المساعد الشخصي الرقمي

مشاهدة النسخة كاملة : لكل من كانت ولادتها قريبه تجي تشاركنا المناقشه



مزعلة النسا
02/06/2002, 02:20 PM
اخواتي العزيزات
طرت على بالي هالفكره واتمنى من كل قلبي تشاركوني فيها تكفوووووووووون لتعم الفائده والكل يستفيد
كل وحده منا طبعا من بلد سواء خليجي او عربي وكل بلد لهم عاداتهم واكلهم ونظامهم بعد الولاده اي (( فترة النفاس))
حبيت نسولف عن الاكل المهم واللي على قولهم يلم العظم ويرد الدم (( الله يرحمك ياجديدتي)) واللي ممكن نستفيد منه من جميع النواحي ;) ان شاء الله فهمتوني
انا بالنسبه لي عندي وصفات كثيره ممكن افيدكم فيها بس مبدئيا ياليت القى قبول لفكرتي عندكم وياللــــــــــــــــــــ ـه على بركة الله نبدأ ...

همسة
02/06/2002, 10:49 PM
مزعلة النسااا .......

إبدي الموضوع ونااختك .........

فيه الكثير اللي راح يستفيدون منه .....إذا مو قريب بعدين بحتاجونه

عطينا اللي عندك .......بس بشرط اللي جربتيه بنفسك

مانبي ...يقولون وما يقولون ......:)

في إنتظارك ونا أختك......

أختك:همسة

wa3ad
03/06/2002, 03:03 AM
ياليت ياعزيزتي تبدائي في الموضوع لانه جد مفيد وانا انشاء الله راح اساهم في الموضوع لكن بعد مااكتب اسماء الاشياء اللي كنت استعملها وهي بصراحه مره افادتني وانتظروني;)

مزعلة النسا
03/06/2002, 01:09 PM
شكرا لك ياهمسه ..
وشكرا لك يا wa3ad ونبدا على بركة الله بس لازم نتعاون علشان نوصل لنتيجه طيبه :)
في البدايه هذي نصيحه لكل اخت تعاني من الالام الطلق البارده واللي ماتستمر يعني تبرد بعد ساعات .. هذي المشكله انا عانيت منها واجد الى ان نصحتني احدى الاخوات بالكمون :eek: كيف؟؟؟
تاخذين الكمون كما هو حبات ثم تغلينه مقدار نصف كاس ماء مع كاسين ماء واذا بدا يغلي تطفينه وتعملينه بخار يعني تتبخرين فيه من تحت . حاولي تقربينه للمنطقه الى اقصى حد ممكن لكن لكن احذري لايلسعك !!!
هذا وش فايدته .. اذا فيه طلق ولاده بيقويه واذا المساله بس تعاديل او تقلصات ترتاحين وتخف كثير ..

نبدأ بالعشرين الاولى من النفاس ..
طبعا وبالمرتبه الاولى التمر ثم التمر ثم التمر . فايدته كبيره جدا في عودة الرحم لوضعه الطبيعي ويمدك بالحديد اللي خسرتيه في الحمل والاولاده ..

كذلك الحلبه والحلبه تستخدم بكذا طريقه . ممكن تسفينها اي وهو حبات تبلعينها بس تكون نصف مطحونه مع حليب . وفيه ناس ينقعونها مع ماء دافئ ويشربون منقوعها ..
بالنسبه لريحتها القويه واللي الناس ماتحبها فيه خشبه تباع عند العطار تضعينها داخل الاناء اللي تغلين الحلبه فيه ويقضي على ريحتها يعني ماتطلع بجسمك ابد :)

ايضا فيه نوع من الاكل اسمه القرص هذا على المراه الوالد ماتتركه يوميا تاكل منه لين تزهق :p طريقته
كاسين دقيق بر .. ذرة ملح .. سمن او زبده .. قليل ماء ..
وتعمل عجينه متماسكه ثم تفرد مباشرة وتقطع على شكل اقراص مدوره . ثم يدهن الصاج بقليل زبده ( او بالتيفال )) الجهاز اللي نعمل فيه الفطاير . . ثم ناخذ الاقراص ونقطعها بالمولينكس قطع صغيره نوعا ما ثم يضاف اليها العسل الحر وتحفظ وتاكلها كل ماجاعت

المسلوقه باللحم مهمه جدا جدا جدا لان الاولين يقولون مايلم اللحم الا اللحم ..

ها وش رايكم لي عوده ان شاء الله .. بس هاتوا اللي عندكم بعد :)