المساعد الشخصي الرقمي

مشاهدة النسخة كاملة : أحتاج نصيحكتم أخواتي



ghadi
13/06/2004, 06:49 PM
السلام عليكم ورحمة الله وبركاته

اخواتي ارجوكم ساعدوني بحل سريع انا حيل متضايقة ومالقيت غيركم اشكيله همي واتمنى تساعدوني وماتبخلون علي باي نصيحة

اول شي انا احب شخص صار لنا سنتين ومتمسكين ببعض ونبي بعض بالحلال ان شاء الله بس المشكلة اهلي معارضين لاني راح اسكن بعيد عنهم ببلد ثاني وانا ابيه ومتعلقة فيه وهو بعد مايبي غيري وقالهم مستعد باللي تبون وانا شاريكم المشكلة الاكبر انهم سالوا عنه وعن اهله ومالقوا فيهم اي عيب والولد طيب وكل يمدح باخلاقه واهله بعد عائلة محترمة ومافيهم اي عيب

وانا ابيه ومابي اخسره:confused:والله اني اصلي وادعي ليل ونهار وعندي ثقة برب العالمين انه مارح يتخلى عني لان نيتنا صادقة ونبي الستر والحلال ومانبي شي بالحرام وكل ماصليت ودعيت احس اني متمسكة فيه اكثر وابيه ومتعلقة فيه

مابي احسر اهلي لاني احبهم ومالي غيرهم:confused:وفي نفس الوقت ابي ارتبط بهالانسان وموقفي محرج لاني بنت موقادرة اتكلم واقول ابيه واخاف احد يشك فيني او يقول تعرفون بعض والله يعلم بنيتي ابي الستر مع هالانسان لاني احبه وهو يحبني

اتمنى اللي عندها اي حل او نصيحة ماتردد تقولها لي لاني حيل تعبانه نفسيا ومتضايقة وابي اتكلم مع احد ومالقيت غيركم اخواتي واتمنى ماتخلون عني

تقبلوا تحياتي
Ghadi

احلى الكلام
13/06/2004, 07:13 PM
و عليكم السلام اختي ghadi

انا بقول تصارحي والدتك انك بدك ياه .. مو ضروري تقولي لها انك بتعرفيه
بس خبريها انك بدك ياه و قلبك مسترح له
الأم دايما احن و ارق و اقرب للبنت من اي احد و ممكن توقف بصفك و هي بتقنع ابوكِ

و صدقي الأهل ما بدهم غير سعادة بنتهم و راحتها و بنفس الوقت اذا ربنا سبحانه و تعالى كاتب الك نصيب فيه ما في شي بيوقف بوجههكم
اذا هو انسان صالح الله يكتبلك نصيب معاه
و نفرح فيكم

تحياتي
:)

نجمة الفجر
13/06/2004, 09:30 PM
هلا اختي العزيزة

ربنا معاك واللي الله كاتبه بيصير


انا بعد من رايي انك تتكلمي مع والدتك او اي شخص له كلمته

جدتك مثلا او امك..

وتخبريها انه البنت مصيرها الزواج..وانا مرتاحة لهالشخص


ونصيحتي لك اختي العزيزة..حتى لو انك تحبينه موت صلي استخارة

ترا صدقيني الحب بروحه ما يكفي

وما في حد اعلم ولا ارحم من رب العباد

ونتمنى لك التوفيق

جـويـل
14/06/2004, 04:15 AM
انا رايي من راي الخوات اذا كاتبه لك هالزواج بيصير ..صلي الاستخارة وبالتوفيق انشاءالله

مرموم
14/06/2004, 08:00 AM
http://www.crearecountry.com/flowerdivider.gif


السلام عليكم ورحمة الله وبركاته

أختي Ghadi...

ما تقلقي أبدا يا أختي...و الله موضوع الزواج هذا نصيب من رب العالمين....لو كل الكون وقف و قال لأ...و الله كاتب هذا الزواج...راح يصير...

ادعي ربك و إنتي متيقنة من الإجابة...ابتعدي عن المعاصي في حياتك...حتى يستجيب لك ربك...

و شوفي اللي راح أقول لك عليه...الموضوع ما راح ييجي تحدي بينك و بين أهلك...

إنتي تروحي لوالدتك...عاملة إنك لا موافقة و لا رافضة...و قولي لها يا أمي أنا متحيرة جدا...إيش رأيك نصلي أنا و إنت صلاة استخارة...و اتفقي معاها على أساس إنك فعلا محتارة...

و فعلا أختي صلي صلاة استخارة...و بعدها تناقشي مع والدتك بكل حب...و قولي لها و الله حاسة بكذا...طيب شوري علي يا أمي و قولي لي لو بعدت عنكم شو راح يصير...و هكذا الكلام يجر بعضه...بس ابعديه عن دائرة الرفض المباشر...

و صدقيني أمك لو حست إنك تحبي هذا الشخص...راح يحن قلبها علشانك...

الله يوفقك يا رب...و ييسر لك كل أمورك ...و نسمع عنك كل خير قريب...بس أهم شيء ما يكون لك أي اتصال بهذا الشخص...علشان ما تكون علاقة خاطئة...و علشان ربك يستجيب دعواتك إن شاء الله...

طمنينا على أخبارك اختي...


http://www.crearecountry.com/flowerdivider.gif

ghadi
16/06/2004, 04:54 PM
مساء الخير

في البداية أشكر كل اخواتي اللي ماقصروا معاي وماترددوا في إبداء النصيحة والرأي لي فعلا أشكركم من قلبي لأني حسيت أن احد شاركني في همي لأني والله ماكنت لاقية احد أتكلم معاه وأصارحه باللي في نفسي :z_thanks:

وراح اسمع نصيحكتم واطبق كل كلامكم وإن شاء الله ربي يساعدني ويعطيني على قد نيتي وهو العالم بالنوايا

والله يابنات نصيحة لكل أخت فعلا إنها تدعي بقلب صادق وبنية وبيقين من الإجابة وربي مارح يندمها وانا الحمد لله أصلي وأدعي وكلي ثقة برب العالمين راح يكتبلي الخير إن شاء الله سواء مع هالشخص او مع غيره

مشكورين مرة ثانية خواتي :up:

Ghadi

نجمة الفجر
16/06/2004, 10:38 PM
الله يوفقك عزيزتي

ويعطيك على قد نيتك

:smile: