المساعد الشخصي الرقمي

مشاهدة النسخة كاملة : ميّاس..تقول(كيف تديرون منازلكم))المتزوجات بس...اما البنات لا بعدين.



ميّاس
27/03/2004, 06:41 PM
السلام عليكم ورحمة الله وبركاته

<<عندي موضوع مسبب لي قلق قلت اعرضه عليكم وكلّي
امل انكم تساعدوني برايكم
بنات كيف اديّر منزل؟؟ لاتستغربون؟
عطوني نصائحكم تجاربكم؟؟
يعني كيف المتزوجه تنظم وقتها؟
انا ماابغا يلاقي علي طريق
يعني ابغا اهتم بكل شي من نظافه المنزل والاكل والبيت والضيوف وهو بعد ما ادري من خبرتكم وش يريح الرجل؟
يعني شلون اكون زوجه مثاليه<<تبطين
:D2

هاه بنات فهمتو علي؟؟
عطوني تجاربكم؟؟
المشكله انه اكثركم متزوجات كيف تلاقون وقت للنت؟؟؟؟؟

با الله عليكم خبرونيي

ميّاس
27/03/2004, 07:02 PM
:no: :think:

وين اللي قرو موضوعي؟؟

النمرة الجريحة
27/03/2004, 07:20 PM
شوفي انا رديت عليك... أنا طيبة :shy:

لكني مو متزوجة:sad:

اذا انتي بتساعديني جزاك الله خير..:smile:

أختك
:flower:النمرة الجريحة

عبير الشوق
27/03/2004, 07:22 PM
اختي العزيزة مياس ... صج اني ما صارلي الا 4 شهور متزوجة بس اعتقد اني اقدر افيدج بجم شغلة .. اول شي بالنسبة لترتيب و تنظيم البيت وبالذات لزوجة موظفة شي جدا صعب .. بس مع تفهم الزوج و شطارة الزوجة تمشي الامور .. يعني مثلا بالنسبة للاكل .. انا اضطر اطبخ من بالليل غدا ثاني يوم .. بحيث اني ارد من دوامي اسخن الاكل و اجهزه لزوجي .. و بالنسبة لترتيب و تنظيف البيت .. انا معتمدة اعتماد كلي على يوم الخميس لانه زوجي يداوم فيه .. اقوم من الصبح انظف الشقة من فوقها لي تحتها ما اخلي شي بالشقة ما اسويه سواء من تنظيف الطوف و السقف و فتحات التكييف .. و الاثاث و الطاولات و تنظيف الأرضية و المطبخ و الحمام و غسيل الملابس .. كل شي كل شي بالشقة .. بحيث اني طول الاسبوع ما يكون علي الا اني امسح هني و اشيل غبار من هناك .. يعني يكون شي خفيف و بسيط .. و بالنسبة لاهتمامي بنفسي .. فاقولج بصراحة .. هذا اللي عندي مشكلة فيه .. يعني رفيجاتي اللي متزوجات نصحوني قبل الزواج اني دايا اكون كاشخة و لابسة ومتعطره و متمكيجة .. بس صراحة مع هالمسؤوليات صعبه اني احافظ على هالشي دايما .. و طبعا لابد انه الزوج يراعي هالشي .. بس بالايام اللي ما يكون وراي شي فيها احاول اراعي اللبس و المكياج شوية .. بالنسبة للانترنت .. يا بالدوام يا بالليل لما زوجي يطالع التلفزيون او يكون طالع مثلا .. و طبعا دخولي للنت الحين صار اقل يمكن من ربع ما كنت ادش قبل لا اتزوج .. و هذا شي طبيعي ..

اسفة ادري قرقت واايد .. بس انا حاسة فيج لانه باول شهر من زواجي كت ابجي بجي لاني مو قادرة انظم وقتي و احس انه كل شي مكود على راسي :) الله يعينج .. و بعدين عقب جم شهر انتي بتلقين لنفسج نظام يناسب ظروفج و ظروف زوجج .. والله يعينج :)