المساعد الشخصي الرقمي

مشاهدة النسخة كاملة : التكيف مع العنوسة



نجمة الفجر
21/06/2004, 10:38 PM
السلام عليكم خواتي:smile:


ما راح اقولكم ادعوا لبنات المنتدى بالزواج

ولا راح اقولكم ادعوا لي

:smile:

بس اللي ابغاه انكم تساعدوني..وتساعدوا اي وحدة بوضعي

طبعا احنا نعرف انه الزواج قسمة ونصيب+قضاء وقدر

وبصراحة انا حاسة احساس قوي انه مصيري اعنس:down:
طبعا العلم عند الله

ولنفترض اسوأ الاحتمالات

:confused:


بصراحة الفراغ بيذبحني..احس اني جالسة اموت ببطئ

اقترحوا علي كيف اقضي بقية حياتي بدون اسرة خاصة فيني

مثل العالم والناس؟
حتى سوالف ما عندي..حياة مملة قاتلة
السوالف تجي من الروحات والجيات..
الطلعات ما احب كثير..كثر الله خيري اروح الدوام وارد:D2

الاهل ازورهم ما قاطعتهم..بس عاد مو كل يوم

طبيعة حياتي كالتالي:
انا اعمل..نص يومي بالعمل

النص الثاني بين النوم والانترنت

طبعا اكيد في صلاة وعبادة



اتمنى ما تبخلوا على اختكم..ترا اذا اختفيت اعرفوا اني
جاني شي بقلبي ومت:cool2:


تحيااااااااتي القلبية :smile:

بشاير
21/06/2004, 10:59 PM
هلا عزيتي نجمه الفجر..

أنا أول شي ببدأ فيه بالدعاء

اللهم أرزق بنات المسلمين وبنات منتدى عروس بالأزواج الصالحين وارزقهن الذريه الصالحه...

ثاني شي عزيزتي ...

كل واحد يبكي على ليلاه ...

يعني اللي مب متزوجه تقول ياليت أعرس وأكون عايله ..

والمتزوجه تقول ياليت أرجع بنت وأفتك من هذي المسؤوليات...

ويعني بإختصار هذي حال الدنيا ومحد مرتاح فيها..

بس إنتي عليج بالصبر .. وكل تأخيره فيها خيره..

والله صدقيني باجر لما تعرسين إن شاء الله ... بتشوفين الفرق صح إن العيال حلوين والعائله حلوه.. بس والله بتمين تحاتين ليل ونهار .. يعني أيام الدلع بتروح..

والحمد الله إنج تشتغلين .. وإنج تقضين نص يومج في الدوام..

و بصراحه الشغل كان حلم حياتي :confused:.. بس مع العيال ما قدرت أقدم على وظيفه :confused: .. لآني عارفه نفسي ما بقدر أوفق بينهم وبين شغلي..:confused:.... هذا غير الأشياء اللي انحرمت منها يوم عرست..على فكره أنا معرسه وأنا عمري 17 سنه..

على العموم إن شاء الله نسمع بخطبتك عما قريب...بإذن الله

نجمة الفجر
21/06/2004, 11:14 PM
ماشاءالله 17

اختي صدقتي بكلامك..

محد عاجبه حاله ف هالدنيا

بس شوفي عزيزتي..في اشياء تحسيها لازم تصير

واذاما صارت يصير خلل بالحياة

تحسي بنقص

انا لاتفكروني يائسة من رحمة ربي

استغفر الله اني اقول مثل هالكلام..

بس انا احس داخليا انه مافي نصيب..لانه الوضع ما مشجع


وبعدين في رؤيا تحقق احساسي
علشان كذا..ادور اي شي اهون فيه على نفسي

بدل ما انا اقضي يومي نوم وعمل..فكرت اكمل دراستي

بس القيود..من واسطة وغيرها علشان اروح اكمل دراسة الماجستير

ما تشجع

الله كريم ان شاءالله

مشكورة اختي بشاير

الله يخللي لك عيالك يارب ويتربوا في عزك

صدقيني العيال احلى شي بالزواج

على الاقل تلاقي حد تبادليه الحب:smile:حب نقي بدون شوائب او خوف

الف تحية لك عزيزتي

ام ربى
22/06/2004, 01:45 AM
السلام عليكم ورحمة الله وبركاته....


وشلونك نجمة الفجر........حبيت اشارك بموضوعك بما اني من اعضاء


فرقت العوانس :D2


عزيزتي :
حالي مثل حالك.............بدايتا راح اعرفك ببطاقتي الشخصية...اعشان

نكون على نور

الاسم:ام ربى((لايغرك))

العمر:27سنة والبخت ضايع

الحالة الاجتماعية:غيرررررررررررر تزوجة..ولاحتى مخطوبة...ادعيلي

العمل:معلمة

مدة الخدمة:4سنوات

الهوايات:كثيرة.......منها"الخياطة-التريكو-نقش الحناء-الطبخ-النت"مش

دائم"وغيرها الكثير..........

البلد:السعوديه...

المواصفات:وسيمة..رشيقه..حسا ة..خجولة..خفيفت دم......"امزح":D2

[COLOR=darkblue][ومع ذلك غير مرتاحه........اقضي ربع اليوم في المدسةوالربع الاخرفي

النوم........والباقي يحزرك في ايش.((اما على الدش ..طبعا بعد التحضير

اللي ما ياخذ وقت..او اسير عند زميلاتي اللي يجيبون القرف...نم وغيبه

يغافل لك الله..فلانة سوت وفلانة قالت."لو هي قضية فلسطين كان

انحلت"
وبعد كذا انام عشان اعيد الفلم من جديدونهاية الاسبوع اروح

حق اهلي ورد الجمعة..........تهجين ينفع اتزوج:shy:

غير قطاعين الانصبه من الاهل ....ماغير يقولون ((تسافر وتجي لوحدة من

غير محرم...تسكن لوحدة ما تخاف ربها...حشى رجال:D2

..اللهم ياكافي...والرسول صلى الله عليه وسلم يقول:قطع الاعناق ولا

قطع الارزاق..

وبعد كذا اتزوج...هذا اذا نقلت ويحزرك متى بنقل...........بعد عمرا طويل...



تصدقين نفسي بس احب....بس الحب مايصير الا بزواج...والزواج ما يجي

الا بالروحه والطلعه...وانا ما احب اطلعه ومخالطة الناس ..او بمعنى مو

اجتماعية نهائيا...

تدرين لقيت الحل..اللي بيريحنا

7
7
7
7
7
7
7
7
7
7
7
7
7
7
7
7
7
7
7
7
7
7
7

نلعب طاق طاق طاقيه..شكلك بعد كذا راح تطقيني:D2



اختي الحل بيد الله...تقربي اليه وابتهلي .اطلبي الستر في الدنيا والاخرة


لقد اعجبتني كلماتك...

العيال احلى شي بالزواج

على الاقل تلاقي حد تبادليه الحب....حب نقي بدون شوائب او خوف!


عن جد يسلم فمك يادرة........



اقرئي معي هذه الكلمات.......


* الزواج ثمن يدفعه الرجل من أجل كسر الوحدة
والوحدة ثمن تدفعه المرأة من أجل عدم كسر الزواج!
* الرجل يعيش ليتزوج والمرأة تتزوج لتعيش!


تقبلي فائق تحياتي

تفاحه الكويت
22/06/2004, 02:14 AM
الله يرزق الجميع

rhma
22/06/2004, 02:24 AM
مرحبا أختي نجمة الفجر وخواتي بالنسبة اللي وطريقتي في التكيف هي كالتالي اولا ان شاء الرحمن اكمل تعليمي العالي بس مره قالت لي امي شو تكملي تعليمك العالي الناس راح تكبرج في السن ازيد.

وفكرتي الثانيه اني افتح تجاره وكلمت الوالده كمان قالت لي انتي ما عليج قصور كل شي عندج شو تفتحين تجاره

يعني حياتي احباط في احباط وامي ما تحس انها تهدمني انا كم مره قلت لها انه عندي احساس اني ماراح اتزوج يعني لازم اعيش حياتي واستمتع فيها بدل الانتظار اللي ماله فايده بس لا حياة لمن تنادي

تطريز
22/06/2004, 02:31 AM
وانا غير متزوجة ولا مخطوبة ولا اشتغل ايش رايك انت احسن مني على الاقل في شغل .

rhma
22/06/2004, 02:42 AM
لين الحين تطريز غلبتنا

نجمة الفجر
22/06/2004, 09:11 AM
صباااااااااحكم جميييييييييل ياحلى بنات في احلى منتدى:smile:

اخ يا ام ربى..والله فطست ضحك على كلامك:D2

لو يصير يجمعوا كل العوانس في مكان كننا هوننا على بعض

تبغي تلعبي طاق طاق ههههههههههه

طيب انا ما اقدر اركض


:D2

الله يسعدك حبوبة.

اقول وش رايك اضيفك مسنجر ونقعد نشكي لبعض:shy:

تحياااااااتي لك

نجمة الفجر
22/06/2004, 09:15 AM
المطلقة الحزينة


الله يسمع منك

ويبعد عنك الحزن

:smile:

ღ رآقيهـ ღ‏
22/06/2004, 09:50 AM
قلبتي علينا المواجع هههههه

دموع وردية
22/06/2004, 10:36 AM
بسم الله الرحمن الرحيم

السلام عليكم ورحمة الله وبركاته


الحال من بعضه عزيزتي :cool2:

ونفس الاحساس الي يراودني وقالقني :confused:


بس شوووو نعمل؟؟؟؟

الله كريييييييييييييم
وتاكدي ان الي الله ما يخلق عبده وينساه
وان إذا لج رزق بتاخذيه عاجلا أم آجلا
وإن مع العســـــــــر يســـــــــــــــــــــــ ـــــــــــــــــــــــــ ــــرا

والله يرزق كل عزباء زوج صالح يحبها ويقدرها ويحترمها

:up: :up:

ولا تنسووووني بنااااات من صالح دعائكم
:shy:

AFKAR
22/06/2004, 11:24 AM
:shy:

AFKAR
22/06/2004, 11:27 AM
حبيباتي الدنيا أرزاااااق ... يعني اللي كاتبه الله يصير

أختي تزوجت عمرها 17 وعمتي تزوجت وعمرها 27 ووحدة من أهلنا ماشاء الله عليها جمال فظيع و مركز وقيمة تزوجت بعد ال 30

والزواج مايجي بالطلعات صدقوني وبعدين نحن مجتمع محافظ ما يحب الطلعات للبنت!! أعرف بنات يطلعوا بس عشان يتزوجوا كييييييييييف ما عرف ما فهمت المبدأ صدقووووني :rolleyes:

الخلاصة كل شي ف وقته حلووو والصبر مفتاح الفرج

أنا أصلا ما عندي وقت افكر في الزواج حاسة حياتي كلها ركض...وأرفض اللي يتقدموا لي ... بس أحيانا لما أوقف مع نفسي أفكر ؟؟؟؟؟؟

انا من النوع اللي ما حب حد يذلني وف نفس الوقت ماريد أحب غير زوجي ... طيب اذا تزوجت شخص من غير ما أكون اعرفه يمكن يطلع نذل وياما الله ابتلى بنات مثل الأقمار برجال خسيسين

أوكي يعني لازم أعرفه ... أوكي ايش دراني ما يكون يقس علي... ايش دراني انه ما يمثل ................لا لا مستحيل أحب الخ وأفكار ثانية الله لا يوريييييييكم

فالأحسن الواحد يبعد عن الشر ويغني له !!! والانشغااااال أحسن بمليون مرة من الجلوس الله يعين اللي ما متزوجين وما يشتغلوا بس لا تنسوا فيه مراكز تتطوعية التحقوا بها ... ع الأقل تسووا شي مفييييييييد >> الوحدة تخلي اللي ما يغلط يغلط ولا تنسوا وردكم من القرآن فانه يأتي يوم القيام شفيعا

واذا الله كاتب لي حد بحصله وبوافق غصبا عن عيني والسعادة بيد الله عز وجل

مرموم
22/06/2004, 12:15 PM
http://www.crearecountry.com/flowerdivider.gif


السلام عليكم ورحمة الله وبركاته

أحب أهديكم هذا الموضوع يا أحلى بنات...(u)

http://akhawat.islamway.com/modules.php?name=News&file=article&sid=484


http://www.crearecountry.com/flowerdivider.gif

نجمة الفجر
22/06/2004, 05:53 PM
هلا اختي rhma

الحال من بعضه:down:

انا بعد فكرت في بزنس

بس اختي السوق راكد!!..اخاف ابتلش

مشكوورة عزيزتي على التعليق والله يزرقك بالزوج الصالح:smile:

---------

هلا اختي تطريز

والله ياختي اللي يشوف مصيبة غيره تهون عليه مصيبته

ان الله مع الصابرين

تحياتي لك عزيزتي..والله يوفقك يارب:smile:

s2s2s
22/06/2004, 06:45 PM
انا بعد اعتبر عانس..

تقدملي واحد.. ولما سألنا عنا محد مدحلنا إياه.. لكن أمي تمت تحن علي اني آخذه وأخته تقول ان كلام الناس كله كذب.. وانا ابغي اتزوج عشان افتك .. وخاطري احب (من كثر الافلام اللي كنت اشوفها خاطري اطبق) .. وفعلاً كتبنا كتابنا .. عشت احلى أيام عمري معاه ( لأنه كان وايد رومانسي) وأسوأ ايامي معاه ( لأن كلام الناس طلع صح) وكنت أدري اني بانفصل بانفصل سواء قبل الزواج ( وهذا أهون الشرين) أو بعد الزواج ( عاد تخيلي مطلقة ويمكن عندي نونو .. ما أدري منو اللي راح يتزوجني بعدين) لين ما حسيت انه خلاص لابد من الفكاك..

وانفصلنا .. و حسيت بحرية كبيرة ( وكل حد لاحظ اني وايد احلويت بعد ما نفصلت) ولكن بعد عانيت من الفراق بس كان أحسن لي بكثير من الاستمرار مع انسان صعب ..

والحين من يديد اتريا النصيب.. لكني هالمرة قلت ما باستعجل ابداً... وصدقيني العنوسة والوحدة اهون بكثير من الارتباط بشخص غير مناسب..

والله يرزقنا جميعا الازواج الصالحين.. يارب

ورددوا معي هالدعاء : " اللهم هب لي من لدنك زوجاً نقياً تقياً ورعاً ترضاه لي خلقاً وخلقاً ويرفعني إليك درجات"

ღ رآقيهـ ღ‏
22/06/2004, 08:36 PM
http://www.mekshat.com/pix/upload/sign/images/mk3045_album_pic.gif

السلام عليكم ورحمة الله وبركاته

" اللهم هب لي من لدنك زوجاً نقياً تقياً ورعاً ترضاه لي خلقاً وخلقاً ويرفعني إليك درجات"

وتسلمي مرموم على الصفحة الموضوع الكثير رائع جزاك الله كل خير وان شاء الله انه راح ينفع الجميع

http://www.fawakh.net/vb/image.php?u=40&dateline=1077366238

تحياتي للجميع

اختكم

http://www.fawakh.net/vb/image.php?u=40&dateline=1077366238 malaak http://www.fawakh.net/vb/image.php?u=40&dateline=1077366238

شنط .... شنط .... شنط .... شنط .... شنط ... شنط .... شنط ..... شنط (http://www.3roos.com/forums/showthread.php?threadid=91333)

يممممممممممم كيكة روعة ... محشية قرفة وبسكويت (http://www.3roos.com/forums/showthread.php?threadid=88842)

نصائح هامة لك سواء كنت ....ام ....عروس ....بنوته حلوه (http://www.3roos.com/forums/showthread.php?threadid=91420)

http://www.mekshat.com/pix/upload/sign/images/mk3045_album_pic.gif

نجمة الفجر
22/06/2004, 10:02 PM
اختي الكئيبة

الله يبعد الكآبة عنك

انا اعرف زين انه كل شي بيد الله

بس غرضي من الموضوع نشوف كل وحدة تاخرت بالزواج وش تفكر فيه

علشان نهون على بعضنا ونستفيد من بعض:smile:


تحياتي لك:shy:

نجمة الفجر
22/06/2004, 10:05 PM
مرموم..مشرفتنا العزيزة:smile:

مشكوورة اختي على الموقع


بس كنت حابة انك تشاركي برايك

شو اسوي لو عنست:confused:

نجمة الفجر
22/06/2004, 10:10 PM
عزيزتي s2s2s


:confused:

الحمدلله يوم الله ريحك..

اتمنى لك حياة سعيدة افضل من اللي راحت

اللهم هب لي من لدنك زوجاً نقياً تقياً ورعاً ترضاه لي خلقاً وخلقاً ويرفعني إليك درجات"


اللهم آميـــــــــن:smile:

-----------------

مشرفتنا ملاك هنا:cool2:
نورتينا ملوكة..الله يبعد عنك العنوسة :shy:

وافرح فيك واربي عيالك:cool2:

nn74
22/06/2004, 11:55 PM
:pain:اخواتى
مهما نقول وتقولو
الوحدة سيف على رقابنا لا تحاولو تجملوا الواقع انا لا اعمل ولم اتزوج
اسال اللة لنا الستر والعفة بزوج صالح واللة المستعان وقت الفراغ ابتلاء طوبى لمن فاز بالصبر علية

المرتحله
23/06/2004, 12:43 AM
بسم الله الرحمن الرحيم

السلام عليكم ورحمة الله وبركاته

أختي الحبيبة

الزواج ليس متعة الحياة الوحيدة ومن لا تتزوج لا تفقد لذة الحياة وسعادتها

ولكن كلٌ منا له طريقته في الاستمتاع بحياته بالشكل الذي يراه مناسباً له

فالكثير من المتزوجات يتمنين أنهن لم يقدمن على هذه الخطوة من صعوبة الحياة وعدم قدرتهن على الانسجام

لذلكِ عزيزتي

أشغلي وقتكِ بما يعود عليكِ بالنفع ومارسي حياتكِ بالشكل الطبيعي من خروج لزيارة الاصحاب والاهل ومن ملْ وقت فراغكِ بالعبادات والطاعات وعليك بكثرة الصيام فوالله هذه الميزة محرومة منها الكثير من المتزوجات

فالتفكير المستمر في الزواج يوهن النفس ويضعف من عزيمتها

تقبلي تحياتي وفائق إحترامي وتقديري

المرتحله

ماسا
23/06/2004, 12:45 AM
اختي نجمة الفجر وضعتي يدك على الجرح
انا بصراحة واستغفر الله على هذي الكلمة اتمنى الموت
لاني احس اني عديمة الفائدة
ووجودي لا معنى له بما اني فقدت اهم دور لي في هذي الحياة
وهو ان اكون ام
والله تجيني الحسرة لما اشوف غيري من البنات اللي اصغر مني وهم امهات لولد واثنين وثلاثة
بتقولون لي اشغلي وقتك
طيب انا خلصت دراسة وتخرجت ولله الحمد
وكل الدورات والاشياء الثانية في مناطق ثانية ومسالة المواصلات صعبة اشوي بالنسبة لي
انا اسفة اختي لاني بدل ما اخفف عنك قاعدة اشكي همي
وانا نفسي احتاج من يساعدني
صديقاتي كلهم تزوجوا و للاسف ما راح يسمعوني لانهم هم نفسهم يعتبروني عانس ولو انهم ما قالوها بس تبين في عيونهم ومن نظراتهم وتلميحاتهم لدرجة اني تقريبا قطعتهم
يعني الحال من بعضه

العنزية
23/06/2004, 12:53 AM
بنات صج صج قلبتو علينا المواجع بس كلنا لازم نلجألرب العالمين هو ادرى الي بقلب العبد والله يرزقنا جميعا بالزوج الصالح والذرية الصالحة

قولووووووووو امين

yn1
23/06/2004, 07:08 AM
مراحب خواتي ، انا كنت مثلكم أخاف من العنوسه وأتريا اليوم إلي أتزوج فيه علشان محد يقولي عانس وتزوجت وعمري 24 ، أول أيام العرس يا سلام فلم هندي بس لما تحملين وتنجبين البنين والبنات وتزيد المسؤوليات وتكثر الخلافات الزوجيه إلي يسمونها ملح الحياة ، اتقولين ياريت إلي جرى ما كان ، ياريت اني حرة ، أرقد وأنش على كيفي أطلع يوم أبغي وين ما أبغي ، مب غصب ، ما عندكم رياييل يغصصون عليكم ويجبرونكم تسيرون عند أهلهم وانتوا عندكم شغل البيت والسهر على العيال والتعب واصل حده ، وإذا ما ترضون رياييلكم جدامكم غضب الرب ، هذا أكبر هم أشله والله ، اتعرفون ان الزوج هو جنة الحرمه ونارها ، والمخفي أعظم ، المفروض نحن المتزوجات نكتب موضوع نخفف عن بعض والله انتوا مرتاحين شو تبغون بالغصه الله يهديكم (u)

مرموم
23/06/2004, 08:06 AM
http://www.crearecountry.com/flowerdivider.gif


السلام عليكم ورحمة الله وبركاته

يا جمـــــاعة ما تقلقوا و الله...

إن شاء الله مش راح تعنسوا أبدا...

الدنيا مليانة شباب...وين بيروحوا يعني ؟؟؟؟ لازم راح يتزوجوا...و الطيبون للطيبات...و الخبيثون للخبيثات...

مش عاجبني نبرة اليأس اللي تتكلموا فيها...كإنه ما في إلــــه مطّلع على اللي يصير في الكون و مدبره بتدبيره....

راح ييجوا يوم و تتزوجوا إن شاء الله صدقونــــــي....و راح تقولوا مـرمـوم قالت و ما صدقناها...

الحين كل البنات اللي فيقسم العروس...اللي يجهزوا لفرحهم...كان على بالهم بيتزوجوا ؟ لأ طبعا...جاء كله نصيب...

بعد ما تتزوجوا...راح تقعدوا في نفس القلق ليش ما حملتوا...و الله إن شاء الله راح يكرمكم و تحملوا...

و بعد ما تحملوا...نفس القلق...الحمل راح يتم واللا لأ...و إن شاء الله ربك يتمم الحمل على خير...

و لما ييجي ابنك للدنيا...نفس القلق...كيف راح أربيه ...و كيف راح يكون..

يعني الإنسان في دوامة طول عمره...و العمر مراحل لازم الإنسان يمر فيها...

أنا من اتعرفت على زوجي لحد ما اتزوجت قعدت 7 شهور...يعني في سبع شهور اتغير حالي من بنت عاملة و تحلم بالمستقبل...لبنت عاملة متزوجة...وراها بيت و مسؤوليات...في 7 شهور بس من حياتي...عملت كل هذا الفرق...

و الزواج و الله جاء في يوم و ليلة...حكاية ولا على البال و لا الخاطر...قصدي من هذا الكلام إنه كله جائز و كله يصير...و زي ما صار معايا راح يصير معاكم إن شاء الله...

شوفوا هذا الموضوع الطريف و إنتوا تتأكدوا من كلامي...

الموضوع من هنا (http://www.3roos.com/forums/showthread.php?threadid=52639)

الله يوفقكم يا رب و نسمع عنكم كل خير إن شاء الله....:smile:


http://www.crearecountry.com/flowerdivider.gif

AFKAR
23/06/2004, 08:49 AM
شكله كلامي ما عجب حد ... ع العموم الله يوفق الكل

ღ رآقيهـ ღ‏
23/06/2004, 08:55 AM
[ALIGN=RIGHT]تفرحي فيني وتربي عيالي ليش .... جدتي وأنا ما اعرف

ههههههههههههه نجومة بقولك شي واحد بس


والا أقول

بس خلاص غيرت رايي

ردي من الدوام وبعدين بنسولف:cool2:

عقد
23/06/2004, 08:56 AM
صباح الخير

مشكوره عزيزتي.....نجمة الفجر

على طرحك للموضوع :clap:وبصراحه العمل مو كل شي كل وحده تتمنى

انها تكون اسره وانا موظفه لاكن غير متزوجه:down: والعمل مو كل شي

بس الخوف ان الوحده يجي عليها وقت وتقبل باي شخص لان المراه تحتاج

لرجل يحميه ويكمل حياتها وتمنياتي للجميع بالتوفيق والله كريم

نجمة الفجر
23/06/2004, 10:00 AM
هلا عزيزتي افكار

لاوالله حشا..كلامك على عيناا وراسنا..بس تعرفي تقليب الصفحات.بس والله مو ناسيتك:confused::confused:

ما احب اطنش احد


كلامك صحيح والله..الطلعات ما تجيب العرسان

واللي الله كاتبه بيصير

بس ياختي تفكيرك اانه الرجل دايما يهين الكرامة وانه يذل

مو كل الرجال بنفس النوعية..

وانا دايما اقول..لما يتقدم اي عريس الاستخارة افضل شي


بس اقتراحك حلو..بالنسبة للتطوع

والله انه في بالي هاليومين..

مشكوووورة اختي افكار..لاتزعلييييييييين ارجووووووووووك

والله ما ناسيتك:confused:

نجمة الفجر
23/06/2004, 10:21 AM
nn74

هلا اختي..

ما اخبي عليك دائما تجيني افكار انه لما امي وابوي-الله يطول باعمارهم-
الموت حق علينا..واخواتي واخواني كلهم يتزوجوا

وش بيصير حالي

والله انا اعرف وحدة هي بالاربعين..وامها توفت وابوها متوفي زمان

واخوانها تزوجوا كلهم

اما هي اسيرة للامراض والوسواس

لانه الوحدة مدمرة..وموت بطئ:down:

المتزوجات يقولوا انه الزواج هم ومسؤلية..بس لما نجي نفكر
انه الحياة حلوة بمسؤلياتها

لما الانسان يكبر بالعمر محد يشيله غير عياله
يسولف معاهم..وعلى الاقل احد يطل عليه


اشكرك تواصلك الطيب:smile:

AFKAR
23/06/2004, 10:38 AM
:shy:

ذات الخمار
23/06/2004, 10:54 AM
نجمة الفجر
صدج انج قلبتي المواجع ,,,,, محنا كنا سكتين وصبرييييييين :D2

مثل ما اقترحت من قبل أوصي كل وحده في نيتها تروح العمرة هالصيف انها تدعينا كلنا بالأزواج الصالحين والذريات الصالحة في ذيك الديار المقدسة ودعوة المسلم لأخيه المسلم في ظهر الغيب مقبولة بإذن الله

:D2

تدرين يا نجومة اشرايك نتفق تيلس كل وحدة تدعي حق الثانية في الصلاة :cool2:

الملاك الحزين
23/06/2004, 12:45 PM
السلام عليكم ورحمة الله وبركاته


:confused:

بس الله كريم

كل شي مكتوب

والحمد لله على كل شي

الحمد لله


اللهم استرنا في الدنيا و الاخره

اللي يشوف مصايب الناس يقول الحمد لله
اعرف بنيه تزوجت العام الماضي 2003 و ما كملت سنه بعدها
وعمرها 19 او 20 و هي مطلقه الحين

الحمد لله
الحمد لله الحمد لله

الثقه بالله لازم تكون موجوده و الا محد بيقدر يعيش

لازم الله بيفرجها في يوم لازم

:shy:

شواطىء الفرح
23/06/2004, 04:08 PM
والله يا بنات تعبنا من التفكير بهذا الهم

الوحدة غصب عنها تفكر يعنى مثلى دراسة وخلصت ووظيفة والحمدالله عندى ودورات ونشاطات اسوى ازور الاهل واشياء كثيرة اسويها

بس دايم احس بشى ناقصنى شى كبير وهو تكوين الاسرة ودايم تجينى افكار شو راح يصير فينى بعد كم سنه واذا الله سبحانه طول بعمرى من راح يهتم فينى اكيد بيحطونى بدار العجزة لانى وحيدة

بس بعد ارجع واقول رحمة رب العالمين واسعة واكيد ربى ما راح يناسنى والله كريم

بس بصراحة صدق يا بنات قلبتوا المواجع علينا

نجمة الفجر
23/06/2004, 11:01 PM
الله يالمرتحلة

والله كلامك جميييل جدا

بس احب اضيف على كلامك

انت قلتي انه المتزوجات محرومات من الطاعة

بس لاتنسي اختي الكريمة

انه القيام بالواجبات الزوجية يعتبر في حد ذاته طاعة

مشكورة عزيزتي على المشاركة الطيبة:smile:

نجمة الفجر
23/06/2004, 11:05 PM
ماسا:confused::confused:

والله نفس شعوري

احس اني عديمة الفائدة!

خذي راحتك عزيزتي..ما نزلت هالموضوع الا علشان نشكي لبعض

ونشارك هموم بعضنا

لانه الواحد لما يحس انه في ناس كثيرة تعاني مثله..يحس شوية براحة


اتمنى لك الزواج الصالح يارب

اللي يسعدك ويريحك من همك:smile:

نجمة الفجر
23/06/2004, 11:08 PM
العنزية

اللهم آميــــــــــــــن

مشكوورة عزيزتي على مشاركتك:smile:

نجمة الفجر
23/06/2004, 11:14 PM
yn1

كان الله في عونك اختي

انت تقولي انه المشكلات الزوجية تنغص على الوحدة عيشتها

طيب تخيلي نفسك وانتي فااااااااااااااااااااضية


فاضييييييييييييييية مو يوم

كل يوم..وكل اسبوع وكل شهر وكل سنة تمر من حياتك

وانتي على نفس الوتيرة

عمل وبيت واكل ونوم..هذا بالنسبة لي

اختي انتي في نعمة..الله يخللي لك عيالك يارب:smile:

انا صديقتي مثلك..تقول ما عندي وقت احك فيه راسي

ودايم اقولها//تراك بنعمة مانتي حاسة فيها

وبعدين هذي سنة الحياة..امك عانت في تربيتكم وانتي تعانين في تربية عيالك
والدنيا ماشية كذا:up:

مشكورة عزيزتي على المشاركة الطيبة:smile:

نواف الولهان
24/06/2004, 12:47 AM
يابنات شوفوا


مثل ماانتم تتمنوا تتزوجوا ايضا الشباب يتمنوا يتزوجوا وانا واحد منهم

ولكن هل الزواج شي سهل اكيد لا من نفقات وغيرة

انا مثلا في طبقه انو الواحد لما يتزوج لازم يتزوج في اوتيل والمهر

100 الف وشعل العسل في اوربا يعني التكاليف الاجماليه 250 الف

يعني لازم اشتغل 5 سنوات رغم انو الوالد الله يحفظه ماديا مبسوط

ولكن لازم انا الي ازوج نفسي مع بعض المساعدة يابنات لازم تعرفون العوائق قبل ماتستغربون ليش مافيه خطاب


انا الان عمري 27 سنه ونفسي اتزوج من جد ورغم اني ولد عايله معروفه

وراتبي حوالي 8000 الاف ريال الا انو صعب الواحد يكون نفسه بسهوله

خصوصا اذا كان الشخص مبذر مثلي


اتمنى يابنات تفموا ليش مافيه خطاب كثير


تقبلوا تحياتي المعطرة بالورود


نواااااااااف الولهااااااااااان

نجمة الفجر
24/06/2004, 05:07 PM
مرومووم:smile:

خللي البنات يطلعوا اللي بخاطرهم:cool2:

نشكي لبعض

الله يقدم اللي فيه الخير:shy:

-------------------

هلا اختي عقد

صدقتي اختي..الوحدة مدمرة

الله كريم ان شاءالله:smile:

مشكورة على مشاركتك الطيبة:shy:

نجمة الفجر
24/06/2004, 05:13 PM
هلا اختي ذات الخمار:smile:


والله فكرة زينة نصلي لبعض:shy:

دعاء المسلم لاخيه مستجاب ان شاءالله

اسفة قلبت عليكم مواجعكم:D2

بس شو نسوي..ما نقدر ننسى:shy:


مشكورة على المشاركة الطيبة

-------------

الملاك الحزين

يؤسفني سماع مثل هالخبر:confused:

كان الله في عونها

واكيد عزيزتي الثقة بالله موجودة

بس مافيها شي اذا خففنا عن بعض

الى ما الله يفرجها:smile:

مشكوورة عزيزتي على المشاركة الطيبة:shy:
------------------

هلا اختي شواطئ الفرح

اعتذر عن تقليب المواجع:cool2:

صدقتي..دراسة وخلصنا..وظيفة وتوظفنا..

بس الخيرة فيما اختاره الله

صحيح القلب يتقطع..بس بجد مابيدنا شي نسويه

مشكوورة عزيزتي على تواصلك الطيب:smile:

نجمة الفجر
24/06/2004, 05:18 PM
هلا اخوي نواف الولهان

مشاركة طيبة علشان نشوف الشباب وش رايهم

:smile:

كلامك صحيح محد يتزوج ببلاش

والمهور غالية ومصاريف والحالة حالة

بس اعتقد ما كل الناس تطلب مهور غالية

خصوصا اذا البنت كبرت


مشكوور اخوي على تواصلك:shy:

مذهلة
24/06/2004, 07:43 PM
هلا بنجمة الفجر وكل أخواتي الحبيبات
بصراحه ماكنت أتمنى أقرأ الموضوع هذا بهاليوم بالذااااااااات لاني اليوم طلعت إجازتي السنويه وحاسه من الحين بفراااااغ كبير خاصه انه المفرووووض هالشهر يكون زواجي لكن للأسف فسخت خطبتي !!!:confused:

تخرجت مع صديقاتي من سنتين صحيح ماتوظفنا بنفس المكان لكن كنا بكل نهاية اسبوع نطلع مع بعض لين ماقام عددنا ينقص لان كل وحده تنخطب وتنشغل بخطيبها ....مع انه للعلم كنا متعاهدين ان اي وحده تنخطب وتتزوج ماتطنش الصداقه والعشرة ..." أنا لما انخطبت نسيت حتى اسمائهم من كثر مافرحانه بخطيبي " <========طبعا لاتصدقون هذي صيغة مبالغه على وزن فعوووووووول
:smile:

البارح كنت أقول لأمي عن أعراس صحباتي اللي بتصير هالصيف قالتلي أمي راحوا صديقاتك بتصيرين لوحدك :cry:
لو انك موافقه على ولد خالتك ما كان أحسنلك :mad2:

بس تدروون انا والله مو مستعجله على الزواج وحياتي حلوووه بس اللي مكدر خاطري ومطفشني ان مثلا في الدوام اشتغل وسط متزوجات سوالفهم واهتماماتهم في الزوج والاطفال "الله يخليهم لهم "
لكن لما ارجع البيت واجلس بروحي

:sad:

:sad: أحس ان كل شي تافه صحيح اني اشتغل وحققت نجاح كبير في شغلي مع اني لسه بأول مشواري المهني لكن ...فراغ عاطفي بعيد عنكم

:sad:
بس الموضوع ببساااااطه اننا المفروووووض نستمتع بكل لحظه من لحظات حياتنا لان مثل ماقالت وحده من الاخوات العزيزات مافي احد مرتاح بحياته ..لا المتزوجه ولا الآنسه
:z_bye: كان ودي أسولف لكن أفضّل اني أطلع ولا ترى ماراح أسكت:shy:

بنت بو خليفه
27/06/2004, 02:01 PM
السلام عليكم بنات شخباركم ان شا ءالله طيبين

بصراحه الموضوع حلو للنقاش حبيت اقول لكل بنت ماياها نصيبها لا تعتبر

نفسها عانس بالعكس المفروض ما تقعدين تفكرين انج عانس بها الحاله

انتى بتكدرين على نفسج فى النهايه كل شى نصيب فى ها الدنيا وقضاء

وقدر محد بياخذ غير الى مكتوب فى اللوح المحفوظ كل تاخيره فيها خيره

الواحد ما يعرف وين الخيره مثل ما قالت وحده من الاخوات محد مرتاح لا الى

معرسه ولا المتزوجه ياما بنات اعرفهم تزوجوا لكن ما رزقو بعيال يواجهون

مشاكل بها الشى حياتهم متحوله ملل ضيق بس الانسان يصبر يدعى ربه

الحمدلله دام البنت تشتغل شاغله نص وقتها الحمدلله رب العالمين انا صح

بعدنى صغيره 25 بس جدامى ان شا ءالله العمر اذا مايانى نصيبى بقدم

دراست عليا الانسان ما يوقف عند محطه معينه لازم يكمل ربى يرزق كل

الاخوات الى ما عرسن انه ربى يرزقهن الازواج الصالحه اسمحولى طولت فى الرمسه وايد تحياتى للجميع ...

ღ رآقيهـ ღ‏
27/06/2004, 08:05 PM
http://mywebpage.netscape.com/hbkheit/loly/featherline.gif

السلام عليكم ورحمة الله وبركاته

حبيبتي مذهلة أتمنى انك تكملي لانه كلامك كان كثير حلو ههههههه عجبتني الحكاية

*^*
تحياتي للجميع

اختكم

^* malaak *^

* ^ لا حول ولا قوة الا بالله العلي العظيم ^*

http://mywebpage.netscape.com/hbkheit/loly/featherline.gif

مسجد بالرياض .... ليش على صلاة الفجر يكون مكتظ بالاطفال (http://www.3roos.com/forums/showthread.php?threadid=92256)

أحلى الساعات .... بس مين الذويقة منكم الي تقدرهم (http://www.3roos.com/forums/showthread.php?threadid=92192)

بنت ديره
27/06/2004, 10:12 PM
هذا الموضوع الي احاول من 4 سنوات تقريبا اني ما افكر فيه , قلبتي

المواجع والله عمري 30 وبعد 5 شهور بالحياه بدخل 31 سنه :rolleyes: ..

التكيف مع العنوسة الوحده كم بتشغل في الاخير لزم بتفكر ليش

ما تزوجت شو فيه وغيره وغيره انا لمات كنت في الثانويه اقول متي راح

اكمل دراستي تخرجت من الكليه 3 سنوات دراسه وعقبها اشتغلت في

شهر 7 بدخل 5 سنوات , دوام نص اليوم تقريبا ارجع البيت نوم اكل

تلفزيون ما اشوفه وااااااااايد بعد اغلب الساعات علي النت الين متي راح

تكون حياتي بهذى الطريقه , كل شئ نصيب بس لو الاهل تحكمو في

نصيبج هذى مشكله :down: هذا ما يناسبج هذا جده كان جد جد علان

هذا مب من مواخيزنا يطلعون اسباب انتى ساعات ما تقتنعين بها بحكم

شو العادات والتقاليد انا لما اشوف خواتي الي اصغر مني مع رياييلهم

وعيالهم اقول انا شو فيه تحسين كانج ناقصه فيج شئ سوالفهم غير

طلعاتهم غير جد نفسيتي واااااااااااايد تعبانه من هذا الموضوع ..

تحياتي
بنت ديره
:smile:

أنا وأنت
28/06/2004, 12:10 AM
:down::down:

بصراحة ما أعرف شو أقول لكن بكتبلكم رأيي ..

أنا مب ضد الزواج بس احس كل شي في وقته حلو ومثل ما قلتوا ما راح

يصير شي إلا كتبه الله - عزوجل - علينا ..

بس يمكن أنا أقول هالكلام من واقع تجربة أنا مريت فيها وبكتبها إن شاءالله

أول ما أفضى :o ( أونها بتكتب سيرة حياتها ):D2

بس يا أخواتي صدقوني ما في شي أحسن من الإلتجاء إلى الله -سبحانه

وتعالى - ..

وللحديث بقية ..

حبيبه
28/06/2004, 09:24 PM
السلام عليكم يأخواتي الحبيبات

والحال من بعضه شبح العنوسه أصبح قاب قوسين أو أدنى مني عمري الآن 27 سنه وكم شهر والغريب إني أحلى أخواتي وإني الخطاب دقو بابي من يوم كان عمري 16 سنه و الصراحه ما كان فيهم المناسب 100% وطبعا لأني كنت حلوه وصغيررررررررره كان لامجال للتنازل إطلاقا لحد ماعديت العشرين بدءت أقدم التنازلات نوعا ما لكن للآن ماصار النصيب حتى يوم وافقت على واحد ورغم إنه أقل مني في المستوى الاجتماعي والعلمي والمادي لكن قلت يالله أنا راح أرفع من مستواه لكن للأسف كان جاي على طمع كان هذا قبل 9أشهر عموما الحمدلله على كل حال أنا راضيه ودائما أدعي الله عز وجل إنه يرضيني ويرضى عني الحمدلله أنا موظفه ورغم إنه عملي مرهق إلا إني مبسوطه فيه وبزميلاتي صحيح إنه لنا بعض الزملاء الرجال والكلمه معهم محسوبه خاصة إني بنت يعني غير المتزوجات لأني أشوف زميلاتي المتزوجات يكونون أكثر حريه في التعامل معاهم لأنهم متزوجات وأنا كل حركه بالنسبه لي محسوبه وتنفهم غلط لكن دائما الحمدلله يعني أنا مكتقيه ماديا ودائما أشغل وقتي في العمل أو على النت أو السوق أو مع أخواتي أو مع عيالهم إللي أمارس عليهم أمومتي والحمدلله رضا الوالدين الله يخليهم ودعواتهم لي أهم شي عندي في الدنيا والباقي قسمه ونصيب أنا مالي يد فيه ربي عز وجل هو المقدر وأكيد هو مقدر لي الأفضل والأحسن



أزعجتكم لكن حبيت إني أشارك معاكم وأقولكم اللي بنفسي

hba
25/07/2004, 09:11 AM
خواتي العزيزات ..
هذي مونهاية الدنيا ..
والزواج قسمة ونصيب ..
وكل واحد ياخذ رزقة واللي مقسوم له ..
عليكم بالدعاء ..
والايمان بالله والتفاؤل ..
الله يرزقكم جميعا بالزوج الصالح وتقر أعينكم وتستريح افئدتكم
وتغرد الفرحة على حياتكم والله يرزقكم بالذرية الصالحة ..
قولوا آمين ..
الله يحقق لكم ماتتمنونه ..
ممكن تبتسمون .. ترى الدنيا ماتسوى الزعل ..
انشاء الله في الرد القادم نسمع اخبار حلوة جعلها فال خير للجميع .

____________________

اللهم أرزقهم مايسعد بالهم ..

نجمة الفجر
25/07/2004, 09:50 AM
هلا حبيباتي..

ماشاءالله المووضوع تم انعاشه مرة ثانية

ياااااااااااااااارب يا الهي يارب العزة والجلال

يارب ترزق كل بنات المسلمين المتاخرات بالزواج امثالي بالزوج الصالح والدرية الصالحة التي تقر بها عينهم

انا لما كتبت هالموضوع بجد كنت يائسة

وتميت اذكر الله علشان ما ابغى اكفر

وربي سبحانه هون علي بقصة الملك والوزير

اقروها بجد تريحكم

علشان تعرفوا ان الانسان خلق من عجل

وربي يريد لنا الخير ونحنا نبغى الشر لنفوسنا

اتمنى للجميع بالصحة والعافية وراحة البال:smile:

kholoud_sa
25/07/2004, 09:59 AM
اللهم أرزق بنات المسلمين وبنات منتدى عروس بالأزواج الصالحين وارزقهن الذريه الصالحه


الله كريم :) ويرزقنا :o

سحابة طيف
25/07/2004, 10:02 AM
الله يرزق الجميع بالزوج الصالح
و لا يأس مع الحياة
استمروا بالدعاء الله يفرج همكم ويرزقكم
واكثروا من الاستغفار

نجمة الفجر
25/07/2004, 10:07 AM
:clap:

اللهم امييييييييييييين

عليكم بالدعاء لك ولغيرك

:smile:

أنتَ عمري
25/07/2004, 11:15 AM
عزيزتي نجمة الفجر

اخواتي العزيزات المشاركات والقارئات

بحق هو موضوع ذو شجووووووووووون

خاصة وإنه حياتك تتبرمج على المحاسبة في كل شغله

تكلمت مع فلان او سألت فلان عن موضوع ما أو أو أو أو


كل شيء محسوب عليه ......:confused:

خاصة عندنا في المجتمع الخليج بشكل خاص

كلنا نفكر ونحس بنوع من الوحدة والملل احيانا

تخرجت من الجامعة واشتغلت بالمدرسة وصار لي 26 سنة

ولسه ما تزوجت اختي الاصغر تزوجت قريب الوالدة ...

وبدأت سلسلة أخرى من الاقوال التي تواجهك

ليه تزوجت قبلك وليه وليه وليه

انت اصلا في كل مناسبة تروحين لها عند الاقارب او حتى الصديقات

دووووووووووووم يسألوا ما انخطبت ؟؟ متى بتتزوجي
وهلم جرة:pain:

صدقوني كرهت الطلعة بسبب هذي الشغلات

انا وحدة راضية بحالها .. واهلها ما يغصبوها على شيء

والاهم رضا الوالدين ومحبتهم الخاصة لك بالذات!!

احس الدنيا وما فيها معي وبكل سعادة!!

اذا حبيت اسافر لمكان اقول للوالد وإذا الوقت مناسب نسافر

ودوووووووووم احب اسافر للمدينة او مكة مع إني خارج مش من السعودية بس احبهم مووووووت واحب اكون فيها

وانسى كل همومي واحزاني

ومع هذا ما سلمت من الناس ابد

مع اني من عائلة معروفة بالعلم والدين على مستوى البلد

ولكن الاقاويل ما تركتني بحالي

والسبب قلة طلعاتي ورغبتي اكون بالبيت اكثر نم اي شيء آخر

فيكفيني طلعت الدوااااااام والدوراااااااات وغيره

ومع هذا ولله الحمد عندي والد على مستوى عالي من التفهم والثقة

دووووووووم يقول لي : ادري من انتي ؟؟ وكيف ربيتك وووو:smile:

اقوووووووول اهم شغله انك تشعري بللي حولك من نعم

والدين .. اخوة واخوات .. صحة .. راحة بال ..
وتتأكدي ان حياتك هدية مو عقوبة ابد

وعلى فكرة قدمت لدراسات عليا ووافقولي ...
والحين ادرس حتى آخذ الماجستير:smile:

وما راااااااااااااااااااااااا ااااااح تصدقوا ابد إلي صار بعد كذا:eek2:








الخطاب على الباب

من يوم كان عندي 16 سنة!!!

وفيهم استاذ جامعة وخبير اقتصادي وضابط شرطة و و و

يعني على مستوى بس

المهنة والمستوى الاقتصادي مو كل شيء!!!

الاهم الاخلاق ورايه يكون بيده مو بيد غيره






















وصدج إلي يصبر ينول مراده!!!!!!!!!!!!!!!!!!:up:

























وجاني نصيبي بلا طلعااااااااااااات ولا روحت اسوااااااااق







والحمد لله شاب خلوق يدفعني للطموح ودوووووم يذكرني بدراستي
من ذات المستوى الثقافي والاجتماعي والعلمي











اتمنى لكم حياة موفقة وكريمة يا الغاليات

بس الله الله بتكاليف الزوااااااااااج الباهضة

مو لانها ليلة العمر توصل التكاليف إلى ارقااااااااااام

ما يقدر عليها!!!!!!!!!!!!!

وتذكروا انكم راح تتعبوا معاهم بعد الزوااااااااااااااااج

لانه بيحس انك سبب ديونه!!!!!!!!!!!!!










نسيت اقولكم طلع خطيبي



يكره الديوووووووووووون مثلي!!!!!!!!!!!!!!!!:up:





الله يحفظكم ويوفقكم يا رب


واسمحوا لي بمساحة دعاء هنا له :

اللهم ادم وجوده في حياتي وارزقني صدق صحبته ومحبته ما حييت واجمعني به في اعلى الجنان ازواجا على سرر متقابلين واخفظه لي بحفظكَ انت ولي ذلك والقادر عليه
الاهم آمييييييييييين




مع محبتي ,

اختكم : أنتَ عمري

نجمة الفجر
26/07/2004, 09:51 AM
ماشاءالله اختي انت عمري

الله يوفقك يارب


الله يديم عليك محبة زوجك والله يرزقكم بالذرية الصالحة

بس يا اختي المشكلة في الصبر!!

دايما اسال ربي يصبرني..والله كريم ان شاءالله:smile:

اشكر حضورك الرااااااائع(u):shy:

أنتَ عمري
26/07/2004, 10:23 AM
كاتب الرسالة الأصلية : نجمة الفجر
ماشاءالله اختي انت عمري

الله يوفقك يارب


الله يديم عليك محبة زوجك والله يرزقكم بالذرية الصالحة

بس يا اختي المشكلة في الصبر!!

دايما اسال ربي يصبرني..والله كريم ان شاءالله:smile:

اشكر حضورك الرااااااائع(u):shy:

أختي وحبيبتي نجمة الفجر

أسعدني مروركِ على مشاركتي .....

أصارحك ... إن الصبر مشكلة حقيقية ...
ولكنني عرفت شلون اتكيف معاها بطريقة إيجابية

ويتقولين شلون ؟؟؟؟؟؟

أقولك : بالصلاة والدعاء والصيام لو الظرف الصحي يسمح
خاصة إن ظروفي الصحية كانت جد متدهورة خلال السنوات الماضية
الوزن ينزل مرة وحدة لاكثر من 7 كيلو في ظرف شهر والوالدة والوالد حالتهم حالة ..... ودوووووووم يبكوا على حالتي

ادري اني تعبتهم كثييير بصحتي ولكن ما كنت اقدر ...

حتى اتجهت للدعاء اكثر والصلاة والصوم مثل ما حكيت لك

الحقيقة أنا من النوع إلي لما يتضايق يكره الأكل وما يطيق حتى ريحته!!
واحيانا احس بجووووع ولكن نفسي ما تساعدني ابد!!!!

والحمد لله ........

مشكلة العنوسة ابعد من مشكلة ايجاد زوج مناسب

فالعادات والتقاليد و و و و و و تتدخل

ولكن اتصور إرادتك في التكيف معاها هي الاهم

واشغلي نفسك دووووووم

بدورات كمبيوتر او لغات او تعلم شغله جديدة

الله يوفقك غاليتي

واعذري كلماتي التي بعثرتها امام قلوبكم

والله يسلمك من كل سوء

اختك التي تحبك في الله

أنتَ عمري

الريم ه
27/07/2004, 09:32 PM
السلام عليكم بنيه بنيه وكتكوته كتكوته
وشحالكم شخباركم
اسمحولي يمكن الموضوع مر عليه فتره بس عاد تعرفوني على قوله المثل "يوم خلص العرس يا الشايب يرقص"

ههههههه عاد انا استانس على هالمواضيه احس في حد في الدنيا مثلي وانا سبق وتكلمت عن هالسالفه في موضوع مقهوره حبيبتي وعيناويه اللي فديتها عرست من كم شهر

ومابا ازيد شي على اللي قلتوه لانكم صراحه كفيتوا ووفيتوا
لكن ابا اقولكم ضحكوا.... احنا ما ماخذين من هالدنيا شي غير عملنا الصالح والضحكه الحلوه
والله كل شي الله كاتبه في الخير ... صح في رياييل وايد زينين لكن ما نعرف لو عرسنا بيكونوا من نصيبنا
يمكن الله يحبنا وما يبانا نتعذب مع ناس شينين
هههههههه انا مرات اقول لربايعي انا احسن ما عرست تعرفوا ليش؟ يقولوا ليش (عبالهم الحين بقول قنبله)
اقولهم لانه يمكن يطع شين واقتله بعدين بسير السجن وبيأكلوني عدس وبيلبسوني ابيض مدري احمر وبيكتبوا اسمي في الجريده وبيسوا معي لقاء صحفي في زهره الخليج وبقول اساميكم كلكم وبيعدموني وماعرف يمكن اسير النار اذا ربي ما غفرلي.... :D2طبعا بعد ما اقول هالكلام الاقي صحون البيت مفروره على راسي

بس على قوله ابوي فديت خشمه بناتي بيلسن في بيتي وبيوت اخوانهن معززات مكرمات وعمري ما بيوزهن ريال بس عشان الزواج... اللي يباهن لازم يكون يستاهل.... وانا ما تعبت فيهن وربيتهن عشان ارميهن اي رميه واذا اللي يستاهلهن ما ياهن فالله اكيد ذاخر لهن الخير في الاخره
طبعا امي تطالع ابوي بنص عين وهو يقول هالرمسه خخخخ

المهم انا مؤخرا عقدت اتفاق مع ربيعتي انها تخطبني لولدها اللي عمره اربع سنوات هههههههه يمديه ياخي يكبر يصير عمره 20 ونتزوج يكون عمري 46 (صغيره صح:shy:) وعقب اموت ويورثني ويتزوج اللي يباها :D2 اشرايكم بس شرطت عليها اربيه على كيفي... قالتلي خذيه مسامحه فيه لانها طفرانه منه ماكل سم فيران ذاك اليوم باغي ينتحر الصبي من الحين ويضيع علي العرس

كالعاده طبعا اهذر وايد بس شو اسوي بغيتكم تخففوا عن روحكم شوي
الله يوفقكم كلكم :cool2:

الرييييييييييييم

نجمة الفجر
27/07/2004, 10:55 PM
الريم5

هههههههههههه

ضحكتيني..قال تاكل عدس قال ههههه

طيب حبيبتي ولا يهمك..انا بزورك بالسنة مرة واجيب لك حلاوة هههههه

بعد الشر عنك يارب


:smile:


على قولتك..اذاالزواج فيه الخير اكيد الله بيزوجنا


ربك كريم

ويرزقنا مثل ما رزق العيناوية هههههه

بتحقد علي العيناوية:cool2:

الله يوفق الجميع يارب :smile:

ماسا
28/07/2004, 07:20 AM
:cry: :cry: :cry: :cry: :cry: :cry: :cry:

اموره2002
29/07/2004, 12:59 AM
:up: بسم الله الرحمن الرحيم السلام عليكم ورحمة الله وبركاته شكراً لك اختي الكريمة على هذا الموضوع اختي نجمة الفجر بس لي عتب على بعض الاخوات في سن العشرين ويشعرن بالعنوسة فالزواج فعلا نصيب انا لا اقول ذلك من فراغ بل احس بنفس شعوركن في الوحدة وقد اتسال لماذا لم يحن الاوان بعد فانا تعدين الثلاثين واعمل في وظيفة محترمة وجميلة واكثر اخواتي خطبة ولم يحن الاوان بعد ولكني قانعة بحياتي صحيح اتمني ان يكون لي بيت واطفال وحياة خاصة ولكن كلة بيد الله وكثيرا من المتزوجات يحسدونني على عدم المسووليات وراحة البال انا اري كل شي له ظريبة انا اهتم بشون امي اطال الله في عمرها وادعوالله دائما بستر والرضي واحب ان اشيد على كلام مرموم انا اؤيدها جدا وفق الله الجميع ورزقنا بازواج صالحين وذرية صالحة واذا ومان فية نصيب في الدنا لنا الاجر علي الصبر في الاخرة كما اريد ان امسح التشائم فالدنيا ليست زواج فقط فية من المتع المباحة صلة الرحم الاعمال الخيرية تحسس الانسان بكيانة ونفعة

نجمة الفجر
29/07/2004, 04:15 PM
الله يا امورة..كلامك صصحيح مية بالمية:up:

الله يكمل لك بعقلك..وضعك مثل وضعي تمام

انا اختي متزوجة والثانية الاصغر بتلحقها قريب

ادعي لهم بالتوفيق ..وانا اكيد ربي ما نساني..[س المسالة مسالة وقت لا اكثر

اللي يجيبه ربنا هو الخير:smile:


وان املاحظة بعد نفس الشي..بنات اعمارهن 23 ويقولن انهن عوانس!!!

انا اعرف كذا وحدة..وعتبت عليهن بصراحة


الله يوفقك اختي..ويرزقك بالزوج الصالح والدرية الصالحة

وكثير ترا من المتزوجات حاسدينا..بس تراها سنة الحياة:smile:

تحياتي القلبية لك

ملااااااك
30/07/2004, 12:48 AM
يا حبايبي انا عمري 28 سنه
وما كنت اتخيل اني بعرس
ولا فكرت اني اتزوج
لان عندي طموح
وياني نصيبي فجأه
دخلت في حاله نفسيه
(اوافق............والا ما اوافق):o
صليت وتوكلت على ربي
بعده ما صار شي
وانا تعبانه (ارفض........والا استمر):confused:
هذي اصعب فتره تمر فيها المنخطبه لين ليلة العرس
عيشو حياتكم ولا تفكرون في الزواج ولا بكلمة عانس........
كل وحده نصيبها مكتوب لها وماراح تطلع من الدنيا خاليه
والله يستر عليكم انشالله....:smile:

روزس
03/08/2004, 08:28 PM
بنات قولوا امين

ربي انشالله يرزقكم كلكم بزوج احسن مما تتمنون ويسعدكم يارب

بس والله قولوا بعد الحمدالله حالتكم احسن من حالة ناس وايد

يا تكون مطلقه وعندها عيال متلعوزه وياهم

يا متزوجه وعايشه في مشاكل مالها اول من اخر

نجمة الفجر
03/08/2004, 10:11 PM
شكرا حبيباتي ملاك وروزس

والله ياختي روزس كلامك صحيح

الحين محد يصارخ علينا ولاملتزمين بشي

هو صحيح انه الزواج هلاك

بس نتخيل عمارنا نوصل 40 ومحد حوالينا!

الوحدة بتذبحنا اكثر هموم الزواج


على قولة وحدة من البنات

لاالمتزوجة عاجبها حالها ولا العازبة

يعني بين نارين:pain:

الله يوفق الجميع ويزرق جميع بنات المسلمين بالزواج الصالح ويستر عليهن

:smile:

كيفي حلوة
04/08/2004, 11:33 PM
كلنا في الهوا سواااااااااا



الله يرزق كل بنت الزوج الصالح ياااارب

دوم مدوخة
05/08/2004, 01:00 AM
الله يرزق الجميع
آآآآآآآآآآآآآآآآآآمين

بُوران
05/08/2004, 07:55 AM
الله يرزقنا كلنا ان شاء الله

بس اقول لاخواتي انهم يقللون من المهر ترى الرجال بيتكسر طهره علشان المهر :down: وبيكره الزواج فقط لهذا السبب والطلبات اللي ماتخلص


ماتلاحظون بنات ان في اهالي من يجي واحد يخطب بنتهم يزوجونه اياها مع الرغم اني البنت غالبا عمرها 15 او 16
يخافون على بنتهم من العنوسه >>>>>> ماتلاحظون انه فيه مبالغه

الله بيكتب النصيب وبيرزق

والله يرزقنا جميعا ان شاء الله

نجمة الفجر
05/08/2004, 05:26 PM
مشكوريين حبيباتي

كيفي حلوة

دوم مدوخة(سلامتك):smile:
بوران

:smile:

BRIDE
05/08/2004, 07:42 PM
السلام عليكم ورحمة الله وبركاته

تسلمين اختى نجمة الفجر على الموضوع

يا رب يسهل على جميع البنات بالازواج الصالحة

يا الله يا الله يا الله


قراءة في أحد الكتب

كتابة سورة الفجر في صحن أبيض

بماء ورد وزعفران

بعد الانتهاء يتم تمحيتها بماء المطر

وعجنها بالحناء ثم وضعها في اليدين

طريقة ثانية

قراءة سورة يس 5 وراء بعض

طريقة الثلاثة

قراءة سورة طه 3 مرات سبوع كامل


بالتوفيق للجميع

بياض الورد
06/08/2004, 12:48 PM
قلبت المواجع نجمة :sad:
أنا عمري 30 سنة و أشتغل و الكل يعتقد اني مبسوطة ومستانسة
تقدموا لي كثير و بكل مرة أستخير لكن الله ما يكتب .
مدري وش السالفة ،، صدقيني ما أبي أكثر من رجل حتى المظاهر ما تهمني و عندي استعداد ما أسوي عرسي بقاعة و يكون بالبيت .
تصدقين عاد ما عاد أفكر بنفسي ،،صرت أفكر بأختي اللي أصغر مني عمرها 23 و أخاف توصل لعمري و هي بعد ما تزوجت .
الله بس يعين موضوعك قلب المواجع.

نجمة الفجر
06/08/2004, 02:08 PM
هلا اختي طيف الورود

القراءن كله نور وبركة..[س ياريت اذا تدعمي الكلام بحديث صحيح

لانه تعرفي اخاف تكون بدعة ولا شي لا سمح الله

مشكورة على المرور والله يسمع منك ويتسر على كل بنات المسلمين:smile:

---------------------------


هلا اختي بياض الورد

صدقيني ياختي المتزوجات يحسدونا:smile:

ومصيرنا نتزوج بس ربنا يريد لنا الخير

وكل واحد ياخذ من الدنيا:smile:

visitor
08/08/2004, 09:37 AM
اعجبني جدا مشاركة الاخت ام ربى بارك الله فيها كلامها حلو


الاخت نجمة الفجر هذا الحال ليس حالك لوحدك ولكن حال العشرات من البنات... ولهذا كان هناك موضوع مماثل بعنوان قولووووا امين....وقد كانت هناك مشاركات ومقترحات رائعه

والمشكله تبدأ من ان البنت الخليجيه دائما تنتظر ان يقوم اهلها باختيار الزوج المناسب لها وتزويجها له حتى ولو كانت تعمل وفي اعلى المناصب

طبعا هناك استثناءات قليله

ولكن ماالمانع ان تقوم المرأة باختيار من تراه ملائما لها من بين وليكن زملاءها في العمل او من بين اقاربها ود

Hayyoush
10/08/2004, 12:16 PM
الحمدلله على كل حال اولا واخيرا
ما حد عاجبه حاله لا المتزوجة ولا المش متزوجة
انا عمري 26 و لحد الآن ما تزوجت بس خطبت مرة و مازبطت.
المهم جميع صديقاتي المتزوجات بيقولو ياريتنا ما تزوجنا مش عشان الزواج مش حلو بس عشان المسؤولية
و بحسدوني عشان حياة الشغل
انا بقضي كل يومي بالشغل و زيارة الصديقات و العائلة
وبدعي ربى يرزقني بابن الحلال المنيح والمتدين والا بلاش وعقبال عند الجميع انشاء الله

(اساهي2)
10/08/2004, 03:15 PM
اللهم ياحي ياقيوم ياذا العزة والجلال ترزق بنات المنتدى الازواج الصالحين
اللي يرعونهم
بصراحة انا من مؤيدين الزواج وضد فكرة ( انا عنست) لان العنوسه تبدأ من سن الخمسين في هذا الوقت وبعدين ارمي خلفك كلمة عنست
بمعنى يأختي ابحثي بنفسك عن الزوج الصالح ولا تستغربون
ايه ياما شباب وعيال حمايل بس الفقر ذابحهم وش اللي يمنع
اني احاول اعرف ظروفه وبطريقه فيها ذكاء وحنكه ارسله احد
مثلا يسأله ليش ماتزوجت ؟؟ حتى يصل الى ان يقول له انا اعرف
بنت فلان بنت نسب واهلها ياسلام ويذكرك عنده وياسلام يتم الزواج
ومافيها شيء لو كان المهر قليل وكثير من بناتنا ماتعدى مهرهم ال30 الف ريال
وما تصدقون لما اقولكم ثنتين من قرابتي اعمارهم فوق 35 تزوجو
بهذي الطريقه قولولي وش اللي يمنع بس تبي شوي تخطيط
والله صادقه
ولنا في زوجة الرسول صلى الله عليه وسلم قدوة (خديجة) رضي الله عنها
كانت حكيمه في زوجها من الرسول عليه افضل الصلاة والتسليم واقرأو قصتها

نجمة الفجر
10/08/2004, 09:30 PM
كلامك جميل اختي اساهي

بس وين اللي يسوي كذا؟؟؟؟

ياريت الناس تمشي على نهج الرسول وتتخذ من حياته قدوة
ةتطبق اخطب لبنتك ولا تخطب لولدك



خلليها على الله بس

الله اعلم بالحال

امــ حمودي
10/08/2004, 09:58 PM
s2s2s

تقريبا قصتك مثل قصتي في الخطبه لما انخطبت قالوا عنه زين وتمام

لما ملكت مارتحت :confused::confused: وعرفت عن اخلاقه انه موشي والحمد لله اني انفصلت

عنه وقعد كذا ولا ارتبط بواحد اخلاقه موزينه والله يرزق الجميع :shy:



نجمة الفجر

الله يوفقك ومشكوره على طرحك للموضوع

(اساهي2)
11/08/2004, 06:22 PM
اختي نجمه صدقيني هي تبي شوية حركه وذكاء :up:
تصدقين بنت خالي تزوجت قبل اسبوع وبها الطريقه
زوجها صديق لاخوها المهم اعجبه الولد بس مسكين الولد فقير
وبنت خالي من عائله جدا ثريه ومعروفه المهم تدرج معاه بسالفة
الزواج لحد ما قله هذي اختي اذا تبي تتزوج واهي تاقف معك وتساندك
المهم تزوجته والكل يمدح باخلاقه ولا خذو عليه شيء ماغير 30 الف ريال
وبنت خالي عمرها 25 يعني صغيرة بس يوم قلو الرجال المناسب ما خلوه
وهذا المفروض
وانتم توكم صغار لتخلون اليأس يتسرب وبعدين اذا حسيتو ان فيه
احد مناسب يعني جار مثلا او صديق للاخوان او من الاقارب حاولو ترسلون
له احد تمونون عليه بطريقه انكم مالك دخل ولا دريتو :eek2: وخلوه يزن على راسه
لما تدخل الفكرة ويتقدم ويخطب والدنيا الحين صارت تخوف
واخطفوه قبل ما يخطفه احد غيركم :D2 ولاتكثرون الشروط

نجمة الفجر
11/08/2004, 07:28 PM
ههههه

اختي اساهي

اللي يعجبني فيك التفاؤل

ياختي وين ف هالزمن الواحد يخطب لاخته
اصلا يمكن يستحي يطري (اختي) قدام صديقه

وتريدي يعرض عليه اخته

خلليها على الله بس:smile:

بُوران
11/08/2004, 08:04 PM
تصدقون ان عايلتنا الكبيره ماشاء الله عليهم مهرهم لايتجاوز 35 الف والاغلبيه 30 الف ماشاء الله عليهم والله اني مرتاحه ان في ناس يراعون في المهر :smile::smile:

اقول يابنات ومو عن تطنز اقول لكم هذا الشي بس وانا اتصفح مجله في
بنات يرسلون كوبون طلب الزواج اظنكم تعرفون قصدي وتحط المواصفات اللي تبغيها وترى في ناس لهم رزق ماشاء الله عليهم

انتم ايش رايكم اللي يرسل لمجله طلبا للزواج ؟؟؟؟؟:eek2:
يمكنهم فقدوا الامل لانهم حريم ومو الحرمه اللي تروح تدور لها الرجال لا يقدر يدور له حرمه ويتزوجها بس المراه غير واتوقع اسهل طريقه هي
عن طريق المجلات اللي ترسل الكوبونات للزواج

فيهم مساكين على نياتهم بس يبغون زوج مايهم من اي دوله من الخليج

والرجاجيل يبغون وحده مصريه او لبنانيه او سوريه >>والله حاله :pain:

ولا في واحد قريت من مواصفاته انه يشبه وليد توفيق هههههههههه:D2

انتم ايش رايكم :rolleyes:

نجمة الفجر
11/08/2004, 09:59 PM
هههههههه

من حلاة وليد توفق عاد:D2

ضحكتيني


انا بحط اشبه نانسي(الله يعزني):D2

اليوم الثاني الاقي البريد متروس

ثاني يوم بنخطب وبعد اسبوع اتزوج هههههههه

والله ما اخبي عليك..فكرة المجلات تخوف بصراحة

انتي قلتي مثلما في ناس على نياتهم

في ناس ذئاب بعد

بس ما ادري اذا غيري يشجع الفكرة:smile:

ღ رآقيهـ ღ‏
11/08/2004, 10:38 PM
السلام عليكم ورحمة الله وبركاته

انا بصراحة حبيت اعلق بس على كلام الاخت اساهي

بصراحة صارت مع واحد من أهلي

جا واحد من أصحابه وقاله شو رايك تتزوج اخت زوجتي وجلس يكلمه عنها

الحين متزوجين وعندهم ابنين الله يحفظهم ان شاء الله وكثير سعيدين

يعني فعلا ممكن تصير ها الحركة بس يبغيلها صدق بالتعامل وشطارة من قبل الي يتكلم بالموضوع

وبالاخير ها الشي نصيب

والله يوفق الجميع بالزوج الصالح يا رب

بُوران
12/08/2004, 12:44 PM
نجمة الفجر

تؤبريني على هاي الضحكه :D2:D2

يمكن هو صحيح يشبه وليد توفيق ولو انه وليد توفيق مثل ماقلتي مو لذاك الزود حلو :pain:


انا بحط اشبه نانسي(الله يعزني)

اليوم الثاني الاقي البريد متروس

ثاني يوم بنخطب وبعد اسبوع اتزوج هههههههه

هههههههههههههههههه والله تصير في اقل من اسبوع اذا انك تشبهين نانسي عجرم ........... ترى شبابنا مع الاسف يدور الحلوه مثل المطربين وباقي طقتهم
نااااااادر جدا جدا يدورون على الاخلاق :down:
يبونها حلوه عيون خضر لو ودهم عيون بنفسجيات بعد :shy:

والصراحه ما أيد المجلات لانها تخوف مثل ماقلتي بس في ناس مثل ماتقولين فقدوا الامل والله في وحده عمرها تقريبا 36 شو بيدها حل ثاني غير المجلات :rolleyes::rolleyes:

نجمة الفجر
12/08/2004, 10:02 PM
36؟:confused:


آآآآآآ5 اخاف يجي علي يوم واصير كذا:confused:

ساعتها والله ما اعرف شسوي

اتقد بكرس حياتي لشي مفيد

اربي عيال غيري مثلا..اتبنى يتيم..

اسوي بزسنس..حتى ولو ما راح يعوض عن الامومة:confused:

بُوران
13/08/2004, 12:17 AM
نجمة الفجر


لا ان شاء الله اذا لك رزق في السماء ماراح يضيع ان شاء الله

ولا ازيدك الحين انا في المجله اللي قلت لك عنها الله لايبلانا ان شاء الله وحده عمرها 45 سنه:rolleyes::rolleyes: كسرت خاطري وتبغيه ارمل او مطلق عنده عيال لامانع تقول وكانت موظفه شوفي عاد كانت موظفه ومتقاعده حاليا وفتحت لها الحين مشغل خياطه وراضيه انها تاخذ واحد عمره 45 -52 سنه >>>>> الله يرزق لها ان شاء الله بس اللي لفت نظري في طلبها ان من مواصفاته ماتلبس الحجاب الصراحه حزنت علشانها
لاني اقول يمكن اذا تحجبت الله يرزقها ان شاء الله وتبغاه وسيم وموظف او تاجر .................

وانتي الحين تخافين من 36 ترى في المجله هذي الاعمار بعد 38 و 37 و45 قولي الحمد لله على كل حال والله يرزقنا ان شاء الله
وان شاء الله ماراح تربين الا عيالك انتي انتي بس ادعي ان الله يرزق لك وادعي لخواتك اللي مثلك ولاتقولين كل شي فات لا ان شاء الله لك رزق

نجمة الفجر
13/08/2004, 12:41 PM
امييين ياااااااارب

انا بعدني ما دخلت الثلاثين واحاااااتي..

اللهم اجعل لي من كل ضيق مخرجا
ومن كل هم فرجا ومن كل بلاء عافية
اللهم امييين وجميعا ياااااااااارب

Miss Wanted
14/08/2004, 03:49 PM
بصراحة انا عائلتي فيها وايد بنات عنسوا للاسف ..و امي خايف اصير مثلهم ... :pain:

مسكينه عمتي عمرها الحين 37 ولين الحين ما تزوجت ..مع انها ماشالله عليها ..دين و اخلاق و جمال!!
والله اني يتقطع قلبي عليها ..قبل لا افسخ خطوبتي كانت تقنعني اني ما افسخها ..وتقولي ترا وايد صعب انج توصلين لهذا العمر وانتي ما عندج ريل و بيت و عيال.. كسرت خاطري لما قالت : والله لو كان خطيبك اكبر مني لقلتلك عطيني مهرك اتجهز فيه!!!
واتزوج بدالك

يارب انشالله تتزوج قريبا و يستر عليها


اللهم ياحي ياقيوم ياذا العزة والجلال ترزقها و ترزق بنات المنتدى و كل بنات المسلمين بالازواج الصالحين

girl_love4ever
14/08/2004, 04:09 PM
الله يبعدنا عن ها السالفة و يرزق الكل

نجمة الفجر
14/08/2004, 10:24 PM
Miss Wanted

عورتي قلبي على عمتك:confused::confused:

نحنا معانا بالدوام وحة عمرها تقربا 35 او 36

ما تزوجت وامها توفت وكل اخوانها متزوجين

والله لمااشوفها اتذكر نفسي:pain:اقول يمكن الله لا قال اصير مثلها

ياربي الله لا يقدر اعنس:confused:

ويرزق كل بنات المسلمين بالستر

نجمة الفجر
14/08/2004, 10:27 PM
girl_love4eve

امييييييييين يارب

ام ربى
14/08/2004, 10:48 PM
يوه انا احاول انسى هالموضوع..


لا........وابشركم










































بعدني زي ما انا..لا خطوبة ولا زواج..لا وبعد الدوام الاسبوع الجاي

وما اخبي عليكم كنت متأملة كثير في هذي الاجازة..والصراحة نفسيتي

صارت زفت..نفسي اطق كل واحد اشوفه قدامي..



بس ربك كبير:pain:


ها يا"نجمة الفجر"

نلعب طاق طاقية:D2:D2

شكل اخرتها بنهستر:confused::confused:

ونتم كذا:confused:


الله يرزق جميع البنات بالازواج الصالحين:pain:

نجمة الفجر
14/08/2004, 10:59 PM
آه يا ام ربى

الحين انتي لويش مسمية نفسك ام ربى:D2

على سالفة املك في الاجازة

انا كل رمضان اقول هذا اخر رمضان ببيت اهلي ان شاءالله

يجي رمضان ويروح رمضان ويجي العيد ويروح العيد

وانا مثلما انا:pain:


اخرتنا بدار العجزة:D2

ام ربى
14/08/2004, 11:25 PM
:D2ها حبيبتي"نجومة" ادلعك:D2


تبين الصراحة سميت نفسي "ام ربى"بالصدفة جت وعلى الله:D2


ما ادري اسم والسلام...الله يرزقني ببنت اسميها"ربى"


وتري معنى ربى (العلو والارتفاع) حلو "صح"


تصدقين من كثر ما افكر في الزواج اتابع كل شي يخص العنوسة

برامج ومجلات ونت..لا واخوي من كثر ماهو راف بحالى..ماعد يبيني

ادخل نت خاصة"عروس"يقول مواضيع الزواج تتعبني

ويقول انسي كلمة"عانس" هي اللي بتدمرك..خلي اتكالك على الله


وصدقتي اخرتنا بدار العجزة
:D2

سيدة مجتمع
15/08/2004, 12:40 AM
اخواتي الحبيبات

الله يسر اللي فيه الخير ..ويفتح ابواب رحمته ..لان رحمته كبيره وتسع جميع خلقه ..

وانشاء الله يكون هذا الموضوع فاتحة خير على الجميع

وماتم بنت في بيت اهلهااااااااا الا ومتزوجه

يارب ياكريم ..

ولا تيبون مسمى عنوسه على لسانكم ..لان هذه الكلمه بروحها تجيب المرض والغم

فليش ماتكونين متأخره عن الزواج لاسباب لايعلمها الا الله ويمكن لان في هذا التأخير خيره لج ..

وبدال ماتقولين انا عانس قولي انا متأخره عن الزواج

ودائما ادعي والله مابيخيب الرجاء ان شاء الله

وانا ان شاء الله اذا الله راد بسير العمره خلال هذه الايام
وبدعيلكم كلكم وهذا وعـــــــــــــــد

بس ادعوا ان الله يوفقني واسير

اختكم المحبه

ام ناصر 2000
15/08/2004, 02:11 AM
الله يزوج ان شاء الله جميع بنات المنتدى

بالنسبة لهالموضوع انا كنت افكر فيه واااايد وبالذات لين اشوف صديقاتي تزوجوا وصار عندهم عيال وحياتي كانت ملل في ملل من البيت للشغل ومن الشغل للبيت وهالموضوع ما كان يشغل بالي لين كنت في 24 من العمر بس لين وصلت 29 (بعد كم يوم ادش 30) بديت افكر وبالذات امي اللي كان يبين على وجهها الحزن لين حد يطرش لنا بطاقات العرس مع اني والحمد لله جميلة بشهادة الجميع وموظفة :cool2:(بس الحلو ما يكمل) ودايما كنت معتقدة اني مابتزوج واعلق على كلام صديقاتي ان الله يحبنا ويمكن ما بيزوجنا عشان مانتزوج واحد شرير يلعوزنا ليل ونهار فنعيش معززات ومكرمات بيت اهالينا:D2 المهم:D2 (قاعدة اكتب فيلم هندي ) المهم استحملوني

فجاه وبدون مقدمات جاء النصيب:shy:(الله يخليه لي ويحفظه) بطريقة ما كنت متوقعتها والحمد لله مع ان لي اخت اكبر مني بسنة واختي توها متخرجة من الجامعة غير متزوجات

فلا تقولون خواتي كلمة عانس بل الغوها من قاموسوكم وعيشوا يومكم واستمتعوا به :smile:

واذا الله كاتب لج تتزوجين بتتزوجين غصبا عن اللي يرضا واللي ما يرضا

ماسا
15/08/2004, 07:34 AM
انا كلما ادخل المنتدى لازم اتصفح الموضوع
وكلما اقول لنفسي ما ابغى ادخله حتى ما اتضايق الاقي نفسي على طول داخل الموضوع والله ما عندي شيء اكتبه بس ابغى اقول اي شيء
يمكن لاني ما اقدر اتكلم قدام احد من اهلي آآآآآآآآآآآآآآآآآآآآآآآآآ ه من كل قلبي
بس ان شاء الله يا نجمة الفجر ويا اخت ام ربى وجميع البنات تبشرونا وعن قريب بعد
وان شاء الله يا نجمة الفجر ما يجي شهر رمضان الا وانتي في بيتك
ولا تنسونا من الدعاء

نجمة الفجر
15/08/2004, 10:22 AM
سيدة المجتمع

وقسما بالله انا هذا كلامي وكنت دايما اردده على نفسي

بس خلالالالالالالالالالالالا لالالالاص

ما عاد ياثر فيني (بايعتها):cool2:

الاخ واجد تاخر..اللي حاز ف نفسي اني بتزوج شايب:confused:او مطلق او عازب

ايوة ولا مافي واحد صاحي بيخطب وحدة اخر العشرين

يبغيها 22 -23 ان كثر 24
يبغى يستمتع الرجال:D2


الصبر بدا ينفذ..لولا قوة ايماني بربي كان الحين....................


ربك يستر بس

نجمة الفجر
15/08/2004, 10:27 AM
ام ناصر هلا عيوني

والله زين الف مبرووووووووك

بس ياريت تردي على اسئلتي بالخاص:smile:


الله يوفقك يارب..ويرزقك بالذرية الصالحة

نجمة الفجر
15/08/2004, 09:04 PM
هلا اختي ماسا

الحال من بعضه والله
الاه واقفتلي في بلعومي

الله يفرج همنا ويبدل همنا بفرح كبير وطول العمر


اكيد بتفرج ان شاءالله

بس الصبر..وينك يالصبر:( :(

همبايه
21/08/2004, 06:04 PM
آآآآآآآآآآآآآآآآآآآآآآآآآ آآآآآآه يا ربي .. احس ان هاليوم بعيييييييييييييييييد عني كل البعد .. اصلا انا والسعاده متضاربين مادري ليش .. من يوم فصخت خطوبتي وانا كل ابواب الفرح انسدت ابويهي .. لا شغل لا ريل لا سعاده ولا راحت بال ولا شي ولا شي عايشه وكاني مب عايشه .. ساعات اشك بانوثتي :D2 بس فديتني ماناقصني شي الحمد لله والكامل الله .. والله كريم .. والمشكله ان البنات في عايلتنا بسرعه يطيرووون حتى خواتي مادري على حظي انا وقف كل شي .. سبحان الله .. ساعات احس اني مب طبيعيه :down:

محبة الحياة
21/08/2004, 07:43 PM
عليكم بسورة البقرة .. إقروها كل يوم .. والله ييسر للجميع إن شاء الله ...

Flower77
21/08/2004, 11:07 PM
السلام عليكم

ونحن 5 بنات في البيت
وماشاء كل خواتي متزوجات الا اناااااا

ويا فشيلتي انا اكبرهن

يالله .... الله المعين

اللهم استر علينا وارزقنا الزوج الصالح الذي يعيننا على ذكرك وشكرك وحسن عبادتك
اللهم آمين

دراعه
23/08/2004, 08:26 AM
السلام عليكم ورحمة الله وبركاته

كيفكم يابنات >>>>> قريب ان شاء الله تتزوجون وتصيرون حريم :cool2:

بس انتوا الله يهديكم شفيكم على انفسكم بالراحه يعني

اخذوا المساله عاديه
وماتدرون يمكن هذا رمضان اللي يجي بيصير اخر رمضان في بيت اهلكم مثل ماقلتوا
ان شاء الله يارب يرزقكم كلكم كلللللللكم بس هاااا لاتنسون العزيمه مو زي بعض الناس يقولون انتي اول الحاظرات واذا جاء اليوم الموعود
ادخل اخر الحضور وبدون بطاقه بعد

يللا عطوني بسمه .......ابي اشوف الضروس طالعه:D2
وبعد ابتسامه .. طيب علشاني وحده بعد
الحين ابغاكم تبتسمون ابتسامه عريضه من الاذن للاذن وتنسون اللي تفكرون فيه لانه هو اللي بيجننكم زياده:down:

وبتقولون دراعه قالت:shy:

alnasser04
25/08/2004, 11:37 AM
السلام عليكم ورحمة الله وبركاته


مساكم الله بالخير....

تسلمين اختي نجمة الفجر....فتحتي موضوع بيريح كثير من البنات

لانه بيحصلوا حد يشاركهم هموهم ..ولو اني ما حبه اسميه هم الكل برزقه

وان شاء الله العدل بيجيكم كلكم..

انا متزوجه من سنه والحياه الزوجيه تختلف عن حياة العزوبيه وكل وحده

لها ميزتها وما رح اقولك انه العزوبيه احسن لك او الزواج لانه كل انسان


ونصيبه في هالدنيا العزوبيه والزواج كله مكتوب انا كنت مقتنعه بهالشيء

والحمدلله ربي وفقني...

ونصيحه مني اذا تقدروا تقوموا الليل وتطلبوا ربكم قوموا ترى صلاة الليل

ما شيء مثلها..

الله يرزقكن الزوج الصالح ويرزق كل مسلم باللي يتمناه.

وتفائلن خواتي وعيشن حياتكن اليوم اللي يمضي من حياتنا ما يتعوض .

susu_redrose
25/08/2004, 12:07 PM
اااااااااااااااااااه الحال من بعضه والله

الله يرزق كل البنات رجال صالحين