المساعد الشخصي الرقمي

مشاهدة النسخة كاملة : اتمنى حد يساعدني في مشكلتي



asma18o
26/07/2004, 08:17 PM
السلام عليكم ورحمة الله وبركاته

بالصراحةمن يوم ماعرفت منتدى العروس وانا ماعندي غير هذة المنتدى من كثر ماشفت اشياء حلوة وجميلة،يعني في اليوم لازم ادخلهااكثر من خمس مرات اتمنى من رب العالمين التوفيق للمنتدى ولكل الموجدين فيها.
بالصراحة عندي مشكلة كل ما حاولت احلها يتعقد بعدها , بالنسبة لي متزوجة من سبع سنين ولى بنتين والحمدلله , المشكلة بدت من بعد ثلاث شهور من زواجي , تزوجت عن حب , اخذني خصب عن اهله , اهله ما كانوا يحبوني في الماضي اما الحين يضربون علياالمثل ،المهم بعد ثلاث شهور صار في زيارات تعارف لأهله , وفي يوم امه عزمت كل الاهل على العشاء , ورحنا على العزيمة وكان كل الحريم الموجودات يخدمنا ازواجهم وانا لاني جديدة بينهم كنت اخجل من اقل شئ ، وما اشوف إلا زوجي يبلي الحلو ومرة فواكه وكله قاعد جنبي ومايفارقني ويدلعني ، بعد مانتهت العزيمة وروحت مع زوجي , وكنا نتكلم في موضوع ماصار إلا هو يشد وانا اشد وتحول من موضيع رومانسية الى سبات وإهنات من طرفين , وعلى طول قلت له ودني بيت اهلي , بعدها وانا انزل من سيارة تمنت له الموت وهو بعد , مارحت عند اهلي الا وانا اصيح , امي كلمتني ونصحتني انه مافي داعي حد يشوف هذة المحبة الى بينكون , كل يكون بينكم وبين بعض , الا ويتصل فيني ويراضيني ويقول انا اسف وما ادري كيف طلع مني هذة الكلام وان شاء الله ماراح يتكرر , بعدها اتفاقنا انه مشاعرنا في بيتنا اما في الخارج زوجين عاديين ,ومرت الايام وانا سعيد وحتى لما تأخرت في الحمل ولما كان يجيني الدورة كل شهر كنت اصيح ليش مش حامل , وهو مسكين من يشوفني كذا كان ياخذني دبي والعين ويمشني المهم انه انسى , وانه حياتنا مايوقف على الاولاد وهذة كلها بمشيئة الخالق , بعد مرور سنة الا واشوف وحدة من اهله تلاحقه وين ماكان ,وطرش له مسجات و وهو كان يقولي كل شئ مايخبي عني شئ , واذا حصل ازعاج على تلفونه كان يحطه عندي ويخليني انا ارد على المكالماته , لين مارتحت , والحين مشكلتي انه بعد هذة سالفة صار زوجي مايتحمل مني كلمة وحدة ويهني ويجرحني ويضربني وحتى لما حملت وانا في الشهر الثالث يضربني وعارف انه لازم ارتاح وكانوا يعطوني ادوية لتثبيت الطفلة لين مانجبتها وبعد الاربعين حملت في الثانية والمشاكل تزيد وكم من المرات اكون في بيت اهلي , لين ماتعرفت على بنات ربنا يوفقهم دنيا والاخرة ’ كانوا يساعدوني ولحد الحين وهما معايا , ويقولون لي حصني بيتك وصدقنا زوجك يحبك ويحب بناته لكن عين ماصلت على النبي الي صارت لكي , الحمدلله عندي مساندة اهلي مع صديقاتي , لكن المشكلة كبرت بعد مابديت احصن البيت , رحت عند عدة مشايخ لما اكتشف انه كذاب ما اكرر زيارة عنده او اتصل ، انا اسفة اني مطولة بس حبيت انكم تعرفون قصتي من البداية وعلى فكرة هذة وانا مختصرة وايد , المهم صرت احصن نفسي بنفسي , اشغل المسجل وحط سورة البقرة , وادعي ربي انه ينفرج كربتي وكربة امةمحمد , بعدها صرت اشوف اشياء يطلع في البيت مثل في يوم اشوف حركة الباب يتحرك وينفتح الباب ولكن مافي حد لما اروح واشوف مافي حد هذة وكان بالليل , ومرة في عز النهار كنت نايمة انا والبنات وزوجي في الدوام وما اشوف الا دخان مغطي الغرفة بالكامل وهنا خفت على بناتي وقلت ليكون في حريق كيف اتصرف وبناتي في هذاك الوقت الكبيرة سنة والصغيرة عمرها شهر , لما قلت اعوذ بالله من الشيطان الرجيم الا ويختفي كل هذة الاشياء , بعدها بديت اكثر من التحصين وايات الرقية الشرعية لي ولزوجي والبناتي اقرالهم المعوذات , بعدها انتقلت لبيت ثاني قلت احتمال البيت , وفي البيت الثاني صرت اشوف اشياء يطلع لي , او اشوف شخص واقف ويطالعني , وفي يوم حلمت حلم اني اقراء سورة البقرة والمعوذتين , وسويت مثل ماشفت في المنام وزدت فيها اية الكرسي وسورة الزلزله . ورتحت وايد وايد حتي الماي كان طعمه غير وبعدها حلمت انه فى حشرات في زوايا البيت من كل النواع الحشرات اسود الون , وانه جات نحلة وكلت كل الحشرات , خبرت زوجي وقالي احتمال انك تحطين سورة النحل , وبعدها حطيتها بعد سورة البقرة احط سورة النحل , وارتحت وايد و لكن بعدها صابني انا الخمول وضيق وما اريد اروح عند حد ومااريد اكلم حد وانفر من كل شخص ودايما انا تعبنا وبيتي وما اقدر انظفها وكل ما افكر يطلع لي مشكلة مرة فكرت انظف المطبخ الا ويتلوي رجلي , او يصبني صداع مااعرف شو اسوي , والحين مااقدر اسوي شئ مع زوجي وانفر منه واكرهه كرهلما يقرب مني , ولما يطلبني احس بضيق واذا قرب مني قلبي يدق بسرعة واحس انه روحي بيطلع من الالم ومن يبعد انا مرتاحة وبخير ، اليوم زوجي يقول لي شو صار لك متغيرة وايد علي , وانا ما انكر لكم يحاول يسعدني بكل الطرق ويراضيني بكل الطرق ,بالصراحة تعبت والحين كل يوم شئ يقومني من النوم , واشوف اشياء قدامي مثل من يومين ما اشوف الا اربع اشخاص واقفين قدامي لما قلت اعوذبالله من الشيطان الرجيم كل هذة الاشياء تروح مع انه حط سورة البقرة .
اسفة اني طولت وبصدق محتاجة مساعدة خايفة بعد الصبر هذة كله انفصل عن زوجي بالصراحة احبه بجنون .

أنا وأنت
26/07/2004, 08:47 PM
:pain::pain::pain:

أتمنى من الله أن يفرج عليج كربتج أختي الكريمة .

أرجو الإطلاع على رسائلج الخاصة فقد أرسلت لكي ردي ...

asma18o
26/07/2004, 09:01 PM
الحمدلله سعيدة وايد انه فيه حد رد على
جزاك الله الف خير للاخت الكريمة أنا وأنت
رحت افتح عند الرسائل الخاصة مانفتح لازم اشارك ب 15 موضوع عشان اقدر افتح الرسايل

ملااااااك
26/07/2004, 09:10 PM
الله يكون في عونج لازم تتحملين عشان بيتج وعيالج وزوجج .... بعد صبري وانشالله الله بيفرجها عليج......

عمق السكون
26/07/2004, 09:42 PM
السلام عليكم ورحمة الله وبركاته

الله يكووون في عونج الغالية ... أنصحج أنج تواصلين تقربج الى الله من حيث انج تحطين قرآن وتقرين على عمرج وعيالج .. وأذكار الصباح والمساء لها دوووور كبير وتدعين ربج فإن في الثلث الاخير من الليل ينادي الرب هل من داعي فأستجيب له فإذا كنت خاشعة وتائبة فتأكدي أن الله بيفرج عنج همج وصدقيني الله ما ييب مصيبة للانسان الا اذا كان يحبه و يبا يعرف مقدار صبره ...

ادعي او بين الاذان والاقامة في هالوقت يستجاب الدعاء

نسأل الله أن يفرج عنج همج ...

قولو آمين

إن الله مع الصابرين
:smile:

asma18o
26/07/2004, 10:11 PM
جزاكم الله كل الخير أختي ملااااااك و أختي عمق السكون
بالنسبة لي بسوي المستحيل ولي اقدر عليه اني احمي بيتي من الانهيار , وما افكر اني انفصل عن زوجي مش بسبب عيالي وبس لاني احبه واحترمه , شخص يحب لي الخير وانسان متدين ويخاف ربنا , غير انه نمر في مشكلة وان شاء الله اقدر اتجاوز المحنة ، ومحنة نفور من زوجي , لان بعد ما اريد اغضب ربي واعرف انه حرام , لكن لما يكون بقربي حالتي يتغير لدرجة اني بروحي ما اصدق انه انا إلي اسوي كذا في زوجي وإلي هو ما أذني في شئ ، والحمدلله على كل حال .

ام ناصر 2000
26/07/2004, 10:34 PM
:pain:

الله يعينج اختي ويفك كربتج هااي اكيد عين ما صلت على النبي واصلي قراءة القران واذكار الصباح والمساء وتحصين بيتج وان شاء الله ترد السعادة والحب يرفرف عليج وعلى ريلج

asma18o
27/07/2004, 06:41 AM
شكرا أختي الكريمة ام ناصر 2000
وجزاك الله الف خير .
:smile:

dalooo3ah
27/07/2004, 06:55 AM
الله يكون في عونج الغاليه تقربي من الله وحاولي تكثرين من قراءة القرءان واقري القرءان بصوت مسموع
والله يكتب لج اللي فيه الخير

asma18o
27/07/2004, 07:31 AM
شكرا أختي الكريمة dalooo3ah

وجزاك الله كل خير

:smile: