المساعد الشخصي الرقمي

مشاهدة النسخة كاملة : اختكم فى الله ومحتاجه المشوره والنصح منكم



ام مسلم
02/07/2004, 07:03 AM
السلام عليكم ورحمة الله وبركاته
اول شئ مانى عارفه من وين ابداء قصتى او وش اقول لكن باعتبركم اخوات واخوان لى فى الله واتمنى من كل اخ او اخت انه يجاوب على بكل صراحه وصدق لانى ثقتى فيكم كبيره .. اولا انا انسانه متزوجه من شخص قريب لى وعندى ولد منه الله يخليه لى وفترت زواجى 4 سنين انا تزوجت فى عمر 19 سنه تزوجت من ولد عمى وهو اكبر منى ب 14 سنه انخطبت عليه فى عمر صغير وكان عمرى 15 سنه المهم ان ولد عمى قبل زواجنا كان مهتم فينى بشكل مثل الناس واتزوجنا ومن اول ايام زواجى ثانى يوم بالتحديد اكتشف انه يكلم بنت وكان يقولى صديقى مرت الايام وانا احاول اعرف لانه كان يكلم فى كل مكان حتى فى شهر العسل او اذا نمت انا مرت الايام واكتشفت انها بنت متزوجه وعندها ولد المهم انا كللمته وصارحته وحلف انها ماهى بنت وفى النهايه وبعد مرور ثلاث سنوات انا كلمت ابوى واتدخل ابوى وقطع علاقته فيها وانا متاكده انها علاقه ماتتتعدى التلفونات فوق كل هذا انه مايمارس الجنس بشكل طبيعى معاى يعنى تقريبا فى الشهر مره واحده او اقل وكان يستخدم العاده السريه وبعد مشاكل كثيره صار يحاول يخفى ممارسته او انه يطلع يمارسها برا البيت فى بيت اهله مثلا المهم انا كذا مره اتكلم معاه ويجلس يحلف انه يحبينى وانه مايستغنى عنى وعن ولده وانه مايمارس شئ وينكر
سالفه الى كان يكلمها انتهت تقريبا وهو حلف فى بيت الله الحرام لكن المشكله فى حياتنا الجنسيه زوجى اتعود على الجنس بالتلفون وعلى العاده السريه لانه جلس فتره طويله ماتزوج وانا لى احال معاه انه يتغير بكل الوسائل والطرق هذا كله ولا احد يدرى من اهلى او اهله لكن فى الفتره الاخيره معاد اقدر اتحمل حكيت لامى كل شئ وامى تقولى انتى اختارى حياتك
انا هددته بالطلاق ولكن مافى شئ اتغير هو مايهتم بالجنس ابدا وانسان تقريبا مريض نفسيا لانه يساوى شغلات المراهقين مايسونها انا عارفه انه مريض نفسيا لكن لا هو راضى يتجاوب معاى ولا يتكلم معاى ولا يحاول يغير الوضع مو عارفه الحل كيف احيان كثيره افكر بالطلاق لانى صغيره واحتاج للحياه وللجنس بالحلال واحيان اخاف من المستقبل والعالم وانى اضيع ولدى ودى اى احد يحاول يدلنى على الطريق انا جد احبه والله لكن هو مو مقتنع بكلامى ومعتبرنى طفله عنده للاسف لانه كنت صغيره اول ماتزوجت ولان كنت اشوفه يمارس العاده السريه فوق سريرى وانا جمبه ولا يهتم مفكرنى مو فاهمه .. كل هذا صار جارحنى خيانته لى من قبل زواجى يعنى ماقدر اقول انا السبب لانى اصلا ماكنت فيه ويوم جيت حاولت والحمد الله على كل حال وبعدها يساوى كل شئ يبفكرنى مو فاهمه احسها جرح فى قلبى عليه ماهو راضى يتعالج خايفه يمر عمرى وانا جالسه وهو كل مايحيس انى راح اطلب الطلاق يتغير لمده ماتتعدى الاسبوع ويرجع ثانى نفس الحال كل من حوالى ينصحونى انى افكر بالامر جديا لانى صغيره لكن القرار فى يدى ودى استفيد من نصايحكم لى مع العلم ان زوجى كان مايصلى وصار يصلى بعض الفروض والبعض لا واحيان كثيره ياذن الاذان وهو جالس والمسجد عن باب البيت ولا يرضى ينزل وفوق كل شئ يقول انا ملتزم وابغا الالتزام مادرى شلون وهذى افعاله تعبت والله وانا احاول فيه اى احد رد على يعتبرنى مكان اخته او اختها ولا احد يقولى اصبرى حاولى ترا لى اربع سنين احاول واعطيته مهله وقلتله سنه وانتهت السنه ولا شئ تغير جنسيا شبه معدوم او اذا فيه اداء واجب بدون اى مقدمات والمبرر ان كل الناس كذا وكل الناس عايشين كذا بس انتى تتبطرين على نعمت ربى الناس كلهم فى رائه يمارسون الجنس بدون مداعبات مره فى الشهر وبعد هذا كله الاقيه يمارس العاده السريه يعنى مو مريض عضويا اسفه طولت عليكم وتعبتكم بس نسيت نفسى والله احس انى اشكى من قلبى وانا عمرى 23 سنه وخايفه يمر عمرى او انحرف من كثر الى صاير فينى وعدم الاهتمام واذا سالته فينى شئ ناقص فينى شئ مو عاجبك يحلف بالله انه مافيه شئ فينى ترانى بانجن احس ان انوثتتى ناقصه او فينى عيب لدرجه انى سالت واحد من عمانى مره وقلتله انا فينى شئ اذا فينى شئ احد يقولى لان الانسان هذا مو طبيعى.. وفوق كل الى قلتله والله احس انى احبه بس كل مالى اكرهه بالتدريج لدرجه انه الكل حس بالاختلاف فينى حتى هو.. واسفه على الاطاله ..

اختكم فى الله.. ام مسلم..:eek2:

yn1
02/07/2004, 08:43 AM
الله يعينج اختي ويفرج كربتج انشاءالله ، احس ان مشكلتج صعبه وحياة زوجيه : صعب اني انصحج ، انشاءالله البنات يفيدونج يالغاليه (u)

uaemoon
02/07/2004, 08:51 AM
غاليتى ام مسلم

الله يعينك على مشكل


اول شى غاليتى لا تبنين فجوة بينك وبين زوجك

حاولى انك تتقربين منه أكثر
لا تحسسينه بانه يرتكب اى غلط

انتى حاولى تجذبينه لصفك

البسى له وغيرى من شكلك وحاولى انك تغرينه

الريال عنده غريزة اذا وجد الشى الى يلبى غريزته فبيلجا له

وكونى انتى الى تلبين غريزته

غيرى من الروتين الى انتى عايشه فيه

كونى وحده ثانيه له
وحده جديده له

حسسيه بحبك له باهتمامك الزايد فيه

ترا الريال مثل الطفل يحب الى يهتم فيه ويدلعه

والله يوفقك ويسهل دربك ويعينك على مشكلتك

تحياتى لك

وانشالله باقى الاخوات يساعدونك بنصايحهم

محبة الحياة
02/07/2004, 12:54 PM
لا تنسي الدعاء والقيام في الثلث الأخير من الليل .. والاستغفار ..

ادعيله إن الله يهديه .. وكوني موقنة باستجابة الدعاء ..

Miss Wanted
02/07/2004, 07:39 PM
ادعيلج من قلبي انه الله يفرج كربتج و يسهل امورج و يوفقج انشالله!!

و انا مع الاخت uaemoon حاولي انج تغيرين من نمط حياتج و تتجددين دااايما!

الله يوفقكم و يهنيكم انشالله اااااااااااامييييييييين :shy:

بنت عروس
02/07/2004, 08:52 PM
اختي ام مسلم ربي يهديلك زوجك ويرجعه لطريق الصواب

والله انه مشكلتك انتي هاينة عند مشكلتي زوجي تقريبا نفس الشي لامعاشرة جنسية ولا يحزنون والمشكلة الاكبر خيانات وناوي يتزوج وحدة عمرها 42 سنة عشان فلوسهاوسودة بعد:confused:

ويقول انه يحبني ومايقدر يفارقني لاني طلبت منه يختار بينا والله انا مااستحمل وحدة ثانية تشاركني بزوجي والله اني محتارة وماادري ايش اسوي احس الدنيا اسودت بوجهي :confused:

ام مسلم
03/07/2004, 04:14 AM
السلام عليكم ورحمة الله وبركاته
شكرا لكم اخواتى كلكم وعلى ردودكم ومشاركتم لى
yn1 اشكرك على ردك والحمد الله على كل حال
uaemoon والله ياختى انى حاولت بكل الوسائل والطرق وهو مستخدم اسلوب اللامبالاه احبك واعزك بالكلام بس بدون ما حاول اعلاج نفسى او اغير لكن الحمد الله انا احاول واغير فى شكلى وهو ابدا غير مهتم وانا وصلت لمرحله تقريبا خلاص افكر بالطلاق لانى تونى صغيره ولان مايسوى اضيع عمرى واخر شئ انحرف بسبه ياما بنات ضاعوا والسبب ازواجهم
محبة الحياة .. مشكوره اختى والله يجزاك خير..

Miss Wanted .. والله ياختى حاولت وغيرت وانا تونى صغيره بعمرى لكن مافى فايده لا حياه لمن تنادى واحد اتعود واتربى كذا ماحد يقوله غلط ولا احد يقوله صح واذا انا قلت كذا لا بيطلع عند اهله ويسوى الى وده فيه ولا احد يقوله لا ..

بنت عروس .. الله يعينك ويعيينى على الرجال مع انى انا اخترت الطلاق وراح اسويه ترا مايسوى نصبر عليهم اصبر عليه وهو حتى حقى الشرعى مافيه ليه حرام والله مايرضاه على لا الله ولا خلقه وانتى اصبرى واحتسبى اللاجر عند الله وانشاء الله ربى بيعوضك خير ولا تسود الدنيا بوجهك ولا شئ ترا الرجال ماهم نهايت العالم ولا كل العالم تراهم جزء بسيط من الحياه

بريق أمل
03/07/2004, 04:30 AM
اختي مشكلتك أثرت فيني
وما ادري اذا كان الانسان مفروض انه يعتمد على احساسه في حل المشاكل او لا بس.. احس ان مشكلتك الحل فيها بيد الاحساس أكثر من انه عقل وانتي الوحيده اللي تقدري تحددي هذا الشي بشكل اكثر وتعرفي تركزي بإحساسك بشكل يخليك تقولين ايه فعلا انا قلبي يقولي انها راح تفرج ان شاء الله

اختي بصراحه ما احس ان زوجك انسان سئ بالشكل اللي انتي تتصوريه بالعكس باين انه انسان طيب بس يمكن الظروف تحكمت فيه شوي وهو عطى مجال لهذي الظروف انها تتحكم فيه وتأثر عليه استسلامه وخضوعه لعاداته قبل الزواج ماهي دليل انه سئ بالعكس ليه ما تقولي انه برئ على الاقل تطمنتي انه ما كان فيه خيانه في حقك ادري بتقولين لي واللي كان يكلمها معليش هذي بعد شي وطلع له في حياته وفي لحظة ضعف منه استسلم والشيطان شاطر بس اختي ما تحسي بفرح لما تفكري انها مجرد علاقة تلفون؟؟
ما كان بيده انه يطورها لشي ابعد؟ أو انه حتى يتخلى عنها ويروح لأي وحده غيرها .... معليش خلينا نفكر بشكل ايجابي شوي انسي كل السلبيات في العلاقه وفكري بالشي الزين والشي اللي كان ممكن انه يكون اسواء وما حصل
وقولي الحمد لله
اختي اعتقد ان مشكلة زوجك هي عقدة الفراغ العاطفي اللي كانت مسيطر على حياته .. وانا ما ادري ايش الاسباب اللي خلته في هذي الحاله ومن غير زواج لين هذا العمر الكبير... بس صدقيني هذا راس المشكله ويجوز بعد انه ما كان ملاقي عاطفه حنان في بيت اهله وعشان كذا ما تعلم انه يتبادل العواطف بشكلها الصحيح والطبيعي وتعود انه يعتمد على نفسه وبس
ومن هنا لازم انتي تبدأي علميه كيف يحب اعتبريه طفل بين ايدك مو انتي تقولي انه يعتبرك طفله خلاص انتي تحدي هذي النقطه يلي ماسك لك فيها وخليه يعرف انك عارفه هو ايش محتاج ومن غير ما يتكلم حسسيه بنظره بلمسه صدقيني راح يتجاوب معاك شوي شوي


وبعد لا تهمليه اي جانب من جوانب الحياه الزوجيه وركزي على الحنان اللي يكون نابع من زوجه أكثر من انه حنان أمومه ... وملي له وقت فراغه بولده وفيك وبتغير جو البيت وصدقيني راح يتغير:smile:


أتمنى اكون ساعدتك ولو بالقليل

مهاوووي
03/07/2004, 05:09 AM
اختى ام مسلم الله يهدي زوجج انشالله وادعيله ان الله يهديه ويوفقه

وانتى اهتمي بمظرج وملابسج وبشكلج وبشعرج صبغي شعرج وقصيه على الموضه وغيري عطورج كلها وكل شى غيري بحياتج يمكن يكون متملل منج او شى ترى الريال يحب التغيير الدايم والمفاجي 0

انشالله اكون افدتج 0


مع تحياتي لج

عبير المملكه
03/07/2004, 05:23 AM
اللهم اهدى شباب المسلمين..اللهم ااامين

اختى اولا انصحك انك تعدلين من نفسك مثل ايش؟؟ غيرى نفسيتك قبل شكلك لانك متحطمه نفسيا وهذا يخليلك مكانك سر..

ثانياا ابعدى كل ماهو اغراء فى البيت وبذات الدش اذا كان عندك شيله ولاتتحسفين عليه ولا دقيقه بعد المجلات الصور اى شئ تحسين فيه حريم ..

خلى فى البيت جوء ايمانى قران دئما شغال بذات سوره البقراه لانها تطرد الشياطين وسبب مشاكل الالعالم من وين؟؟ ..

اختى انصحك انك تبعدين عن فكره الطلاق ترى ماتضمنين تطبين فى واحد احسن منه ولا تضمنين انك تتزوجين ..!! اختى ذكرتينى بقصه مماثله عندنا من جماعتنا والله اطلبت الطلاق على شئ لايذكر اخذت خمس سنوات ماتزوجت وحالتها النفسيه جداااا سيئه واحد شايب حن عليها بعد ماتوفت زوجته وتزوجها ومخليها مربيه لعيالها بعد ماكنت كل شئ بحيات زوجها الاول نصيحه بيوت المسلمين عامره بالمشاكل بس الابواب مغلقه ..

اختى اذا بغيتى الجنس اطلبى منه ومراح يرفض يعنى مو لازم تنتظرينه يجيك لااا هذا من حقك وشوى شوى ربى راح يعوضك ..

غاليتى لاتنشرين اسرار بيتك والله انها سر الخراب حتى لاهلك انتى ترضين انه يروح يقول عيوبك عن اهله اااااااااااااااااااااكيد لا!!

واسفه على الاطاله

ام مسلم
03/07/2004, 06:21 AM
السلام عليكم ورحمة الله وبركاته

اختى فى الله بريق امل.. والله جد ان كلامك كانك عايشه معاه او حاسه فيه المشكله والطامه الكبرى انه ماتعود فى بيت اهله على شئ غير العيشه لوحده بس وبعدين بالنسبه لى ترا ماخليت شئ ماسويته شكلى غيرته كله بيتى والله كل شوى اجدد اعلمله معامله والله ماسويها لولدى هذا وانا ادرس يعنى تعبانه معاه حيل بس خلاص تعرفين اذا النفس طابت
هذى انا الحين نفسى طابت من هذا الرجال حتى اذا جاء بينام معاى والله ماودى اناظر فيه وكل شوى اتذكر خيانته لى وترا هى مو تلفون انا متاكده انها اتعدت التلفونات بس هذا الى انا قدرت اكتشفه التلفونات وبس وبعدين ترا حنا الحريم كل شئ نرجع السبب على اشكلنا وتعاملنا مع الرجال انا بعد خبرتى اتاكدت انها مو هى كل الاسباب لا التربيه جزء من الاسباب والله تعبت وربى وهو اذا بس قلت ابغا طلاق جلس يحاول فينى ارجع عن فكرتى
واذا رجعنا تغير واحد فى المئه لمده اسبوع ويرجع ينخرب عارفه لان اصلا الاهل مافيهم خير فاذا الاساس انعدم انعدم كل شئ والله والله وربى يشهد انى سويت الى قلتى عليه من قبل ماتحكين لكن مافى فائده لانى عارفه اتفاهم معاه فكريا ولا نفسيا وفرق ا لعمر وانه يخبى عنى كل شئ جنسيا مافيه يعنى مانى عارفه انا نفسيتى راح توصل الى وين وجد يابريق امل من حكيك حاسه انك انسانه عندك خبره بالحياه وتسلمين على ردك

ام مسلم
03/07/2004, 06:25 AM
اختى مهاوى مشكووووووووووره والله وربى سويت كل شئ لكن الله يسهلها

اختى عبير المملكه تسلمين على الرد والله يجزاك خير وانشاء الله ربى يقدم الى فيه الخير

شوكولاتة
03/07/2004, 09:00 AM
حبيبتي أم مسلم




أول شي أبي منك وعد .. لا أبيك تحلفين لي إنك ماتطلبين الطلاق ..


إنتي عندك ولد .. لا تظيعين ولدك على شئ لو سألك عنه إذا كبر ماراح تقدرين تقولينه له ..

حبيبتي .. وربي أتكلم لك من حرقه .. بعد الأب عن الأم يهز الأطفال ويهدهم إذا كبروا .. ترضين ولدك تنهدم حياته؟؟ ترضين يصير ماله شخصيه ؟؟ ضايع مايدري ليه صار له كذا؟؟

إنتي تبين تتزوجين .. تضمنين زوجك الجديد يحفظ ولدك مثل أبوه؟؟

ياعيوني المشاكل ماتنحل كذا ..

تبين تعرفين كيف تنقاس وكيف تنحل ؟؟


تبين تاخذين حقك منه ؟؟

روحي لرب العالمين .. هو اللي يفرج الهم .. هو اللي يفتحلك أبواب السعاده .. هو اللي يحققلك اللي تبين .. إذا أردا شئ يقول له كن فيكون ..

إنتي عليك بالدعاااااااااااااااااااا ء

والله إني أعرف إمرأة عزيزة علي جدا .. زوجها كان يخونها مع شغالاتها مع انه ملتزم جدا لكنها كانت نزوه .. إختارت إنها تصبر وتحتسب وتدعي كل ليله .. ولا تقولين انك صبرتي سنه .. هذه المرأة صبرت سنين ..

وربي عوضها عوض كبير في أولادها .. وربي إنها الآن متهنيه بشكل مااقدر اوصفه لك .. زوجت أولادها وعاشت بينهم وشافت أحفادها .. وربتهم تحت يدها ..
كانت تقول أبي أعيش مع عيالي وعيال عيالي .. وربي حققلها اللي تبيه

وهو ..
بكل قوة الكون سامحته .. والحين والله إنه يعزها ويمدحها في مجالسه ..



حبيبتي إصبري .. مو عشانه .. عشان ولدك .. وصدقيني بيعوضك ربي ..
وفكري في السنين الجايه .. تتوقعين انها بتكون كلها سعاده إذا أصريتي على حلك؟؟

يقربلي واحد عاش كذا .. أمه وابوه تطلقوا ولا عندهم الا هو .. وكل واحد تزوج في طريق

أمه مارضا زوجها انه يعيش معاه .. وأبوه كان يعاملة معامله سيئة .. فعاش عند خواله في منطقه ثانيه

وش أقولك عن حالته وربي يكسر الخاطر مع ان عمره 25 سنه .. لكن واضح عليه انه فاقد شي كبير .. يقول بلسانه انا ماتهنيت ولا عشت بعايلة



المهم أختي ..

إستخيري الله قبل كل شي .. وأنصحك من كل قلبي
لا تضيعين حياتك عشان شي ماتضمنينه ..
ولا تفكرين في عيوبه .. فكري في محاسنه .. وفكري في ولدك أكثر
ولا تسألين أحد وش الحل .. كذا ترا الناس بتزيد اللي فيك
إسألي رب العالمين أن يزيدك صبر .. وترا ربي مع الصابرين .. تكرهين ربي يكون معاك؟؟
وإقرأي القرآن يمكن اللي فيكم عين .. ولا تقولين ماراح يتغير الحال ترا الإيقان بإجابة الدعاء سبب في قبوله






أسال الله العظيم ... رب العرش العظيم ... أن يفرج همك وهمي .. ويعجل بالفرج لي ولك .. وأن يرزقنا الصبر والسلوان .. وأن يعوضنا بعد صبرنا خيرا ..

أسأل الله العظيم .. رب العرش العظيم .. أن ينزل عليك السكينه وأن يطمنك بإسمه .. وأن يرد لك زوجك ردا جميلا


اللهم آمين

مرموم
03/07/2004, 02:06 PM
http://www.crearecountry.com/flowerdivider.gif


السلام عليكم ورحمة الله وبركاته

حزنت جدا لمشكلتك أختي...

بس تعرفي شو لاحظت...

لاحظت إنك كاتبة المشكلة و إنتي محددّة الحل من الأول...و هو طلب الطلاق...

صحيح تستمعي لحلولنا...لكنها لا تؤثر في رغبتك بالطلاق...

هذه الأمور خاصة بين الرجل و زوجته...في واحدة عندها 53 سنة...راحت مرة دكتورة النساء...اكتشفت إنها لسة عذراااااااء....تخيلي...ظلت عايشة مع زوجعا أكثر من 30 سنة...و ما فضحت سره لأحد...و لا تخلت عنه أبدا...

هذه الأمور أختي تحصل في كل بيت...انسي موضوع الخيانة الحين لأنه تاب عنّه...و ما تخليه حجر على قلبك يدفعك لترك زوجك...

خذي زوجك بهدوء و اجلسي معه على موقع www.islamonline.net...و اقرأوا المشاكل الجنسية و الزوجية معا...و قولي له ربما أنت من هذا النوع...ربما في مشكلة...

لا تكرري الأمر أمامه كثيرا...حتى لا يحس أنها فعلا مشكلة...

خذيه مرة و اعزميه على ليلة في فندق لوحدكما...انسي كل الماضي...و قولي له اليوم يوم المصارحة...و صارحيه من قلبك بمخاوفك...في جو هادئ و رومانسي...لا تعطي له مجال للعصبية...قولي له كل ما تريدني أن أفعله لك سأفعله...حتى لو تحب نذهب للخارج نتعالج...و سوف أتعالج معك...يمكن المشكلة منّي...

يعني حسسيه إنها مشكلة مشتركة..حتى لا يحس بالنقص...و يعوض هذا النقص بالعادة السرية...

و يمكن في شيء في طريقتكم مع بعض لا يجعله يراح مثل ما يرتاح في العادة اسرية...و هذا سبب بعده...

الحل بيدك أختي...و صدقيني نساء كثيرات في هذا العالم يعانوا أكثر من مشكلتك...و ما فكروا ابدا في الطلاق بهذه الطريقة...

الله يوفقك يا رب...ادعي لزوجك دايما بالهداية و نفسك بالستر...و الله لن يخيب رجاكي أبدا...

و طمنينا عليكي أختي...


http://www.crearecountry.com/flowerdivider.gif

روح المحبة
03/07/2004, 09:25 PM
السلام عليكم

مثل ما قالت الاخت مرموم انتي محددة الحل وهو الطلاق و هذا اهو اساس المشكلة وقت اللي تفكري بالطلاق تكرهي كل شي يمت لزوجك بصلة و تكرهي حتى انك تحاولي معاه وتساعديه

المشكلة عندك اكبر ليشنه ولد عمج يعني انتو اهل ليمن راح تشتكين لعمج؟ ما اعتقد صعبة و غير هذا الموضوع محرج

لا تفكرين انه هذا الشيئ ما يضايق زوجك مثل ما هو مضايقج
اهو بمشكلة حقيقية و محتاج منج المساعده

اول شي اقرأي كل شي عن العادة السرية علشان تعرفين اشلون تقدرين تساعدينه يتركهها ترى هالعادة الملعونة مو من السهل تركها و محتاجة منك صبر و تضحية يمكن تطول سنين اذا كنتي تبين نتيجة عدلة و حياة مستقرة

ثاني شي انتي ذكرتي لن هذا المشكلة بس يعني ما فيه مشاكل ثانية بينكم بحيث صاير جفا في العلاقة الزوجية؟ او ما عنده مشاكل بالعمل؟ او مشاكل مع عايلته؟
في امور وايد تحلي عقل الواحد مشتت و نفسيته تعبانه ما يقدر يقوم بالعلاقة الزوجية على اكمل وجه

اختي الفتور في العلاقة بينكم سببها العادة السرية و هذا مبين من تمسكه فيج ترى هو يحبج و يبغاج بس مريض بالعادة السرية

انا قرأت في منتدى متخصص في العلاقات الزوجية عن علاج لمثل هذي الحالات و هو ان الزوج يستمتع اكثر بالعادة عن العلاقة مع زوجته

و حتى بالنسبة للمرأة اللي تمارس العادة تكتمل عندها العلاقة اذا مارست بيدها اكثر من عضو زوجها

المهم في البداية ادري صعب عليج اتسوين هذا الشي بس علشان توصلين لحالة مرضية وهي انك انتي اللي تسوين لزوجك بدل ما اهو يسوي بيده مرة ثانية تمارسين الجنس معاه و تنهينه بيدك
و شوي شوي راح يستمتع اهو بالممارسة الطبيعية معاج بس انتي طولي بالج معاه و حبريه انك راح تساعديه انه يترك هالعادة بس اهو بعد يساعد نفسه
بعد حاولي ما تتركيه يصير بروحه او يختلي بنفسه و خلج دايما جاهزة له اذا بغاج علشان ما يضطر يمارس بروحه

مو شرط تكونين معاه علشان الممارسة الجنسية حتى و انتو اتطالعون التلفزيون مثلا على الاقل من باب المراقبة بس طبعا لا تبينين له انج تراقبينه يعني انج تبين تكونين معاه في كل ركن ما تحبين تفارقينه و كلام من هالنوع

بالنسبة لتفكيرج بانه خانك انتي بنفسك قلتي انه ترك هالشي من زمان و حلف بالله لج خلاص شيليه من بالج و ترى اللي يسامح بالدنيا الله يسامحه بالاخرة

حاولي انج ما تكرري الحركات اثناء الممارسة الجنسية مع زوجش علشان ما يمل و بالتالي يشتاق ينام معاج

حاولي تطلبين منه دوم الممارسة الطبيعية علشان يفرغ حاجته للجنس معاج انتي و ما تكون عنده فرصة يفكر يفرغها بروحه

خبريه انه العلاقة الجنسية اللحين من حقج انتي و مو من حقه انه يمارسها بروحه و ذا شفتي انه مرة مارس بروحه او حسيتي بهذا الشي خبريه انج عرفتي و ازعلي عدل على هالشي راح يكرهه اكثر فيها

و انشالله انتي بعد تعرفين اشلون تدبرين امورج مع زوجش
بس دايما تذكري انه زوجش و ولد عمج يعني محد بيصبر عليه وبيحبه و بيتحمله اكثر منج

عطيه فرصة انه يتعالج من هالعادة تراها سبب لكل ازمة نفسية يمر فيها و حرضيه على الصلاة علشان يخاف اكثر من رب العالمين يعني اذا جا و قت الصلاة قولي يقوم يصلي بطريقة لطيفة و خبريه انه المثل لولدكم اذا شافه ما يصلي اهو بعد ما راح يتعلم يقوم للصلاة اذا كبر و لاتخلي موضوع الصلاة هامشي خليه شي رئيسي في حياتكم علشان يستقيم و يحاول اكثر انه يعدل من نفسه و صدقيني كل هذا ما راح يضيع و بتشوفين نتيجته لى حياتج انشالله

اتمنى انج تشيلين كلمة طلاق من بالج لانها خراب اكثر من تكون عمار مو بس حق ولدج حتى حقج انتي

و اتمنى اسمع عنج كل خير و رجاء خبرينا ترى احنا خواتج ننتظر منج النتيجة المرضية انشالله

ام مسلم
04/07/2004, 02:15 AM
السلام عليكم ورحمة الله وبركاته..
مشكوره لكم ياخواتى .. وجد والله انى حاسه انى شوى مرتاحه من كلامى معاكم حاسه انكم اخوات لى من جميع دول العالم .. بالنسبه لك اختى شوكلاته .. شوفى انا والله وربى يشهد على ان نفسيتى تعبانه بسب تفكرى فى الطلاق ماقدر اوعدك بالوعد الى تبينه منى لكن اوعدك انى بحاول بكل ماقدر عشان رب العالمين يرضى عنى وبالنسبه لممشكله والله انها حاله فوق كل هذا الى قلته هو مايتفاهم معاى و متاخذنى انى انا ماينقال لها شئ لانه هو تربى على ان الواحد مايقول لزوجته شئ ويعدين فيه مشاكل بينى وبين اهله وبالاخص مع اهلى يعنى لاقى من يدعمه على يعنى والله ماعاد عارفه وش اسوى حاسه انى كرهته ودى اعيش حياتى والله يعنى الى تقولين عليها صبرت على عيالها لانها حاسه انه فى امل من الى بتحاول فيه انا حاسه انه هو مايحنى لا يحتاجنى فيه فرق بين الاحتياج وبين الحب عشان تعود على وعلى ولده والا هو الحياه الزوجيه مو مهمه عنده ولان سبق واطلق اخوه زوجته بنفس المشكله كلامك صح انى ماقدر اقول للناس او لولدى سبب الطلاق بس على الاقل انا اقدر اعيش حياتى لانى اتخيل عمره الحين 36 ولا هو راضى يتفاهم ولا راضى يتكلم فى الموضوع ولا يبغا اى شئ والله لو بس الاقى طرف خيط احاول اصلح فيه انى لاحاول بس هو كل الخيوط مقطعها اذا حكيت بالموضوع قلب البيت حريقه حتى لو حكيت بطريقه هاديه ورمنسيه مايفهم احس انه مو محتاج للجنس مع انسانه نفسه مكفيته حتى اصلا مو محتاج لعواطف مع ناس

اختى مريوم.. كلامك انى محدده الطلاق من البدايه .. والله غلطانه فيه ياعيونى ليه لانى لى احاول فى السالفه هذى 4 سنين مو يوم ولا يومين .. والله انى الا الان ماخذت القرار لكن جالسه استشير واستخير ربى واعرض المشكله على شيوخ وانشاء الله ربى يعدلها على انى اجلس على موقع اسلام اون لاين والله جلست معاه وبعد على موقع عالم الحياه الزوجيه تدرين وش يرد على سكرى الخرابيط هذى الى لاعبه بعقلك يعنى شوفى رده الفعل البارده انه مو مهتم ولا حاس انها مشكله فى حياتنا ومره رحت وعزمته على فندق وسولفت معاه بهدوء وكل شئ واخر الكلام قالى الله يهديك وتفكرين صح اذا صرتى بعمرى انشاء الله شوفى يعنى والله شئ يرفع الضغط


اختى روح المحبه.. تسلمين على ردك لى وعلى اهتمامك والله انكم اكثر من اخوات لى والله يشهد .. بالنسبه لموضوع العاده السريه انا قريت عنها وسالت طبييه نفسيه عنها وحاوت معى انها تفهمنى طرق علاجها بس لازم هو يستجيب ويحاول لكن اذا هذا الطرف ماوده يحاول وش تسوين وانى امارس معاه باليد هو رافض هذا الشئ لانه يحس انى فاهمته وهو رافض الفكره ولله يعنى واقدر اسوى شئ واغير فيه واتمنى منكم اخواتى كلكم الدعاء وانشاء الله انى بكون على تواصل معكم انشاء الله :shy:

hyooof
04/07/2004, 03:28 AM
هلا والله اختي الغاليه ،، والله يوفقك ويهديلك زوجك ،،

انا من رأيي انك ماتبينيله انك شايفه هالشي لاني فهمت من كلامك ان زوجك معتبرك لسا صغيره ،، ولما تبينيله انك فاهمه اللي هو يسويه حينحرج منك وأكيد راح ينكر الموضوع ...
انا من نصيحتي انك تجلسين فتره تنامين جنبه في السرير وتتزينين وتلبسي احلا الملابس اللي فيها اغراء شوي ، وكل يوم تلبسي لبس احلا من اللي قبله وتصلحي شعرك وتنوعي من روايح الكلونيات ودهن العوووود وتشيلي شعر جسمك ،، وتتدلعين قدامه ،، وتطبخيله كل الاكل اللي يحبه وتضحكي معاه وتكوني طبيعيه مرررررررررررررررررره ،، ولكن اذا جا يبغا يقرب منك اتعذريله باي شي بدون مايحس انك ماتبينه ،، بالعكس قربي جنبه وبوسيه دايم ودلعيه وكل ماتنادينه قوليله ياحبيبي ،، بس اذا جا وقت السرير وبعد ماتتصلحين وتتعطرين اعتذريله ياإما بالدوره الشهريه (وانتو بكرامه) او بألم في بطنك او انو فيكي النوم ، المهم انك تعذري بعذر حلو ،،،،
وخليكي كذا شهرين تقريبا ..
ولو هو عمل اي شي مع نفسه اتغاضي واعملي نفسك ماانتبهتي،،
وبعد فتره حتشوفي انه حيشتاقلك ويفقد الجنس معاكي ..
:shy:
بس في هذي الفتره ادخلي على مواقع العلاقات الزوجيه واقري كل مواضيع المعاشره الجنسيه وخليه لما يعاشرك بعد فتره يلقاكي شي ثاني ...........:up:
والرجال دايم يبغا الحرمه اللي تستحي ،،،، لكن في الفراش تفسخ الحياء تماما ولاتستحي منه ابدا لانك ماعملتي شي حرام...

وجربي وانشالله ينجح اللي في بالك
والسلااام

ام مسلم
04/07/2004, 03:43 AM
السلام عليكم ورحمة الله وبركاته
hyooof .. مشكوره ااختى والله ياعيونى اذا على شهر او شهرين قليله انا تقريبا ضليت ماطلب منه هذا الشئ لمده ثلاث شهور والله بالنسبه للاشياء الجنسيه والله اتعلمت من مواقع من وحده صديقتى متزوجه ومثل روحى لكن مافى فاااااااااااااااايده ترا بكلامك تحسسنى ان الغلط منى الغلط مو فينى فيه هو بصراحه اكثر يجى ويعاشر وكل شئ بس مايعرف ينزل الا اذا مسك بيده الانه تعود على ايده وهو تقريبا لانه عارف ان الموضع ماثر علينا خلا ص صار اكبر همه انه يجى وانا انبسط هو لا مو مهم يخلص بعدين مو فاهمه والله حالته غريبه وحيرتنى معاه الله يهديه وبالنسبه للاعذار اذا اتعذرت يقول انتى الى منك السبب انا اجيك وانتى تقولين لا واذا رضيت وايقدر يكمل والله من الدخان والعاده الزفت الى يمارسها ان نفسه ينقطع واكثر من 5 دقايق بدون مقدمات كمان مايقدر يكمل يتعب لانه مو متعود على انسان ثانى معاه .. واشكرك على ردك واهتمامك

hyooof
04/07/2004, 03:51 AM
هلا والله يالغاليه ،،
انا ماقصدت ان الغلط فيكي ،، لا والله ،، انا كنت ابيه هو يفقد الجنس معاكي وبعدين يلقاه بطريقه غير ،،،

طيب معليش بعد ذنك يعني دامك قلتي انه مايرتاح الا لما يعمل بايده ،، يمكن لانه مايقدر ،، لان الحرمه بعد الولاده تتوسع ،، حاولي اذا تقدري تعملي خياط وتضوقي زياده ،، وكمان تعملي رياضه تشد المنطقه ....
اعذريني انا مااقصد ان العيب فيكي ،، لكن في رجال مايرتاحو الا اذا كان الشي شاد عليهم كثير ....لانه تعود بايده وايده يتحكم فيها على كيفه، فانتي اعذريه مبدأيا وحاولي بطرق ثانيه ........ في طرق في المضاجعه تخلي المكان مشدود كثير وضيق ، حاولي تقري عنها وتجربيها ،، وماحتخسري شي...........:up:

والله يوفقك يالغاليه

ام مسلم
04/07/2004, 04:11 AM
hyooof .. شوفى ياعيونى بالنسبه للضيق والوسع السالفه هذى من ثانى يوم بزواجى يعنى ماقولك انى الحين ضيقه او وسيعه وانا بعد ولادتى الخياطه كانت تجميله وكلها بسب انى خايفه من الوسع لكن والله ياختى انى ماعاد عارفه ايش السبب لدرجه انى سكرت على وعليه باب الغرفه وقلتله الحين تقول اذا انا فينى شئ وانا والله اغيره عارفه وش يرد يهز راسه ويسلم على رراسى ويقول والله مافيك ولا فينى الا كل خير خلينى اطلع الله يهديك يعنى لا مبالاه هو طبعه كذا الى ادهى من هذا ان امه عارفه فى هذا الشئ وكانت دوم تسالنى اول الزواج عن النوم وتسال اذا خلصت شغلت البكاره او لا لاننها خايفه لايكون ولدها مسحور بس بعدين انا عرفت انها عارفه انه يمارس العاده السريه من عمره 17 سنه الا الان عمره 36 سنه اتخيلى قدام عيون امه وهى ساكته يكلم بنات من قدامها ساكته ايش مبررها يخرب عندى وسط بيتى ولا يطلع برا والله يابنت الناس انى اشكى وانا احس نفسى كانى تائهه فى هذى الحياه احس الموضوع بيهبل فينى عارفه حتى لو انا احاول فيه يخربونه هم اهله عندهم فى البيت القمر الاوربى عادى مفتح كلل القنوات ولا شئ مسكر فيها الكل يقدر يحطها يعنى هذا الشئ خربهم كلهم هو واخوانه وعنده اخو اطلق بنفس السبب واذا قلتلى اكلم عمى هو مو ولد عمى لزم لا من بعيد يعنى والله حاله انا خايفه اضيع انا واصير بالنهايه اشوف الشئ هذا عادى لانى اتزوجت ماعرف شئ والله 4 سنين علمتنى كل شئ بالدنيا والله انى كنت اشوفه يمارس العاده السريه وانا معاه على السرير نايمه والا فاهمه هو وش يسوى الين عرفت يحق له يشوفنى طفله ويعاملنى طفله لانى جد كنت طفله بس الحين لا وهو ماخذ طريقه اللامبالاه لانه ماشاف رده فعل قويه منى الا الان الا فى موضوع الحرمه الى كان يكلمها وبعد 4 سنين انا رديت احيان بعض الازواج يشوف صبر الزوجه وسكوتها ضعف وهو من هذا النوع:shy: اسفه طولت عليك والله بس من الهم الى فى قلبى ..

hyooof
04/07/2004, 05:31 AM
والله يالغاليه ماطولتي علي ولا شي ،، بالعكس انا ودي اساعدك والله ،،

انا باقولك رايي ،،
اذا انتي فيك حيل تتحملين وتصبرين شوي لان زوجك زي مافهمتيني ان هذا الشي فيه من زمان ، يعني مو بسهوله يقدر يبطله،، اتحملي كم شهر عشان لو لاسمح الله فكرتي بالطلاق تكوني ماظلمتيه ،وتكوني راضيه ربك وضميرك.. فحاولي زي ماقلت لك تحرمينه من معاشرتك فتره ،، وبنفس الوقت تلوعينه وتغرينه بكل الطرق ،، وتقربين منه وتحضنينه وتبوسينه وكل شي ،، بس اذا جا للمعاشره ،، اتعذريله باي شي ... وشوفي كم شهر اصبري لين انشالله شهر رمضان وشوفي وش بيصير معاه .... بس اهم شي بينيله انك ماتنتبهي على اللي يسويه عشان ماينحرج منك.......... وكل يوم ادعي ربك انه يسخره لك.. وحاولي تقربينه من ربي وتخلينه يواظب على صلاته قد ماتقدري،، يعني لو يوم طلعتو مع بعض وأذن وانتو في الطريق ، قوليله وقف عند مسجد ابغا أصلي ،، وبكذا هو ينحرج ويدخل كمان يصلي..

وحاولي بدون ماياخذ باله ويحس انك تقصدينه ،، تحكيله عن قصص بنات،، او اعملي نفسك تكلمي صاحبتك قدامه مثلا وقولي فلانه لسا بكر زوجها مالمسها وخانته لانه مالمسها وبعدين طلقها زوجها وقولي لصاحبتك قدامه : هي غلطانه بس كمان مسكينه ماتنلام لان هذا حقها الشرعي وهي بشر ماتتحمل........
يعني جيبي سوالف قريبه من حياتك معاه بدون ماتبيني انك تقصديه وتكون نهايتها مأساه أو خيانه او طلاق .. يعني خليه يخاف انه يخسرك ..
وكمان في فيلم مصري مررره مفيد اسمه ( النعامه والطاووس ) حاولي تجيبيه بس مايكون مقطع واتفرجي عليه انتي وزوجك ،، بس جيبي معاه كم فيلم عشان مايحس زوجك انك تقصديه ...

جربي هالطريقه لين شهر رمضان ،، واذا جا انشالله رمضان روحي انتي وزوجك لمكه(بس لاتبينيله انك رايحه عشانه) وخذو لكم عمره في الحرم واشربو من زمزم ،، وادعي في الحجر قدام الكعبه انو ربي يسخره لكي ،، واستخيري ،،،، وبعد رمضان اذا زوجك انصلح حاله وربي وفقكم ،، احمدي ربك واشكريه

واذا ماصلح حاله ،، استخيري ،، واذا في طلاقك راحه اتطلقي ،، والله انشالله بيوفقك بواحد احسن منه ،،، لانك بتكوني رضيتي ربك وعملتي كل اللي تقدري عليه

ام مسلم
04/07/2004, 05:44 AM
مشكووووووووووووووووره ياعيونى على كلامك الى والله ان دل مايدل الا على ذوقك واخلاقك ..:clap:

وانا من اهل مكه ومن ساكان مكه والحمد الله ان ربى كتب لنا نكون جيران بيته انا زى ماقلتلك بسوى الى قلتلى عليه وبحاول فيه عشان ارضى ضميرى وارضى ربى وعشان الله يطرح لى الخير فى ولدى واكون ماغلطت يوم اخترت الطلاق وهو احس بس تجى سالفه الطلاق تضيق فيه الكون وانا بحاول انشاء الله بطريقه انى امنعه من نفسى لانى ماجربت اقوله لا على فتره طويله بس جربت انه هو مايجى الا بعد فتره طويله وبالنسبه للنعامه والطاوس راح ينعرض على ام بى سى يوم الاثنين اتوقع ابيه يشوفه معاى لان بيكون بهذى الطريقه بدون قصد منى ولا راح يحس انى انا جايبه الفليم مع انى صراحه اتكلم معاه كثير وبينت له كثيرررررر لكن لله يكتب الى فيه الخير واذا كان فى الطلاق خير لى الله يسهله واذا فيه شر الله يصرفه عنى انشاء الله واتمنى انك تدعى لى ولك وحده بحالتى والله اصعب شئ انك تكونين صغيره وحلوه مافيك شئ يعيبك وتحسين انه هو محتاجلك ويبغاكى ومتمسك فيك لكن اتربى غلط
ومشكوووووووووره:clap: يالغاليه على كل ردودك

hyooof
04/07/2004, 06:02 AM
الله يوفقك ويكتبلك اللي فيه الخير لك ولولدك ،،
وانتي من الحين اتغاضي عن اي شي يسويه ،،
وجربي هالطريقه لانك لو ماكسبتي شي ، ماراح تخسري ،،،،،
:shy:

وعلافكره انا باقول لك شي ،، انا امي وابوي انفصلو عن بعض من انا عمري ست سنين ، وانا بنتهم الوحيده ،، وامي بعد طلاقها باربع سنين تزوجت واحد ماشالله مرره كويس ويحبني زي بنته وجابت منه اولاد ومبسوطه،،
وانا ماعشت مع امي ولا مع ابوي بحكم شغل ابوي ، عشت مع جدتي وعمي، وكانت عيشه الله لايوريكي، دايم يتهزو علي ويقولو اني انا ضعيفه وامي دلعتني وماحانفع في شي، حتى امي ماكنت اكلمها ولا اشوفها الا ساعه كل كم شهر ،،،،،،،،،، بس مع مرور السنين ولما انا كبرت واتخرجت من الثانوي نقلت عند ابوي وصرت اشوف امي واسافر معاها ومع اخواني في الصيف،، ودخلت الجامعه تخصص علم نفس عشان اقدر احل مشكلتي واحل مشاكل الناس وابينلهم اني مو ضعيفه ،، والحين انا الحمدالله متخرجه وعمري 22 سنه ومبسوطه الحمدالله ،،،، وحاحضر للماجيستير انشالله قريب..
يعني بالعكس طلاق امي وابوي نفعني وخلاني اتحمس واصير اقوى من الاول واساعد نفسي بنفسي ،،،،
فالطلاق مو دايم يضر، مرات ينفع ............

بس انا ماقلت لك هالكلام عشان تفكري بالطلاق :pain:
انا قلت لك عشان ماتشيلي هم وتسوي اللي تقدري عليه ،، ولو ربك ماكتب، ابنك انشالله ماعليه خوف وحيكبر انشالله ويصير رجال ويساعد نفسه بنفسه:shy:

ام مسلم
04/07/2004, 06:16 AM
hyooof.. عارفه والله انى مو مقطع قلبى غير ولدى بعدين انتى مشاء الله عليك تبارك الله الله يزيدك ويقويك اكثر واكثر بس انا مو خايفه على ولدى لان الحمد الله ابوى فيه وامى فيه واخوانى من سن ولدى يعنى يقدر يعيش فى بيت اهلى مرتاح اكثر من بيته بس هو متعلق فى ابوه هذا الفرق لكن صح ان الطلاق احتمال يكون بدايه لحياه ثانيه لكن الازم الواحد يوم يتاخذ قرار الطلاق يكون خلاص فاض فيه الكيل على قولتهم وكمان لازم يكون انسان شخصيه قويه عشان يقدر يتحمل المشاكل او الاشياء الى تاثر فى نفسه بعد الطلاق.. واللله انى احيان اكون نايمه جمبه اقوم واجلس ابكى مو من شئ بس لانى اقول انتا الى خليتنى اوصل لهذى المرحله ماقولك انا كرهته احبه واعزه لكن انا خايفه على نفسى ومستقبلى لانى لو اتحملت اليوم مراح اتحمل بكره لان الواحد كم مره بيعيش وبالنسبه للرسالتك للماجستير الله يوفقك ويساعدك انشاء الله وترا خذيها نصيحه لك من اختك الوحده فينا ماينفعها الى درستها ونفسها بعد ربنا وهذى كلمت امى ترا وهذى الكلمه الى خلتنى ماااترك دراستى بعد زواجى واحمد ربى انى ماتركتها عشان ماندم على عمرى وشبابى من جد :shy:
وبعدين.. انا حتى لو اطلقت مراح يجيى يوم من الايام وولدى يعرف سبب طلاقى مو عشان شئ بس عشان هذا ابوه وابغاه يصير كامل فى نظر ولده ولا فيه جنس بشر يعرف هذى السالفه اذا صار وانفصلنا لانها اسرار بيوت بس تدرين ان كلامى هنا فى المنتدى احس انى اطلع من الكلام الى ماقدر اقوله فى الحياه هذا الموووضوع حساس كثير والله والله يعين كل وحده تعانى من هذى المشكله..

واتمنى لك الله يوفقك فى حياتك واذا اتزوجتى تختارين صح وتستخيرين ربك وتفكرين زين عشان لا تغلطين ... وكل شئ بعد كذا قسمه ونصيب بس اهم شئ بالرجال الصلاه والله اذا لقيته مواظب على صلاته اعرفى انه مراح يسوى شئ ثانى:clap::clap:

hyooof
04/07/2004, 06:24 AM
الله يعيننا يالغاليه جميع ،،

وانتي الحين شيلي من بالك فكرة الطلاق لانك لوحطيتيها في بالك ماراح تعملي اللي اتفقنا عليه،،
انتي سوي اللي اتفقنا عليه ونشوف من هنا لين رمضان ،،
لانك اذا منعتي زوجك منك وانتي قدامه تمشين وتغرينه وتلوعينه :up: (كل ممنوع مرغوووووووووووب) يعني راح يحاول بكل اللي يقدر عليه انه يقرب منك ،، يمكن في البدايه بيشغل روحه بالعاده السريه ،، لكن بعد فتره حيفقد معاشرتك وحيحس فيكي لما يشوفك كل يوم شكلك احلى من اللي قبل ويشم ريحتك وانتي جنبه عالسرير ،،
وانشالله مايصير الا كل خيررررررررررررررررر:smile:

واسفه اني سهرتك واشغلتك بكلامي الكثيرررررررررر:pain:

ام مسلم
04/07/2004, 06:34 AM
لااااااااااا والله لا سهرتنى ولا اشغلتنى بكلامك الكثيرررر ولا شئ كلها كم كلمه وتقولين كثييييررررررر وبعدين انا الى سهرتك واشغلت راسك فى مواضيع تطفش والله :clap:

وبعدين والله انك اخت واكثر ولاعاد تقولين كذا والله انشاء الله بسوى الى قلتلى عليه كود انه ينفع معاه يارب او يحس مع انى اشك والله وربى :D2
لكن بسوى واحاول ولك وعد منى انى لاخليه كاننا اخوان فى بيت واحد

وانا الى اسفه انى سهرتك فى المنتدى معاى واشغلت راسك فى مواضيع انشاء الله ربى يهدى كل لرجال ياشيخه تصير الدنيا ماشيه تمام يجون يخربونها هم بس لايسمعونى رجال المنتدى :D2:D2

hyooof
04/07/2004, 06:39 AM
لاااااااااااااااااااااااا ااااااااااا :eek2: :s2
ماابيكي تصيرين اخته ،،
لازم تدلعينه وتبوسينه عشان يسخسخ شوي :shy:

انتي فاهمه قصدي ،، :shy: لاعبيه عالشناكل زي مايقولو المصريين

ام مسلم
04/07/2004, 06:52 AM
:D2:D2:D2:D2:D2:D2


والله وررربى على الهم الى فى قلبى موووووتهنى ضحك ادرى مابخليه بدون شئ لكن اقصد على الفراش اخوان بس تدرين فى حاجه امكن ماتحسين فيها الا اذا اتزوجتى وانشاء الله ماتحسين فيها طول عمرك الى هى انك تحبين واحد وهو يحبك تجلسين تفكرين فى الطلاق منه فى الاخر تحسين نفسك طابت منه حتى غيره ماتغارين عليه صح تحبينه بس كانك تحبين اخوك او اختك لكن حب ثانى لا يعنى من وين اجيب قلب ابوس وادلع فيه صح هى صعبه لكن برك الصعاب ...:pain:

وبالنسبه لهذى الفتره انا راح اسافر فيها وراح ابعد عنه ليته يحس بس :eek2:
وبعدها انشاء الله من اجئ من السفر بسوى الى قلتلى عليه مع انى بسويه من الحين والله لو الحال كماهو عليه هو الى اختار وربى يشهد :up:

وبعدين الاعبه على الشناكل وابوى الشناكل بس ينصلح حاله اما اذا مانصلح الله لايعد الشناكل ولا اهلها ههههههههههههههههههههه:D2

hyooof
04/07/2004, 07:04 AM
ههههههههههههههههههههههههه هههههههههههه

ايوا كذا:clap::clap::clap::clap::clap::clap::clap:

الله يوفقك

تركيه
04/07/2004, 07:19 AM
السلام عليكم ورحمة الله وبركاته ام مسلم

حبيبتي الله يفرج همك وغمك ويبدلك مكانه فرح وسرور وإستقرار

إلجئ إلي الله ..استخيريه يارب اتطلق من زوجي ولا لأ ...وربك بيختار لك الصالح إن شاء الله..ماراح يطلقك منه بس بيهديه بإذن الله وبتشوفين

إذا صليتي الإستخاره ولا إرتحتي نفسياً ورجع لك زوجك احسن مليون مره من الأول ...لا تسميني تركيه

والله ثم والله ثم والله إن افضل حل لك هو الإلتجاء لله خالقك وخالقه وسيسخره لك إن شاء الله لأن ابغض الحلال عند الله الطلاق ..ومثل ماقلت لك بترتاحين نفسياً ..علي طول

إشتري راحة بالك واستخيري وقولي لنا وش صار معاك

شوكولاتة
04/07/2004, 03:00 PM
إذن إخترتي الفراق ...!!


عزيزتي ..
أذكرك أن كل مؤمن مبتلى .. وما أنتي فيه إبتلاء

والله إنه إبتــــــــــــــــــــــ ــــلاء ..

فإن صبرتي عوضك الله بخير مما تريدين وتتوقعين ..


نحن هنا لنساعدك في إيضاح الأمور .. نحن نرى شيئا لا تريه .. وأنتي ترين شئ لا نراه ..

ولابد من الوصول لنقطه في المنتصف .. نتفاهم فيها ونوصل مانريده لك وتوصلين ماتريدينه لنا ..


وقد وفيتي وكفيتي .. أوصلتي لنا ماتريدين تماما ..
علمنا أنه لا يعطيك حقك كزوجة .. لكنك مع ذلك لم تنكري أنه يحبك وأنه يحن عليك .. وأتوقع كما هو واضح من كلامك أن عيبه الوحيد أنه لا يوفيك حقك في الفراش ..


إذا ..

هو ليس بالرجل الفاسد العربيد الذي لا يرجى منه خير ..

وقد أفتى كثير من العلماء بوجوب الصبر على الرجل الذي يرجى منه خير .. لان ذلك أبقى وأخير من تركه ..

حبيبتي ..
الأخوات المتزوجات ماصروا معك في كيفية جذب زوجك لك ..

لكني أعلم تماما أنك أعلم منا جميعا بما يرده زوجك .. لا تقولي انه لا يريدك ولا يهتم بك .. أنا أسالك ماذا يرد ... وليس مالا يريد


لا تضخمي الأمور .. لا تجعلي حياتك تنتهي بكلمة ..

إلا إذا كنتي قد ضمنتي الزوج الودود مسبقا ..

أمهليه لفترة .. لا تظلمي نفسك ولا تظلمي ولدك معك .. فهو متعلق بوالده كما قلتي .. إذن لا تحرميه الشعور الذي عشناه جميعا وتللذنا به في تحت جو العائلة والأسرة ..


إصبري أختي .. مالمانع من أن تصبري إن كان ماتصبرين عليه يستحق ..

والله يختارك الخيره من أمرك ويهونها عليك


والله إن قلبي معاك وودي إني أفرح بفرج همك قريب

بس إنتي حاولي وربي بيعطيك على قد نيتك


والله يستر عليك

ام مسلم
05/07/2004, 07:13 PM
السلام عليكم ورحمة الله وبركاته


:shy: مشكورين اخواتى على ردودكم ومشاركتكم لى


بالنسبه لك ياخت تركيه .. والله وربى يشهد على يابنت الناس انى اصلى صلاه استخاره فى الحرم وانى دائما ادعى ربى واستخيريه وانى حتى بالحج استخرت ربى بس سبحان اللله انى اذا استخرت ربى احس انى اكرهه زياده والله وتصير حركات تكرهنى اكثر واكثر فيه وانا بستمر فى صلاتى وربى يختار الى فيه الخير.. ودعواتك لى..

اختى شوكلاته .. انا ماخترت الفراق الا بعد فترررره طويله من المحاولات والله انى ماخليت شئ الى سويته وماقولك خلاص مانى مسويه شئ الا بسوى كل الى قالوه الاخوات عشان ربى يرضى عنى ويعوضنى خير اذا ماصار لى حياه معاه بالنسبه له هو ماقدر اقولك يحبنى لا مايحبنى حب زوجه يحتاجنى زوجه مو للفراش لا واجهه قدام الناس ولانى ام ولده صح يتعامل معاى زين بس هذا الى يفرضه الظروف عليه اما بالنسبه لى انا لو اغيب عنه شهر من البيت مايسال المهم انى طيبه بخير مو زعللانه خلاص
لو يحبنى مكان كلم بنت من ثانى يوم بزواجى بس زى ماقلتلك هو من الشخصيات الضعيفه الى قدام الناس ابى كل شئ كامل ومن وراهم مو مهم الحياه الزوجيه مو مهم التفاهم تصدقين بالله احنا فى بيت واحد اننا احيان يمر اسبوع مانشوف بعض غير وقت النوم وهو ولا شئ بالعكس كذا احسن حل عنده يعتبرها حياه زوجيه ناجحه بكل المقايس لانه اصلا فرق السن الى بيننا مااااااثر كثير علينا واتركينا من فرق السن فرق التعليم وغير كذا المشاكل الى بين اهله واهلى يعنى منتهيه السالفه بالنسبه لممشاكال انا ماقدر احلها لان اهله ماقطعين تقريبا كل عايليتنا يعنى مو مع اهلى وبس الا مع كل العايله والاقارب لدرجه ماتتصورينها وهو من النوع الى يتعبى بالحكى:up:مايحتاج عاد والله انى ادعى ربى من كل قلبى يهونها ويصلحها ودعواتكم لى

عبير المملكه
13/07/2004, 07:43 AM
الله يعينك اختى بس بقلك الحال من بعضه لاتستعجلين على شئ ترى الوحده فينا ماتضمنى عمرها :confused: