المساعد الشخصي الرقمي

مشاهدة النسخة كاملة : ياتافهه 000ياتافهه 000 ياتافهه 000ياتافهه0



بشاير22
16/04/2004, 11:32 AM
ياتافهه ما تعرفين شتقولين00000لا سلوب لا منطق ولا حتى ثقافه

باقي اركبلك جناح وتطيرين00000مدخله نفسك مع اهل الصحافه

من وين جيتيني وان جيتك منين0000كنت احسبك عقل ودلال ولطافه

صحيح مزيونه وعينك ماهي عين00000والموت الاحمر كل من جاك شافه

الزين يبقا سنه سنتين وبعدين؟0000وش فايدت زينك اذا العمر طافه

انتي من اول ما عرفتك وللحين0000ما تعرفين الذوق هرجك لقافه

بيني وبين مقرد الخلق شبرين00000شبرن يجي دونه وشبرن خلافه

ما جيتك اشكيلك من الهم والدين0000وما جيت ادور في مكانك ضيافه

انا احمد الله اعرف الزين والشين0000وكلن على رجله يقدم لحافه

الحب كلمه تجتمع بين قلبين0000ماهوب عمله تنصرف بالصرافه

اما افهميني زين والا على شين00000الرجل لامن كدره شي عافه

تكفين؟ لا والله ما اقول تكفين0000اقول روحي ما وراها حسافه0

رياض الخبراء
17/04/2004, 05:52 PM
بشاير22
حلووووووه
بس القصيده لمين
هل هي من قصائد طلال السعيد

بشاير22
18/04/2004, 12:24 PM
القصيدة للشاعر : فهد مناور

الحيرانه
18/04/2004, 12:50 PM
تسلمين اختي

الجمره اللطيفه
18/04/2004, 02:00 PM
شكرا لك اختي الكريمه قصيده جميله وأنا بصراحه أرسلتها لشاعر كويتي وطلبت منه أن يدافع عن بنات حواء فارسل لي هذا الرد وحبيت أحطه لكم عسى أن ينال أعجابكم (( معذره لن أكتب أسم الشاعر ))


التافهه خطتلك اليوم بيتين
ردا على ابياتك وزود بسخافه
التافهه تسوى مثلك ملايين
التافه خلتــــــــــك بالشعر آفه
التافهه خلتك تكتب دواوين
وجروحها بقلبك صعب أتشافه
نسيت اللي منها عشت بالبين
وخلتك نوم الليل كلـــــه تعافه
من شاف كلامك امس ماشافه الحين
وين قولك دنيتي عقبك حسافه
نسيت يوم تقول ليتك تمرين
من صوب عيوني أذا مافيها كلافه
واليوم أشوفك نافخ الريش يالشين
نسيت أن من عافنا القلب عافه
طيرت نفسك فوق بالقاف ألفين
وأنت حدك الظاهر عامل نظافه
أياك تدش الحرب من غير تحصين
خلك بعيد مادام ظلـــــــك تخافه
وبختامها أقلب وجهك من الحين
هذا جزا منهـــــــــو بدا باللقافه


سلامتكم :up: ؟ :down:

عطوني رايكم

froha22
18/04/2004, 02:42 PM
:clap::D2:D2:D2
القصيدتين ..
روووووووووعة . مشكورين ..

المزيــــــونه
19/04/2004, 09:32 PM
:clap:

:clap:

:clap:

القصيده خطيره...

والرد تهزئ قوي...