المساعد الشخصي الرقمي

مشاهدة النسخة كاملة : زميلي في العمل



بنت الشهامة
19/07/2004, 04:20 PM
بقول لكم سالفتي زميل معاي في الدوام معجب فيني ومن اول ما داومت عندهم حاول انه يتعرف عليه وانا صديته قبل شهرين مزحت وياه وقلت له انخطبت اتخبل الريال وتم يستفسر كيف ومنوا هذا ومتى وقالي ممكن اكلمج قلت له تفضل قال الصراحة من فتره وانا معجب فيج وفي اخلاقج وزاد اعجابي فيج يوم صديتيني والصراحه اناارتاح لج ودي اصارحج كنت احب وحده وخانتني ولحد الحين احبها حسيت من كلامه انه بدا يحبني بس مب قادر يقولها لانه مجروح من حبيبته لانه مافي انسان يصارح وحده مجرد زميله باشياء شخصية والشي الغريب ليش اضايق لما قلت له انخطبت وحتى سالني انا شو بالنسبة لج قلت له الصراحة انسان ما فيك عيب والكمال لله سبحانه قلت له وانا شو بالنسبة لك قال معجب قلت له بس قال هيه لان الحب ما يي بين يوم وليله وانت وشطارتج استغربت من كلامه اخاف احبج وتتعلقين فيني وبعدين كل منا يروح بحاله قلت ليش متشائم من الدنيا مب كل واحد فشل في علاقة معناته حياته كلها فاشله لازم تعيش وتتزوج وبعدين لابد انك بتنسى الخاينه قال انا في الوقت الحالي مالي رغبه في الزواج لو حبيتج بتنتظرين كم سنة، قمت افكر فيه يمكن هو في خاطره شي بس لانه مصدوم من سالفت حبيبته وخايف يجرب الحب مرة ثانية او انه يحب يتسلى مب عارفه عطوني رايكم كيف اعرف هو شو يريد يالضبط وانا عن نفسي اقولكم بصراحة اتمنى يصراحني بالزواج مب مجرد تسليه لانه شاب بكل معنى الكلمة . انتظركم

مذهلة
19/07/2004, 04:36 PM
امممممم

إذا ما فاتحك في موضوع الزواج فأعتقد الأفضل انك تتمي في برجك العاجي العالي ولا تعطينه وجه لاني أتوقع انه يبي بديل بعد ماتركته وخانته حبيبته على حد قوله !!

أختي لاتتعلقين بيه ولا تبني أحلام مالها أساس ..الأفضل تتمي على صدك له خاصه انه صرحلك انه مايفكر في الزواج ..
واذا تميتي على صدك له راح تكبرين في عينه ويعرف انه انتي مش لعبه ...وراح يفكر في علاقه جديه و شرعيه

نصيحتي لك مالك ومال علاقة ماراح يجيك من وراها غير تعب القلب والدماغ ....كوني مثل ما انتي على صدك ...واللي يبيك يجيك من الباب ....وأكيـــــــــــــد انه يبغاكي كبديل وكسد للفراغ اللي تركته الاولى


وتحياتي لك.....هذا اللي أسعفني تفكيري وقلبي له


أتمنى أكون أفدتك

مملكة القلوب
19/07/2004, 07:20 PM
السلام عليكم ورحمة الله وبركاته

أنا أشوف من وجهة نظري انك تتركيه لان ماعنده نيه للزواج

يعني أحس أنه فقط يريد يعيش قصه وهم الحب بس لجل يسد نقص الي عاشه بسبب حبيبته الأولى

يعني صديه ولاتحاااااولين تفتحين له أي باب غير أذا طلبك على سنه الله ورسوله فقط

والعالم الله أنه بس رايد تسليه

والله يوفقك

Reef
19/07/2004, 07:32 PM
حبيبتي انتبهي..
ترى الشباب في الدوام ماعندهم سالفة.. يبون يلعبون على البنت وخلاص !! وخصوصا شباب بوظبي ودبي ((مااقصد الاهانة بس هذا الملاحظ)) !!
ربيعتي 3 من الدوام لعبوا عليها !! واحد طلع متزوج والثاني راح تزوج وحدة اهل امها شيوخ والثالث كان يقص عليها ويقولها ترييني وهو ماعنده نية الزواج اصلا!!و هي مسكينة مصدقة السالفة لانها تبا تتزوج وخايفة الزمن يجري فيها من غير زواج..
المهم هي تزوجت الحين واحد من اهلها والله ستر عليها!! وارد واقولج انتبهي انتبهي الف مرة لان الشباب في الدوام يقعدون مع بعض ويتكلمون في اعراض البنات !!
انا اخوي ماخلاني اشتغل لانه يشوف هالسوالف تستوي عندهم في الدوام ولا خلى حرمته تشتغل بعد!! وكله يقول اذا الواحد واثق في اخلاق اهل بيته فمب لازم يثق في اخلاق الناس الي بره..
يمكن انتي منبهرة انه معجب فيج دون غيرج من زميلاتج ويمكن انتي صغيرة وماعندج خبرة وتوج يديدة في حياة العمل...وعلى فكرة ..الموضة الحين يوم الشباب يبون يقصون على البنت يدخلون لها من باب الزواج وبعدين يطلعون الف عذر عشان يتهربون..الي امه بتموت والي يدته فيها ضغط والي ابوه حالف ومادري شو..خذي لفة في ركن القضايا وانتي بتعرفين قصدي..والله يوفقج ان شاالله واسمحي لي على الاطالة

نور_الفجر
19/07/2004, 10:08 PM
بنت الشهامة

مثل ماقالو البنات اختي لانه كلامهم صح وهذا الشي صاير الحين وكله من الواقع...نصيحتي لج لاترمسينه ولا تسوين له سالفه وايد بس في حدود العمل ولاتحاولين تسولفين وياه باشياء ثانيه واذا قالج رمسيني عشان نفهم ونعرف بعض اعتذري له وقوليله نحن نشتغل ويا بعض ودوم تشوفون بعض ومافي داعي نتكلم..قوليله باسلوب عادي...لان هالزمن محد يثق في حد ... ماتعرفين يمكن اذا رمسج بينتشر هالشي في مكان عملكم والكل بيعرف

والله لو يباج صج على طول بيقولج اابا ارمس اهلج في الموضوع


:smile:

نجمة الفجر
19/07/2004, 10:11 PM
عزيزتي

من راي قولي له:اذا تحبني او معجب فيني اخطبني


الدوام مجتمع صغير وبسرعة تنشر فيه الاشاعات والسواليف


ومن راي بعد انه هذا يبي يلعب لا اكثر

لانه قال انتظريني فترة

طيب وهالفترة شو بتسووا؟
كلام وسوالف؟اختي بتصير سالفتكم على كل لسان..ديري بالك


هو بس يبغى يسد الفراغ اللي تركته حبيبته الخائنة

لانه اللي يحب وحدة يدخل البيوت من ابوابها

هذا راي واسفة اذا شوية قاسي:shy:

العتب
19/07/2004, 11:29 PM
السالم عليكم ورحمة الله وبركاته

عزيزتي بنت الشهامة

أنا مع كلام مملكة القلوب من كلامه أنه مــــاله أي نيه في الزواج ، ومعظم الشباب أذا حب يتزوج تزوج من وحده محد يعرفها وما سبق أنه تكلمت مع أحد بصراحة ، وأنا مرة سئلت زوجي وبما أنه رجل عن رايه بالزواج من زميلات العمل قالي وبصراحة (( مجنون اللى يفكر أنه ياخذ وحده من نفس الدوام )) هذا راي رجل بغض النظر أنه زوجي ،وانصحج نصيحة لوجه الله ما بعدها نصيحة أنتبهــــــــــــــــــــ ــــــــي ... انتبهــــــــــــــــــــ ي من علاقات الدوام خاصة في مجتمع مثل مجتمعنا الاماراتي ترى الكلام يكثر ومن شاب لشاب والسمعة تطييح،من كلامه أنه لعاب وانتي وبصراحة الله يخليج لا تفهميني غلط بديتي معاه غلط وعرف كيف يخليج تجارينه وتتكلمين معله بهذه الحرية.... والسموحـــة

الغيورة على خواتها ،،، العتـــــــــــــــــــــ ــــتتب

دمع الليل
20/07/2004, 12:09 AM
السلام عليكم ورحمة الله وبركاته

عزيزتي كلمتين ورد غطاهم ..

اللي يبيج صج ومعجب فيج ... بيت اهلج وسع البحر له حياه ... بس اللي يبي مشاعر يهيم فيها يوم وليلة ويخونج كانتقام من اللي سوته الاولى فلا ...

بنات الخليج درر اللي يبيهم لازم اييهم من الباب .. واللي ينط من الشباك "ما يلزمنا"..

الله يسعدج ويكتب لج ولد الحلال اللي يهنيج

في أمان الله
:shy:

الأنثى
20/07/2004, 12:22 AM
أختي الغالية بنت الشهامة

بصراحة البنات كفوا ووفوا في الموضوع

لكن بقولج شبابنا بالذات اغلبهم لعابيين ما يدورون البنت الا للتسلية بس صدقيني ..

وخاصة نصهم تلاقيين اذا بغوا يصيدون البنت ويطيحونها في حبهم..يقولون سالفة انا كانت لي حبيبة وخانتني ومن هالرمسة اللي تخلي البنت قلبها يلين ويرق له .... وهو كله جذب ونفاق

وانتي تقولين انه انسان ممتاز واخلاقه ما عليها كلام .... هذا لانه في الشغل عيوني ... تلاقين الشباب في شغلهم بالذات يحبون يظهرون للناس بأحسن مظهر وانه اخلاقهم عالية...وخاصة لو كانت وياهم بنات في الدوام ..... مستحيل يظهر للبنت انه واحد مستهتر مثلا ...... بالعكس ..يسوي نفسه اونه رزين وخلوق عشان يستدرجها بلوحة الاخلاق والمثاليات الزائفة ...

صدقيني اختي ... كلامنا هذا يمكن فيه قسوة لكنه من حبنا لج وخوفنا عليج ...
وصدقيني بعد الغالية ...... ترى البنت ما لها غير سمعتها.... وهالشاب الخوف انه لما يقعد مع ربعه بالدوام يقول انه قدر يطيحج في حبه بسهولة ..ويخلي سمعتج مب زينة لا سمح الله جدام الشباب بالدوام ......

نصيحتي لج أختي انج تصدينه..حتى لو حاول الكلام وياج ......
بس قوليله جملة وحدة...اذا تباني يا ابن الناس ....ادخل البيت من بابه واتقدم لي ........
وبس لا تزيدين له اكثر.......ودوسي على قلبج صدقيني كله لمصلحتج...

واذا الله كاتبه لج...وكان صادق معاج صدقيني راح يتقدم لج ويخطبج حتى لو كنتي بآخر الدنيا...
واذا جذاب ..راح تلاقينه يقولج انا مجروح للحين وانا ما افكر بالزواج الحين وانا وانا وانا ....الخ....
والعمر يمضي بلا طائل ..


الله يوفقج الغالية وطمنينا عليج ..

^سمر^
20/07/2004, 10:41 AM
عزيزتي انا ماقرأت كل ردود الأخوات

بس واااضح انه لعاب ..

نصيحتي خليكي رسمية معاه بعد كده وتجاهليه ولاتعطيه مجال يتكلم في المواضيع اللي اتكلم فيها معاكي.

واذا عنده كلام يروح يقوله لأهلك...

الموج الهادئ
20/07/2004, 11:11 AM
والله ناس اتشوف العجايب في هذي الدنيا ....

والله انا عندي واحد زميلي في الدوام معجب على قولته وبيموت بس اعطيه نظره ... قال ايه قال معجب ..يا اخي زوووووووووووووووول ... انا ما اشوف هالاشكال ...واكبر طاااااااااااااااااااااااا اااف....:cool2:

لا والحبيب شو مسوي رايح ومكلم مسؤولي في الدوام اونه هذي مخطوبه وشو اسلوبها عادي اتكلم شباب ولا لا ؟؟؟؟ سمعي السؤال انتي....؟؟؟هههههههههههههههه ههههههه:D2

والله نكته ويوم اتلاقية وياه في اللفت مره بالصدفه قالي انا ابي اتزوج وما بلاقي احسن منج ...

قلت له حياك الله .البيت بيتك .. قال بس لازم نتفاهم قبل ...قلت اسمحلي عندي اهل تتفاهم معاهم ..... هههههههههههههههههههه:D2:D2:D2. .. اتعرفون شو كانت ردة فعله...؟؟؟؟؟؟..

يتحاشا المكان اللي انا امر فيه وطلب نقله من الدوام عندنا ...

عاااااااد عن اعنس اذا ما ياني...ههههههههههههه.. روح العب بعيد يا بابا...
:D2:D2:D2

تحياتي...

اختكم....:shy:

Olevera-Q8
20/07/2004, 11:12 AM
بصراحة:

من كلمته لما قال انا في الوقت الحالي مالي رغبه في الزواج لو حبيتج بتنتظرين كم سنة،


قلبي قرصني



نصيحتي ابعدي عنه ولا تعطينه وجه لانه يلعب

شــــــــرينه
20/07/2004, 11:59 AM
عزيزتي الغالية بنت الشهامة،

انت ماشاء الله عليج باين عليج بنت عاقل، بس وبدون زعل ماأحسنتي التصرف لما عطيتيه مجال يناقشج في هالموضوع لأنه بمجرد هالحوار بينكم يمكن ينشر الخبر ويقول للناس أنة يكلمج أو انه اتعرف عليج. الحين كل اللي مطلوب منج انج اتكونين عادية جداً وخلي الكلام او التعامل بينج وبينة في حدود العمل عشان يعرف انج غالية مب رخيصة وغالية عندنا احنا بنات عروس وتأكدي حبيبتــــــــي ان نصيحتي لج أنا واخواتي من بنات عروس نابعة من خوفنا عليج وحبنا لج والله يوفقج إن شاء الله.

أم خــــــــــالد

3sooolah
20/07/2004, 12:24 PM
بصراحه البنات كفوا و وفوا


خذي بنصيحتهم و لاترقضين وراه
بالعكس خلك عاديه ولا كانك رمستيه عن شي ولاتتهربين منه خليك عاديه من ناحية العمل عشان مايقول مسكينه مصدقه السالفه و مستحيه مني ولا تتغلى :eek2:

حبيبتي خليك عاديه و شوفي شغلك ولاتعطينه مجال يكون معاك في مكان خلوه عشان محد يتجرء و يتكلم عليكم والله سمعتك بالدنيا و اعتبري هالموقف امتحان لقوة عزيمتك و كرامتك وخليهم الكل يحترمك من الكبير للصغير

انا عندي عم يشتغل في مكان وايد مرموق و فيه بنات و بعد سنه من الشغل كلمه واحد من ربعه عن وحده من الزميلت المحجبات و قال انه من سنه يراقبها لانه يبي يتزوجها و ماشاف عليها شي بس اكتشف انها من عايله وايد كبيره و مايقدر عليهم وانسحب بدون مايخبرها

عاد هالشاب فتح عين عمي على البنت و بدا هو يراقبها سنه كامله لدرجه انه عرف كل شي عنها و وااايد انعجب فيها و خطبها و تزوجوا :shy: شفتوا النصيب يعني خذاها و هو وااثق منها تحت المراقبه سنتين


شفتي لو كانت حتى لو بلمحه عطت ويه لاي شاب كانت بهالشي خربت سمعتها حتى لو شريفه :pain:

نصيحه بنات لاتسوون سالفه لاي حد و بتشوفين لو لك نصيب بيي بالصح


انا مرت عليه تجربه اني اشتغلت في مكان و كان هناك واحد يلاحقني من اول 5 دقايق بس والله ماعطيته ويه لدرجه ان كل الزملاء احترموني


و من اول اسبوع حطيت صورة بنات اختي التوأم في المكتب و حسستهم انهم بناتي فخليتهم يستحون على ويوهم و يتشككون متزوجه ولا لأ

بس كان احسن شي ان هذاك الزميل الوقح يلاحقني باي حجه و بس كلما دخل المكتب كنت اطلع منه و اموصيه ربيعتي اول ما تشوفه صوبي تزقرني


:up::up::up::up::up::up:

أوديت
20/07/2004, 12:33 PM
بـــــــــــــــدون تعليق محد خلى لي مجال اتحجى :D2




وانا مع الكل اللي يبيج ادل البيت ماراح اضيعه وتحملي الدنيا
مافيها امان وماكو حد بالدنيا يستاهل تخسرين سمعتج عشانه

مميز بحريني
20/07/2004, 12:56 PM
الصراحة يا أختي بنت الشهامة الكلام مايجيب ولا يودي
مهما قال الكلام مو دليل على انه صج يبي يخطبج
قوليله انه عند أهلي اذا تبقيني تقدم واذا تقدم احد قبلك وتشوفينه زوج صالح لا تفوتين الفرصة

ونصيحه لج لا تشربين ولا تاكلين اي شئ يجيبه لكم العمل حتى ولو كان شوكولاته

bent_palestine
20/07/2004, 01:22 PM
بنت الشهامة حبيبتي

على فكرة حاولي تتفهمي هذه الجملة عدل

مش لازم أنقرص علشان أتعلم

تكفيني تجارب الناس واللي انقرصوا قبلي علشان أعتبر

وأخاف إنك مش راضية تردي على كل البنات اللي نصحوج لإن الكلام مش ماشي على هواك

حبيبتي ديري بالك على حالك ترى أقل كلمة بالشغل بتخلي سمعة الموظفة في مهب الريح

وأزيد على كلام البنات من الشعر بيت

تلاقيه متراهن مع موظفي الشغل إنه بيطيح هالبنت المحترمة وبيخليها تدوب في دباديبه متل ما بيقولوا

وصدقيني راح تعيشي هيمانة فيه وفي وجهه وفي مشيته وفي عيونه وبيطق وبيشرد وبيقولج أنا قلت لج لازم تنتظريني والانتظار عنده ممكن يكون لآخر العمر أو حتى ينتهي العمر

ديري بالك على حالك ولو كان ابن حلال .. بيت أهلك مفتوح

وحاولي لا تتكلمين معاه ولا تعبريه ولا تعطينه وجه

وإذا قال لك مالك يا بنت الناس قوليله عفوا مشغولة

وإذا فتح الموضوع معاك قوليله ترى بيت أهلي مفتوح وأنا ما أقبل المساومة

أتمنى لك التوفيق من كل قلبي على إني ما أعرفك إلا بالمنتدى

وربنا يكتب لك الخير ويبعد عنك الشر

يعسوب
20/07/2004, 01:28 PM
البنات ما قصروا ،،،
وكل وحدة تشتغل بمجال عمل فيه اختلاط اكيد مرت بنفس الظروف ،،

شوفي يا بنت الشهامة

انتي غلطانة غلطانة غلطانة
لأنك عطيتيه مجال يكلمك ،،،

كان المفروض تقوليله عندي أهل ولهم الكلمة الأولى والأخيرة ،، والأصول انك تكلمهم ، مو تتفقون على كل شي بعدين تفكرين بالأهل ؟؟؟؟؟

وبصراحة أنا حاسة انك معجبة فيه بس مترددة ؟

حبيبتي كل اللي يبدأون بهالطريقة كذابين ومنافقين ويبون يلعبون ببنات الناس بس ،

بكرة شوفي شلون راح يتكلم عليكي بالشغل ،، راح يسوء سمعتك ، (لا قدر الله ).

وراح يعايرك وراح يقول مثل ما وافقتي تكلميني راح تكلمين غيري ،،،

وسمعي قصتي

تقدم لي زميل بالعمل وطبعاً فهمني انه يموت فيني واني أول وحدة بحياته وانه يتمناني زوجته ،على طول قلت له كلم أهلي ،، قاللي خلينا نتفاهم أول قلت له أنا كل شي أقوله حق أمي ورح أقولها اني أكلمك حتى لو ما جيت تتقدم لخطبتي ،، قاللي لا لا لا تكلمينها ألحين ،، المهم أنا قلت حق أمي السالفة ، و دق علي بيجر ، كلمته من البيت قدام أمي ،، وقلت له ترى أنا أكلمك وأمي عندي ، طبعاً انجن وما عرف شو يسوي وسكر الخط،،
المهم ثاني يوم بالدوام كلمني قاللي شنو هذا انتي صغيرة كل شي تقولنه حق أمك ، قلته عاجبك عاجبك مو عاجبك الله وياك ،،
ونهيت العلاقة معاه (أصلاً ما أسميها علاقة)

بعد فترة سمعت من شباب الدوام انه كان خاطب 3 مرات وما تزوج للحين ، والشباب شافو أشرطة الخطبة على الفيديو ، يعني كان يكذب علي ،،

المهم مرت سنة على هالسالفة وبالصدفة شفته أنا وأمي بالسوق وكانت معاه مرتو ، والله انه ماشي وراها مثل ...... مو عارفة شنو أقول ، لا والمشكلة انها تصارخ عليه وهو يقولها حاضر ، طبعاً أنا وأمي شفنا المنظر وطبعاً ضحكنا عليه ...
عشان جذي يا بنت الشهامة لاتسوين شي من دون علم أهلك ،،،

ام ميرال
21/07/2004, 12:58 AM
مشاء الله ماخليتو لي حكي احكيه

اهم شي اسمعي كلام البنات والكلام اللي قالوه عين العقل


انتبهي لنفسك عزيزتي والله يحفظك من اولاد الحرام


تحيات
ام ميرال

monalizaa
21/07/2004, 01:21 AM
my sister BENT EL SHHAHAMA .......I think this man wants to know u just for forget his ex-grl friend.......if he liked or love u really he wouldn't say that.....tell him that(you are colleagues in work ..and u respect each other ....if there is naseeb yekon RASMY 3AN TAREK EL AHEL )........u are not young.thaaaaaank and god be with ul

نور_الفجر
21/07/2004, 06:04 PM
صح اختي نصيحه لا تاكلين اي شي من الدوام خاصه اذا كان هو يايبنه...لان وايد صارت سوالف على هالشي

Miss Wanted
21/07/2004, 06:54 PM
كاتب الرسالة الأصلية : الموج الهادئ
والله ناس اتشوف العجايب في هذي الدنيا ....

والله انا عندي واحد زميلي في الدوام معجب على قولته وبيموت بس اعطيه نظره ... قال ايه قال معجب ..يا اخي زوووووووووووووووول ... انا ما اشوف هالاشكال ...واكبر طاااااااااااااااااااااااا اااف....:cool2:

لا والحبيب شو مسوي رايح ومكلم مسؤولي في الدوام اونه هذي مخطوبه وشو اسلوبها عادي اتكلم شباب ولا لا ؟؟؟؟ سمعي السؤال انتي....؟؟؟هههههههههههههههه ههههههه:D2

والله نكته ويوم اتلاقية وياه في اللفت مره بالصدفه قالي انا ابي اتزوج وما بلاقي احسن منج ...

قلت له حياك الله .البيت بيتك .. قال بس لازم نتفاهم قبل ...قلت اسمحلي عندي اهل تتفاهم معاهم ..... هههههههههههههههههههه:D2:D2:D2. .. اتعرفون شو كانت ردة فعله...؟؟؟؟؟؟..

يتحاشا المكان اللي انا امر فيه وطلب نقله من الدوام عندنا ...

عاااااااد عن اعنس اذا ما ياني...ههههههههههههه.. روح العب بعيد يا بابا...
:D2:D2:D2

تحياتي...

اختكم....:shy:
:up: :up: :up: :up: :up: :up:


ههههههههههههههههههههههههه ههههههههههههههههههههههههه ههههههههه
صدقتي والله!! ماعندهم سالفة هالشباب

أشكررررررررررج!!تعجبيني :D2 :D2 :D2 :D2:cool2:

نجمة الفجر
22/07/2004, 12:47 AM
Miss Wanted

ههههههههههههههههه

ضحكتيني والله

وذكريتني بواحد بعد يقول انه زميلي بس لاشفته ولا ابغى اشوفه

قال معجب وقصده نور الشريف..قصدي شريف

قال ما تبغي تعرفي كم عمري واذا متزوج ولا لا؟قلت له بعرفك عند اهلي..وطرررررررررررررراخ سكرت الخط

الرجال شرد :D2:D2

قال هذي عسكري مرور وش ابغى لها:cool2:


انا احس الشباب يشردوا لما تذكري لهم(بيتنا..واهلي)

مثل ما تسمي بالرحمن يوم تشوفي جني:cool2:

Miss Wanted
22/07/2004, 06:33 AM
نجمة الفجر !!!!! ههههههههههههههههههههههههه هههه:D2
احسنتي بصراحة!! كده ولا بلاش..:D2
اي صح الشباب يخافون من الاهل ههههه..!!!!

ناس ما تجي إلا بالعين الحمرة!!!!.. :D2 :up: :cool2:

^سمر^
23/07/2004, 12:01 PM
الشد الزايد يجيب نتيجة عكسية برضو...

يعني مافي وحدة ترد على زميلها زي العساكر وتبغاه يروح يخطبها :D2

لا تشدوا مرررة ولا ترخوا مرررة :smile:

بنت ديره
23/07/2004, 02:58 PM
أنا اشتغل من خمس سنوات والحمدالله ماصار لي اي موقف الين الحين

ولله الحمدالله لان جد بعض شباب الدوام تخافين منهم , بس أنتى شوفي

أقل شئ تعرفين لما البنت تمشي في الدوام اي بنت سواء كانت متحجبه

ولا سافره يطالعونها من راسها الين ريولها ولا ازيدج من الشعر بيت شباب

الدوام كل بنت ملقبينها بلقب والقاب قبيحه ومخله الصراحه ..

شباب الدوام او زميل العمل تتعاملين وياهم بحدود الشغل وبس لا اكثر ولا

اقل هذا اضمن لج ولسمعتج والي قصده شريف يعرفون بيت اهلج ووين ..

تدرون اي وحده قبل ما تتوظف او انهم يسمعون انها بتتوظف يطلعون

تاريخ حياتها كله والشباب يتراهنون ساعات امبينهم امنو تكون عنده اكبر

مجموعه من بنات الدوام , وعلي طاري الاكل محد ياكل اي اكل يوصله في

الدوام في الدوام عندنا السويات والعمل منتشر مثلا هذا بخليه يحبني

هذى اكرهها وغيره وغيره ..

البنات ما قصروا وديري بالج علي نفســـــــــــج في وقتنا هذا لا تثقين في

حد .. والله يحفظ بنات المسلمين ويستر عليهم ا ن شاءالله ..


تحياتي
بنت ديره

نجمة الفجر
23/07/2004, 02:58 PM
هلا اختي سمر

انا سكرت الخط لما شفته مصخها معاي وجالس يدور سالفة علشان يتكلم وبس

وانا اقوله يالله مع السلامة عند اهلي التفاهم وهو مصر يمسك التلفون

شو تبيني اسوي؟

اكيد بسكر الخط ف وجه:cool2:

بس لو انه مثلا سال السؤال اللي يبغاه وقال طيب يصير خير ومع السلامة كان احترم نفسه

صح ولا لا:smile:

سماهر
23/07/2004, 03:39 PM
ماشاء الله عليكم يالبنات

ردودكم حلوه وعجبتني وايد :clap::clap::clap:

صح اختي ترى شبابنا مايهمهم غير اللعب على بنات الناس

وبتلاقينه يوم حبيبته خانته تعقد والحين يتحرى كل البنات مثلها

وفي التالي بيودرج او بيتهرب من موضوع الزواج

انتي طنشي ولا تسوين له سالفه ترى هالاشكال بس يبون يلعبون

واذا تمادى وقفيه عند حده وقولي له اذا تباني بيت اهلي موجود

حزتها كل شئ راح ينبان اذا كان صادق ولا يبى يلعب

واسمحيلي ترانا نبى مصلحتج :shy:

زمان الوصل
23/07/2004, 03:50 PM
أنا مع كلام الجميع
وكم من بنت أنجرفت في دوامة الحب والرومنسية الكاذبة
وما لاقت في الأخير ألا الحسرة والندم
فكري بعقلك لا بقلبك

مرموم
24/07/2004, 08:59 AM
السلام عليكم ورحمة الله وبركاته

بصراحة البنات ما شاء الله عليهم...كل ردودهم لا يعلى عليها...و ما شاء الله علطول فهموا ألاعيب الولد...

عجبني زيادة الوعي عندنا...الله يبارك لكم يا رب...

أتمنى لك التوفيق أختي بنت الشهامة...

مذهلة البحرين
24/07/2004, 09:33 AM
كلام البنات عدل 100%

يمكن صحيح هو مجروح لكن راح يداوي جروحه على حسابك ولين الله كتب له الشفاء .راح يسبب لك جرح ماله دواء.:pain:

وشكله شكله والله العالم ممثل بارع .نصيحتي لك اتركيه واشتري راحت قلبك:smile:

bent_palestine
25/07/2004, 07:31 AM
بنات

ما تلاحظون أن أي واحدة تعرض مشكلتها ما تبي تسمع من البنات إلا اللي هي تبي تسمعه

ولو كان الكلام مش عاجبها ما ترد؟؟!!

تلاحظون مثلي ولا لا؟؟؟

في كلمة كنت ومازلت أسمعها

عندنا بالفلسطيني بيقولوا "محدش بيتعلم من كيس غيره"

المعنى فعلا كل واحدة للأسف لازم تاخد كف حار علشان تقول إي والله كلام الناس صح

مو بعد إيش؟؟!! بعد ما انقرصت بنفسي؟؟!!

قلت لكم الواحدة مش لازم تنقرص علشان تتعلم

وتكفيها تجارب الآخرين واللي انقرصوا علشان تتعلم

يا رب تكون بنت الشهامة مش من هالنوعية ويبعد عنها الشر

والله يبعد عنكم الشر كلكم يا بنات حواء

وأبناء آدم بعد (بس ليديز فيرست) :smile:

عيون السهد
25/07/2004, 08:18 AM
سلام بنات

أنا أعتقد إن بنت الشهامة بعدها ما شافت ردود البنات عشان كذا ما علقت عليها .. لكن لما بتقرا الردود كلها وبتشوفها تصب في إناء واحد .. أكيد بتفكر بدل المرة 1000000000مرة قبل مل تسمح لها الشخص إنه يفتح معاها أي موضوع مرة ثانية سواء كان خاص وللا عام ..
لأن الحكاية مب مجرد موضوع عابر أو حتى حب ورومانسية .. الحكاية فيها سمعة البنت وأهلها كلهم ..

حبيبتي بنت الشهامة ..
أهلج لما سمحوا لج تشتغلي .. حطوا ثقتهم كلها فيج إنج ما راح تخذليهم ولا راح تفسدي سمعتهم .. ترى الرياييل ييون ويروحون .. وإنت تعرفي مجتمعنا ما يعتب على الريال إذا لعب على البنت وتركها في النهاية .. لكن في المقابل تقتل البنت نظرات الناس واتهاماتهم .. وأهلج بالنهاية بيحطون راسهم في التراب وبتكوني إنت السبب .. حطي هالشي في بالج قبل ما تخطين أي خطوة وقبل ما تقولين أي كلمة .. حتى لو فتح معاج الموضوع مرة ثانية .. خلي كلامج قليل جدا معاه .. كلمتين ورد غطاهم .. بيت أهلي معروف ومفتوح واقلبي ويهج وسيري .. لا تخافين على نصيبج أو إنج تعنسين لأن كل شي مكتوب عند رب العالمين .. والأخير لج إنج تعنسين وسمعتج مثل الذهب .. مب تعنسين وسمعتج في التراب ( فال الله ولا فالي :eek2: ) .. وإن شا الله ربي يرزقج الزوج الصالح والذرية الصالحة وما تعنسين ويرزق جميع بنات المسلمين ..

وإذا هالشاب ماله علاقة مباشرة بشغلج لا تجارينه بالكلام حتى في الشغل .. وخلج عادية جدا في تعاملج معاه ومع غيره .. ولا تتمادين في تعاملج مع الموظفين سواء مواطنين أو وافدين لأن تفكير الرياييل كلها نفس الشي .. خلج رسمية في حدود الشغل ولا تسمحي لأحد يمزح معاج أو يكلمج في أمور من هني وهناك لمجرد الكلام حتى لو كزميل عمل .. ترى والله إن عيون الشباب أبراج مراقبة على كل البنات وكلنا موظفات وكلنا نسمع من هالسوالف حتى لو ما مرينا فيها لكن غيرنا يمر فيها ونسمع بلاوي لها أول ما لها تالي والنهاية الحتمية الدائمة هي خسارة البنت لسمعتها وسمعة أهلها ..

الله يوفقج حبيبتي .. وأكيد إنت في الدوام ألحين لأننا فترة الصبح وأتمنى إنج تشوفين ردود البنات قبل ما تتصرفين أي تصرف يمكن تندمين عليه بعدين ونحن كلنا واثقين في حسن تعاملج وتصرفج ..

موفقة إن شا الله :up:

أوركيـــــــــد
25/07/2004, 08:21 AM
السلام عليكم،،، اول شي غريبة انه اختنا بنت الشهامة لين الحين ما شفنا ردها،،، اخافها زعلت من ردة فعل البنات وردودهم،،،، على العموم الغالية لو تلاحظين انه ولا وحدة نصحتج انج تكملين وياه هاي العلاقة،،، وسامحيني الغالية إذا بلومج،،، بس الصراحة وايد عطيتيه ويه يوم اتكلمتي وياه بهاي الحرية،،، الحرمة الرزينة الخلوقة ما تيلس تتناقش ويا الريال الغريب في اشياء خاصة مثل سوالف الحب وخرابيطه،،، وشو ضمنج انه يرمس صدق،،، وليش ما تكون لعبه عشان يثير الشفقه عندج ويخليج تحنين على حالة وبالتالي يوصل للي يباه،،، الغالية ترا هذيلا لو تشوفين الوداعة والبراءه في ويوهم لكن والله انهم اكبر ذيابا،،،، والغالية انتي ما تخافين على عمرج تسوين لج علاقة في الدوام،،، آخر شي ممكن تفكرين فيه الغالية ها الشي لانه صدق بتتجاشرين على عمرج وسمعتج بين الشباب هناك،،، تحملي الغالية وانتبهي على نفسج عدل،،، وشو تبين اوضح عن جيه،،، ايقولج بصريح العبارة اتريني كم سنه،،، لا والله جيه ما احد غيرك في الدنيا،،، وليش ابويه اترياك،،، جيه تشوفني يائسه لهاي الدرجة،،، الغالية لو يباج والله ما بيتردد وبيتقدم لج،،، وانتي المفروض انج تكونين شديدة وياه وتبين له انج ما تحبين تسولفين في هاي السوالف وإذا يبغي يتقدم يروم يدل البيت ويرمس الاهل،،، وإذا يباج تترينه والله عاد حزتها الله اللي يكتب جان لج نصيب فيه وإلا لا،،، حلوة هاي اتريني كم سنه،،، وخلال ها الفترة بنيلس نرمس ويا بعض،،، الغالية انا اخاف عليج انه يلعب عليج وتطيحين في شباكه،،، ابدا ما تسمحين لنفسج انج تحبينه لانه يمكن تنجرحين في النهاية،،، تحملي الغالية وخلج قوية حتى لو انج تبادلينه نفس الشعور وهذا هو الواضح،،، لكن الغالية ما يعني انج تخضعين له في القول ويطمع فيج بهاي الطريقة،،، والغالية عودي عمرج تكونين ثجلية في كلامج ويا الرياييل في الدوام وفي كل شي،،، في مشيتج وكلامج واسلوبج،،، والغالية تحملي تعودين نفسج على السوالف والضحك ويا الشباب في الدوام لانه ها الشي نشوفه كل يوم في ها الاماكن،،، للاسف البنت اول ما تداوم اتشوفينها منطوية على نفسها ومستحية على الاخر ومصتصعبة انها تتأقلم في الدوام والسبة الرياييل،،، وشوي شوي ويوم عن يوم تلاحظين انها شويه شويه قامت تفصخ حياءها والسبة انه الشباب يسولفون وياها عادي وكأنهم اخوانها،،، عاد هيه شويه تطمأن من ناحيتهم وتاخذ راحتها لين ما آخر شي تشوفين ضحكتها تعلى ضحكاتهم وجنها هيه الزعيم بينهم،،، والله انه ها الشي شفناه بعيونا في الدوام وما زلنا للأسف نشوفه في معظم البنات والوحدة فيهن تقولج انا محترمة نفسي وما تمشي عليه سوالف الشباب وما اعطيهم ويه ومن ها القبيل ومناك طايحه ضحك وياهم في شي ماله علاقه في الشغل،،، الغالية ها الله ها الله في عمرج،،، صوني نفسج بين ها الناس اللي ما همهم إلا انهم يمتعون نفسهم بأكبر قدر ممكن من البنات،،، والله يهدي خواتنا اجميعين وقبلهم شبابنا قولوا آآمين


واخيرا احب اهني اختي الغالية الموج الهادئ على حكمتها في التعامل في مثل هاي الامور،،، بالفعل حرمة :up::up::up: ولا كل الرياييل

أوركيـــــــــد
25/07/2004, 08:36 AM
الغالية عيون السهد،،،،

:D2:D2:D2:D2:D2 الصراحة انتي جيه :up::up::up: ماعندج وقت،،، ولا يامه ارحميني،،، :D2:D2:D2 تسلمين الغالية على النصايح الثمينة والله يجعلها في ميزان حسناتج وجميع اخواتي اللي تفضلن بالنصح والتعقيب الايجابي،،، الحمدلله بناتنا ما ينخاف عليهن الله يحفظهن من كل شر

سحابة طيف
25/07/2004, 08:37 AM
عفيه على بنات المنتدى الواعين
ما شاء الله عليكن كل رد احسن عن الثاني وما راح ازيد شيء على كلامهن كفن ووفن والباقي عليج اختي وفكري بعقلج ودينج قبل قلبج
قبل ما يطيح الفاس في الراس والتقولين البنات قالوا

عيون السهد
25/07/2004, 10:38 AM
حبوبتي أوركيد ..

إنت بعد :up: :up: :up: :up:

كل اللي قلتيه عن اللي يصير في الدوامات صحيح 100% إلا من رحم ربي .. والبنت أول ما تشتغل تكون خجولة " ومالها لا في التور ولا في الطحين " وبعد فترة بسيطة ومع مجارات باقي البنات تاخذ الأمور كلها عادي وتصير هي اللي تبدا بالكلام والمزح مع الرياييل بدون خجل وهذا فعلا نشوفه جدام عيونا كل يوم ..

والمشكلة إن البنت تبدا شوي شوي مع الوافدين وتقول إن الوافدين حياتهم منفتحة وعادي عندهم السوالف مع الحريم وما يحطوا في بالهم أي شي غلط عن الحرمة لو كلمتهم .. لكن لا وألف لا .. الريال الشرقي من المحيط للخليج يحمل نفس الأفكار عن الحرمة اللي تجاريه في الكلام بداعي وبدون داعي .. وطبعا أفكار الشباب المواطنين أخس وألعن ..

ممكن البنت ما تحط شي في بالها وتقول انا تعاملي عادي .. يعني مجرد كلام خفيف طريف ما يضر لكن والله إنه يضر ويضر ويضر وأول شي تطلع سمعة عن البنت إنها فرررري وعادي عندها.. والحياة تمشي ايزي .. ومن الجهة الثانية مستحيل هالشباب يفكرون يتزوجون وحدة من هالنوع حتى لو متأكدين إنها ما تقصد النية السيئة .. لكن بيقول لعمره أنا ما أتحمل إن زوجتي تكلم فلان وعلان بدون قيود حتى لو ما تقصد شي ونيتها صافية ..

الله يستر على بنات المسلمين جميعا .. ويستر على بناتنا في المستقبل

نبض الحيارى
25/07/2004, 12:38 PM
http://www.ta7meel.com/up/40/1090746266.gif


http://www.ta7meel.com/up/40/1090745681.gif

صراحه مااقدر ازيد لان البنات كفن ووفن
بس اهم شي ااتركيك من الرجال
لان مافي رجال يحب
ابدااااااااااا
كل الرجال مخلوقين من طينه وحده لاتقولين لالا في من رحم ربي
لا الرجال مايبغى من البنت الا التسليه واذا تزوج مايبي من زوجته الا االاكل والشغل وغسيل لكن حب وخرابيط ابدا




http://www.ta7meel.com/up/40/1090745681.gif

bent_palestine
26/07/2004, 07:24 AM
بنات المنتدى

:no: :no: :no:

حد شاف بنت الشهامة وين راحت

:no: :no: :no:

ليكون صار فيها شي ولا مريضة

:s2:s2:s2

حد يتطمن عليها ويطمننا

niraan
26/07/2004, 08:34 AM
بذمممممممممممممممممممتك هذا صدقتيه!!!!

يا بنت الناس وااااااااااااااااااااااضح انه جذااااااااااااااااب....وواض حة نواياه!

عيل بالذمة حضرته مجروح ماأدري مكسور..وعينه تبصبص على بناتخلق الله ليش!..الواحد مثله بتلوع جبده منن البنات

2- حصلج انت وقام يتكلم عن الاعجاب وما اعجاب، وواضح انج تبين تمرين في هاي المرحلة من ردج عليه....يعني انت متهيأة نفسيا لهاي الأمور

3- لييييييييييش يقولج اترييه ..؟..عشان قلبه المكسور؟..وشو قاعد يسوي وياج يسولف ويضحك...هذي سوايا واحد مكسور؟!!

4- ترى بقولج كلمة حطيها(حلقة في ودانك!)...المواطنين عندنا خاصة اللي في الدوام ...أكثرهم خربوا بيوت واااايد بنات .....والحمد الله قدرت أشيل كم بنية قبل لا تطيح عندي في الدوام في كذبهم.


يا بنت الناس..تذكري شي ، ترى أهلج عطوج الثقة ، لا تضيعينها

واذا تبين تختبرينه، الجأي للأساليب الشرعية ..تراها دايما تكشف الانسان على حقيقته.


والله يحفظج..ويحفظ بنات المسلمين

sagedah
26/07/2004, 09:22 AM
يا حبيبتي لا تمشي ورا وساوس الشيطان خلي في بالش ان الشاب الزين ما يتردد اذا حب وحدة بصدق يتوجة سيدة لأهلها. على العموم نصيحتتي لك انك تتعاملي معاه بشكل رسمي و ما طوليله ابدا...... انت جوهره ثمينة جدا فحافضي على نفسك...... أحبكم في الله

أنستازيا
26/07/2004, 03:33 PM
ليش مصدقين كلكم سالفة انه عنده حبيبة خانته ..

هذا مدخل من مداخل الشباب للبنات ..

عشان ينكسر خاطرا عليه ..

وتقول انا بكون الوفية المخلصة ..


صح ولا لا .. !!!!!! :down:

خيماوية
26/07/2004, 11:05 PM
والله إنج كشخة يا الموج الهادئ .........


هههههههههه ضحكتيني .. بس صراحة تعجبيني والله ..


يا بنت الشهامة خليه يزوول .. واللي يبغيج بيت أهلج موجود .. :cool2:

الموج الهادئ
27/07/2004, 09:08 AM
اختي أوركيد و خيماويه..........

على هواكم تراني اعجبكم ...... لكن تعالواااااااااا شوفو ا المفاجأه....

بعد ما العاشق طلب نقله .... اضطرت ادارتي في الفتره الصيفيه تنقلني مكان ثاني لمدة شهرين ... ويااااااااااااااااا حساااااااااااافته انا وهو في نفس المكان ...ههههههههههههههههههههههه

كان خاطري اتشوفون ويهه ...:eek2::rolleyes::eek2::rolleyes:

ههههههههههههههههه:D2:cool2: ايمووووت من الضحك ....

لا ومكتبي يم مكتبه ...و الله يكون في عونه يغمض....ههههههههههههه

لا وحده من البنات سالته شو فيك ما سلمت على الموظفه اليديده... قال هااااا هذي وحده مو شي وما يشرفني اني اسلم عليها ....اتصدقون ...؟؟؟!!!!!!!!!!!!!واختكم ما كثرت خبر ... وحياتكم جدام الموظفين اللي تكلم عني عندهم رحت وقلت له الاتي ...:-

[ALIGN=center](يعني انا الحين ما صرت اشرف انك اتسلم علي لاني ما رضيت اسوي وياك علاقه غلط ... ولاانك ما قدرت تلعب علي قلت عني مو شي ...

يا جماعه الاخو كان يبي يتسلى معاي وحجته كانت الزواج ويوم قلت له حياك الله بيت اهلي ... شرد وطلب نقله ...ههههههه الحين هذا بذمتكم ريال ؟؟؟؟؟

انتوا احكموا عليه .... ولما سالوه ما عرف يجاوب ...)
اعجبكم تراني في الحالات الطارئه...:D2:cool2::shy:


تحياتي ....:shy:

بنت الشهامة
28/07/2004, 12:07 AM
السلام عليكم ورحمة الله وبركاته انا آآآآآآآآسفة وايد واسمحوا لي اني ما رديت عليكم لاني كنت مرقده مع خالتي في المستشفى واليوم العصر ظهرت الصراحة مشكورين على ردكم وانا الحمد لله قبل ما تردون عليه اتخذت القرار بيني وبين نفسي اني اطنشه لاني الكل في الدوام يشهد على حسن اخلاقي وتربيتي وما اريد هذي الثقة اللي عطوني اياها تتزحزح سواء اهلي او الموظفين اللي معاي وحسيت ان الشخص نفسه صار يحترمني اكثر واكثر وكبرت في نظره اكثر وقلت لنفسي اذا لي نصيب معاه بتتيسر الامور والله كريم يرزقني ويرزق اللي تريد الزوج الصالح اللهم آآآآآآآآآمين .

خيماوية
28/07/2004, 05:17 AM
:up: عين الصواب :up:

bent_palestine
28/07/2004, 07:38 AM
:up:

أحسنتِ عزيزتي

وربنا يختار لك اللي فيه الخير

آمين

مرموم
28/07/2004, 07:44 AM
السلام عليكم ورحمة الله وبركاته

ما شاء الله عليكي أختي بنت الشهامة...

الله يكمل لك بعقلك يا رب و يقدم لك اللي فيه الخير يا رب...:smile:

بالتوفيق إن شاء الله...

مذهلة البحرين
28/07/2004, 12:27 PM
تمام:up:

الموج الهادئ
28/07/2004, 01:14 PM
:clap::clap::clap::clap:




:up::up::up::up:




:cool2:


تحياتي....:shy:

ام ميرال
28/07/2004, 03:41 PM
ماتشوف شر خالتك ان شالله


والله يثبت قلبك على طاعته فولي امييييييييين

نجمة الفجر
28/07/2004, 11:01 PM
:clap::up:

أنا وأنت
29/07/2004, 12:27 AM
سلامة خالتج وأجر وعافية إن شاءالله ..

وإنتي كده :up::up::up::up:

بنت الشهامة
31/07/2004, 03:45 PM
مشكورين ويزاكم الله ألف خير وعساكم على القوه :clap: