلوب
01/08/2004, 05:42 PM
http://al3needm.jeeran.com/pink.gif

السلام عليكم ورحمة الله وبركاته

الله يكون في العون

ربي يسهل لها ويفرج أمرها

وأنشاء الله راح يتيسر أمرها ربي معاها

ولك مني كل التقدير والحترام

http://hawaaworld.net/files/23270/photo_peace1.gif
مملكـــة القلوب
http://hawaaworld.net/files/23270/photo_peace1.gif

http://al3needm.jeeran.com/pink.gif

عبير الشوق
01/08/2004, 06:47 PM
الحمدلله على كل حال .... اللي يشوف بلاوي الناس تهون عليه بلوته ..

عذباء
01/08/2004, 07:30 PM
الله يفرج عليهاكربتها
ويرزقها

أنا وأنت
01/08/2004, 07:34 PM
لا حول ولا قوة إلا بالله العلي العظيم ..

كان الله في عونها ...

مرموم
02/08/2004, 07:51 AM
السلام عليكم ورحمة الله وبركاته

ربّك رحيم بعباده...و لا ينساهم أبدا...

هو يختبر صبرها و احتسابها...

و بإذن الله يكون جزاؤها عند الله عظيم...و يبدل الله همها فرحا و سرورا...

اللهم أميـــــن

مذهلة البحرين
02/08/2004, 08:21 AM
الله يكون في عونها ويصبرها

مذهلة البحرين
02/08/2004, 08:33 AM
الله يكون في عونها ويصبرها

روز دبي
02/08/2004, 08:34 AM
الله يعينها انشاء الله

محبة الحياة
02/08/2004, 07:02 PM
بنت البلوش ...

الله يبارك فيج على حرصج عليها ..

بس عندي اقتراح ..

ليش ما تحاولين تساعدينها .. ممكن تسوين تبرعات بين عايلتج وصديقاتج ... تجمعين منهم اللي تقدرين عليه من مال ولبس وغيره .. وتبعثينه لها .. :up: .. شو رايج؟!

بنت البلوش
02/08/2004, 07:12 PM
بسم الله الرحمن الرحيم

السلام عليكم ورحمة الله وبركاته

الحمد لله كل ربعي في الدوام وبرع الدوام ما قصروا وهلي ما قصروا عندي صديقه من العين او ما عرفت الموضوع جزاها الله الف خير كفلت ولدها لانه يتيم واللي بعد ما يعرفني تعرف عليه من المنتدى وعطوني تبرعات الها وجزاهم الله خير:up:

خيماوية
02/08/2004, 07:37 PM
السلام عليكم ورحمة الله وبركاته


مشكورة اختي على نقل القصة ...

وما أقول غير الله ييسر لها ويرحمها .. ويفتح لها من كرمه .. وماايخليها محتاجه لأي مخلوق ..
اللهم اغنها بحلالك عن حرامك ..
يارب تستر عليها واتفرج كربها وكرب كل المسلمين ..

آمين آمين .. وآخر دعوانا ان الحمد لله رب العالمين .. (u)

الريم ه
03/08/2004, 05:01 AM
كاتب الرسالة الأصلية : بنت البلوش
قصة حقيقية عائلة عمانية هاجروا وعاشوا في السعودية توفوا الاب والام و هند اصغر العنقود ربتها اختها وكبرت هند وتزوجت ولد عمها عايش في عمان وطبعا هند تزوجت وراحت عمان وطبعا صعبه الحياه في عمان وعاشت في منطقة نائية جدا وتحملت الفقر والهم والاسى والحرمان والبعد عن اختها اللي حلت مكان امها زوجها شرطي في شرطة دبي يصرف عليها وعلىولده وعائلته.

وعائلته تتكون من 25 شخص والحمد لله الزوج محمد ماقصر على زوجته هند كان قدر ما يقدر ما يقصر في حق هند صار امها وابوها واخوها واهلها ومرت الايام والزوج توفي ... شافوا السياره متدهورة في حتا كان راجع من دبي توفي قبل عيد الاضحى بيومين طبعا شرطة دبي ما قصروالاسعاف كشف الدكتور قالهم روحه طلعت وهو يسوق السياره سبحان الله محد يعلم الله متى ياخذ روح كل شخص منا...

ادمرت حياة هند اهل زوجها رفضوا ترجع السعودية بعد ما خلصت العدة راحت وزارت اهلها بعد طلعت الروح.. ودها تعيش في السعودية بس ما تقدر لان اخوها مزوج اخت المرحوم ووقف في صف حرمته ورجعت هند عمان اتصلت فيني ميته من الصياح طبعا مات زوجها وما فيه حد يصرف عليها اللي كان يصرف عليها مات حياتها ادمرت لا عندها دخل و ولا عيال يصرفون عليها وما تشتغل وحالتهم صعبه جدا سبحان الله الشيخ زايد ما قصر الشؤون الاجتماعيه كل شهر يعطون المطلقات والارامل والايتام 1250 ويوفرولهم مسكن ...بس عمان شويه حالتهم


والله ما بتصدقون قلبي تقطع عليها تخيلوا عايشه في بيت 25 شخص الساعه 8 حل الظلام ولازم ينامون ما عندها اكل تاكل ولبس تلبس ولا مصروف والله الوحده منا تحمد ربها على النعمه اللي فيها...

يا اختي اول شي
أنا صح زعلت من طريقه موضوعج وكتابتج وايد
طلعتي عيوب بلاد وخليتيها ما تسوى ورفعتي ببلاد وكأنه ما فيها شي
عموما اول شي يالغاليه حقوق المرحوم زوجها ياخذهن من مكان شغله ومعروف انه اي ارمله في العالم يصرف لها راتب زوجها طبعا اقل بشويه وفي هالحاله يلام مكان عمله والشي الثاني من حقها تروح تقدم في وزاره الشؤون الاجتماعيه والعمل وتحصل على راتب بالاضافه الى راتب زوجها المرحوم الا اذا قامت جهه العمل بانكار هذا الحق وبما انه ما يشتغل في عمان فما يقدروا يمشولها في الموضوع لانه يخص دوله ثانيه...
والمفروض انها تقدم في عمان على معاش الشؤون لانه اذا ما تحركت الوزاره ما بتدري عنها واسعي يا عبدي وانا بسعى معك
شوفي ياختي انا قلبي يتقطع على هالانسانه والله يعوضها سبحانه وتعالى
وما انكر انه دخل الفرد في عمان اقل شوي من عندكم
لكن كل هذا ما مبرر لكل الكلام اللي قلتيه... طلعتي عمان ولا بنجلاديش الحياه صعبه وعمان مادري شو
اختي انا نص اهلي في عمان ونصهم في الامارات
والنعم ببلادكم
لكن بعد الفقر عندكم والفاقه موجودين في المناطق النائيه بعد مثل عمان ومثل كل دوله خليجيه ومثل كل دوله في هالعالم
سيري شوفي راس الخيمه والبيوت والاراضي الميته وشوفي البيوت المتهدمه في الفجيره وغيرها والحريم اللي يطلعن في المجلات يقولن ما يوصلهن المعاش والبيت ابو ثلاث حجر ساكنين فيه 25 نفر واللي كل يوم يطيح سقفهن من بيوت الشعبيه.... ولحد يزعل من ينات الامارات دخيلكم لكن هذا الشي موجود في الدنيا كلها بس انها تقوم تقوله بهالطريقه عنبوووو الله ما يرضى
اختي سامحيني بس لو انا شفت لج هدف من الموضوع كان عذرتج
لا انج طارحه الموضوع تبي حل ولا طارحه الموضوع للعبره
وهذا اللي خلاني اتضايق.... الغاليه عندنا وعندكم خير وعندنا وعندكم فقر
هذي قسمه ربج محد بيتفاخربها ويمن بها

وعارفه الحين الكل بيرد علي وبيدافع لكن ناشدتكم الله طالعوا الموضوع وقولولي شو وصلتوا
مشكله تبا حل؟
طلب دعاء لهالانسانه؟
لا
مجرد عرض قصه
ولو الهدف منها العبره والعظه ما كان له داعي ذكر اسماء دول وبهالطريقه
وبهالطريقه الظالمه

طالعوا هالجمله " سبحان الله الشيخ زايد ما قصر الشؤون الاجتماعيه كل شهر يعطون المطلقات والارامل والايتام 1250 ويوفرولهم مسكن ...بس عمان شويه حالتهم"
شو بعد هذي شويه حالتهم؟ ما عندهم معاش للارامل والمطلقات؟ منو قالج؟ عندهم بس لازم الواحد يسير يقدم... وحده ريلها يشتغل في دوله ثانيه اشقايل بيعرفوا عنه بالله... شي استماره يتم تعبئتها وكل يوم تنزل اعلانات في الجرايد للمستحقين
شو دراج انتي عن اللي يصير في عمان ياختي
واسمحيلي ولحد يزعل.... وين معاش ريلها المرحوم من شغله؟ ليش جهه عمله ما عطتها للحين


والسموحه لكن كلمه الحق ما ينسكت عنها وما تعودت اسكت عاللي يظلمني ويظلم بلادي

AFKAR
03/08/2004, 08:11 AM
الله يخليكي ... صراحة كفيتي و وفيتي يالريم !!!
فعلا تضايقت من الموضوع ... لأننا الحمدلله عايشين عيشه حلوة ولله الحمد ... و عمان مثلها مثل غيرها ... فيها الفقر و فيها الرفاهية

مرموم
03/08/2004, 08:14 AM
السلام عليكم ورحمة الله وبركاته

سيتم إغلاق الموضوع...حتى لا نثير المزيد من النزاعات بين الأعضاء...

كل بلد فيها الفقر و الرفاهية فعلا...و مقترحات الأخت الريم جميلة جدا و هي البحث عن معاش الزوج...

من يرغب في مزيد من التفاصيل عليه مراسلة الأخت صاحبة الموضوع...