المساعد الشخصي الرقمي

مشاهدة النسخة كاملة : مـــــشـاكـــلـي فـــي..... مــــشـكــــلــه..........!!!



عروس للأبد
29/01/2004, 02:07 AM
السلام عليكم و رحمة الله و بركاااته.....:smile:






لو ..المشـــاكل تنـتهي عــقب حب الخشـــوم.....كان حبيت راس كــل مشــكله و ارتـــحت....:confused:







انا قررت أكتب هنا ......و أريح نفسي.....لنه عندي مشاكل عديده و ليست مشكله.....؟؟؟ ...و اذا قعدت اكتب كل مشكله في ركنها ...عز الله ما خلصنا.....:down:








المهم ......انا عرسي بعد ......شهر و نص ....و بكون في بيت لحالي...



و لازلت أعاني من الآتي...:-..










1-...معرف اطبخ...:o







2-...كانت فيني حبوب كبيره على اكتافي ....(دمامل) و باقي آثارها للحين ما راح رغم اني اعالجها من سنتين مع استشاري جلديه....:down:








3-...شعري خفيف و يتساقط....و ما يطول بسرعه ....مع انه ناعم و لونه بني..فاتح.......يقولون مب زين استخدم شامبو السوق ..لنه كيماويات ....!! و يقولون استخدمي شامبو طبيعي ......بس انا معرف ....من وين أحصله ..و لا اعرف حتى اسم شامبو طبيعي واحد.....:down:













4-...جسمي مو متناسق ....يعني فوق ألبس سمول.....و تحت ..اكس لارج..:o .....و أمس شريت كريم طبيعي ...من وحده ....تبيع اعشاب ..و قالت حطي منه كل يوم قبل تنامين....و في ظرف شهر بذيب الدهون و الشحوم الزايده و بنحف اردافج.....:rolleyes: مدري صدق كلامها ...او لا ...اخاف اتعب نفسي بدون فااايده .....بس الحرمه هذه عموما ...معروفه بجودة بضايعها و عندها زباين كثار.....بس مدري اذا عندكم حل اخسر فيه وزني الزايد في اردافي ...خلال شهر و نص ......موعد عرسي...!! :pain:














5-.....أنا مشاء الله علي حلوه و بيضه... :shy: ..و طول عمري ما كنت احب احط مكياج الا بالمناسبات......بس الحين على قولتهم أنا عروس و لازم مكياج يوميا....:rolleyes: ......مدري ...اذا بقدر اواظب على وضع مكياج يومي او لا...و عموما ابي نصيحتكم......في المكياج بالنسبه يلي جبهتها صغيره....؟؟ يعني شلون تبرز حجمها ......:o << هذه جبهتها صغيره...













6-.....انا حاليا لازلت أشتري جهازي( يعني الزهبه).....و بعدي ما خلصت.....

و شريت قمصان نوم كثيره.......بس محتاره أي لون ألبس أول يوم.....فيه بنات قالن البسي ابيض لنه يناسب نعومة أول ليله....و عشان تكون ليلة هاديه....:rolleyes: ....بمعني ما ألبس لون مهيج جدا من أول ليلة....؟؟ :cool2:










7_ ...<< يا كثر مشاكلها ....:eek2:



زوجي ....عكسي تماما ......شخصيته تماما مختلفه عني.....و حتى هواياتنا ما فيه شي مشترك.....بس هو طيب و خلوق حمدلله ......و ملتزم بعد....:up:


بس ...فيه غموض انا ما احبه .....و اذا اقوله انت غلطان يعترف و يعتذر بس سرعان ما يرجع لنفس الغلطه .....بدون ادراك.....










8-....بالنسبه لتنسيق الوقت بعد الزواج ...و اقصد اني بكون بشقه بروحي....و ما عندي خداامه طبعا.....:confused:...



يعني شلون ....متى اطبخ ...متى انظف...متى أكشخ.....أحس اني بكون في دوااامه .......و عندي كااابوس مزعج ....أخاف انه يدخل علي و انا بالمطبخ ..ريحة بصل+ثوم+زفر....:pain:












9-....شلون أسرق لب قلب زوجي من أول أيام زواجنا ...و أخليه يحبني و ما يستغنى عني للأبد......يعني شلون أضمنه زوج محب على طول...؟؟









10-.....و هذه مشكلتي الكبيره سابقا و الصغيره و الأخيره حاليا ....لني خلاااص اقتنعت انه هذا نصيبي و قدري......و لن يصيبنا الا ما كتب الله لنا........



هيه تتلخص طبعا ....في انه انا ..ما أحب زوجي و ارتباطي فيه على مستوى عائلي فقط...و تقليدي طبعا....لكن هو يحبني و يحترمني مره و دوم يجيب لي هدايا :o .....بس سبحان الله انا قلبي مو راضي يحبه لليوم....لكن برتبط فيه ...خضوعا للقدر و للنصيب و لرغبة العايله طبعا....:down:


و لأني أيضا اقتنعت بكلام الكثيرات ..انه الحب يجي بعد الزواج....و عسى ان تكرهو شيئا و هو خير لكم.....



و بالرغم من ذلك .....تمر علي لحظات بكاء عنيفه ......ربما لأنني ...كنت ارغب و بشده ....بالزواج عن حب .....:confused:



الزبده ...يلي عنده طريقه تخليني احب زوجي ....يا ريت ما يبخل علي فيها...



مدري ....هو واقعي جدا ..و انا بنت حالمه -رومانسيه زياده- خياليه-....اتوقع هذه هيه الاسباب ..يلي مخليه فجوه كبيره بيني و بينه....و مو قادره احبه مشانها ...لني ما وجدت فيه انه يكملني من ...ناحية الاشياء يلي احبها....و لا حتى يشاركني في حبها.....! :pain:





أمي تقول ..أهم شي هو يحبج.....و الكل قال لي كذا بعد....بس انا عندي سؤال برئ يطرح نفسه.........





(ليش عواطفي انا مهمشه .....و ليش مو مهم أنا أحبه مثل ما هو يحبني ..طيب...)...؟؟؟









عموما مشاكلي ما خلصت .......الله لا يبلاكم......بس خلوني اشوف حلولكم المفيده ان شاء الله ......و بعدين أبرسل الدفعه القادمه من .......(مشاكلي في مشكله...)......<< ناويه تسويه فلم...:cool2:

s2s2s
29/01/2004, 02:04 PM
انت لوخليتي كل مشكله في موضوع منفصل كان الامر اسهل..

بس يالله ان شاء الله بنساعدج قد ما نقدر واكيد كل وحدة راح تقترحلج حل لكم مشكله :

طريقتج في الكلام عن عرسج ووصفج لزوجج واهتمامج باللون اللي تبغين تلبسينه في أول ليله و طلبج لطريقة تخليه يتخبل عليج ووووو ... كل هذا يدل على انج تحبين زوجك ، لا وبعد مغرمة فيه..
صدقيني ان خوفج من المستقبل ومن حياتج اليديدة ونفسيتج في هالفترة الصعبه(التجهز للعرس) كل هذا يوهمج بأنج ما تحبينه ، اتعوذي من ابليس وعيشي هاللحظات السعيدة وفكري ان وايد بنات يتمنون يكونون مكانج >عروس< ومب أي عروس انما (عروس للأبد) وانت ما اخترت هالاسم إلا لأنج تتمنين ان زوجج يشوفج عروس للأبد.

وبالنسبه لأحلى لون تلبسينه لأول ليله ترا ما في أحلى من اللون الابيض خاصة إذا فيه ورود ورديه وزرقا .. بتطلعين رومانسيه على الآخر..

وبالنسبة للطباخ ، ادخلي مع امج أو خواتج الماهرات للمطبخ واتعلميلج الطبخات السهلة . وأكيد لو تعلمتيها واتقنتيها فراح يسهل عليج أي طبخه .. وخذيلج كتاب خفايف ترا طريقتها واضحة في العرض ومضبوطة 100%

وبالنسبة للمكياج حطي شي هادي وناعم ، خاصة انج حلوة وبيضا ، يعني حتى لو حطيتي روج وكحل بتطلعين قمر ( ما شاء الله عليج) والريياييل ترا ما يحبون المكياج وايد .. حتى اسئلي زوجج..

وبالنسبة لشعرج حطي خلطات زيوت وراح تحصلين في زاويه العناية بالشعر اشياء حلوة اخذي منها اللي يناسبج..

واتمنالج التوفيق من كل قلبي والله يسعدج مع زوجج وتذكري دايماً ان الكمال لله وحده سبحانه

عروس للأبد
29/01/2004, 04:47 PM
:o S2S2S

مشكوره اختي على ردج الكريم ...و ما تعرفين شقد ارتحت لكلامج ...كأنج قاعده تكلميني ..وجه بوجه....:up:








فديتج .....أنا فعلا مهتمه بكل تفاصيل زواجي القادم .....بس هذا مو معناااه انه انا أحب زوجي......



يمكن أنا مهتمه....مشان نفسي و بس ......و مشان ما أخسر حبه ..مدام هو يحبني.....




لكن فعلا أتمنى اني أحبه في يوم من الأيام ...و أتمنى الكل يدعي لي بكذا....




و بالنسبه لقميص النوم ان شاء الله بخذ برايج....بس مدري ألبس طويل أو قصير...؟؟؟:o




و في النهايه ....أشكرج عزيزتي ...s2s2s ....و الله يوفقج و يكتب لج السعاده بكل خطوه يا رب ..على كثر كلامج ما ريحني ...:shy:






بس ..أتمنى أشوف ردود أكثر يا بنات بليييييز ساعدوني ...انا محتاجه عدة آراء مشان آخذ يلي يناسبني منها....و مشان أرسى على بر....:shy:







تحياتي ...عروس للأبد :cool2:

s2s2s
30/01/2004, 02:11 PM
مشكورة حبيبتي على دعواتج لي ، والله يريحلج بالج وينولج السعادة
وصدقيني ان الحب مب كل شي..لكن الاهم هو الشعور بالامان والاستقرار والاحترام وان في شخص يحبج ويخاف عليج.. وانت لما بتشوفين معاملته الحلوة لج تلقائياً راح تحبينه..

ويقولون خذي اللي يحبج ولا تاخذين اللي تحبينه

والزواج عن حب ترا مو دايماً ناجح..والدليل تقدرين تشوفينه في الدول الغربية.

وشوفي أمهاتنا لا عرفوا الحب ولا تعلموا الرومانسيه وشوفي كيف حياتهم مستقرة ومربين عيالهم أحسن تربيه اللي في زمننا صعب انه يستوي.

وبالنسبة لقميص النوم أحلى انه يكون طويل لليله الاولى.

أزهار
31/01/2004, 01:18 AM
يووووووووووووووووووووه

ليش ليش معقدة الأموووووور


اف شوي شوي على عمرج

عشان شذي متوترة

والله انا اقرأ مشكلتلج اقول هذه واااااااااايد مرتاحه


الله يهنيها

اقرأ واشوف مشكلتلج اقعد اضحك اقول والله وترت عمرها

ياليت انا مكانها

شوفي اختي اول شيئ انا مو معرسه بس كنت مالكه واعرف سوالف الحريم

بالنسبه للمشكلاتج الجسميه صراحة مو خبيرة لها الأشياء

اما مشكله الطبخ اذا انتي رح تحطي في بالج انج ماتعرفين الطبخ

راح ماتعرفين

الطبخ يا اختي اسهل شيئ واسهل مشكله عندج تنحل

بس اسبوع وراح تكون افضل طبيخة خلي حد من هلج يعلمج

وراح تعرفين شلون انه الطبخ فن ومتعه

وبعدين الريال يضايق من اللي ماتعرف تطبخ لحقي على عمرج قبل مايعرس عليج ( امزح وياج )


انزين اختي وشو بعد من مشاكلج الحلوة

ايوه منو قالج انه العروس لازم كل يوم تحط مكياج

المهم ريلج شلون يباج تكونين

ولما يكون في حد بيزورك حطي مكياج

وبعدين مكياج عادي وبسيط

وبالنسبة للجدول أعمالج في الشقة

يمكن انتي مو متخيله شلون بتكون حياتج معتمده على عمرج

المهم اختي ييبي ورقه واكتبي شو راح يكون اعمالج الرئيسية
اللي لازم تسوينها في الشقة

وراح تشوفين انه اسهل واحلى يومج مع ريلج وفي الشقة

سالفة الطبيخ وريلج يشوفج بلمنظر وحدة مبهدله وريحة طبيخ

عااااااااادي اختي

حاولي ماتتأخرين عن الطبخ والتنظيف ويكون كل شيئ مرتب

ولما يشوفج بالهمنظر حاولي تعوضينه بالمنظر جميل وانيق في نفس اليوم

المسأله صدقيني مو صعبه سهله بس انتي مو متخيله

راح بيكون لج وقت انج تنظفين وتكشخين وتلبين حاجة زوجج

بالنسبة مشكلة حب الزوج

بقولج شيئ اختي انا شفت مشاكل من هالنوعيه

بس تنحل بعد الزواج بسرعه لانه في اشياء حلوة بتجمعكم مع بعض

واذا انتي رومانسية وريلج لا انتي علميه الرومانسية

من كلماتج وهمساتج ولمساتج واناقتج بعد

راح يتعلم منج وبيكون احسن منج

بعد الزواج وبمرور الأشهر حاولي انج تكوني جريئة

واعملي اللي في خاطرج معاها عشان ماتفقدين اي شيئ تحلمين فيه

وراح يفهم شعورج وبتكونين في حياه جميله افضل مما كنتي تحلمين

وبعدين بقولج ترى يكفي احترام ريلج وتقديره لج ولا تطمعين بالأكثر

ياما كانوا الرياييل رومانسيين مع حريمهم بس حياتهم بعد كئيبه

انا مثلا ريلي كان معاي في غايه الرومانسية بشكل ماكنت احلم فيه
لكن في نفس الوقت ماكنت احس انه يقدرني
راح تستغربين شلون كذي
بس هذه الحقيقه والسر في ذلك بيظل سر معاي
بس ابي اقولج انه

هناك رومانسية كاذبة وحالمة وحقيقية

ورومانسية ريلج من النوع الحقيقي

بس يريدلها تطوير وصبغه حالمه عشان ترتاحين وتحبينه


المهم اختي يمكن طولت عليج بس ان شاء الله استفدتي مني

لله يهييج و يفقج عاد عزمينا على عرسج

خطيرة حدي
01/02/2004, 12:24 AM
يالله عليج شنو معقدة الأمور .. بس ماالومج قبل العرس الوحده تصير عصبيه وتفكر بأقل التفاصيل.. بس آنه اقولج شوفي لج وحده من صديقاتج .. خليها تعلمج واستفيدي منها :smile:
:flower: وألف مبروك مقدماً

خطيرة حدي
01/02/2004, 12:38 AM
نسيت أقولج .. إذا تبين تضعفين خلي عنج مجيد وأكله وسكري حلجج عن الأكل :mad:

جوجو2009
01/02/2004, 01:27 AM
اولا الف مبروك والله يجمع بينكم بالخير
ثانيا : اختي عروس للابد والله انك مصعبه الامور عليك والله يااختي انك حاطه نفسك في دوامه انتي في غنى عنها .
وانا ياعزيزتي بأحاول اني افيدك وانشاء الله اقدر
اولا بالنسبه للطبخ مثل ماقالوا الاخوات قبلي تعلمي انا وحده ماكنت اعرف اطبخ بس تعلمت خلال اقل من شهر وطبعا بالبدايه لازم تحتاجين كتاب يساعدك.
ثانيا : بالنسبه للدمامل اول شي سوي حمام مغربي طبعا سوي لنفسك لجسمك كله وبعد كذا استخدمي زبادي مع ليمون وانشاء مع الاستمرار راح تروح اثارها
ثالثا : بالنسبه لشعرك هذي نفس مشكلتي ولا اقدر افيدك بالشي هذا .
رابعا : بالنسبه لجسمك استمري على المشي المستمر واذا عندك جهاز للجري في البيت يكون افضل واسرع بالتخفيف طبعا يزيل الدهون وينسق جسمك باقل من شهر وهذا مجرب .
خامسا : اما المكياج طبعا مو يوميا بعدين زوجك يمل من شكلك لازم تغيرين يوم مكياج ويوم طبيعي ويوم ثاني خفيف وهكذا .
سادسا : من راي القميص الي تشوفينه عليك حلو البسيه .
اما انك ماتحبين زوجك وخذتيه بس لظروف عائليه مثل ماقالوا الاخوات خذي الي يحبك ولا تاخذين الي تحبينه , وشوفي انت تصرفاته معك وحاول انك تحبينه وتكونيني له الزوجه الي يتمناااااها لانه من كلامك مايستاهل انك ماتحبينه باالعكس لازم تحطينه بعيونك وبالمعامله الحسنه تقديرين تخلينه زوج محب للابد لاتبخلين عليه بشي وطيعيه وعامليه باحسن من معاملته لك وبكذا بقدرك ويحترمك ويحبك وان شاء الله اكون افدك ودعواتك لي . :up:

ر@ــف
01/02/2004, 10:15 AM
8
8
جوجو شيكي صندوق رسائلك الخاص :smile:

عروس للأبد
01/02/2004, 03:16 PM
سلام عليكم...









شكرا لجميع الاخوات يلي ردو علي....و بصراحه أحرجتوني...:o



شكرا اختي ...الغاااااااااااليه // أزهـــــــــــــــــار :cool2:



و شكرا اختى العزيزه و صديقتي الحبيبــه..// ندى الدوحـــه :up:






بس انا اشوفكم كلكم متفقين على اساسا انه أنا مكبره السالفه و مسويه لعمري مشكله.....أنا في غنى عنها .....؟؟؟!!!





مدري والله لكن الواحد يحمدالله على كل حااال.....و يمكن انا حساسه شوي ...لكن فعلا فيه بعض المشاكل تؤرقني ...جدا.....:confused:






والله مدري شقول ...يمكن لنه وقتي مضغووط و عندي اكثر من مشكله فعشان كذا ...حاسه اني ما بقدر اتخلص من كل مشاكلي في هه الفتره البسيطه قبل العرس...:down:





الله يستر بس ...و ما أقول غير الله كريم....و مشكورين على الردود الطيبه يلي رفعت معنوياتي....و استفدت من معظمها....:clap:










تحياتي /// عروس للأبـــد :shy:

عروس للأبد
01/02/2004, 03:19 PM
عفوا ....:o


نسيت أشكر الاخت ...// جــــو جـــو.....2009





شكرا اختي ...// جـــو جـــو :shy:

مرموم
02/02/2004, 10:37 AM
http://www.crearecountry.com/flowerdivider.gif


الله يوفقك أختي عروس للأبد...و إن شاء الله فعلا تكوني عروس للأبد :smile:


البنات ما شاء الله كفوا و وفوا....و لو حبيتي ممكن تحطي مشاكل البشرة في ركن البشرة...ما شاء الله البنات هناك خبرة...


بارك الله لكما و بارك عليكما و جمع بينكما في خير....:smile:


http://www.k4ic.com/special/zawaj/3.jpg




.................................................

القضية الثانية من أهم قضايانا : عزوف الشباب و الشابات عن الزواج.. (http://www.3roos.com/forums/showthread.php?threadid=74460)

http://www.alsareha.org/up/images/nona-_20.gif

http://www.crearecountry.com/flowerdivider.gif