المساعد الشخصي الرقمي

مشاهدة النسخة كاملة : كيف اتعامل مع ابوي وايش الحل معه؟ تكفوووون!



ورود ذبلانة
12/02/2004, 07:35 AM
السلام عليكم ورحمة الله وبركاته


اخواتي في الله بعد تفكير طويل ومع زيادة المعاناه

قررت اطلعكم على مشكلتي مع ابوي او بالاحرى

مشكلته معانا كلنا ..

بصراحه انا سئمت من حياتي في البيت صرت مااطيق اي حاجه

فيه ..نطلع من مشكله وندخل في مشكله ثانيه شقول لكم

مآسي..

المهم .. ابوي عصبي جدا جدا ومتشدد ومحافظ بشكل مفرط وغير طبيعي

مع انه ماكان كذا قبل لكن فعلا في العصبيه ماتغير فيها شي

حتى قبل كان عصبي لكن الحين غير غير .. ومدري شلي غيره

180درجه وخصوصا علي .. وعلى خواتي صار يمنعنا عن اشياء كثيره

لانطلع لا نجي لانروح لانزور احد لامن معارفنا ولا من قرايبنا

ولا من بعيد ولا من قريب ومانشوف قرايبنا الا في المناسبات وبطلعة الروح

هذا غير المشاكل الي تصير في البيت ..!!

وللمعلوميه كل اعمامي الي هم اخوان ابوي نفس الطريقه

يحبسون اعيالهم في البيت لاحد يشوفهم ولا هم يشوفون احد والحين بنات

عمي اكبرو وصارت اعمارهم فوق ال25سنه ولاحد طق بابهم

وخايفه يصير مصيري مثل مصيرهم ..

وربي اذا شفت بنت خالتي اتحسر على نفسي وفي الهم الي انا

عايشه فيه وهي ماشاءالله ابوها معطيها حريتها ومايشك فيها

مثل مابوي يسوي تخيلو حتى تلفون مايرضى نكلم ربعنا بس انا من الملل

احيانا اغتنم فرص طلعته واكلم ربوعي ومن يعز علي

بس والله العظيم فوق هذا كله ابي رضى ربي ثم رضاه علي

ودايما ادعي له بالخير والهدايه لدرجة اني احسسه اني مرتاحه وماشي

ناقصني بس هو الله يهداه مدري كيف يفكر .!!

ولا يسولف ولا يتكلم معانا احنا يا عياله يعني جفاف جفاف مو طبيعي

ودايما زعلان ومعصب مايخش البيت الا ووجهه مكشر ومعصب علينا

يعني شقول .. انا بصراحه زهقت والي يقهرني انه امي مالها اي كلمه في البيت

ولا راي ولاحتى علينا حتى في شغل البيت يتدخل فيه لكن الحمدالله

هو مو مقصر معانا في فلوس واكل وملبس وغيره

وهو بعد كرييييم مره لدرجة الاسراف . لكن عيبه العصبيه والشك

ولو يدري بعد اني اراسل احد على النت كان ذبحني بس والله محتاجه

نصيحتكم وشلون اتصرف مع ابوي .. لانه من الطراز القديم مررره

شلون اخليه يثق فيني ؟؟؟

تكفوون يابنات تراني معتمده على الله ثم عليكم

نصحوني :confused:

مديحه
12/02/2004, 07:52 AM
السلآم عليكم ورحمة الله وبركاته
أختي العزيزه
مالك الا ان تصبري وتحتسبي الأجر من عند الله لأنو مش زوجك علشانك اقلك سيبي او اهجري هادا مهما كان ابوك
المهم حبيبتي والله والله العظيم انو ابوي انا مافي احد مثلو بهادا الكون مهما قلتي على ابوك ما راح يسير ولا يوصل للدرجه اللي باباتي انا صدقيني الله يسامحه ويغفرلو بس
شئ مو طبيعي من ظلم لنا ولماما وكره وشئ الله لا يوريكي المهم انا أطمنك وأقولك انو انا شوفي معايا تلاته اولاد الزواج بارادة الله والله يوفقك ويرسل لك ابن الحلال اللي يسعدك ويهنيك ويرزقك ابن الحلال وصدقيني اصبري وان الله مع الصابرين

ورود ذبلانة
12/02/2004, 08:21 AM
وعليكم السلام ورحمة الله وبركاته

اشكرك اختي مديحه على ردك

والحمدالله على كل حال .. صدقيني انا صابره لكن بودي

تعطوني حل شلون افهمه اني مو مثل

مايفكر استغفر الله العظيم ..

وربي يخلي لك اولادك ويحفظهم من كل شر .. المشكله انه عصبيته

تفوق الوصف يعني التفاهم معه صعب ..

مشكوره مديحه والله يقدم الي فيه الخير

آساهي
12/02/2004, 11:46 AM
السلام عليكم ..

مرحبا اختي ورود ذبلانه ..

بدايتاً الله يعينك على ابوك ِ ويهديه ويسخره على ما يرضي الله وثم يرضيكم ..

ابوك ما في أمل كبير انه يتغير .. ما دام اهله من أساسهم كذا ..

لكن بالنسبه الى مخاوفك بالنسبه الى الزواج .. مالك إلا انك تحاولين قد ما تقدرين .. تحافظينعلى علاقاتك الأجتماعيه .. وتحاولين تتواصلين مع الناس بطيبك وأخلاقك ..
لأن هذا أهم شئ ...

وأتنمى إني أفدتك بشئ ..

موفقين ..

ورود ذبلانة
13/02/2004, 02:32 AM
اهلا آساهي

اشكرك على ردك اختي

يكفيني وجودك ونصيحتك على عيني وراسي بس قولي لي

كيف اتواصل اذا هو مانعني عن كل شي ؟

يلا امرنا لله

ماقصرتي يالغاليه بس اذا فيه اي حل ثاني تكفون

لاتبخلون علي شوي وتجيني عقده نفسيه والله

تحياتي

حلى العمر
13/02/2004, 02:59 AM
حبيبتي ربي معك ان الله مع الصا برين ادا صبروا :up:وانا انصحك تعملي علاقات في الجامعة مع زميلاتك وكويس انه عندك النت تتسلي فيه :clap:

ورود ذبلانة
13/02/2004, 03:08 AM
اهلا حلى العمر مشكوره يالغاليه

على رفع المعنويات للاسف انا مو في الجامعه

بس لي علاقات كثيير ولله الحمد

لوما الله ثم هالنت والا كان انا في خبر كان

ماقصرتي حلى العمر

ورد الغلا
13/02/2004, 03:20 AM
مرحبا عيوني
والله قصتك تعور القلب
بس مثل ماقالو البنات اول شي اصبري واهم شي تحتسبي هالصبر لوجه الله وانه طاعه لوالدك مو عشانه واقع ماتقدري تغيريه

يمكن الي غير ابوكي فجاه من القصص الي يسمعها هالايام ترى والله تاثر في الأباء والامهات بشكل احنا مانتخيله

زين
انا عندي حل اتوقع باذن الله يفيدك كثير
اهم شي موتقولي لااااااااخاف ولااستحي ولاشي
اتوكلي على الله وصليلك ركعتين ادعي فيهم ان الله يعينك وسوي الي اقول لك عليه
جيبي ورقه واكتبي فيها باسلوبك كل شي نفسك تكتبيه وحاولي تنسقيه بطريقتك
يعني مثلا ماتبدي تشكي من اول الرساله عشان لايعصب ويجي يخاصم
ابدي انك تحبيه مثلا وقد ايش مكانته عندكم
وانه تحمدي ربك ليل نهار على ان ربي مخليه تاج على روسكم وماحرمكم منه زي كثير من الاطفال
وانه ماتتخيلي حياتك من غيره ومدري كيف
يعني زي كذا حسسيه بمشاعرك تجاهه
وبعدين اكتبيله انك تتالمي من شكه فيكي موعشان شي الا لانه رباكم احسن تربيه وماقصر فحقكم ولماتحسيه يشك فيكي تحسي انك مقصره فحقه لانه ماحسستيه بثمرة تربيه وان نفسك تحسسيه بنجاح تتربيبيته بس مومعطيكي فرصه
وكذااااااااااا
اكتبيها فرساله وحطي جنبها ورده بيضا تطلع احلا ولوترسمي على الظرف قلب فيه امي وابوي ورسمه حلوه كذا وتحطيها في اي وقت تشوفيه مناسب

فهمتي علي كيف

وان شالله ان لهالحركه نتيجه كبيييييييييييييييييييييير ه ماتتخيليها
لانه انا زيك امي الي عصبيه مره ومره كنت ابغا اقول لها موضوع وخايفه تعصب علي ومستحيه اقوللها هو اصلا وبس كنت ابغاها تسمعني فكرت فكرت ولقيت هالطريقه
والله انها كانت اهدى مما اتوقعت وبعد ماقريتها للاخير قعدنا نتكلم سوى واتناشقنا في الموضوع
صدقيني ابوكي بيتاثر كثير من كلامك حتى لوماتضحلك هالشي من اول مايقرى الرساله مع الوقت بيفكر فكلامك وبيعلق فذهنه ويراجع حساباته
صدقيني ان شالله انك بترتاحي اول ماتسوي هالطريقه
بس اهم شي انتبهي لاسلوبك في الرساله وحطي فيها الكثيييييير من العواطف الصادقه الي فقلبك

لاتنسي تطمنيني موضوعك شغل بالي من اول ماقريته وان شالله اتطمن عليكي عيوني

غنوة الحياة
13/02/2004, 03:28 AM
:eek2: الله يساعدك صراحة
أصبري خيوو أن الله مع الصابريين :up::up::up:

ورود ذبلانة
13/02/2004, 03:46 AM
مراحب ورد الغلا

الحمدالله انا صابره وايماني بالله ماتتخيلو قد ايش

صدقيني لو وحده غيري كان استجنت من زمان

ورد وربي حلك حلو بس اخافا اجربه يقول لي وش ذا الكلام

ومدري ايش تراه مره مره مايعترف بهالاشياء

بس انا ان شاءالله بجرب

وان عصب علي بذبحك ياورد ههههه

بس ترا الام تختلف عن الاب كثييير لانه عطفها اكبر وبتفهم عليك اكثر

انا امي مافيه مثلها بالدنيا بس ابوي الله يهداه

عموما مشكوره ورد وربي ان جاب نتيجه هالحل بادعيلك في كل صلاه

والله ينولك الي في بالك حبيبتي واعذريني تعبتك معي

تحياتي

ورود ذبلانة
13/02/2004, 03:48 AM
السلام عليكم ورحمة الله وبركاته

غنوة الحياة

مشكوورة على النصيحه وساصبر الى ان يمل الصبر من صبري

ومشكووره يالغاليه

ورد الغلا
13/02/2004, 04:19 AM
اشدعوه يالدبيه اي تعب واي كلام فاضي مابين الاخوات هالكلام
دحين اهم شي الحل يجيب نتيجه والله موعشان لاتذبحيني عادي اذا ذبحتيني اذبحك ( كيف تجي هذي ههههههههههههههههههه)
الله يسعدك ياربببببببب ويريحك من كل هم وضيقه وكل المسلمين يارب

كلامك تماام التمام الام موزي الاب اكيد في العاطفه بس صدقيني الاب فقلبه حنان ماينوصف بس ينحرج او يخاف يبين اغلبه عشان كذا مانحس فيه مره
بس ولله انه اي اب مثل اي ام يحب عياله ويتالم اذا حس انه قاسي عليهم
انا ابوي مثلا مع انه مانختلط فيه كثير
بس حنووووووووووووووووووووون حنو حنون بشكل موطبيعي
موكل هالحنان باين بس مويقولو كل فتاة بابيها معجبه والله مانقال من فراغ ولا اعجاب البنت بابوها من فراغ

تصدقي عاد انه واحنا صغار احيانا اذا زودناها مرررررررررره يضربنا والله والله والله نحسه بعد مايضربنا يدخل غرفته يبكي اقسم بالله
وبعد فتره يجي يطبطب علينا ويقول ليش خليتوني اسوي كذا ومدري ايش


لاتتخيلي ابوي مره معانا يعني نتونس وماخذين عليه بالعكس ابوي زي اي اب صارم وكل شي بس احنا الي نحاول نلقى جوانب العاطفه فيه وهذي مهمتك ياقمر

وبعدين عجلي في الخطه اموت واشوف النتيجه
لاتترددي وتقولي مايعرف هالحركات حتى امي ماكانت تعرفها بس الحمدلله عرفناها يختي شغله هي يعني :cool2:

ياااااااااااارب يكون معك
يارب يوفقك
يارب يسخره لكم
ياربببببببببببببببببب يارب يارب

fara7
13/02/2004, 04:24 AM
اهلا بالاخت وررود ذبلانه

يالله يارب الله يهدي والدك ويسخره لكم ... وبصراحه انت قلتي كلمه عظيمه وايد وهو انك تحاولين انك تبينيله انك راضيه وان رضاء الله من رضا الولدين .. بصراحه هذي الكلمه جميله جدا لان مو كل البنات جذي وانشالله الله بفرج عنج همومج لانك طعتي والدك وماعصيتيه ماتدرين يمكن هذا اختبار من رب العالمين ...ولا تنسين ان الصبر مفتاح الفرج وانت يا اختي مالج الا الدعاء بان يرزفج الزوج الصالح والصبر واحنا كلنا بندعيلج ان الله
وخلي امام ناظريج ان رضا الله من رضا الوالدين وصدقيني ربي ما يخيب امل من اطاعه ورضى بقسمته.... والله كريم

مقهوره
13/02/2004, 06:03 AM
السلام عليكم ورحمة الله وبركاته

الله يكون بعونك يارب واصبري وحاولي انك تتناقشين معاه او مع احد من اخوانك في ايجاد حل مناسب لانكم الادرى بالوقت اللي ممكن يكون فيه رايق وممكن يستوعب ويتفهم موقفكم من كل اللي يحصل منه ضدكم واتمنى من الله ييسر اموركم يارب :)

مرموم
13/02/2004, 07:24 PM
http://www.crearecountry.com/flowerdivider.gif


http://www.lahaonline.com/forum/icon_sa1.gif



أهلا بك أختي العزيزة ورود ذبلانــة....


ما شاء الله...البنات ما قصروا معاك...


شوفي أختي....لي صديقة كانت تعاني من نفس مشكلتك....والدها تقريبا كان زي والدك بالضبط؟؟؟حتى قص الشعر ما كان يسمح لهم فيه...


شوفي كيف حلتها هي و أخواتها....حاولوا يعرفوا والدهم أكثر....ما بعدوا عنه و تركوه...بالعكس....لما يرجع البيت يروحوا عنده و يحسسوه بحنيتهم...يصيروا يقولوا له : بابا نعمل لك شيء تشربه....شكله في شيء مضايقك في شغلك...بابا ما قلت لك شو صار معايا اليوم....بابا على فكرة كذا و كذا...


في الأول كان صعب؟؟؟؟لكن بعد ذلك تقربوا من والدهم بشدة....و صاروا يستشيروه بأمورهم...و الأب بدأ يتغير معاهم....صحيح هو لسة عصبي....لكن صار في تفاهم كبير بينهم.... (u)


أتمنى أختي تجربي هذه الطريقة.....حاولي أظهري كل حنيتك على والدك و اختاري الوقت المناسب...و ما تنسي....زوجك و نصيبك راح يجيلك حتى لو كنت في برج عالي....


أتمنى لك التوفيق....و طمنينا عليكي....:smile:



.................................................


~'*¤!||!¤*'~(( مسابقــــة: مـواقف و مـشاكل زوجيـة تـحتاج مـنا إلى حـكمة و حسن تصرف...شاركينــــا ))~'*¤!||!¤*'~ (http://www.3roos.com/forums/showthread.php?threadid=76997) http://us.moheet.com/asp/images/newnew.gif

http://www.alsareha.org/up/images/nona-_20.gif

http://www.crearecountry.com/flowerdivider.gif

آساهي
13/02/2004, 08:44 PM
اهلين اختي الغاليه ورود ذبلانه ..

أول انتِ سألتي ..كيف اتواصل اذا هو مانعني عن كل شي ؟

عندك النت مثلاً لو صعب عليكِ التلفون .. ضيفي حبايبك وصديقاتك على المسنجر .. وكلميهم منه .. هذا مثال ..

أو زي ما كنتِ أنتِ تسوين .. تتواصلين معهم لم يغيب عن البيت ..

حتى في المدرسه أو مكانك الدراسي .. كوني اقرب مع الناس بتصرفاتك وأخلاقك الطيبه .. أجذبيهم لك وعرفيهم بطيبك .. بس اكيد بحدود وبشكل مقبول ..

غير كذا .. أنا أوافق أختي ورود الغلا وكمان مرموم ..

جربي طرقهم ,, في الوقت المناسب والشكل المناسب .. وأنتِ ماشاء الله عليكِ أكيد تعرفين تنتهزين لك فرصه مناسبه ..

وبقول لك .. أخيراً ويمكن ليس أخراً .. أحمدي ربك على ابوكِ لو ما تغير لان غيرك يعانون شئ أعظم وهو أنه غاضب لأهله وربه .. وهذي قمه الألم بالنسبه إلى البنت لم تشوف قدوتها بهذا الشكل ..!! ..


وعذراً على الأطاله يا الغاليه ..
وكمان إن شاء الله اكون أفدتك ..:smile:

و.. موفقين ..

محب
13/02/2004, 09:02 PM
لعل فيما ذُكٍِرَ غنية ..
ولكن لا بأس من الإضافة وإنْ تواضعت ...

أولاً : يجب أنْ ندرك أسباب هذا السلوك من الأب ، ونعرف أنَّ هذا السلوك وإنْ كان خاطئاً إلا أنَّ دوافعه حب ، وأسبابه خوف ، وحوافزه حرصٌ وغيرة .. وهذه الصفات كلها صفات حميدة في أصلها .. ويشكر عليها الأب في ذاتها .. فهو لم يرد أبداً حرمان بناته من متعة اللقاء ببنات جنسهنَّ من الصالحات المحافظات .. ولم يرد أبداً إيقاع الأذى النفسي بهنَّ .. لم يرد هذا أبداً .. وإنَّما لكثرة ما يسمع من أخطاء بعض البنات ووقوعهنَّ فريسةً سهلة في شباك الذئاب البشرية .. ولكثرة ما يسمع أنَّ أعظم أسباب ذلك هو تسيب الآباء وقد صدق سمعه .. هذا جعله وإخوانه يزداد حذرهم .. ويعظم خوفهم .. فيزداد حرصهم وتحفظهم لدرجة وصلت إلى الحد المذكورة أعلاه ..

فإذا أدركنا ذلك , وضعنا أيدينا على أجزاء ليست قليلة من الحل .. ففنتقل إلى ..

ثانياً : من المهم جداً في معاملة أي نفس بشرية أنْ نعرف طبائعها وأسرارها وكيفية الدخول عليها .. فذو الطبيعة العصبية له أبواب وطرق ، يجدر بنا معرفتها لكي ندخل عليه منها .. ولا أستطيع أنْ أحدد تلك الأبواب ..
ولكن قد يكون منها ..
الانطلاق من رأيه ، بمعنى لندعه هو الذي يقترح علينا ما نريده ، لا أنْ نقترح نحن فهو ذو قرارٍ داخلي .. بمعنى أنَّه يصدر قراره من داخل ذاته ومن نفسه من غير رجوعٍ إلى أحد وبالتالي إذا أردنا أن نوصل له فكرةً معينة فليكن طرحنا : كما لا يخفى عليك يا أبي .. ( مثل ما تعرف يا أبوي ، وما يخفى عليك يبه ، ومثل ما قلت لنا من قبل يبه ) وما أشبه ذلك .. لكي يتقبل الطرح فيصدره هو ... لأنَّه يرفض أنْ يكون الطرح من غيره ..

ثالثاً : وهو أولاً ، عليكِ بالتوكل على الله والاعتماد عليه سبحانه ، وأحسني الظن بالله الكريم ، وأكثري من الدعاء ..

وتفاءلي وتأملي الخير تجديه ..

رابعاً : تدرجي أنتِ وأخواتكِ في طلباتكنَّ ، واجعلنْها شيئاً فشيئاً ، واطلبن ما يغلب على ظنكنَّ قبوله من جهته .

خامساً : أحببن أباكنَّ حباً ظاهراً كما هو الباطن ، وستعرفن مفاتيح قلبه ، أحببنه بصدق وبحق وأظهرن هذا الحب بهديةٍ أو ببشاشةٍ وحسن استقبال ، أو بغير ذلك .. كما لا يخفى عليكنَّ ..

أملي أنْ تجدي فائدةً في نقلي ..

أخوكِ .

ورود ذبلانة
14/02/2004, 12:22 PM
أختي ورد الغلا

ماقصرتي يالغاليه .. وربي انك شجعتيني ورفعتي من معنوياتي..

تدرين انا كنت بجرب فكرتك البارح

لكن راحت علي نومه .. بس شوفي تراني خايفه مره من ردة فعله

وبيني وبينك متردده .:down:

بس بحاول اشيل هالخوف واتشجع لاني ابتديت افكر شلي اكتبه

في الرساله .. والله يقدم الي فيه الخير

ويخليلك ابوك يالغاليه .. واحمدي ربك ليل نهار عليه

انا شوفي ابوي كيف بس والله اني دائما اقول الحمدالله

اذا شفت عمايل عمي في اعياله فاكيف انتي ابوك ماشاءالله عليه

مشكووره يالغاليه ..

~~~~~~~~~~~~~~~~~~~~~~~~~~~~~

fara7

أهلين يالغاليه وتسلمين على كلامك الي فعلا ريحني

والحمدالله على كل حال ..

وربي يسمع منك يالغاليه .. ربي يهديه ويفتح عيونه قبل لا يصير

فيني شي ... استغفر الله العظيم

حياك الله ومشكووره على النصيحه حبيبتي ..

ورود ذبلانة
14/02/2004, 12:34 PM
وعليكم السلام ورحمة الله وبركاته

اهلا اختي مرمووم ..

وجزاك الله عني كل خير شوفي يالغاليه ..

احنا دايما انا وخواتي نسولف قدام ابوي ومعاه

ونقول شلي صار معانا وشلي ماصار بس مايعطينا وجه بالمره واذا سالناه

عن شي يجاوب على قد السؤال ويسكت

واحيانا مايجاوب مره وحده وحتى امي دايما تسولف معاه وهو

بس يقول ايه وايه لدرجة يحسسك انه مايبيك تتكلمين

بمعنى اصح .. اسكتي وهذا الشي الي يقهرني بصراحه

بس صدقيني راح اجرب مره ومرتين وثلاث وان شاءالله يتغير

وترا هو مع الناس والغير طيييب وحباب مره وضحكه يوصل لحدنا

في التلفون وانقهر اكثر شمعنى احنا الي مايسولف معنا ولا يضحك

خليها على الله .. ومشكوره مره ثانيه..

ورود ذبلانة
14/02/2004, 12:43 PM
مقهوره .. اهليين حبيبتي.

شوفي ياكثر ماتناقشنا معاه حتى وهو رايق

يعصب ولو ماعصب يفتعل اي مشكله ويذكرك بالكلام

الي قلتيه ويقول احنا مانحبه ونبي الفكه منه ومن هالكلام

واحنا نقول له لا تفكيرك مو في محله هذا غير الشك

واذا تبين الجد انا خايفه عليه وعلى نفسي .. لانه مايتفهم بسرعه

وهاليومين كل معصب ومدري متى بيرووق

مشكوره مقهوره .. وربي يعطيك العافيه

ورود ذبلانة
14/02/2004, 02:12 PM
آساهي

الحمدالله انا متواصله مع ربعي وما اقطع عنهم اصلا ما اقدر

والحمدالله الماسنجر ملياان تقدرين تقولين هم الي قاطعين

لاني مستحيل اقطع وحاليا انا مادرس ولا حاجه وهذا

الي مخليني اعيش حالة ضياع وملل دائم

وبالنسبه للطرق الي عطوني مرموم وورد الغلا

كل شي بوقته حلو وجزاهم الله عني كل خير

والله ينولك الي في بالك آساهي وربي ماقصرتي

والحمدالله رب العالمين ..

أوركيـــــــــد
14/02/2004, 02:31 PM
الغالية ما اقول غير الله يصبرج على ما ابتلاج ويهديلج الوالد ويجعله ذخر لكم،،، الصراحة والله قلبي عورني عليج الغالية وبغيت ادش بس عشان ادعيلج الله يصبرج يارب ويسهل امورج،،،

ورود ذبلانة
15/02/2004, 08:31 PM
محب

مشكور على اضافتك ونصايحك الرائعه بحق

الحمدالله في الدعاء والهدايا مانقصر

وبالنسبه لسلوكه انا مستعده انحبس مئة سنة ويكون

كويس ومعاملته زينه معي هذا يكفيني

ولك كل الشكر والتقدير اخوي محب

حـنـين
19/02/2004, 09:37 AM
حبيبتي ورود ذبلانه

لاتفتكرين انك لوحدك في هالمشكلة


ياكثرهم اللي مثلك واشد

واحمدي ربك اللي انعم عليك بوالد سند لكم يحميكم ويداري عليكم

ولاتخلين عيوبه تعميك عن حسناته

كل انسان له طبع

وتربيته لما كان صغير على السيطرة والهيبة يمكن هي اللي خلت شخصيته بهالشكل


انتي اكسبي رضاه

اذا جاء فزي وبوسي راسه

اذا جلس قومي همزي رجوله ويديه

قولي له تبي شئ ابوي ؟؟ اجيب لك كاس ماء؟؟

اسوي لك شئ؟

وكل يوم قولي له الله لايحرمنا منك يبه

الله يطول عمرك

الله لايخلينا منك

تقربي له واحترميه وبري فيه

وراح تشوفين اثر ذلك مو بس معااااه لااااااااااااااا


راح تشوفين تاثيره في حياتك الدارسية الزوجية الاجتماعية الخ...

وادعي دايم ان ربي يحنن قلبه عليكم

وقريب بتشوفين الاثر

بس اهم شئ لاتملين

والله يوفقك

ورود ذبلانة
21/02/2004, 03:00 AM
السلام عليكم ورحمة الله وبركاته

أوركيـــــــــد

تسلمين على دعائك يالغاليه وربي يسمع منك

ان شاء ..

يكفيني مرورك وتعقيبك وربي ينولك الي في بالك

تحياتي

ورود ذبلانة
21/02/2004, 03:05 AM
السلام عليكم ورحمة الله وبركاته

أوركيـــــــــد

تسلمين على دعائك يالغاليه وربي يسمع منك

ان شاء ..

يكفيني مرورك وتعقيبك وربي ينولك الي في بالك

تحياتي

ورود ذبلانة
24/02/2004, 02:21 AM
حـنـين

عذرا لاني تاخرت عليك بس قريت ردك وطبقت شي منه

وماشاءالله مستغرب مني كثير ههههه

عساك سالمه حبيبتي والله ماقصرتي

بصراحه كلامك يشرح الصدر

ربي ينولك الي في بالك ويحميك يارب

تسلمييييييييين حبوبه

jamjom
24/02/2004, 01:51 PM
السلام عليكم ورحمة الله وبركاته

عزيزتي كما قالت الاخت حنين يجب ان ترين حسنات والدك وليست مساوءه.

احياناً الآباء يتصرفون بطريقة لا نحبها ولا يوصلون مشاعرهم إلى ابنائهم خوفاً منهم ان ذلك يبين ضعف أو إنه سهل ويبالغون في تشددهم. ولكن صدقيني فهم في كل الأحوال يحاولون المحافظة عليكم، وفي زمننا هذا كم من الأخبار المريعة نسمعها تجعل الواحد منا يخاف حتى يطلع من البيت.

فانا كنت دائماً أظن ان ابي عصبي وكنت اخبر امي ان هذا عدم ثقة وغير ذلك ولكن بعد ان صرت اماً عرفت شعور لم اعرفه في حياتي وكلما خفت على ابني وبالغت تذكرت والدي.

اصبري وعامليه بكل حب حتى لو ما عاملكم كويس مصيره بيحس فيكم.

وان الله مع الصابرين.

مرموم
24/02/2004, 05:46 PM
http://www.crearecountry.com/flowerdivider.gif


http://www.lahaonline.com/forum/icon_sa1.gif


طمنينا عنك أختي ورود...


ما شاء الله البنات أعطوكي اقتراحات حلوة...أتمنى تكوني جربتيها...


و إن شاء الله تكون الأمور تحسنت الحين :smile:


http://www.lahaonline.com/forum/icon_wa.gif


.................................................


~'*¤!||!¤*'~(( مسابقــــة: مـواقف و مـشاكل زوجيـة تـحتاج مـنا إلى حـكمة و حسن تصرف...شاركينــــا ))~'*¤!||!¤*'~ (http://www.3roos.com/forums/showthread.php?threadid=76997) http://us.moheet.com/asp/images/newnew.gif

http://www.alsareha.org/up/images/nona-_20.gif

http://www.crearecountry.com/flowerdivider.gif