المساعد الشخصي الرقمي

مشاهدة النسخة كاملة : كل وحدة تـقـول لنـااا....



همسة
02/06/2002, 11:08 PM
السلام عليكم .....

مساكم الله بالخير والعافية .....:)

فكرة الموضوع أخذتها من أحد المنتدياااات ، عجبتني الفكرة مرة ;)

المهم .......

(( كل وحدة فيكم تقرأ الموضوع تقول لنا ، إيش في شنطتها <شنطة اليد> ))......;)

يعني كل شيء ........ولا تغبون عليناااااا .

خلاص أبدأ أناااااا.....

شوفو أنا قليل أشيل شنطه معي ....يعني بس في الزيارات الخاصة

وإذا سافرت بعد ......ليش ماادري ؟؟؟؟

ويصير فيها ......شنطة مكياج صغيرة مرة

وفيها عطر صغير أو دهن عود ...

وفرشة شعر ...

و كرتون (( باندول إكسترا )) .....ضروري للغاية :s

وبعد .......أحياناً (( شباصاااات ، ربطاااااات شعر )) لبناتي ;)

وفيها بعد .......محفظة الفلوس .....(( الله أكبر ......مليانه مرة)):s :s

هذي اللي في شنطة اليد ......مالي ;)

اللي بعدي ........:D

أختكم:همسة

حبوبة
02/06/2002, 11:23 PM
الفكرة حلوة
وانا بعدك ،،، فتحت شنطتي وبديت اشوف اشفيها واكتب
لقيت فيها عجائب وغرائب
لازم وشي ضروري مراية واكيد روج
ومشط وشباصة والمحفظة (والله فشيلة مافيها الا ريالات وكروت محلات والله اتمنى يكون فيها على الاقل كم بطاقة بنك) ومناديل
طبعا هذا في شنطت المناسبات اما اليومية فاعذروني ما ابغى ادوخ
روسكم

ام نوره
02/06/2002, 11:26 PM
انا الله يسلمج بتلاقيني حاطه بعد شنطة مكياج صغيرة ,,,اممممممممم ايه طبعا المحفظه و ما فيها ولا فلس كالعاده :confused: هههههه

و الجوال الي مطلعلي قرون :confused:

و بسسسس :D

وهج
02/06/2002, 11:26 PM
خووووووش فكره .................


أنا جنطتي لازم تكون معاي في كل مكان واحط فيها اول شي : الموبايل طبعا وبوكي هذول اهم شي وهم فيها كلينكس لازم وعطر صغير و علووج (لبان)
واشرطة اغاني وكروت انترنت وجنطه مكياج صغيرة
وكريم حق ايدي وشنو بعد ياربي هذا اللي تذكرته

kilo عسل
02/06/2002, 11:28 PM
:D اهلين هموسة
لو ما معي شنطة استخف:eek:
شنطتي فيها الجوال (موبايل)
فرشاة صغيرةوشباصة..لزوم الحر تخبرين سويسرا
مفاتيح بيتي وغرفتي لاني ما اطلع الا وانا مقفلة(البيبان مو مخي) رووج ومحددوعطر صغير وكريم يد
نسينا المحفظة!!!!!!

هذي الحقيبة اليومية ولوكانت لزيارة احط احمر خدود واشيل الشباصة

واحيانا البوك معها البوك مو الجبنة لا هي المحفظة الدزدان

الورده الجوريه
02/06/2002, 11:45 PM
اناتقريبامثلكم عطر ومحفظه ومفاتيح البيت وروج والمراياوالمناديل

واضيف عليها حلاو وككاويات

واهم شيء قران صغير دايم بالشنطه.

عطر الحب
03/06/2002, 12:51 AM
فكره حلوه جدااااااااااااااااا...........
انا طبعا احط فيها المحفظه و كروت و مفاتيح البيت و العربيه و الموبايل و نظارتي الشمسيه و مصحف و مرايه و مناديل و ورق عليه بيانات و جل لغسيل الايدي و احيانا روج و قلم و بسسسسسسسسسسس

قطرات الشهد
03/06/2002, 01:04 AM
يا اااااا الله شنطتي فيها زحمه بقولكم لا تضحكون علي .
فيها عطر ولبان ومقراظة اضافر وكريم لليد واوراق الشغل وبوك وموبايل ودراهم في كل مكان في بوك وبوك الشنطه وموزعه في كل مكان في الشنطه وشو بعد لحظه بدور....
شو ها بعد اه بطاقة البنك انا ما اشيلها غير في بداية الشهر بس وحلاوه والهدايا لصغيره اللي يعطوها لي الاطفال في المكان اللي انا اشتغل فيه والخواتم اللي تكون بايدي امل منها واحطيها في الشنطة وكلينكس ومحدد وروج ومفتاح غرفتي في البيت ومفتاح القسم اللي انا مسؤوله عنه في الشغل وبس
ما اقدر اقول شي والله بتضحكون علي بس هذا يكون في العمل بس غير المناسبات الخاصه تكون الشنطه فاضيه ما فيها غير البوك والعطر والموبايل والكلينكس والمحدد والروج وبس .
والله دوخه ما صارت شنطه صارت شنطة سفر هههههههههههههه ناقص اشيل الملابس بعد .:o :o :o :o :o

}{الـرقـيـقـة}{
03/06/2002, 09:02 AM
<center>
<font size="3" color=#FF00FF>
هلا اختي الهمسة صراحه فكرة موضوع خفيفه وظريفه ولطيفه :D

بخصوص شنطتي احبها تكون نظيفه وتلاقيني طول الوقت وانا طالعه فيها وبسياره توني انظفها والمعها من برا ومن داخل < موسوسه :p

عموما داخلها بوكي طبعا ً حتى لو كان فاضي لازم يكون فيها .... و كريم مرطب ليدي ، وبودرة مظغوطه بمرايتها ، وروج ، وجوالي ، وكم منديل ، وتلاقين هاليومين فيها كم غطاء ببسي لاني قاعده اجمع فيهم عساني اكسب عاد ههههههههههه

ولا يهون الفصفص الي شوي متنثر فيها :p

وبصراحه ودي احط قران صغير بس اخاف ادخل فيها وان ناسيه اماكن ما تليق بقدره وعظمته او وانا قاعده احطها تحت عند رجلي :o :s

وان شاء الله البنات الي حطون القران يكونون منتبيهن له النقاط :)

وسلامتكم

بنتظار الباقين

تحياتي

:)

الأموره
03/06/2002, 11:09 AM
فكرتك حلوه يا همسه ...الله لا يحرمنا من افكارك هذي:)

انا اللي في شنطتي مايختلف عن اللي قلتوه يعني:-

موبايل...مرايه صغيره...روج ومحدد ...محفظه بتاعت الموني..

قلم ...كلينكس..اوراق صغيره ....

اوقات علك وحلاوه هذي (شنظة الدوام طبعا)...اما شنظة الزياره

ماتفرق عنها وايد ...

:) :) :) :)

بنـــــــــوته
03/06/2002, 01:25 PM
اممممم عني انا بصراحه اول شي لازم منظره صغيره هذا اهم شي عندي و بوكي وووووو اممممم كحل لعيوني لأني وايد احب اتكحل ووو لازم يكون فيها شي ياكلونه علوج وككاو صغير و قلم و نوته صغيره و بس على فكره نادر ما امسك شنطه لأني ما احب مب متعوده على هذا الشي

عروس قديمه
03/06/2002, 04:42 PM
عاد انا لازم الشنطه على كتفي حتى لو فاضيه...

(لزوم الكشخه)...

اهم شي ان داخلها الموبايل...
ومرات البوك...مرات..(عشان زوجي دايما اللي يدفع؟؟);)

واورقا كلنكس...
وعطر..صغير او سنبل...

ومنظره صغيره..
وممكن روج..ومحدد...

همسة
03/06/2002, 06:22 PM
ياحبيلكم والله .....

الله لا يحرمني من هالخوات ........اللي يبردون القلب بردودهم الحلوووة .

والله أسعدتوني بالتجاوب هذا .....مع فكرة الموضوع .

في إنتظار البقية .......

أختكم:همسة

روح جميرا
03/06/2002, 07:44 PM
هههههههههه . فكره حلوه مثلج يا همسه


شنطتي لزم تكون مليانه يا الله يا الله اسكرها:p

في الحقيقه والواقع احط فيها الموبايل والقلم ازرق وشنطه صغيره للفلوس وفيها كروت متروسه .......... بعد فيها كلنكس و محدد ومرطب
وعطر صغير ومشط ......... وبس واذا تذكرة بقولكم

مع تحياتي روح جميرا (l)

همسة
12/06/2002, 09:38 AM
الله يحلي أيامك ياروح الجميرا.......

بس أنا أدري فيه بعض البناااااات يحطون أشياااااء عجيبة وغريبة بعد.....

لا تستحووووووون عادي ........قولو لنا (( شنوووو في جناطكم )) ؟؟؟؟؟

أختكم:همسة

بلقيس اليمن
20/09/2002, 01:36 AM
الفكرة حلوة
انا ما انزل الا ولازم الشنطه في كتفي حتى لو بقعد في السيارة وما بنزل
المهم الي فيها روج وقلم واوراق صغيرة الي نكتب فيها المذكرات السريعه
ونوتة الارقام والمحفظه ومصحف صغير في معظم الأحيان
واحيان احط لبان
وطبعا شباصة الشعر واحط احجام مختلفه هههههههههههه


وبس هذه شنطه الخرجات العاديه
اما السهرات روج ومحدد وبودرة وعطر ومشط خلاص يكفي


في أمان الله

العنووووووود
20/09/2002, 05:36 AM
انا اهووووووووووووون منكم كلكم......مو متعبه روحييييييي حيل

في شنطتي غير الجوووال_والدراهم_ مفاتيح غرفتي_مرايا ومشط_وعطر_ وكم روج

ووووووووووووبس.......بلقيس الله يهداك مخليتي شي بغرفتك الا اخذ تيه صايره محل متنقل.........



مشكوووووووووورين

بنت السعودية
20/09/2002, 09:03 AM
هموسة فكرة حلوة

انا شنطتي كلها مناديل

ومحفظة مافيها الا ريالات

وروج

وقران صغير

وعطر

ودهن معطر

وقلم لازم

بس هذا الي اذكرة

اديب
20/09/2002, 09:55 PM
اختى الكريمه همسسسسه


نحمد الله احنا الرجال الله فكنا من هالشنط التى معاكم

والا كان بلشنا في انفسنا


كل المسأله فيها محفظه صغيره

فيها البطاقه الشخصيه 0 وبطاقات الصراف الالي فقط


والله يكون في عونكم

وفي عون كل وحده عندها اطفال وتروح زياره من هنا او هناك



اديب