المساعد الشخصي الرقمي

مشاهدة النسخة كاملة : مشكلة زواج والدي من زوجة ثانية...



حورية الخرج
27/05/2004, 12:46 PM
بسم الله الرحمن الرحيم
أخواني أخواتي حبيت تشاركوني مشكلت أبي وآخذ رايكم بصراحه .....المشكله بدأت منذ أن تزوج من إمرأه ثانيه غير أمي واليكم القصه باالتفصيل 000000
أ[ي عمره الأن 40سنه وأمي عمرها الأن 33سنه تزوجها منذ ان كان عمرها 14سنه وهو كان عمره انذاك 20سنه لديهم الأن ثلاث بنات وولدان وأنا الكبيره وعمري الان 18سنه وله مع أمي 19سنه في خلال هذه المده لايوجد اي نوع من انواع المشاكل بل على العكس كانو متفاهمين والحب موجود لدرجه كبيره الكل يشهدها وأمورهم كلها تمام والحمد لله وأحب أقولكم أن أمي تتمتع باالشباب والجمال علي حد كبير والروح الجميله وخفة الدم وصراحه ماأمدحها علشانها أمي بس والله أقول الحقيقه الي الكل من أقاربنا يعرفها ويتمناها في زوجته بس ابي الله يهديه غلط غلطة عمره وابغاكم تساعدونه وتدلونه على الطريق الصحيح 000000
في يوم من الأيام تزوجت انا وبعد زواجي بيومين ماتزيد تفاجأت أمي انه انه تملك يعني كتب كتابه على وحده نعرفها المهم أمي زعلت وتنكدت وبكت وعاتبت وهو يحاول يهديها ويقنعها ويقول أنتي الأوله أنتي الحب كله انتي كل شى في حياتي الحرمه الثانيه لاتعتبرينها شي ابد وصدقيني مافيك قصور ومن هاالكلام الي انتو خابرين 00طبعاًكل هذا صار بعد زواجي وأنا مسافره ما أدري عن شي المهم أمي غصب عليها تقبلت الموقف وقالت في نفسها يله خلني أصير أحسن منه وأقابل الأساءه باالزين وان شاالله مرده لنا وممكن تكون نزوه او حب تجربه مابااليد حيله 00
المهم بعد شهرين من عقد القران تم الزواج وكان أبي خلال المده المذكوره تعبان نفسيا وده يتراجع بس مو قادر يقول حرام أضلم بنت الناس
وبعد الزواج أمي وقفت معه وقفة رجال ذهبت اهي وأخواني عند أختها أسبوع كامل حتي تنتهي فترة أسبوعها لأنها كانت بكر بعد كذا سارة الأمور ليله وليله وأمي والله تتقطع من جوا بس صابره لأجل العشره الي هانت علي ابي وصابره لأجل أخواني وخواتي ومره تضيق ومره تصبر ومره تنقهر ومره تقنع نفسها والله ماألومها والله يلوم الي يلومها المهم 000000
المشكله ان أبي ماقدر يتأقلم مع الوضع وده يترك بنت الناس لاكن مو قادر يقول حرام مالها ذنب يقول والله اني أغصب نفسي عليها مالها مكانه في نفسي ابدًاًوش اسوي ماني قادر اكمل معها المشوار ولاني قادر أطلقها خايف أضلمها إذا عاشت مع رجل جسم بدون روح وخايف أطلقها وأجني عليها حياة أمي وابي صارة فوق تحت ابي صار مهموم ومتضايق لأنه مو عارف وش يسوي وأمي نفس الشي مهمومه ومتضايقه من ضيقة ابي 0000
إذا راحت اجديده لأهلها مجرد زياره يفرح ابي يتركها بدل اليومين أسبوعين وإذا راح يجيبها ركبه الهم الغم يقول أمنيتي ان اهي الي تزعل وتتطلب الطلاق عشان ارتاح لاكن هذا من المستحيلات لانه والحمدلله يخاف الله فيها ويعاملها أحسن معامله باالرغم من انه مايحبها 0000بعد كذا اقترحت أمي عليه إقتراح 00000
قالت له صارحها وقول لها الي في قلبك وأتركها تختار فصارحها وقال لها يابنت الناس انا قلبي مملوك لغيرك لأم عيالي وانتي مجرد زوجه وبس وخايف أضلمك معي وأنتي ماترضين تعيشين مع زوج جسم بدون روح قالت أجل ليش تزوجتني قال صدقيني ماتزوجتك من أجل قصور في ام عيالي بس حبيت ان يكون عندي حرمه ثانيه والله ماهقيت ان الزواج الثاني بهاالمراره يمكن لأني أحب أم عيالي حب قوي ماأدرى00000المهم قالت له عادي انا راضيه بس مابغي اتتطلق حس انها تمسكه بيده الي توجعه لأنها واثقه انه ماراح يضلمها وأهو عادي يتعب مايتعب باالطقاق المهم 000
الحين له سنه واربع شهور وهو على هاالحال يوديها لأهلها على انه بيطلقها ويرتاح ويرجع مره ثانيه للهم والغم وإلي الأن وهو تعبان اتعبه التفكير وماقدر ياخذقرار يايطلق ويفك بنت الناس ويرتاح ويريح او يواصل الحياة ماقدر في الثنتين
وامي تعبت أعصابها من هاالموضوع كل ما قالت في نفسها ان شاالله الأمور راح تتحسن ترجع وتتعقد وسبحان الله بنت الناس يحاول مايجرحها يوديها لأهلها وهو في مخه انه بيطلق ويفهمها انه علشان ترتاح او عشان الأمتحانات أو 0أو.أو0أو 0000وأمي بس لها التفكير لأنه حاس انه بيوم من الأيام راح يتركها يراعي مشاعرها على حساب نفسه 000
نسيت أقولكم ان الزوجه الثانبه بدون مبالغه معدومة الجمال يعني فرق السماءعن الأرض باالنسبه لأمي وفي سن أمي الأن وتحتها خواتها خمس في سن الزواج ماتزوجو عشان كذا ابي شايل همهم الله يهديه بس كأنه ارحم من ربي في خلقه 000
أرجوكم تفاعلو مع موضوع ابي لأنه متعبنا كلنا وخاصة ابي الي الحل والربط بيده بس مو قادر تحت شعار بنات الناس مو لعبه طيب يله عش حياتك بين الثنتين زي أي واحد عنده ثنتين يقول مو قادر بعد وش السواة ياجماعة الخير هل إذا طلقها في هذا ظلم لها باالرغم انه مو قادر يعيش معها لدرجة ان دمعته على خده بعض الأحيان من الحيره 000لعل اللع يبدلها زوج أخير منك لايكلف الله نفساً إلا وسعها وجزاكم الله خير

واسفه أوجعت روسكم بقصت ابي بس والله تراه تعبان وباالحيل تعبان وسلامة الجميع:o

ريم81
27/05/2004, 12:57 PM
الظلم هو فعله بنفسه و يفعله بأمك و بنت الناس الآن

لماذا تزوج والدك المرأة الثانية أصلا
كم هو غريب موقفه......
إذا كان لا يحبها ...فليطلقها

مرموم
27/05/2004, 09:53 PM
http://www.crearecountry.com/flowerdivider.gif


السلام عليكم ورحمة الله وبركاته

أختي أعذريني على صراحتي...

بس ليش تزوج مرة ثانية والدك ؟

يعني مثل ما فهمت...والدتك مال و جمال و جابت العيال...

و هو اتزوج واحدة في نفس سنها...يعني ما دورة مثلا على واحدة صغيرة...علشان نقول عايز يجدد...

هو فعلا ظلم معاه بنت الناس...و الله أنا بالي عليها الحين...بالذات بعد ما صارحها المسكينة..صارت حاسة إنها دخلت العيلة...و إنتوا مش عايزينها...و لا حتى زوجها...صارت عارفة إنه زوجها معاها بدون قلب و مشاعر و عواطف...

و أتعاطف مع والدتك بشدة...و أقدر صدمتها مما يجري...بالذات أنها تجد والدك مشتت...و زواجه لم يكن لسبب معين...و هي من عاشت معه طيلة 19 عاما حياه هادئة مستقرة...

بصراحة...والدك هو اللي اختار...و ما شاء الله هو كبير و قادر يتحمل نتيجة اختياره...و حرام عليه يظلم بنت الناس...شو تقول لأهلها لما ترجع لهم مطلقة ؟ زوجي طلقني لأنه اكتشف إنه يحب زوجته الأولى...و ما يحبني؟!...ترضي زوجك يعمل معاك نفس الموقف ( لا سمح الله )...

اللي نرضاه لنفسنا نرضاه لبنات الناس...هدوا والدكم و اقنعوه يعيش حياته عادي ...و أهم شيء يعدل بين زوجاته...و لو زوجته الثانية طلبت الطلاق...هنا يطلقها و باله مرتاح...

الله يوفقكم يا رب...

أختي راح أغير عنوان الموضوع...لأنه ما له علاقة بالمشكلة..


http://www.crearecountry.com/flowerdivider.gif

حورية الخرج
27/05/2004, 10:45 PM
صدقيني ياأخت مرموم حاول كثير وحاولنا معه حتي امي حاولت معه لاكن ماقدر المسكين والله ماقدر
ولا قدر يطلق مسكين ابي جنى على نفسه كأنه أخذ حجر وضرب به راسه

ام ربى
28/05/2004, 12:38 AM
باناس على بالكم الطلاق سهل...........حطي نفسك مكان هالمسكينه....


أنا عارفه انك مراعية شعور امك.بس المسكينه وش ذنبها.وتري الرحمه حلوه(ارحموا من في الأرض يرحمكم من في السماء)


السؤال اللي دائما يطرح نفسه ابوك ليش تزوجها؟


خلي الجمال على جنب لانه مو مقياس..بالعربي ابوك بعد ماتزوجتي جريت الفلوس في يده ........فكيف يطيرها؟ زي ماقال المثل(اللي معاه قرش محيره يجيب حمام ويطيرة).

بمعنى اصح لجأ الى انسب طريقة وهي الزواج............صح ولا لا.

فعذريني اذا قلت ان معاه حق في قولت (انه ظلم بنت الناس) وعشان يصلح غلطته المفروض انه ما يطلقها ويعاشرها بالمعروف.


وياأختي........ ابوكي ما كان راح يصل الى هذه الحاله الا بالزن(فاهمه قصدي)

حاولي انك تهدين ابوك .وتقنعين امك انها تقوله انها راضيه تعيش مع ضرة

ومدام صبرت من أول خليها تكمل جميلها ...........وبالله التوفيق

وفيقة
28/05/2004, 04:28 AM
والله نفس حالة أبوي ... سبحان الله .. من كثر ماهو مش متأقلم معاها ومو حابها ..
إذا جات وقعدت يمه قالها وخري عني وبس ساكت ولا بينهم نقطة إلتقاء هو جامعي وهي متوسط والفكر جدا مختلف .... وأمي أحلى منها بوااايد وجامعيه وصغيره ..

وهو مو عارف شسوي فيها خصوصا إنها حملت من وراه ورمت الحبوب .. كأنها حاسه إنه مايبيها .. قالها بطلقك وأعطيك فلوس قامت تصيح وما تبي .. وأحنا ماندري شنسوي .. والله خربت علينا حسبي الله ..
بس هذي مشكلة اللي يتزوج وهو يحب مرته الأولى ومافي بينهم مشاكل ...:down:

حنين العشاق
11/08/2004, 02:44 AM
:confused:انا رايي من راي الاخت
والمفروض امك تفرح انها
ضره مو عشيقه يعنى زوجه بالحلال

وكلام اختى ام ربى صح
لان الجمال مو مقياس
اهم شئ طهارتها وعفتها
وروحها الطيبه

وعلى فكره الطلاق مو سهل
انى فى عائلتنا جربناه مرتين
والنتايج سلبيه

فأنتون حاولوا تقربون ابوكم من زوجته
الثانيه وانتون بعد اتقربوا منها
لانى حاسه انها طيبه وحبوبه
ولا تظلمونها ويش ذنبها تبغي
تكمل نص دينها بالزواج

:confused:

تميم
11/08/2004, 03:08 AM
[ALIGN=center]أنا طبعي كذا كذاب؟؟؟

أتكلنا على الله


الموضوع اللي قريته يوجع القلب بس حله موجود طالما أبوك من أهل

الجود ولا وده يزعل بنت الناس ويصبح طبعه جحود


لا مو قصدي وبدخل في الموضوع على طول بس بدون العواطف النسائية


* البنت متزوجه من أبوك سنه ونص الأن ؟؟؟ ما عندها منه عيال؟؟

طبعا ما عندها وكيف راح يصير عندها عيال والبنت عند أهلها ثلاثة ارباع

السنه وفوق كذا مو طايقها؟؟؟


أما زواج بمعروف أو يطلقها بأحسان

ومن هنا فأنا أرى أن يطلقها والدك ومن بعده راح تتوجع شوي وينتهي

الموضوع بدلا من الأستمرار بهذا الشكل ألغير مرضي وألغير لائق نهائيا

وكان من واجب الوالد قبل الزواج ولما حس أنه ما يبي بنت الناس أن

يتراجع لأن البلا وقتها كان أهون ولكن وبرغم كل ذالك ومن بعد مرور كل

هذه الفترة ولا زالت مشاعره باردة من ناحيتها لا داعي لحرق المشاعر

وتعريض الأمر للمخاطر


ليطلقها وبدون تأخير وليدفع لها مؤخر صداقها أن كان لها مؤخر وليحسم

الموضوع نهائيا وبنت الناس من بعده ما راح تموت بل بالعكس يمكن يكون

خير لها ويبدلها الله برجل ثاني يحبها ويمنحها حياة كريمة ملئيه ومحفوفة

بالمشاعر الصادقة والمتبادلة



شكري وتقديري ودائما تمنياتي بالتوفيق




المسافر

^^^بنت المطر^^^
11/08/2004, 03:11 AM
لاحول ولا قوة الا بالله اولا:اسمحيلي ابوك غلطان اذا يحب امك وعاجبته ومرتاح معاها ليش يتزوج...الزواج مولعبه... ثانيا:زوجته الثانيه شلون راضيه على نفسها انها تكون زوجة واحد مايبيها وين كرامتها وشنو المشكله اذا صارت مطلقه اشرف من انها تكون زوجه لواحد مايبيها ويتمناها تطلب الطلاق... ثالثا: ان البنت تكون مطلقه لاهو عيب ولا حرام والمشكله في نظرت المجتمع المتخلفه للمطلقه ناسين انها ممكن تكون امهم او اختهم...ماأقول الا الله يهدي الجميع ويصلح حالهم ويعين امك ويصبرها...

ام ميرال
13/08/2004, 03:41 AM
والله رحمت البنت المسكينة

هي رضت بكلام ابوك لما قال لها ان قلبه مع امك

والمسكينة صابرة وراضيه عشان ماترجع لبيت ابوها مطلقة وعنده برضه كم وحده ماتزوجت:pain:

من جد حزنت على هالبنت الله يعوض صبرها خير

لازم ابوك يحدد موقفه منها حرام البنت عمرها 33 سنه اكيد تتمنى الخلفه والاولاد وابوك مايرغب في ذالك دامه مو طايقها؟

عشان كذا الافضل انه يطلقها عشان ان شالله ربي يعوضها خير وتتزوج وتخلف احسن ماتجلس معلقه

ادري الطلاق مو سهل بس احسن من ان تستنى عمرها مع واحد مايحبها

ولا راح تنجب منه

والله مسكينة:confused:

نجمة الفجر
13/08/2004, 12:58 PM
استغفر الله العظيم

الله يعينكم على ما بلاكم


لكل خطا عقاب وهذا عقاب ابوك انه بدون سبب راح يتزوج على امك

خلليه يصبر وله الاجر ان شاءالله

الريم ه
14/08/2004, 10:57 PM
اختي انا ودي اسألج سؤال
هل هي عايشه مع امج بنفس البيت؟
هل انتو تشوفوها يعني؟
هل فعلا انتو شايفين انه ابوج ما يطيقها؟
هل سمعتوا منها هي شخصيا انها راضيه رغم عدم محبه ابوج لها؟
قصدي انتي وامج من وين عرفتوا كل هذا؟ هل من ابوج لوحده؟ او منه ومنها؟ او لانكم شفتوا هالشي قدام عينكم؟

انتظر ردج الغاليه

وبالنسبه للاخ المسافر ترا الحل اللي اقترحته ما يناسب الجميع
ممكن يناسب البنت اللي اهلها بالنسبه لها عزوه وما يرضوا الذل على بنتهم واللي عارفه تسد نفسها واللي المجتمع ما راح يقسو عليها انها مطلقه
لكن مجتمع يعزل الحريم لمجرد انهن مطلقات ويظلمهن ويسد ابواب الحياه في وجوههن فهذا مجتمع اصلا لم يطبق كلام الله في حياته ليطبقها في هذه المشكله مثلما تفضلت
التسريح باحسان يا اخي يكون في مجتمع وعايله لا ينظرون للمطلقه على انها فضله الزاد
فاعذرني لو ان هذي الحرمه كانت عارفه انها بتلقى الانصاف من المجتمع واهلها ما رضت على نفسها الاستمرار مع انسان يكرهها ولكنها اكيد تشوفه الافضل في خيارين احلاهما مر

انتظر رد الاخت على اسألتي

أم أنوار
16/08/2004, 12:24 PM
والله سمعو رائي الشخصي وأتمنا ما حد يزعل منه.


خلي أبوك يطلقها عشان تكون عضه وعبرة للي تسولها نفسها وترضى تتزوج رجل متزوج وعنده أولاد .

لا تقولو لي أن الشرع حلل أربع وأن الرسول صلى الله عليه وسلم كان يعدد .

مافي وجه مقارنه بين الرسول عليه الصلاة و السلام وبين رجالنا الحين أنا ما أذم رجالنا وبنفس الوقت ما أقول أن التعدد حرام لكن يا جماعة الرسول صلى الله عليه وسلم كان غيرررررررررررررررر وحياتهم كانت غير من يقدر يوصل لعدل الرسول ولسماحته وطيبته وعطفه وجيع الصفات اللي تحبها الوحده انها تكون بزوجها صدقوني رجالنا الحين ما يوصلو لربع الرسول .

اللي يقهر أن بعض الرجال كل ما تحاولي تكلميهم الشرع حلل أربع طيب طبقو اشياء أخرى للرسول غير التعدد.

عموما الكلام كثير وأبوك غلطان من البدايه صحيح هو حرام يطلقها الحين بس أفضل له لو ما يحبها يطلقها الحين ولا بعدين من تحمل ساعتها بتكون ملزومه منه ومنكم . وخلها تتحمل مسؤلية كونها كضره والله سبحانه مراح ينساها .

بصراحه أنا ما أدري شو بعمل لو زوجي عمل معاي نفس عملت أبوك بأمك بعد كم سنه :mad2: :mad2:


الله يهدي أزواجنا ويصلحهم قولن أمين

وفيقة
16/08/2004, 01:13 PM
أختي حورية الخرج .. بالضبط بالضبط بالضبط نفس سالفة أبوي ... وسواها بعد زواجي وخبي عني السالفه لأني كنت حامل ... وهو الحين وااااايد متوهق لأنه ماحبها أبدا ابدا .. بس يخاف ربي يعاقبه في بنته اللي هي أنا .. يقول كلما فكرت أطلقها تجين انتي على بالي .. والوضع في البيت متأزم بسبة السالفه هذي .. والمشكله هي متمسكه في ابوي لأبعد حد مادري شحابه فيه وهو مايعطيها وجه ... وهوقالها لاتحملين وعطاها حبوب وخدعته ورمتهم .. وهي احين توها والده .. وزادت الأمور تعقيد .. شنو يسوي في هالطفل .. المشكله انها أجنبيه مالها أهل هني يعني لو طلقها وين بيروح الطفل .... ؟؟؟
آآآآآآآآآآآآآآآآآآآآه والله معاناه واللي يسمع غير اللي يعيش ...confused::confused::confused: