المساعد الشخصي الرقمي

مشاهدة النسخة كاملة : خاين (بنات هذا الموضوع جدا حساس و أنا أبغيكم تشاركونى الرأى فى هذا الموضوع



كارميلة
13/07/2004, 01:19 PM
السلام عليكم ورحمة الله وبركاته

أولا كيف حالكم يا بنات و شو أخباركم و شو علومكم يا حلوين أبا أبغى أطرح موضوعى عليكم شوفوا بنات تدرون شو صار معى أنا من دول الشام بس عايشة فى بلد خليجي من ولد المهم أنا من حوالى 5 - 6 سنوات أتعرفت على شاب مواطن و وايد حبينا بعضنا بشكل ما تتصورونة و تدرون بعد قصة الحب الطويلة هاى أشوفة بعينى يالس مع حرمة فى كوفى شوب يتغزل و يتلمس فيها المهم أكتشف أنة على علاقة فيها من 4 سنوات و مو بس هى و كم من واحدة كمان و أخر شئ يا الحبيب و يتعذر منى أنا أسامحة و أطوفلة شو رأيكم يا بنات هل أسامحة و لا مثل ها الأنسان مستحيل ينعدل شوفة أنا بعمرى ما قصرت و ياه و بعد أنا هاى مش أول مرة أنا سامحتة 6 مرات من قبل على نفس ها المواضيع البنات المهم هو طول ها الفترة يكلمنى و هم يكلمها لكن هو يعرفنى قبلها بسنة و الحين يبغى يصالحنى و بيموت بعد علية إذا أنا ما رضيت شو رأيكم فدونى جزاكم الله خير:eek2:

العيناوية
13/07/2004, 05:17 PM
السلام عليكم

مرحبا اختي كارميلة ..

اولا علاقتك بهذا الشاب غلط من بدايتها وحرام كيف انتي تنزلي بكرامتج لشاب انتي اصلا ماتعرفي انه يحبك بس مجرد كلامه ...وشو كان المقصد
من علاقتكم هل تسلية للوقت فقط أم يريد الزواج بك ...والواضح انها تسلية فقط لان العلاقه على حسب كلامج من 5 الى 6 سنوات وانا اقولك هذه النوعية من الشباب أنا اعرفها جيدا لاني اماراتية واعرف شباب الامارات يتعرف على وحده ويقول انه يحبها لكن عند عشرين الف بنت وهو مايهمه شي غير التسلية وبعدين البنت يرميها نفس رمية الكلاب ..
أنا من رأي انك لاتسامحينه وتنهين علاقتك فيه لأنج ماتدرين في يوم من الايام يمكن يهددج أنا اعرفهم زين الشباب...
حبيبتي علاقتج فيه علاقه غير مشروعه انهي هذي العلاقه وخلج من هذي السوالف قبل لاتندمين وبتعرفين انه كلامي صح بعدين...
واذا صدق يحبك خليه يتزوجك هذا الحل الوحيد وبتشوفين راح يتهرب اذا خبرتيه عن الزواج وراح يطلع مليون حجه لانه هذي النوعيه من الشباب قصدها التسلية فقط ..
الغاليه سمعي نصيحتي وابعدي عنك الشيطان وانهي هالعلاقه هذا رأي
والشاب لايتزوج فتاة كان على علاقه بها خاصه في دول الخليج عندنا والشاب يتسلى ولكن عندما يريد الزواج يبجث عن اخرى ليس لها علاقات

والسموحه ...

العيناوية :shy:

الروح
13/07/2004, 09:41 PM
كاتب الرسالة الأصلية : العيناوية
السلام الغاليه سمعي نصيحتي وابعدي عنك الشيطان وانهي هالعلاقه هذا رأي
والشاب لايتزوج فتاة كان على علاقه بها خاصه في دول الخليج عندنا والشاب يتسلى ولكن عندما يريد الزواج يبجث عن اخرى ليس لها علاقات
:shy:

:up: صح كلامك واذا حصل زواج هل ينجح هذا الزواج

ام ان الشك يسيطر على الطرفين؟

وشباب الخليج دايما يرددون هالكلام ماتزوج وحده تعرفت عليها اكيد كلمت غيري لانها كلمتني ودايم يطلب من اهله يدورون له على عروس ملتزمه



:البنت محترمة وماترضى تسوي اي غلط

2: انزين ليش ما تتزوجها

1: لانها رضت تكلمني

2: بس انت تقول انها محترمة وانت تعمقت معها؟

1: صحيح وهي محترمة جدا لكن...

2: لكن شنو ؟

1: اكيد كلمت غيري لانها كلمتني

2: مو شرط

1: الا شرط

2: لكنك تكلمها من فترة طويلة ولما جا وقت الجد وقلنا زواج تهربت
وكنت تقول انك تحبها

1: صح لكن ....... عندي مبدا اللي كلمتني تكلم غيري وتخون

2:

1:

2:

ويستمر الحديث الذي لا ينتهي


.................................................. ........

juliet&rambo
13/07/2004, 09:55 PM
كارميلة


حبي الله يعينج ع بلواج... بس حبوبتي.. الدنيا ما تتوقف ع علاقه من الأساس كانت غلط....

وبالنسبه للشباب ف الامارات.. كلهم نفس الصنف.. والهوايه اللعب والمرح وتكسير القلوب وتحقير البنت اللي اترمسهم..

انتي عايشه في مجتمعنا واكيد روح تسمعين السوالف والبلواي اللي تصير للبنات ..

لللأسف الشاب عندنا لا يتحمل المسؤوليه.. واذا بغى يعرس.. كان من زمان بيخطبج ويستر ع نفسه وعليج...

انقذي نفسج.. وشوفي ربج كم كريم معاج.. انج شفتي بعيييينج مع وحده ثانيه... انتي المفروض تتنبهين لنفسج وتفتحين عيونج ع الحقيقه انه هالشاب لعوب..

وبعض البنات الله يسامحهن ويهديهن ما يسترن على اعمارهن لا يروحن ويتعرفن ع شباب ثانيين بحجة نسيان الاول!!!!

اختي... انتبهي لنفسج ولحياتج ومستقبلج.. مافي واحد يستاهل تركضين وراه... والنصيب الله سبحانه بيكتبه لج في يوم من الايام..



تحيــــــاتي
*جـــوليت & رامبــــو*

s2s2s
13/07/2004, 11:07 PM
انا مستغربة انج تكولين ان علاقته بالحرمة مش أول علاقة .. وانج سامحتيه كم مرة!!!

معقولة كم مرة يسوي هالشي وانت عادي تسامحيه..!!!

موقادرة استوعب أبداً..

يعني لا في خطوبة ولا ملجة. ..

نحنا مسلمين وما عندنا ان البنت على كيفها تطلع وتحب لها أي واحد..

يعني لا عاداتنا ولا تقاليدنا ولا ديننا يسمح بهالشي


يا اختي الشي اللي تسوينه حرام..

وواضح انكم انتوا الاثنين تتسلون..

والله يهدي الجميع..

مرموم
13/07/2004, 11:48 PM
http://www.crearecountry.com/flowerdivider.gif


السلام عليكم ورحمة الله وبركاته

أنا شايفة الموضوع عادي...

إنتي تخوني ربك و دينك أهلك معاه من 6 سنين..

هو يخون أهله معاكي...

هو يخونك مع واحدة ثانية...

و هو يخون صديقته الثانية معاكي..

و الموضوع كله خيانة في خيانة و حرام في حرام من أوله لآخره..

لذلك...ماذا كنتي تتوقعي النهاية ؟

يأتي إليك ليطلب يدك للزواج ؟ أتحداكي ألف مرة أن يفعلها...

هو يتسلى بك و يتسلى بغيرك...و يتباهى بكثرة عددكن أمام أصدقائه...و الكل يتسلى في بعض...و عاجبكم تستمروا على هذا الحال...أو على الأقل عجبك تستمري على هذا الحال 6 مرات قبل ذلك...

إذا لم تفيقي و تعرفي يا أختي أن ما تفعليه حرام حرام حرام...فستندمين بعد فوات الأوان...

الله يهديكي يا رب...


http://www.crearecountry.com/flowerdivider.gif

اموره2002
14/07/2004, 12:08 AM
:smile: بسم الله الرحمن الرحيم السلام عليكم ورحمة الله وبركاته انا فعلا استغرب من طرح هذا الموضوع علنا للمناقشة يقول الله عزوجل في الحديث القدسي ما بال عبدي استره ويفضح نفسه اختى علاقتك كما قالت الاخوات خطا وحرام من يضمن بكرة ايش يصير او من يعيش استغفري الله وتوبي اليه قبل فوات الاوان كما ان علاقتك غير شرعية كما يعاملك يعامل غيرك ليس عنده التزام تجاهك وهذا واضح انهى العلاقة استر لك

um mohamad
14/07/2004, 12:12 AM
اول شي بقولجيا ودررررررررررررررررررررررر ررررررري
ثاني شي انا مستغربه ست سنوات جي شو ماجستير ؟؟؟؟؟؟وشو يتريا الحبيب ما يتزوج ولا يالس يتعلث وانتي تصدقينه ولو ما حصل علثه يقولج البشكاره شردت يوم بنحصلها بييييب امي!!!
الغاليه الموضوع واضح من بدايته والصراحه اقولها عشان لا نقص على اعمارنه اكثر البنات يخدعون اعمارهم بشي اسمه الحب !! وخذيها نصيحه الي يبا وحده ما يبخل عليها بالزواج والحمد لله ما في واحد ما يروم يتزوج ولو ما عنده يروم يتسلف من البنك ولو كان ما يشتغل فهاذ فاشل ما ينفع ييود بيت اختي ودريه وقوليله انت غلطة عمري الله يسامحني بس

وطمنينه عليج(u)
ولا تزعلين من كلامنه

مملكة القلوب
14/07/2004, 12:26 AM
http://heoonh.jeeran.com/purplelaceflwrule.gif

السلام عليكم ورحمة الله وبركاته

أختي الغاليه

أنا كلامي من كلام الأخوات

لازم تتركيه وتبعدي عن طريق الشيطان وصدقيني مراح تربحين منه غير الندم والأسف وبعدهااااااا ماينفع شي

لذلك أتركيه لان باين عليه هذا الشاب للعب والتسليه وأنت كنتي وحده منهم عذرااااااااا بس هذا الي واضح ومن دون ماتفسرين أكثر هذا صنف الذئاب الي من المفروض كل فتاة مسلمه تحذر منه مو تسامحه وتعطيه فرصه

وأنا برئي اليوم لا لحظة ماتقرين الردود أعزمي أنك تتركيه ولو أنتي مو قادره قولي له يتزوجك على أني متاكده راااااااااااح يطلع لك مليوووون عذر وأذا وعدك راح يكون وعده مثل السراب يعني حتى مايخسر العبه الي هو فيها

أختي الغاليه ..... ماعندك حل غير ترك هذاااااااا الطريق والله يستر عليك دنيا وأخره

ولك مني كل التقدير والأحترام

http://www.arabcastle.net/vb/uploaded/LONE.gif


http://www.moonandbackgraphics.com/onmykneescornerblock.gif مملكــة القلوب http://www.moonandbackgraphics.com/onmykneescornerblock.gif

http://www.3roos.com/forums/attachment.php?s=&postid=690673

تفاحه الكويت
14/07/2004, 12:48 AM
:eek2::eek2::eek2:








شيء










:confused::confused::confused:

توته الكويتيه
14/07/2004, 12:48 AM
السلااااااااااااااااام حبايبي

عمري حبيبتي انتي انا لي راي ثاني يختلف شويه عن اراء باقي الاخوات
ياعمري هذا خاين ويلعب عليج وعلى غيرج..؟؟
والخاين ماله امان
انا اقول تتركينه وايد احسن
والمفروض ما تسامحينه
لانه نذل..؟؟ آسفه بس اسمحيلي من الحره اللي في قلبي(u)
الله يوفقج عمري والله تستاهلين احسن من جذي
وهالنوعيه يبي يتسلى لا هامه قلب ولا حب ولا يحزنون..؟؟
في حب ما اقولج لأ.. بس والله نادر صدقيني نادر بهالزمن والله نادر
وانا اللي باطين جبدي كل شوي يقولون تسليه
اي تسليه..؟؟
شنو القلب لعبه عشان نتسلى ياعمي روح شوفلك شي ثاني تتسلى فيه
هههههههههههههههههه

موتيني من الضحك يا ام محمد
يعطيكم العافيه عمري

اختكم توته الكويتيه

magic
14/07/2004, 12:52 AM
أسأل الله ان يهديك الى سواء السبيل
لا املك لك سوى الدعاء
لان البنات بصراحه ماقصروا يمكن كلامهم يصحييك من الغفله الي انتي فيها او من السبات العميق الي انتي فيه

dodo_sweety
14/07/2004, 01:01 AM
بالمختصر عزيزتي انهي هذه العلاقه فورا لأنها اولا حرام وثانيا لأن ما فيها احترام واخلاص وصدق وهذا هوا المهم في الحب من غيرهم مافي حب
اتمنى تكوني فهمتيني والله معاكي

rain
14/07/2004, 01:05 AM
:rolleyes:

اعذريني عزيزتي .. على كلامي ..

بس الغلط غلط .. والكذب عمرة قصير وعمره مايدوم .. وانتي الغلط
راكبنك من فوق راسك الى اخمص قدميكي ..
ولي ترضا بالغلط مرة ترضى به اكثر من مرة .
وانتي رخصتي حالك .. عنده .. لو انك غاليه عنده ماعرف غيرك..
ولا كان خانك ..

انصحك بانك تتركينه .. ولاحتى اتفكرين فيه كزوج ,, لانه مايصلح ان
يكون زوج صالح ولا أب قدوه ..

وهذا مجرد رأي .. والقرار لك ..
:smile:

الجاسوسة
14/07/2004, 01:16 AM
ونا بعد اتفق مع خواتي ان هذا الشاب لعوب ويتسلى


وحاولي انج تتركينه قبل لا يورطج ويهددج


والله يهديج انشاءالله

Miss Wanted
14/07/2004, 01:26 AM
الخوات كفوا و وفوا..
بس انا مستغربة ..أنج تعرفينه من 6 سنوات ..هذا عمر!!!!
لو هو يحبج جان الحين تزوجتوا و كان عندكم عيال بعد..لكن والله العظيم هاذي وااااااااااضحة وضوح الشمس انه يلعب و يتسلى يا اختي..
احنا البنات تجرفنا العواطف ولا نفكر بعقلنا إلا بعد فوات الاواااااااااااااااااااان ..
اختي خلصي نفسج من هالعلاقة قبل لا تاكلين نفسج من الندم!!! ترا وربــــــــــي وربي.. الندم شي مش هين ..وانا اعيشه الحين

um mohamad
14/07/2004, 09:47 PM
اختي توته الكويتيه صح كلامج:up: في حب بس الي باط جبدي يوم وحده تقووول 6 سنوات :eek2:حب وين يبا هاذ صدقيني الدنيا بعدهه فيها خير بس الي يحب ما يسوي جي والغاليه اختنه المفروض تعرفه من اول فتره بس ما عليه المفروض الحين تودره

ريم الروم
15/07/2004, 04:22 AM
أنا رأببي مختلف قليلا في كيفية التصرف مع هذا الرجل ...
في نوعية من الرجال يذوبو عند الجنس الناعم (الله يهديهم )

ورأيي انك تصارحيه بصدق شديد بتوبتك الى الله وعدم رغبتك في الرجوع الى هذا العمل مرة أخرى .. وأنك من جد نادمة .. وأنك مسامحته على ما عمله وتدعيلو بالهداية ..

وانشاء الله يا عزيزتي .. إذا كان فيه ذرة خير ويحبك حيرجعلك نادم ويطلب الزواج حتى ما يخسر انسانه بهذي الأخلاق ..وبكدا تكوني كسبتي أجر هدايته وكسبتيه :clap:

وإذا كان الشيطان مسيطر على عقله .. فما أعتقد انه حيفكر يضيع وقته معاك .. وكدا كمان إنتي كسبت نفسك وآخرتك ..

وكل ما كانت توبتك من قلبك كل مالقيتي ان الله معاكي ..

والله يهديكم جميعاً ..

لولــي
15/07/2004, 05:17 PM
رايي من راي الخوات ...


ودريه ... وماينفع لج كزوج ....

مياسة
15/07/2004, 05:39 PM
خير الكلام ما قل ودل وها انا امشي دايما على هالبيت اللي يعور قلبي احاول اشيله من بالي وحياتي وعقلي وماستهين بنفسي وارد


ياخي العزه كرامه وانت دايم مستهين ...ياخي ضرسك لو اوجعك ابذمتك ماتقلعه ..؟!

بنت نوبة
15/07/2004, 09:28 PM
ممكن اسال سؤال ازاي اطمنتى ليه زي ممشه معاكي حيمشي مع غيرك وزي ملمسها وتغزل فيها حيعمل كده معاكي وحبه حبه حتوصل لفين
مفكرتيش في دين بيقول ايه ؟؟؟؟؟1!!!!مفكرتيش ازاي ربنا يكرمك معاه وانتى معاه ومحرمه عليه ؟؟؟؟!!!!!! بتستني ايه تخسري نفسك ولو حد شافك معاه تفتكري انه حيسكت حيحكي عليكي وكلام يتنقل وكل شخص يزود كلمه وينقص كلمه وبعدها محدش عارف الله لايقدر الحلال مفيش احسن منه ولو حد شافك معاه حتسيء سمعتك ولا حد حيفكر انه يتقدم لكي واستبعدي تمااااااااااااااااااااااا ااااامااااااااااااااااااا ا انه ممكن يتقدم لانه حيشك في عمرك كام الان؟؟؟؟ وعشتي مع اهلك كام سنه وامنولك وفي الاخر تمشي مع شخص فكرك ال عرفتيه 5 ولا 6 سنين حيامنلك

اتقي الله حبي مرءاه الحب عميا اتركيه في الحاااال
وربنا معك ويرزقك بشخص يستحقك اوله صعب اخره راحه
ولاا تزعلي :oمنى احنا اخوات في الله لازم نخاف على بعض ولا ايه....؟؟؟

الورد_الأحمر
16/07/2004, 11:35 PM
شوفي حبيبتي بنلكمج بصرااحه لين هنا وخلالاص واحمدي الله انا العلاقه ليين هنا وصلت وبس والاخوات كفو ووفوااا وفعلالا هالنوعيه معروفه في االامارات وهالمجتمعات ليش ما ادري لعب وتسليه وخذي بالنصيحه الله يوفقج

وسلامتج

حلوه موت
16/07/2004, 11:56 PM
الي يبتدي غلط ينتهي بغلط, فانا نصيحتي ابتعدي عن هذا الشاب واذا كان يبيج خله يتزوجج, وعيب عليج الي تسوينه صلحي الي صار وعودي الى الله سبحانه , دام كلمك يكلم 10 غيرك

مذهلة البحرين
17/07/2004, 08:30 AM
:pain:

أم أنوار
17/07/2004, 08:59 AM
نصيحه أختي هذا يتسلى بيك وهذا الصنف من الشباب أحنا عارفينه ونشوفه كل يوم في المجمعات والمراكز.

بينك وبين نفسك فكرك بياخذك ولا بيتزوجك والله لو أتنطي من عاشر طابق مراح يلفت عليك يوم وقت الجد.


هذي النوعيه مو بس في الأمارات بكل مكان خليجي وبكل دوله عربيه بس بخبرك عنا أحنا كخليجيه هذا بيتسلى معاك يمكن لأنك حلوه وتلبسي على الموضه ومستعده تخرجي بأي وقت من دون ما يشك أهلك وأحنا البنات الخليجيات الأصيلات تحصليهن ببيوتهن وإذا طلعن طلعن محجبات فالشاب مهما يحاول بيشوفها صعبه يصيد وحده منهن فشو يفكر يروح للسهله .

بيصادق هذي وبيحب هذيك لكن وقت الجد وقت الزواج وتكوين أسره وفتح بيت بيروح لبنت بلاده اللي حتى ظفرها ما يطلع من وراء الغشوه .

هذي نصيحه لك ولكل بنت تحسب نفسها ملكه جمال وأنه بجمالها تقدر تجذب الشاب الخليجي وتتزوجه تراها تحلم ولازم تعرف انه يتسلى بيها مثل العروسه البلاستك بيلعب بها فتره ومن يمل منها بيكسرها وبيرميها.

ساعتها مافي وقت للندم

أختي في الله اتقي الله أول شي وحاسبي على نفسك والشباب تراه ما يدوم بيجي يوم وبتقولي ياريت وياريت .


سمعينا أخبار حلوه عنك وأحنا معاك بنكون ننصحك ونوجهك لو احتجتي لنصيحه أو توجيه .:up: