المساعد الشخصي الرقمي

مشاهدة النسخة كاملة : يا عرايس ابي رايكم وش احلى دوله لقضاء شهر العسل ؟؟؟؟



سكة طويلة
05/07/2004, 08:13 PM
السلام عليكم ورحمة الله وبركاته
بسم الله الرحمن الرحيم
يا حلوات ودي اعرف وش احلى دوله لقضاء شهر العسل مع شريك حياتك
والي ترشح دوله اتمنى تقول لي ليه ؟؟؟؟ووش هي المناطق الحلوه فيها ؟؟؟
وتسلمون
وشكرا ياحلوااااااااااااااااااات

نبض الحيارى
05/07/2004, 09:45 PM
http://www.aloaan.com/files/randah-1088940901.gif

http://www.aloaan.com/files/randah-1088878742.gif


اختي سافرت ماليزيا وابوي سافر اندونيسيا وبنت عمتي سافرت تونس والكل يمدح الدواله الي سافراله
بس تونس غاليه شوي
اما عن المدن مااعرف وش احلى مدينه
بس انت روحي لاي شركه ويعطونك قروب حلو
اهم شي ان في الدول الثلاث الطبيعه

http://www.aloaan.com/files/randah-1088878742.gif

Ciza
07/07/2004, 12:27 PM
نقل الموضوع لركن الطلبات
المكان المخصص له

عزيزتي الغالية
اول شي الف مبروك يا قمر
وعقبال الجميع ان شاء الله
البلدان الحلوة كثير يا عسل

ماليزيا
اندنوسيا
استراليا
تركيا
جزر القمر
اتمنى لك قضاء اجمل ايام عمرك
في المكان اللي راح تختارية

تحياتي
http://www.uaeqa.com/up/pic/dsf.gif

مياسة
07/07/2004, 12:44 PM
جزر الماليديف

آنين الاخوه
07/07/2004, 01:09 PM
احلى شي انك تروحيــــــــــــــــــــ ــن بيت الله (مكه)حتى يكون اول الزواج توفيق من ربي وبتدعي ربي هناك بالتوفيق والصلاح وان يرزقك الذيه الصالحه المصلحه.......وكمان بتدعي الي في خاطرك

shiooo
07/07/2004, 01:31 PM
انا اقترح عليكى ماليزيا ( فيها البرجان-بحيرة التماسيح-ومكان فيه كل اشكال الطيور-وفيهانسبه المسلمين كتير ورخيصه الثمن) اما لو كانت مادياتك اكتر اقترح عليك اسبانيا لان بنت خالتى سافرت هناك فى الهنى مون واتصورت فيها صور رائعه. وفى كمان تركيا لانها بلد جميله ما شاء الله وارشحلك شرم الشيخ فى القاهره او مارينا فى الساحل الشمالى لان فيها مناظر تبارك الله والماء فيها صافى صافى وبكل الالوان ازرق تركواز اخضر لبنى ماشاء الله تمانياتى لك بالسعاده الدائمه انشاء الله وبالتوفيق

ladyarabia
07/07/2004, 01:46 PM
السلام عليكم ورحمة الله وبركاته

حبيبتي كيفك؟

أنا وزوجي رحنا شهر العسل في تايلاند. الديرة مررررة حلوة وطبيعتها جنان. والبلد رخيصة. يعتمد يالغالية إذا إنتي تبين تروحين بحر ولا غابات وجبال ولا أسواق.

أنا كنت مصممة أروح مكان فيه بحر ودورت على الانترنت لين ما دخت. وتايلاند فيها كل الخيارات.

إذا بغيتي البحر عندك "بوكيت" و"ساموي" في تايلاند

وإن بغيتي الغابات والجبال فعندك "شانغ ماي"

وإذا حبيتي الأسواق روحي "بانكوك"

والبلد روعة وأسعارها أحلى. وإذا حبيتي أرسلك صور قوليلي وأنا حاضرة (wink)

zallete1
08/07/2004, 01:18 PM
روحي جزر المالديييييييف حلوه مره ونفسي اروحها روحيها بدالي :smile:

عسووووله
09/07/2004, 09:53 AM
مالييييييييييييييييييزيا:c lap::clap:
تحياتي..
:shy:
عسووووله.

أم حميد
09/07/2004, 09:46 PM
جزيرة موريشيوس

الشيخة
09/07/2004, 11:37 PM
تــــــــونٍٍٍس الخضـــــــراء

وبس

اش جمل .. واش حلاة .. واش طبيعة .. واش ذوق .. واش أكلات .. واش يلهوووووووووووي ما تخلص هالخضرة ما تخلص من جمالها أشعرنا لها

بس غالية .. وكل دينار فيها ينصرف مو حرام

تحياتنا

الشيخة

Warm Breezes
10/07/2004, 12:22 AM
مساء الخير يا أخواتي الحلوات :smile:

شلونكم عساكم تمام دايم إن شاء الله :shy:

في البداية ألف مبروك أختي العزيزة .. سكة طويلة .. و الله يتمم لك على

خير إن شاء الله ..

أنا عن نفسي رحت شهر العسل إلى موريشوس MAURITIUS .. بصراحة

تجنننننن فوق االخيال .. طبيعة و بحر و هدوء و أهم شيء رومانسية على

الأخر فوق ما تتصوري ..

و أنصحك تروحي لمكان رومانسي لأنك في بداية حياتك الزوجية :shy:

يعني ماليزيا ممكن تروحي لها حتى و عندك عيال إن شاء الله بالمستقبل

بس هالأماكن ما تنفع لعائلة كاملة .. لأن ما فيها إلا طبيعة و رومانسية و

بحر و جو حلو .. و العائلة تحتاج ملاهي و سوق و ما إلى ذلك :cool2:

و أبعطيكي معلومات بسيطة عن البلد لو سمحتي لي أن أخذ من وقتك

شويتين :shy:

اللغة الرئيسية هي : الفرنسية .. و لكن طبعاً الإنجليزية أغلبهم يتكلمونها..

العملة : الروبية ..

الديانة : أغلب السكان كاثوليك .. و يوجد نسبة من الهندوس + نسبة من

المسلمين .. و الحمد لله ما في يهود :up:..

الحياة عموماً حلوة و الشعب مبتسم و طيب جداً و معاملتهم راقية ..

ما في أسواق كثير و أساساً بما إنك عروس ما تحتاجين سوق :shy: صح

و لا لا ..

عن نفسي بحكيلك وين سكنت و إذا عزمتي على الروحة و تبين فنادق

ثانية دوري على راحتك في النت أو الكاتلوجات السياحية ..


نزلت كل أسبوع في فندق .. كلها خيالية كأنك في عالم آخر ..

الأول : THE OBEROI MAURITIUS خيالي فوق الخيال حلو جداً ..:up:

الثاني : DINAROBIN HOTEL كمان حلو جداً و فخم بعد ..

و الأخير : LES PAVILLONS حلو جداً و رومانسي و فيه حفلات كل يوم

بعد العصر عند الغروب حلووووو جداً ..

و كل الفنادق طبعاً على البحر عبارة عن غرف مثل الشالية " ممنوع بناء

فنادق تعلو عن شجرة جوز الهند مقابل للبحر عند الساحل "..

بصراحة و بدون مبالغة بلد تستحق الزيارة من فترة للثانية :up:

أتمنى أكون ما طولت عليك و أفدتك يا عزيزتي ..

أنا بعد شهر و نص بروح المالديف لمدة أسبوع و نصف يقولون إنها قريبة

كثير لموريشوس من جميع النواحي إلا إنها أصغر شوي .. و فيها فنادق

حلوة كثير عبارة عن أكواخ في وسط البحر تروحين لها بقارب .. يعني

رومانسية بعد :shy:

أتمنى للجميع أوقات سعيدة و رومانسية دايماً .. و إلى اللقاء يا حلوين ..

روزالينده
10/07/2004, 03:52 AM
الله يبارك لك اختي على الزواج مقدما

احلى الدول ماليزيا

خايفه اتزوج
10/07/2004, 03:59 AM
الف مبروك حبيبتي والله يوفقك يتمملك على خير اذا بغيتي مكان حلو انا من وجهة نظري زلمسي بالنمسا مكان جدا حلو ورومنسي هي مدينه صغيره بس تطل على بحيره حلوه ومكان اامن جدا ومي مزدحمه كثير وطبعا مكه اول شي وبعديين اي مكان بالعالم بس زلمسي رايقه من وجة نظري :up: بالتوفيق

um mohamad
11/07/2004, 01:43 AM
نصيحتي بلد عربي لا تسيرين لاي اي وقت ترومين تسيريين وما بيتغير عليج الجو وايد
انا سافرت اوربا ويه اهلي مب ذاك الزود بلادنه احلى بس جوهم:cool2:
انشالله انا لو عرست بسير
اسبوع ماليزيا واسبوع المالديف وبعدين بانكوك عشان اتشرا وافلس ريلي:cool2::D2

اوبرا
11/07/2004, 09:08 PM
اختي Warm Breezes

ماشاء الله عليج

اتصدقين شجعتيني اسير لموريشيس

مقارنة بالدرهم الاماراتي شوالفرق بين العملتين

Warm Breezes
14/07/2004, 01:13 AM
أختي العزيزة .. اوبرا ..


اتشجعي بعد زيـــــــــــــــــــــــ ـــــــــــــــادة البلد من جد تستحق الزيارة :up:

و تغير جو و ريلاكس و تجديد لحياتك كلها :up:

بالنسبة للمقارنة في العملات .. كل الي اتذكره إن :

100$ دولار = 1950 روبية .. أو زيادة حبتين ..

البلد رخيصة و ممتعة جداً و الفنادق الي نزلت فيها خيااااااااااااالية و الله..

لا تترددي و إذا رحتي و رجعتي علميني عن رأيك :cool2:

سلام يا حبوبة .....

تفاحه الكويت
14/07/2004, 01:57 AM
ماليزيا







وبس

سكة طويلة
15/07/2004, 11:12 AM
مشكورين اخواتي على الردود الحلوه


Warm Breezes



موريشيس تابعه لي دوله ؟؟؟؟وجمب اي دوله ؟؟؟

الاميرة الفاتنة
16/07/2004, 03:12 AM
جنان كلامكم
مشكورين على المعلومات الحلوة
بس حبيت اسئل كيف العيشة في موريشيوس والمالديف
غالية هناك والا كويسة
ارجو الاجابة
لان عرسي قرب ولسا ما حددنا وجهة السفر

Warm Breezes
17/07/2004, 03:05 AM
أهلين يا حلوين :smile:

عزيزتي .. سكة طويلة .. لا شكر على واجب يا قمر ..

المفروض إننا في المنتدى ما نبخل بأي معلومة عن بعض .. عشان تعم

الفائدة للجميع :cool2:

عزيزتي بالنسبة لسؤالك أحب أقولك إن موريشوس هي دولة لحالها ..

مو تابعة لأي دولة جزيرة قائمة بحد ذاتها لها رئيس و شعبها ودود جداً و

البلد أمان جداً ما فيها مشاكل .. تقع في المحيط الهندي ..

THE INDIAN OCEAN و هي قريبة إلى الهند تقريباً .. جزيرة رومانسية جداً..

عاصمتها هي : PORT LOUIS بورت لويس ..

و هي جزيرة إستوائية أي أن مناخها طوال العام ممطر و دافيء و ممتع ..

أتمنى أكون خدمتك بإجابتي يا عزيزتي و الله يتمم لك على خير ..

بالنسبة لسؤال العزيزة .. الاميرة الفاتنة .. أحب طبعاً في البداية أن أبارك

لك على الزواج و الله يتممه لك بكل يسر و سهولة يا رب :shy:

العيشة يا عزيزتي في موريشوس خيالية راحة جداً و بالعكس ما في

تكاليف الأسعار حلوة و مناسبة جداً .. و أهم شي تنقلك من عالم الصخب

إلى الراحة و الهدوء و الرومانسية :cool2::shy:

باختصار أنا اعتبرها : A SPECIAL GIFTS FOR THE HONEYMOONERS:up:

و الله يوفق الجميع لما يحبه و يرضاه ..

suzi
17/07/2004, 03:25 AM
انا ارشح تشيكيا

و بالخصوص العاصمة براغ فهي جميلة جدا جدا

زبرجدية
17/07/2004, 08:16 AM
عزيزتي Warm Breezes


مشكورة على المعلومات القيمة عن الجزيرة التي أحلم بزيارتها من زمان
ادعي لي الله يكتب لي أروح لها في شهر العسل

وبصراحة كفيتي ووفيتي

** ممكن أعرف سعر الفندق في الليلة + الضرائب؟

**وهل في شاليهات بحمامات سباحة خاصة private؟


مشكورة حبيبتي والله يسعدك دنيا وآخرة :smile:

Warm Breezes
18/07/2004, 01:27 AM
عزيزتي .. زبرجدية .. الله يكتبلك الخير دوم و ينولك الي تتمنينه يــــــــــــــــــــــــ ــــارب..

بالنسبة للأسعار و الله أنا كنت عروس :shy: و طبعاً زوجي محضرها لي

مفاجئة و ما قالي الأسعار وإلى يومك و الله ما قال لي كم الأسعار الفنادق

بس كلفتنا رحلة شهر العسل تقريباً 30 ألف ريال سعودي مع التذاكر في

طيران الإمارات على الدرجة الأولى .. و بسألك زوجي عن التكاليف

في الفنادق بالضبط و أعلمك إن شاء الله :cool2:

صحيح نسيت أعلمك بالنسبة للفنادق الي نزلت فيها الأول :

THE OBEROI MAURITIUS .. هذا ست نجوم و متواجد على الساحل

الجنوبي الغربي .. حلو جداً و أعتقد إن في بعض السويتات فيها مسبح

خاص معها..بس الي نزلت فيه ما فيه مسبح خاص " لأني ما اعرف أسبح

:o يعني الجوكوزي حلو مكفيني ليش المسبح (a) " وحدة تقنع نفسها:cool2:

و الفندق الثاني : DINAROBIN HOTEL .. خمس نجوم و حلو في الساحل

الجنوبي الغربي بعد بس بعيد شوي عن الي قبله و حلوه الشاليهات فيه..

و الفندق الثالث : LES PAVILLONS .. أربع نجوم بس الحفلات الي فيه

تجننننننننن و استانسنا ان أكثر الي يشتغلون في الفندق مسلمين ..

طبعاً هذا ريحنا في الأكل الي ما فيه خنزير أو كحول يسونه لنا بدون ما

نطلب و أخلاقهم حلوة جداً :up: و فيه بعد جلسات مساج حلوة جداً ..

تعشينا مرة بفندق الهيلتون حلو و الله بس المطعم مو على البحر زي

باقي الفنادق الثانية الي نزلنا فيها ..

عموماً إذا بغيتي تروحين خذي فندق على الشاطيء و حتى لو كان ثلاث

نجوم ثقي إنك رح تستانسين لأن الطبيعة رح تأسرك هناك أأكد لك :up:

و على طاري المسبح الي مع الشاليه في فندق في جزيرة المالديف

فيه مسبح مع الشاليه و شكله خيـــــــــــــــــــــــ ــــالي ..

إسمه : SONEVA FUSHI .. خمس نجوم و يقولون رومانسي جداً و الله أعلم

إذا رحت أعلمك شلون لقيته :D2 أوكي يا حلوة ..

الله يتمم لكل عروسة على خير إن شاء الله ..

زبرجدية
18/07/2004, 07:33 AM
عزيزتي Warm Breezes

بصراحة انت كلك دفى

والله تعجبيني لما توصفين المكان

ما شاء الله عليك .. شرح كافي ووافي .. وبدون بخل في المعلومات

لا عجب أن زوجك فاجأك برحلة شهر العسل الرائعة لأنك الظاهر تستاهلين

كل خير

والله شوقتيني زيادة .. عيوني ما اشيلها لما افتح اي مجلة وأشوف فيها هذه الجزيزة الخلابة

اما عن الشاليهات التي في المالديف اعتقد هي اللي شفت صورها في مجلة ما .. روعة بصراحة وخصوصية لأبعد درجة

ولكن بكون قنوعة واكتفي مثلك بالجاكوزي إذا ما حصلت في موريشيوس


بس سؤال لو سمحتي.. فترة 3 أسابيع ما طويلة في مكان مثل هذه الجزيزة .. قصدي ما تمللت لأنها أغلبها أماكن طبيعية وليس فيها اسواق كبيرة أو ملاهي أو متاحف أو ...... إلى آخره

شاكرة لك حبيبتي .. والله يوفقك ويسعدك انت وزوجك ببعض ويظل يسوي كل كل سنة مفاجئة مميزة

وفي انتظار تقرير سفرة المرة الجاية :smile:

البرنسيــــــسة
18/07/2004, 05:15 PM
أختي أقترح عليج إتروحين مالــــــــــــــــــــــ ــيزيا لأنها روعة واحنا في قطر أغلب العرسان يقضون شهرالعسل في ماليزيا واللةإتجنن وخصوصا الجزر الي فيها حتى وانتي على الجزيرة وعلى السيف وقت الغروب الجو يكون روعة والمنظر وايد وايد حلو والجو يكون رومانسي وخصوصا حق انثين ابروحهم توهم في شهر عسل وهناك بعد في ماليزيا فيها حديقة خاصة للفراشات فقط وحديقة للطيور وايد اماكن حلوة عندهم لو أعددلج ماراح أخلص والشي الحلو الي هناك انج ماتحسين في غربة لأنج في دولة مسلمة ودايما بتسمعين الأذان وأسعارها عادية نفس دول الخليج واللة يهنيج ويوفقج ويسعدج إنشاللة مع زوج المستقبل ومبروك مقدما أختي .


:up: :up: :up: :up: :up: :up:

Warm Breezes
21/07/2004, 02:53 AM
أختي العزيزة .. زبرجدية ..

الله يسعدك و يعلي مقدارك عنده في الدنيا و الأخرة .. و مشكورة أختي

على كلامك الرقيق و الجميل المنعكس عن شخصيتك يا عزيزتي :smile:

بالنسبة يا حلوة عن سؤالك ..

أقولك بكل صراحة إني في كل أسبوع كنت هناك أحس إني في بلد آخر

و ذلك لأننا كنا نغير الفندق الي فيه .. و لا تخافين شهر العسل ما فيه ملل

لأنك عروسة و الرجل ما يسكت وقت شهر العسل إسئلي البنات المتزوجات

بعد :smile: أكيد يتذكرون هذيك الفترة ..

مافي ملل أبـــــــــــــــــــــــ ــــد لا تخافين .. الوناسة مو بس في الأسواق

و المطاعم .. و الله المناظر الطبيعية و البحر أحلى بكثير .. إنتي بس تأملي

الشمس وقت شروقها و غروبها و تعرفين معنى السعادة و الراحة النفسية

ما في إزعاج و لا شي يحجب الشمس .. لا مباني و لا سيارات..

فقط الشمس البحر و الطبيعة الخلابة ..

و البلد فيها كم متحف يوضح تاريخ موريشوس .. موجود بالعاصمة "بورت

لويس " إسم المتحف " بلو بيني " .. حلو جداً ..

و في قلعة على البحر في الجنوب من الجزيرة ..

و في حدائق كثيرة .. مثل حديقة التماسيح - الطيور - الأشجار - القرود ..

و في مزرعة الشاي - السكر .. و كلها خيالية و الله وناسة ما تندمين ابد..

سامحيني لو طولت عليكي .. بس من جد تستحق الزيارة :up:

زبرجدية
10/08/2004, 10:56 AM
عزيزتي Warm Breezes

بكلامك الحلو اتشجعت زيادة لأزور هالمكان

مشكورة على سعة صدرك ... وبصراحة ....

متشوقة اسمع عن سفرتك هذه المرة

تحياتي لكي :smile:

alnasser04
10/08/2004, 12:05 PM
سكة طويلة
هلا والله والف مبروك..

الغاليه انا سرت شهرالعسل ايطاليا وفرنسا وختمتها بلندن...بس احسن مكان رحتله...
البندقيه(فينيسيا) بايطاليا روعه كل الرومانسيه اللي عندكم بتطلع (wink)
نيس في الجنوب الفرنسي جميله .

الله يوفقك ان شاء الله

المير
15/08/2004, 10:22 AM
بصراحة يا Warm Breezes


شعتيني لما اعرس اسير موريشوس


بصراحة انا شقت من قبل صور و المكال باين عليه خباااااال و حتى المالديف بس بصراحة ما في شي احسن من ان الواحد يبتدي حياته الجديدة بالروحة للمناطق المقدسة ....

و المناطق الرومانسية هي احسن الاماكن حق شهر العسل تشاوري انتي و زوجج و ان شاء الله تستانسووون



و عقباااااااااالي ان شاء الله يارب و عقبال كل بنات المنتدى

هييرة
15/08/2004, 01:56 PM
اولا: مكة المكرمة



ثانيا:استراليا


وصدقيني مابتندمين............رررررررررر روعة


ولك مني

ملياررررررررررررررررر مبروووووووووووووك

والله يسعدج ويهنيج :flower:

susu_redrose
15/08/2004, 02:37 PM
ماليزيـــــا :up:

لولــي
15/08/2004, 02:50 PM
بصراحة يا Warm Breezes بالفعل ماقصرتي ... ومشكوووووره ...


إن شاء الله يوم بعرس زوجي يوديني موريشوس


بصراحة انا شفت من قبل الصور و المكال باين عليه خباااااال و حتى المالديف بس بصراحة رووووعه ... وصدق زوجج أختار المكان الصح ... وأنا أمووووووووووووت في الهدووووووووووووء والخضره والتأمل ... وماحب أماكن الزحمه ....

و المناطق الرومانسية هي احسن الاماكن حق شهر العسل :up:

أحلام
10/12/2004, 06:34 PM
بنات أنا ناوية أروح نيوزلندا إن شاء الله ،
بلدة رومانسية ، كل من يروح لها من ربيعاتي تقول حلوووووة مرة وتناسب شهر العسر بس ما أعرف عنها شي
أبي أشوف صورها/ وأبي كتاب لغة ، وأبي أعرف حد فيكم راح لها ولا

ام ياسمينا
10/12/2004, 08:03 PM
انا رحت اليونان وايطاليا وفرنسا والمالديف وكلهم حلوييييييييييين:clap:

الحلوة الأمورة
10/12/2004, 08:27 PM
حبيت أسأل ايش تتوقعون أفضل النمسا أو استراليا في الصيف؟
عاد تدرون استراليا شتاء في وقت الصيفية

ـبـنـتــ
10/12/2004, 09:08 PM
انا انصحكي بزيلامسي ... النمســـا .. وبس :cool2:

ماي
10/12/2004, 09:15 PM
هل تنفع موريشوس في الشتاء؟؟؟؟؟؟؟؟
يعني في فبراير او مارس؟

f.y
10/12/2004, 09:16 PM
الله يهنيج ويوفقج ان شاء الله انا رحت مكة وجدة ومصر وماليزيا وامريكا وهولنداولبنان بس طبعا بسنوات متفرقة موبسنة وحدة بس بقولج اي مكان انتي وزوجك بس فيه يصير جنة استانست فيهم كلهم علشان كنا بروحنا

نوووسهUAE
10/12/2004, 11:24 PM
احس انه الجزر تناسب الاجانب والناس الفري اشوي

:o

ليانو
12/12/2004, 02:05 AM
1000مبروك اختي... وزي مااقترحت (ارو ى) روحي مكــــــــــــــــه وجيبي عمره وأدعي لنا ولك لمدة 4أيام بالكثير أو أسبوع بعد كذا روحي ماليزيا أختي راحتها وتقول مره رووووووعه أو تركيا-اسطنبول-طبعا أنا رحتها لمدة أسبوعيين تآآآآآآآآآآآآآآآآآآآآآآآخ ذ العقل ماشبعنا لكن بناتي الله يهديهم رفعولنا ضغطنا:mad2: :mad2: ادعيلهم بالله اذا رحت مكه بالهدايه ,, :shy::shy:نصيحه لكل عروس :قبل ما يجوها أطفال تسا فر مكان ما تبغى و الله يوفقكم

ليالي العين
12/12/2004, 09:46 PM
جزر الموريشووووووووس :up:

هدوووء حلو وطبيعة

وردة جده
12/12/2004, 10:34 PM
اختي مانصحك انك تروحي ماليزيا حر ورطوبه مررررره


مثل ماقالوا البنات روحي جزيرة موريشوس اللي انا ان شاء الله بزورها


واتشجعت من البنات اني ازورها وشفت صورها كانت روووووووعه


وفي مدينه حلوه مدري ليه البنات ماذكروها وبنظري اشوفها احلى من

الدول الاوربيه ومن امريكا اللي هي صلااااااااااله


مع اني رحت تقريبا كثير من ولايات امريكا وماليزيا ومصر لكن ماحسيت

براحه نفسيه وطبيعه وهدوء ورومانسيه مثل صلاله واهلها الطيبين

انا انصحك بزيارة موقع المسافرون العرب علشان تشوفين الصور بنفسك

وتقررين وتعرفين كل شي عن اي دوله بتزورينها


والله يوفقك ويسعدك دنيا واخره

بحر الأمل
15/12/2004, 11:26 AM
أنا انصحج انج تروحين تايلند فيها ج
زيرة بيبي ايلند جزيرة وايد حلوة هادية والجو الحلوو والمناظر ولاتنسين تركبين دري طويل يوصلج لللمطعم واذوقي عصير water melon
وجزيرة جمس بوند هذي الجزيرة فيها بيوت وبحر ومثل هاواي
وروحي بعد بوكت فنتازيا هناك في عروض ومسرح كبير ويسمى العرض التايلندي ولاتنسين تاخذين معاج الكيمرا
وردي وروحي العمرة اذا الله اراد

*جنان*
02/02/2005, 02:26 AM
اختي ما انصحك تروحين لتايلاند بالذات بانكوك ...كثير سمعت عنها دولة فساد ... الله يستر ..

و احلى شئ تروحين له قبل ما تتجهين للدولة الي تريدينها تسيري لمكة المكرمة ..:shy:

عروس الغبيراء
02/02/2005, 03:39 AM
وانا ماانصحج بعد تروحين تايلند:down:

فساد والله فساد:down:

الله يستر بس

ومثل ماقالت اختنا فوق جربي تروحي صلاله

في الصيف

ترى جنه الله في الارض:up:

لـــــــمى
02/02/2005, 04:10 AM
[ALIGN=center]ألف مبروك أختي وبالتوفيق ان شاالله
بالنسبه لي شهر العسل كان ببريطانياوتوهقت لأني رحتها بالبرد :eek2: و توقعت الجو حلو وما أخذت احتياطاتي :rolleyes:
لكن مررررررره انبسطت :D2 الحمدلله

اختي جزر المالديف حلوه لكن الحين نصفها راح مع الفيضانات يعني الوضع فيها مو تمام .

انا مع البنات اللي قالو لك على صلاله (صلاله خيااااااااال)ماشاالله قمه في الروعه وأهلها أطيب منهم ما في. :up:

ماليزيا مررررره حلوه بعد :up:

بالتوفيق يا اختي وما أوصيك بزيارة بيت الله الحرام والدعاء :smile:

أختكم
لمو

girl_love4ever
02/02/2005, 06:04 PM
أنا مش متزوجة
بس الكل يمدح ماليزيا

ترانيم قطر
02/02/2005, 06:20 PM
انا مخططه اذا تزوج في المستقبل اروح ماليزيا > المغرب :smile:

No_Way
02/02/2005, 06:59 PM
[ALIGN=JUSTIFY]هلا عزيزتـــــــــــــــى الــــــــــف مبرووووووووك والله يسعدج إنشالله........

انا عن نفسي انصحج بجزيــــــــــــره فوووووووووووق الخيال.. يعني ابصملج بال مليووووووووووون ماراح تندمين عليها ابـــدا لان مكان نفس الاحـــلام وانا متأكده انج حتى في الاحـلام ماتخيلتي انج بتروحين لها......

جزيــــــره موريشيــــــــوس............

انا يوم عرست خيرني زوجي امبين أوروبا وجزيره موريشيوس..
قلت في خاطري انا اوروبـا انشالله لاحقه عليها وما اتوقع ان اوروبا رومنسيه حق شهر عسل لان شهر العسل موب حق مشتريات واسواق ...في شهر العسل يصير التعارف امبين الزوجين فامابالج في هالشهر تقضينه امبين خضره وجمال وجو وشلالات يعني خيااااااااااااااااااااااا اااااااال...

انا رحت الها اسبوع تقريبا لانها جزيره صغيرونه وايد وسكنت في فندق THE OBEROI MAURITIUS افخــــــــم واحدث فندق في جزيره موريشيوس ونظامهم خيااااااااال... خذنا نفس البيت اسمه بافلو وهو عباره عن غرفه استديو ولج كل الخصوصيه يكون لج نفس البيت الصغيروني وله سور ويكون فيه حوض سباحه والحوش كله زراعه وورد وفي هالحوش نفس الجلسه المرتفعه شوي فيها طاوله وكراسى مطله على البحر يعني تتريقين الصبح فيها مع زوجج والغرفه نصها زجاج يعني وانتى نايمه على السرير تشوفين حوش بيتج الصغيروني (بافلو) وكله اخضر في اخضر يعني ولا في الاحلام والحمام واجه كامله زجاج ومطله على زراعه روعه بس مش مكشوف لا تخافين:shy: وهالفندق امبين ممرات الي تمشين فيه نفس الشعل بالنار يعني بدال الاضاءة ..........ويرتبولج عشاء رومنسي بس على إضاءه الشموع يسونه على ممر من الخشب داخل في البحر بعدين تيج نفس القاعده يحطون طاوله وحده بس حق الزوجين وطول الممر شمووووووع خيااااااااااااااااااال...... ..........وممكن تحجزين جوله على الخيل امبين الجبال الخضرا...واحنا الصراحه غامرنا في شهر العسل :cool2: خذنا جوله في الغواصه تحت قاع المحيط الهندي...:smile:........ تبين نصيحتى صدق انتى لاحقه انشالله على اوروبا وشوارعها لاتفوتين هالفرصه هذا شهر عسل يعني لازم يكون خياااااااااال........... ادري وايد ارمس بس لو اقول واكتب مابوفي عن موريشيوس لان لين الحين مومصدقه لانه كان عسل بمعنى الكلمه.............

والسموحـــــــــــه

bent eshog
02/02/2005, 07:45 PM
انا اختي سارت انيزلند ماعيبه اتقول ملل و برد

bent eshog
02/02/2005, 07:47 PM
انيوزلند

عروس المنامة
03/02/2005, 02:34 AM
على البر كة أن شاء الله ......


اني في رايي اول شي طبعا لازم تاخذين ذوق زوجش في هالموضوع

و ثاني شي التنويع حلووووو يعني روحي جزيرة و حاولي اول شي يعني تروحينها حق الوناسة و البحر و ثاني شي بلد فيه تورست واجد مثل استراليا او غيرها يعني يكون برنامج كل يوم في تور علشان ما تتمللون بس في الفندق ....... و آخر شي روحي بلد فيه سوق


أما عند الجزر فيه كثير طبعا بعد الزلزال الدول و الجزر اللي هناك تدمرت


في جزر الكناري عند المغرب اعتقد و أسبانيا و يقولون انها رمنسية واجد

غير أنه أسبانيا تصلح بعد حق شهر عسل في مربيا و فونخرلا و بورتابانوووس بلد صاحية لين الصبح فيها بحر و فيها سوق و فيها آثار ....


يعني بكون الجدول مزحوم ......

و بعد في جزر البهاما عند أمريكا بعد يقولون عنها روعة

و بعد في اليونان فضيعة ...... أثينا فيها جزر واجد و كروز تروحين فيها بعيد عن البشر .....

و فيها آثار و متاحف يعني رحلات كل يوم .... و فيها مطاعم

و فيها ذيك السوق ......... فضيعة ........


و مافيها ابدا خليجين يعني تاخذين راحتش على الآخر


واذا تبغين مكتب سياحي هناك يحجز اليش احسن الفنادق و أرخص من الخليج طبعا

أمري أنتي بس و أني بعطيش الرقم و كل شي.....


و هم ايطاليا قريبة منها بالكروز تروحينها ..... و خصوصا فنيسيا البلد اللي اطلق عليه بلد الرومنسية على مستوى العالم



و أن شاء الله حياتش كلها عسل


:smile:

دراعه
04/02/2005, 03:01 AM
:confused::confused::confused: الله يرزقني في المستقبل لي ولاخواتي يارب يارب يارب
ادعوا لنا الله يخليكم بموت قهر من الللي اسمعه عن البلدان :confused::confused:

نجوم الليل
07/02/2005, 02:23 AM
السلام عليكم ورحمة الله وبركاته

مبروك اختي على الزواج وعقبال باقي بنوتات المنتدى

انا سمعت ناس كثير تمدح في ماليزيا و تايلند لكن بما ان تايلند صار فيها الزلزال فانا اعتقد ان الواحد الحين يخاف يروح لها:D2:D2

اما بالنسبة لي ان احلى مكان لشهر العسل هي جزيرة البندقية في ايطاليا وهي مشهورة ومعروفة بعالمها الرومنسي وانا شفت في التلفزيون ان اكثر التنقلات فيها بقارب وخصوصا للمطاعم اللي في وسط البحر:up::up::up:

وهي فيها من كل شي ::: الطبيعة الخلابة والاسواق الحلوة والجو الهادئ والرومنسي وعندهم هناك الكثير من المتاحف وغيرها

وتاكدي ان اي مكان راح تروحينه مع زوجك وانتو توكم في بداية المشوار يعني حبكم طازج:shy: وحياة جديدة حلوة بينكم راح يكون مكان خيااااال ورومنسي بس المهم يكون هذا المكان فيه طبيعة

وفي امان الله والله يسير لك امورك:up:

نجوم الليل
07/02/2005, 03:01 AM
السلام عليكم ورحمة الله وبركاته

بحثت عن صور للبندقية ولقيت هذي وان شاء الله يعجبونك:smile:
http://www.fotosearch.com/bigcomps/MDG/MDG192/wt13058.jpg

وهذا مطعم رومنسي واكيد في الليل يطلع احلى
http://www.fotosearch.com/bigcomps/MDG/MDG196/wt17033.jpg

http://www.fotosearch.com/bigcomps/MDG/MDG196/wt17006.jpg


هذي صور لبعض فنادقهمhttp://www.i-escape.com/thumbnails/IT001_overview1.jpg

وهذا الفندق اسمه Relais Marignolle
http://www.i-escape.com/display_picture.php?hotel_key=IT005&picture_name=rooms5

http://www.i-escape.com/display_picture.php?hotel_key=IT005&picture_name=rooms4

http://www.i-escape.com/display_picture.php?hotel_key=IT005&picture_name=rooms3

http://go.3roos.com/6U5w6lt972I

http://www.i-escape.com/display_picture.php?
hotel_key=IT005&picture_name=rooms1


وهذا الفندق كلاسيكي اسمه La Residenza Napoleone
http://www.i-escape.com/display_picture.php?hotel_key=IT041&picture_name=rooms1

http://www.i-escape.com/display_picture.php?hotel_key=IT041&picture_name=rooms2

http://www.i-escape.com/display_picture.php?hotel_key=IT041&picture_name=rooms3


http://www.i-escape.com/display_picture.php?hotel_key=IT041&picture_name=rooms4


http://www.i-escape.com/display_picture.php?hotel_key=IT041&picture_name=rooms5

وكما هو مذكور في الموقع يفضل السفر لها في شهر يونيو ويوليو واغسطس يعني في الصيف وفيه مهرجانات كثيرة الشخص يحتار يذهب لاي منها... ولكن يجب الحجز بوقت مبكر قبل السفر
وفي الشتاء يكون سعر الفنادق رخيص وكما هو مذكور في الموقع ان رحلاتك ما راح تتاثر لكن يجب التأكد ان الفندق متوفرة عنده خدمات التسخين الممتازة

المشتاقة لله
07/02/2005, 03:58 AM
ماليزيااا تيينن وشرم الشيخ بعد .. اخواني راحوهم وتصوير الفيديو روووووووعه ودج تستانسين روحي هناك


والله يوفقكم

ريم81
24/02/2005, 10:09 AM
الحين جزر المالديف :(
وكانت بخاطري و الله

إبتسام العمر
26/02/2005, 05:05 PM
ماليزيااااااااااااااااا وبس

رووووووعه رووووووووعه رووووووووعه

رحتها السنه الماااضيه مع اهلي ..

انشالله لما اتزوج ارووحها مع زووجي ......

مااتتفووووووووووت :handup: :handup: :handup: :handup: