المساعد الشخصي الرقمي

مشاهدة النسخة كاملة : طول وعرض أقبل بيه ولا لا؟؟؟



رنيـــم
29/01/2004, 05:11 PM
عزيزاتي :
تقدم لخطبتي شاب خلوق ومحافظ على الصلاة ..
لكن المشكلة مواصفاته الجسمية : فهو طويل ( قالوا زي الباب ) وكمان عريض ماشاء الله ، أخواتي المتزوجات مترددين ، وترددهم خلاني مترددة
مع العلم بأني متوسطة الطول والوزن ( الطول = 155 سم والوزن = 53 ك ) فما رأيكم ...
مع إني بصراحة أحب الطول والعرض في الرجل ..
فما رأيكم .؟؟؟

-%-سحابة حب-%-
29/01/2004, 05:15 PM
:eek2:


153 ولا
53 ؟!؟

رنيـــم
29/01/2004, 05:20 PM
قصدي 53 ك ، والله فجعناكِ ياسحابة حب معليش ..
طيب هيا ادينا رأيك ..:up:

دموع وردية
29/01/2004, 06:05 PM
السلام عليكم ورحمة الله وبركاته

اختي العزيزة رنيم

انا برايي انك تشوفيه لانه ساعات يكون الوصف مبالغ فيه
والاحسن ان تكون بينكم مقابلة وانتي بعدين تقرري
وحتى بعد بالصورة ما بصير لان الصورة ما تبين الحقيقة دائما فالافضل من رايي انك تقابليه وتشوفيه على الحقيقة والطبيعة احسن


والله يسوي الي فيه الخير والصلاح لك
والف مبروك مقدما


ونسالك الدعاء

:shy:

رنيـــم
29/01/2004, 06:07 PM
الله يسعدك دنيا وآخرة آآمين
طيب إذا كان بالضبط كما قلت ما هو رأيك ؟؟
في انتظارك...

بسة
29/01/2004, 06:17 PM
أنا عن رأيي نفس رأي الكئيبة... لأن إذا شفتيه وحبيتي شخصيته وأخلاقه صدقيني بتحبين حتى جسمه ولا راح يهمك... وإذا يعني عشان فرق الطول والوزن بينكم ترى ماله دخل ولا يأثر على شي لا تخافين.. ويللا عشان تجيبون عيال طولهم حلو.. :D2

وعلى العموم استخيري قبل كل شي وما عليكي من رأي أي أحد ثاني المهم رايك انتي وطنشي الباقي.. :up:

رنيـــم
29/01/2004, 06:20 PM
والله كلامك مرييييييح
ادعي لي

-%-سحابة حب-%-
29/01/2004, 06:30 PM
سووووري رنيم ع التأخير

بس انتي جسمج وايد ضئييييل
وايييييييد ضعيفه ،، :eek2:

اول شي استخيري
مره ومرتين وثلاثه

ولازم تقعدين معاه او تشوفينه

وعقب الله يوفقج ويهنيج

دموع وردية
29/01/2004, 06:53 PM
السلام عليكم ورحمة الله وبركاته

الغالية رنيم

اني افضل طبعا انك تشوفيه لان بالمقابلة راح تتغير نظرتك له وبتشوفيه على الحقيقة وبدون اي اضافات او اي شي اخر.

والمهم من الرجل والي تبغيه المراة هو الستر صح... وبعد اهم شي انه يكون ملتزم ومحافظ على صلاته وخلوق وهذي المواصفات فيه ... صح.

فالمهم انك تاخذيه عشان اخلاقه ودينه مش عشان شكله .. صح

واذا اخذتيه عشان شكله الله ما بيوفقك (بعد الشر يعني) بس انتي اخذيه عشان دينه وخلقه عشان الله يهنيك ويسعدك.

والله يهديك للصواب ... ويوفقك.

بس عااااد هااا لازم تخبرينا شووو يصير معك بالاخير :up: .

والله يبارك لك ان شااااااااااااء الله

ولا تنسيني من دعائك.

رسيس
29/01/2004, 08:35 PM
بصراحة انا شايفته جنتل ..:up:

موفقة يالغالية .

:shy:

----------

http://www.k33k.com/vb/attachment.php?s=&postid=9034

رنيـــم
29/01/2004, 10:06 PM
لكن مني كل الحب والتقدير:
سحابة حب :
شكراً يا قلبي .... بس أنا عادية مو ضعييفة هوا اللي :rolleyes:

الكئيبة :
أسعدني جداً رجوعك وردك ..تسلمي حبيبتي

رسيس العسل :
كلمتين لكن مررررررررررررررة عجبوني ...

~سلال الزهور~
30/01/2004, 01:55 AM
مرحبااختي رنيم
استخيري والله يسهل عليج
بس انا احسه عادي ماادري والله انتي كيف
يختلف من شخص لشخص:o اهم شي ------> الإخلاق:o

هتــــان
30/01/2004, 05:16 AM
هلا والله اختي رنيم ..

انا من رايي انك اولا تستخيري .. واذا ارتحتي توكلي على الله وافقي لانه شكله وطوله مو سبب مقنع للرفض .. الحمدلله انه محافظ على الصلاة وملتزم بدينة واخلاقة وهذا اهم شي ..

والله يوفقك انشاء الله ..

رحيل الشوق
30/01/2004, 05:32 AM
والله مشكلة بترفضينه عشانه طويل وعريض ؟؟

ولا يهمك أنه يحافظ على صلاته وأنه انسان صالح ؟؟:rolleyes:

معليش اسمحي لي .. لكن اعتقد ان ماعندك استعداد كافي للزواج

لأن الزواج أهم شروط الدين والصلاح الله يصلحك .. وليس الشكل لأن الإنسان المحافظ على علاقته بربه ويخاف منه اكيد راح يحافظ على علاقتك معاه كزوجه ويخاف الله فيك

طيب افرضي جاك واحد على كيفك بس ماهو محافظ على صلاته ؟؟ وش بيكون رأيك وقتها ؟؟

الله يهديك انشالله اعتقدت ان في الموضوع مشكلة اكبر من كذا :smile:

دموع وردية
30/01/2004, 06:43 PM
السلام عليكم ورحمة الله وبركاته


الله يسلمك يا عمري

والعفو اخيتي رنيم .... ما سويت شي

واتمنى انك اقتنعتي بكلامي

والله يسعدك دنيا وآآآخرة


نسالكم الدعاء
:confused: لا اله الا انت سبحانك اني كنت من الظالمين :confused:

:shy:

حورا
30/01/2004, 07:21 PM
أانا رايي من رأي الأخت رحيل الشوق.....

لازم تتجاوزي مسأله الشكل والمواصفات الجسمانيه وتدوري عن دينه

وأخلاقه.....

وأهم شي الاستخاره...

عروسة_البحر
01/02/2004, 04:21 AM
السلام عليكم ,,,

انتي بالاول شووفيه و انشالله خير . صج انه انسان خلوووق و ملتزم بس حتا شكله مهم جداا . يعني مو معقووله انتي ناعمه حييييل و اهوا طويل و عريض .. و تعرفين حجي الناس
يعني حتا انا لمن تقدملي واحد مشالله جمال و اخلاق و كل شي لكني رفضته و نفس سببج بس الحمدالله على كل حال
و الي الله كاتبه بيصير انشالله :smile:

تطريز
01/02/2004, 06:03 PM
السلام عليكم ورحمة الله وبركاته
اختي ماشاء الله عندك عريس في يديك استخيري مثل ماقالو ا الاخوات وقابليه ولي لشوف مصايب الناس تهون عليه مشكلته صح يا احلى رنيم واحلى عروس ان شاء الله :up:

ر@ــف
02/02/2004, 02:18 AM
كاتب الرسالة الأصلية : رحيل الشوق
والله مشكلة بترفضينه عشانه طويل وعريض ؟؟

ولا يهمك أنه يحافظ على صلاته وأنه انسان صالح ؟؟:rolleyes:

معليش اسمحي لي .. لكن اعتقد ان ماعندك استعداد كافي للزواج

لأن الزواج أهم شروط الدين والصلاح الله يصلحك .. وليس الشكل لأن الإنسان المحافظ على علاقته بربه ويخاف منه اكيد راح يحافظ على علاقتك معاه كزوجه ويخاف الله فيك

طيب افرضي جاك واحد على كيفك بس ماهو محافظ على صلاته ؟؟ وش بيكون رأيك وقتها ؟؟

الله يهديك انشالله اعتقدت ان في الموضوع مشكلة اكبر من كذا :smile:

والله صادقة :down:

مرموم
02/02/2004, 10:08 AM
http://www.crearecountry.com/flowerdivider.gif


أختي رنيم....


شوفي أختي...لو إنت شفتي هذا الشخص و اقتنعتي بيه و حبيتيه فعلا...و الله ما راح يهمك طول و لا عرض و لا أبيض و لا أسمر....


أختي....هذه أمور شكليات....أهم شيء أخلاقه و دينه و أدبه و احترامه....


الله يوفقك يا رب و يهديكي....:smile:



.................................................

القضية الثانية من أهم قضايانا : عزوف الشباب و الشابات عن الزواج.. (http://www.3roos.com/forums/showthread.php?threadid=74460)

http://www.alsareha.org/up/images/nona-_20.gif

http://www.crearecountry.com/flowerdivider.gif

معلمةجداً
05/02/2004, 08:43 AM
شوفيه حبيبتي إذا أعجبك وحبيتيه بتحبين كل شئ فيه حتى لو كانت عيوب

كويتية كويتية
05/02/2004, 09:20 AM
الله يهداج رنيم :pain:
الموضوع طبيعي ، صحيح قريت كثير ان لابد من توافق بين الزوج والزوجه بالجسم بس انا شفت بحياتنا كثير من الحالات يكون زوجها طويل حيل واهي قصيرة ولا يكون متين واهي ضعيفه .

لاتخافين الحافظ الله :D2
توكلي ووافقي والله يوفقج ويجعله عريس الهنااا يارب (u)
واذا ماتبينه دزيه لي :D2

شرايجـــــــ ؟؟؟؟؟؟؟؟ :shy:

شوق ووله
05/02/2004, 09:56 AM
اهلين اخت رنيم


انصحك اختي انك توافقين خاصة اذا كان صاحب دين وخلق :up:

عمر ماضر الرجل شكله

ادخلي وشوفيه واستخيري وربي راح يدلك على الخير:shy:



:cool2::cool2:والله يوفقك اختي

بنت اجاويد
06/02/2004, 04:09 PM
انا مع رأي الاخت رحيل الشوق والله يهديك ويخيرلك الصالح[ALIGN=center]

دموع المساء
06/02/2004, 07:46 PM
اختي العزيزة اهم شيء في الرجل الخلق والدين والرسول عليه السلام وصى بالاهتمام بهذين الشيئين اي الخلق والدين ولم يهتم بالشكل والطول والعرض لانها اشياء ثانوية.... اذا سالت عن طباعه واخلاقه وعرفتي انه زين انصحك بلاستخارة .. وتوكلي على الله والله يوفقك لما فيه صلاحك في دينك ودنياك ان شاء الله

**وردة**جورية**
10/02/2004, 03:08 PM
اهم شي الاخلاااااااااااااق..اسألو ا عنه واايد واسألوا عن اطباعه...من ناحيه الطيبه والكرم و العشره مع الناس.... والصلاااه طبعا من الاساسيات... والاستخاره ومن ثم نظره الخطبه فاذا انشرح صدرج له وارتحتيله لايهمج لاطوله ولاعرضه..اصلا احلى حق الريال يكون طويل وعريض..شوفي انتي وراحتج النفسيه لما تشوفينه...ياما ناس رفضوا بس لما صارت نظره الخطبه ارتاحوا وكانوا احلى زوجين ..اله يوفقج بس لاتنسييييييييييييييييين: السؤال عنه، الاستخاره ونظره الخطبه والله يوفقج

حلم المستقبل
21/02/2004, 11:44 AM
بسم الله الرحمن الرحيم

أختي العزيزة رنيم خلي في بالك قول الرسول ( ص ) : ( إذا جاءكم من ترضون دينه وخلقه فزوجوه ) واللي فهته من كلامك انه الحديث ينطبق عليه ، ودائما اختي خلي في بالك إن الإنسان مو كامل إذا ما كان في شكله العيب راح يكون في أخلاقه ... وأعتقد إنه يكون العيب في شكله مع إنه أصلاً مو عيب بس ما يكون في أخلاقه.

وبعدين شي اللي يضمن لك إنك راح تلاقين واحد مثل ما تبغين شكل وخلق ؟؟؟ الواحد لازم يتنازل عن شي عشان شي .

أني أعذرك في تفكيرك بهذي الطريقة وبيني وبينك كل بنت راح تتوقف شوي عند هذي النقطة وتفكر بس مثل ما قلت لك يعني ما راح نلاقي شخص مفصل علينا :D2 .

والله يوفقك يااااااااااااااااااااارب وينولك اللي في بالك ويسعدك

اختك ( حلم المستقبل )

عطيات
21/02/2004, 11:48 AM
شوفيه وقعدى معاه وأتكلى على الله :clap:

سمايت
21/02/2004, 12:17 PM
مواصفات العريس

اولا.... يخاف الله.....


ثانيا.... مقبول الشكل


ثالثا..... يطرح الثقة بالناس اللي قريبين منه وخاصة الزوجة.


رابعا... المنطق والاسلوب في التعامل.....وهذا المهم.


خامسا... ان يكون فيه شوي رومانسيه واحترام لاراء الغير.


سادسا... ان يكون سالما من امور المخدرات...


سابعا... ان لايكون فيه غلو في الدين على غير مانزل الله.


ثامنا.... يكون ذو دخل جيد يستطيع ان يسعد اسرته ويلبي متطلبات الحياة.


تاسعا.... ان يعرف ماعليه وما له منحقوف الزوجه


عاشرا.... ؟؟؟؟؟؟؟؟؟؟؟؟؟؟؟ في بطن الشاعر

الفرس
21/02/2004, 12:27 PM
عزيزتي رنيم

عمره الشكل الخارجي ما عمّر بيت
وبعدين كل وحده فينا تبي الستر والسعادة والاستقرار مع شريك حياتها
وهذا كله ما يكون بالشكل الخارجي
بالعكس
يكون بمضمون الشخص وبأخلاقه وبتربيته الصالحة
وإذا ان المتقدم لج رزين وعارف ربه ومحترم ثقي تماماً إن أيامج معاه بإذن الله سعيدة وهانئة ومشرقة يا رب

دعواتي لج ولكل الخوات بالسعادة والهناء

جهينة اليقين
21/02/2004, 12:57 PM
كاتب الرسالة الأصلية : بسة
أنا عن رأيي نفس رأي الكئيبة... لأن إذا شفتيه وحبيتي شخصيته وأخلاقه صدقيني بتحبين حتى جسمه ولا راح يهمك... وإذا يعني عشان فرق الطول والوزن بينكم ترى ماله دخل ولا يأثر على شي لا تخافين.. ويللا عشان تجيبون عيال طولهم حلو.. :D2

وعلى العموم استخيري قبل كل شي وما عليكي من رأي أي أحد ثاني المهم رايك انتي وطنشي الباقي.. :up:

التمساحه
22/02/2004, 12:32 PM
هلا اختي الغالية انتي مسوتنها سالفة طويلة ليش :eek2:

اهم شي الاخلاق والدين :up::up::up: