المساعد الشخصي الرقمي

مشاهدة النسخة كاملة : شو رايكم في الليزر....؟؟



رومانسيه
04/09/2002, 03:11 PM
السلام عليكم....

حبيت اخذ رايكم في موضوع ازاله الشعر بالليزر..

انا اعاني من مشكلطه ظهور الشعر تحت الجلد بعد ازاله الشعر..

الكتوره اقترحت علي بازاله الشعر بالليزر..لمده خمس جلسات..

و ما بيظهر لي شعر تحت الجلد..



هل توجد اي اثار جانبيه او اضرار...يا ليت اي وحده عندها فكر تخبرني..

عطر الحب
05/09/2002, 03:42 AM
للاسف يا رومانسيه انا ضد موضوع الليزر و بالنسبه للشعر اللي تحت الجلد تفركي المنطقه بعد الازاله اما بحجر خفاف او بليفه جامده و لمده يومين ثلاثه بعد الازاله و انشاء الله تنفع هذه الطريقه

اللؤلؤة العربية
05/09/2002, 05:57 AM
عزيزتي الرومانسية أنا مجربة الليزر وشلت وجهي كله بالليزر والحمدلله مافيه أي أضرار بس يعتمد نجاحه على لون البشرة كل ماتفتح كل ماتكون نسبة النجاح أكبر..
والحين وجهي زي الفل والحمدلله ......وبالنسبة للشعر اللي تحت الجلد بيطلع بعد أول جلسة ان شاء الله ويروح مع الجلسات الثانية وأهم شي تكون الطبيبة ممتازة ..
ودعواتي الصادقة لك بالشفاء العاجل ...وأي استفسار أنا بالخدمه,,
أختك اللؤلؤة.......العربية،،،

رومانسيه
05/09/2002, 09:01 AM
شكرا لتعقيبك على الموضوع..

و انا جربت كل الطرق ...بس بدون فايده...

انا بشرتي حساسه وايد....و ما لقيت اي فايده من اي علاج...

و الحمدلله هالمشكله بس في ايدي...

شكرا لك و باجرب طريقتك و انشاء الله القى النتيجه..

رومانسيه
05/09/2002, 09:04 AM
فرحتيني بردج..لاني وايد متخوفه..

و انا ما ابغي استخدم الليزر لويهي .انا بس ابغي استدمه لليدين...

لان الشعر تحت الجلد عندي يظهر في اليدين..

بس بغيت اعرف بعد انتهاء الجلسات ما بيظهر الشعر ...يعني خلاص بينعدم؟

اللؤلؤة العربية
07/09/2002, 06:50 AM
هلا عزيزتي .....
أنا مسويته الآن لي حوالي سنة والحمدلله الأمور تمام ...
والدكتورة قايلة لي ماراح يطلع بس باقي لي جلستين تقريبا ..
ومع ذلك راح ثلاثة أرباع الشعرأو أكثر يعني اللي باقي مايبين لأحد .... بس أبكمل الجلسات ان شاء الله.......
أي استفسار أنا بالخدمة هموسة.....
أختك .اللؤلؤة.......العربية......

رومانسيه
07/09/2002, 04:31 PM
اسمحيلي باثقل عليج بأسلتي..

بس انا سمعت ان بعد ازاله الشعر بالليزر...ممكن تطلع علامات حمره مكان الشعر اللي تمت ازالته..

و ليش ما ينشل الشعر كله من الجلسه الاولى,,يعني الدكتوره تشل جزء و تخلي الباقي لجلسه ثانيه...

و كم المده بين كل جلسه و جلسه...

اسمحيلي ثقلت عليج بالاسئله..بس حبيت اعرف لاني متخوفه شوي...

اللؤلؤة العربية
08/09/2002, 03:15 PM
أبدا الله يحييك .... أنا بالخدمة......
بالنسبة للإحمرار إيه فيه يطلع المكان كله أحمر أول يوم بس ثاني يوم يبدأ يخف بعد ثلاث أو أربع أيام يرجع كل شي تمام بس تعطيك الدكتورة كريم مضاد عشان مايطلع حبوب أو شي.. ومبيض .. تستعملينهم وعادي مره ماتخافين ..
وبالنسبة للشيل تشيل لك المنطقة عادي كلها سوا بس يرجع الشعر ينبت ضعييييييييف مره ويطيح من نفسه .. وتستمر الجلسه لين تموت البصيلات وماعاد يطلع الشعر..
وبين كل جلسه والثانية شهر ..
والالم حسب شعرك إذا كانت الشعرة متينة يوجع أكثر من الشعر الخفيف..
بس الألم محتمل وبسيط والنتيجة راااااائعة بإذن الله..
وشوفي إذا كانت بشرتك بيضاءوتعرفين طبيبة شاطرة سويها بدون أدنى خوف واتكلي على الله وأنا بالخدمة أي سؤال لاتنحرجين..
وبعدين اسألي كذا طبيبة لأن سعرها عند بعض المراكز أغلى يعني أنا سويت الوجه كامل الجلسة الوحده بـ1600وسوتها أختي بمركز ثاني بـ700ريال والنتيجة وحده فلا تستعجلين اسألي عن طبيبة متمرسة وسعرها مناسب والعملية كلها ماتاخذ أكثر من نصف ساعة ...
وأي استفسار أنا بالخدمة .....
بالتوفيق رومانسيتنا.........أختك اللؤلؤة.....العربية ....

رومانسيه
08/09/2002, 08:03 PM
مشكوره و الله الغاليه ما قصرتي ...

كفيتي ووفيتي....بس شو دخل البشره البيضاء..

انا حنطيه البشره...

عاشقه الشهاده
08/10/2002, 05:44 AM
اهلين اختي الرومنسيه انتبهي من الليزر لاني اعرف
وحده شالت باليزر ولحين مكان مشالتها منتفخ واحمر
انتبهي انتبهي

عروس دبي
08/10/2002, 09:14 AM
هلا أختي الرومانسية الليزر من أفضل الوسائل لأزالة الشعر وانصحج فيه لأن أختي عانت من نفس مشكلتج اللي هي الشعر من تحت الجلد وطلع بالليزر وما شاء الله ويها فتح ،اما بالنسبة للحبوب اللي تطلع بعد الليزر فحسب الويه اذا كان حساس وتكون صغيرة وما تبين يعني مب شيء يذكر وتعطيج الدكتورة كريم والمهم ما تعرضين ويهج لمستحضرات التجميل او العطور لمدة 24 ساعة ..واذا كنتي محتارة وين تروحين لليزر في دبي اكتبيلي على الخاص وابعث لج اسم الدكتورة والعيادة واي استفسار انا حاضرة....:D

اللؤلؤه العربيه
08/10/2002, 01:49 PM
أنا قصدي كل مافتحت البشره كل ماكان نسة نجاحها أكثر
ومع ذلك اختي حنطيه وأنا بيضاء وكلنا سويناها والحمد لله عال العال
وإذا كنتي من الرياض روحي للنخبة د.ترف
أو للحبيب د.اليانا كلهم ممتاااااااازين وثقه ان شاء الله بس النخبة أرخص
بكثييييييير
ودعواتي للجميع بالتوفيق

رومانسيه
08/10/2002, 06:26 PM
مشكوره حبيبتي على النصيحه...

بس مثل ما قالوا البنات يختلف من وحده لوحده حسب نوع البشره..

و انا سويت جلسه ليزر لليدين..و الحمدلله كل شي عال العال...

رومانسيه
08/10/2002, 06:30 PM
اشكرج على مشاركتج و على نصايحج..

و انا الحمدلله مب محتاجه الليزو حق ويهي..انا الشعر تحت الجلد يطلع عندي في منطقه اليدين بس..

الحمدلله سويت جلسه وحده حق ايدي..و كل شي تمام..

و يا ليت تطرشين لي اسم الدكتوره اللي تقول عنها على الخاص...

انتظر رسالتج..

رومانسيه
08/10/2002, 06:32 PM
مشكوره على نصايحج...و على اسامي الدكاتره...

بس للاسف انا من دبي مب من الرياض..

اشكرج مره ثانيه..