المساعد الشخصي الرقمي

مشاهدة النسخة كاملة : مشكلة صديقتي الحميمه :( :(



اوته
20/01/2004, 01:56 AM
سوف ادخل بالموضوع بلا مقدمات :(

زوج صديقتي حصلت له دورة عمل لمده 6 شهور في امريكا تتخللها فترة اجازه شهر كل ثلاث شهور .. المهم صديقتي اصبحت تراقب زوجها من خلال الايميلات واكتشفت انه اشترك لمدة شهر في اشهر موقع جنسي في الولايات المتحدة ودفع لهم اشتراك لمدة شهر واصبح يطلب من فتيات هذا الموقع ان يأتين له في شقته ( صديقتي اكتشفت ما بينهم من خلال الايميلات المرسله والمستقبله ) علما انهم متزوجين من اربع سنوات ولهم 3 اطفال مشالله حلويين وطلبت مني النصيحه لأنها انهارت ودخلت المستشفى وحالتها سيئه جدا جدا مما انعكس على اطفالها :( :( :( هل تواجهه ام هل تتغاضى ... ؟ قلت لها سوف اعرض المشكله وانشالله نلقى حل سليم يحفظ البيت وما يعرضه للخراب ومنا اليكم :(

~سلال الزهور~
20/01/2004, 03:16 AM
السلام عليكم ورحمة الله وبركاته
مرحبا اختي
والله اصعب شي الخيانه00
حبيبتي اولا لازم تهدي اعصابها كل شي يصير بالتفاهم
وتواجه زوجها واتذكره اللي يسويه حرام هييه حلاله
اذكره بالأيام الحلوه اللي قضوها مع بعض
وشو قصرت في حقه ؟ ليش يجازيها بهذي الطريقه
والله كل شي ينحل بالهدوء والنقاش
والله قلبي معاها 00والله عورت قلبي وإنشاءالله بدعيلها في صلاتي

اختج00 سلال الزهور

اوته
20/01/2004, 03:51 AM
جزاج الله خير اختي ~سلال الزهور~ ......

انا قلت لها افضل شي المواجهه بس البنت مو راضيه تقتنع ....
تقولي ما خفي اعظم :eek2:

bent^cute
20/01/2004, 08:04 AM
بسم الله الرحمن الرحيم

تحيه وبعد...

الله يهديه ان شاء الله..

تحياتي

بنت كيوت

visitor
20/01/2004, 11:41 AM
ارى ان تتجاهل صديقتك هذا الموضوع ولا تواجهه ابدا لان المواجهه قد يترتب عليها الانفصال ويجب ان تعالج الاسباب التي ادت به الى ذلك

ريووووووف
20/01/2004, 03:47 PM
عند اهلها وتخلي هالمنحرف لين يعقل ولا الطلاق اشرف من الحياه معه

اا أم علي اا
20/01/2004, 09:33 PM
:eek2::eek2::eek2: ما الذي تقوله يا اخ سامي

كيف يعني تتجاهل الموضوع ولا تفتحه معه يعني ايش تخليه يزني ويرتكب المحارم ويجيها ولا كأن شي صاير اللي يسويه حرام وممكن ينقل لها امراض من وراء هالحرام اللي يسويهانا من وجهة نظري انها تكلم كبير لها في العايلة يكلمه ويعقله ويعرف الاسباب اللي دفعته الى هالعمل المشين واذا ما اقتنع الانفصال افضللللللللللللل بكثير من العيش تحت سقف واحد مع خاين ومنحرف :down::down:

شواطىء الفرح
20/01/2004, 09:53 PM
المواجهة امر حتمى ولازم لانه فى شرخ كبيرحصل بالعلاقة بينهم


بس فى شى مهم لازم تفكر فيه وهو انه مشترك بموقع اباحى يعنى عزكم الله حذالة الناس والله العالم شو من المصايب يمكن تنتج عن هاذى العلاقات المشبوهة وبعبارة صريحة شو يضمن ما تكون بائعات الهوى هاذيل فيه امراض نسال الله السلامة وتتنتقل الامراض للزوج ومن ثم للزوجة الغافلة ا
,, الله يحفظها طبعا

فلازم تصارح زوجها خوفا على مستقبل العائلة والعيال


يا ما سمعنا من القصص اللى عائلات راحت فيها والسبب نزوة



تذكرت مسلسل جرح الزمن

الحبيبة
21/01/2004, 12:18 AM
ياساتر..


موضوع يخوف والله..ماعندي حل بصراحة للمشكلة لكن أهمممممم

شي انها ماتخليه يلمسها صحتها بالدنيا..الله يستر :confused:

تـــــــــــالا
21/01/2004, 01:49 AM
سلام..

شوفي حبيبتي..أنا لو منها أركب أول طيارة وأروح حق زوجي..لاتنسي أ

أنه في غربة..وزوجته بعيدة عنه..

إذا تقدر..وإذا ما تقدر..ع الأقل تروح هي وتخلي عيالها عند أهلها..

عشان لأينهدم بيتها..بكرة يمرض ويمرضها معاه..

تحاول تروح له هذا هو الحل لو تستلف المبلغ..تلحق زوجها..أحسن لها..

اوته
21/01/2004, 02:18 AM
مشكورين وما قصرتو للي شاركو وهم مشكورين وما قصرتو للي ما شاركو ا ..... :)

البنت واجهته والرجال اعترف من اول المواجهه ما انكر ويقول انها نزوه وانه متندم قد شعر راسه ويقول انه هي وعيالها عنده بالدنيا بس اللي صار انه بغربه وسولت له نفسه اللي حصل .... وانه ابدا ما يرجع لهذا الشي واهو انشالله يوم الاحد راح يرجع من السفر
السؤال هنا : كيف تواجهه البنت تقول ما اقدر اطالع في وجهه مثل قبل احس قلبي قفل من ناحيته واللي صار بيكون قدام وجهي طول الوقت ونقطه سوده بحياتنا ....

شنو نصيحتكم لها كيف تكون علاقتهم بالمرحله القادمه ترجع مثل قبل ولالا هي تقول احس قلبي صار اسود عليه ما عاد له غلا عندي مثل قبل :( :( :( :( :( :( :( :( :( :(

مرموم
21/01/2004, 02:34 AM
http://www.crearecountry.com/flowerdivider.gif


أختي العزيزة أوتة...


طبيعي أختي يكون جرحها ما زال ينزف.....و مش راح يداويه إلا الزمن و تحسن تصرف زوجها ( الله يهديه يا رب )...


خليها تتقرب من ربها أكثر و تحاول مع زوجها أكثر إنه يقوي علاقته بالله تبارك و تعالى....و الله يجعل حياتهم ترجع زي ما كانت إن شاء الله....


طمنينا عنها أختي أوتـة...


بالتوفيق إن شاء الله....



القضية الثانية من أهم قضايانا : عزوف الشباب و الشابات عن الزواج.. (http://www.3roos.com/forums/showthread.php?threadid=74460)

http://www.alsareha.org/up/images/nona-_20.gif

http://www.crearecountry.com/flowerdivider.gif

آساهي
21/01/2004, 02:52 AM
مرحبا اختي اوته ..

الحمد لله ان الزوج عقل ورجع لعقله ..

وبالنسبه الى ان قلبها تقفل من ناحيته ..هذا شئ طبيعي برايي ..

لان الي سواه مو قليل .. هذي خيانه ..

ولو كنت مكانها مستحيل بعد استقبله بالأحضان ولا كأنه مسوي شئ

حتى لو كان ندمان .. بخليه يندم ويعض اصابيعه ندم بشكل معقول .

بعد كل هذا وفي هل الحاله ..إذا حس فيني وبجرحي .. بعدها اقدر اتناسى جرحي واداوي جرحه قبل جرحي .. بس المهم احسسه بجرحي .. وعظم ذنبه .. على شان يحرم ..


والله يزيده هدايه فوق هدايته .. ويهديها للي بمصلحة بيتها ..

ويوفقهم ويخليهم لبعض .. قوولوا آمين ..

اوته
21/01/2004, 02:53 AM
شكرا اختي مرموم على المشاركه .....

انشالله ربي يهديه وتكون مجرد نزوة مثل ما قلني :pain:

قلب جرئ
21/01/2004, 06:01 AM
بسم الله الرحمن الرحيم
السلام عليكم ورحمة الله وبركاته
تاخد اولادها و تروح علي بيت اهلها
و لما يرجع هو عن اللي فيه و يتوب تبقي تفكر ترجع له و لا لا

أزهار
22/01/2004, 12:32 AM
لا حول ولا قوة الا بالله

اللهم اهدي شباب المسلمين


:down:

الحبيبة
22/01/2004, 05:32 PM
أهم شي الحين الفحص الطبي..والله عن جد وللا حتخسر حياتها

وصحتها على شي مايسوى:confused:

الطيبه
02/10/2004, 11:28 AM
اذا يالطيف يعمل الفاحشه
ماتقعد عنده ولا دقيقه لانه يالطيف ممكن ينتقله مرض الايدز من الحريم الاجنبيات واذا اراد انه يسوي مع حرمته ممكن هي كمان يجيها الايدز
اللهم احفظنا

مذهلة البحرين
02/10/2004, 11:39 AM
كاتب الرسالة الأصلية : sami
ارى ان تتجاهل صديقتك هذا الموضوع ولا تواجهه ابدا لان المواجهه قد يترتب عليها الانفصال ويجب ان تعالج الاسباب التي ادت به الى ذلك

nodoo
02/10/2004, 11:59 AM
عشان ما تواجهه الا تواجهه وتخليه يندم اللي سواه ، وبعد ما راح يندم ، شوفي قولي لها تشد معاه واذا ما راح يتوب راح تنقصل منه ، بس خليها تخوفه ، واذا رجع من السفر خليها تغير من شكلها ومن لبسها وقصة شعرها ولون شعرها وخليها على طول تتدلع وتلاعب أطفالها وتصده تخليه حشرة بالبيت لفترة عشان يعرف انه كسر قلبها ، وبعدين قلبها مستحيل راح يغفر له اتوقع راح تعيش على طول بشك وعذاب ومراقبه لتصرفاته بس هي عليها قراءة القرأن وتطلب من الله ان يهديه وما يكون له حظ بالدنيا مع النساء غيرها وتبتعد عن المشاكل ، بس لازم لين يرجع ترايه شغل الله تسنعه وبعدين تطنشه تحسسه انه صار ولا شي بحياتها ، وبعدين الله يعدل امورها بسسسسس لا تطلب الطلاق أو تجيب هالكلمة على لسانها ، والله يسر أمورها والله انا أعرف وحاسة بحرقة قلبها ، الله يزول الرياييل اللي بهالشكل ويمحيهم محى من الدنيا .

المجهول
02/10/2004, 12:03 PM
اختي الفاضله اوته
انصحي صديقتكي بان يخضع زوجها للفحص من الامراض الخبيثه التي تغزو العالم كي لا تكون ضحيه لنقل العدوه

وذكريها بان لا تبينله اي تغيير كي لا تخسر زوجها ويكونون الاولاد هم ضحية الانفصال وتجعله يرجع لربه

وتاكدي بانه اثناء ذهابه للفحص عن الامراض الخبيثه سوف تراوده الشكوك ويحط مليون سؤال وجواب لو ابتليت بهذا المرض ماذا يكون مصيري اما ربي و بيتي وزوجتي واولادي واهلي واصدقائي ولهذا يحس بالغلط الذي ارتكبه وتكون له نقطه الى الهدايه وتمسكه بربه ودينه

ولا تكرهو شي فهو خير لكم

وانشاء الله اللي صار غراح يكون خيره له بحيث يكون ملتزم بربه ودينه ولاسرته

وتقبلي تحياتي

ادميه
02/10/2004, 12:12 PM
لاحول ولا قوة إلا بالله
الله يهديه ويهدي شباب المسلمين أجمعين
أنا أقول أنها لازم تصارحه لأنه زوجها وأبو عيالها وصعبه أنها تخرب بيتها وهي توها بأول الطريق هي وأولادها محتاجين له هذا إذا كان هو قايم بحقهم من قبل وهذه أول غلطه له
ويجب أن تسارع قبل أن يتمادى بالمعصيه ولكل رجل نزوه

ام يزوي
02/10/2004, 12:32 PM
الصراحه الله يعنها اللي سواه مب اشويه والمسامحه صعبه :confused::confused::confused: قلبي وياج والله الله يشرح بالج ويريحج

* نماء *
03/10/2004, 07:52 AM
لازم تواجه زوجها ما تسكت وإذا سكتت لحد متى بتسكت راح يتماد وبعد الأمراض منتشرة كثيرة كذا لازم توقف كل شى عند حد لا تسكتي أختى هذا سكوتش يساعد في التمادي في أفعاله وبعد يسهل في إنتقال الأمراض إذات سكتي راح يدمر بيتش يمكن ما راح يسعد معاش يفضلهم عليك وكل جايز في هذا الزمن ... وإذا يحبك راح يتقبل الامرا صح في البداية يمكن راح تحدث مشاكل لكن بعدين ببتغير الامور.......

ام ربى
03/10/2004, 04:30 PM
وانا بعد من وجهة نظري انها ترد بيت ابوها...واذا جاء من السفر

تقولها له بالعربي "افحص نفسك بالمستشفى"

لانه اذا ماهي خايفه على نفسها على الاقل على عيالها...

وتحاول تتمنع وتدلع ولا ترجع بيته الا بطلوع الروح حتى يحس بــــــــ:

1-بالخطأ اللي وقع فيه وحرمته الكبيره عند الله

2-يحس بقيمتها ..ويعرف ان الله حق


تحياتي

المتفائلـة
23/10/2004, 10:26 PM
شوفي حبيبتي اولا شئ خليه يكشف على نفسه عند طبيب عشان تتاكد

انه سليم لانه اذا كان مو سليم اتوقع مافيه كلام وحلول بعد الشئ هذا 00

لكن اذا صار سليم تشوف الي يريحها انها تروح لبيت اهلها وترتاح شوي

وتفكر زيييييييييييين او انها تروح عنده لكن لاتكون ضعيفه ابد ابد لان الرجل

اذا شاف حرمته ضعيفه سوى بحبها له او بشي ثاني ينسى خطا وكانه

ماسوى شئ00لكن نقول الله يعين كل مهموم ويفرج عنه ( لكن لاتعطيه

وجه على طووووووووول)0

عروس الغبيراء
23/10/2004, 10:44 PM
لازم تواجهه وتخيره هي والادهم ولا هديلا الكافرات

وماتخليه يقربها ولا يقرب اولاده

لان هديل اللي يعاشرهن في امراض يكافي ومعديه

وسهله الانتشار:down:

مجـدي
24/10/2004, 10:36 AM
قبل ان ترجع له يجب ان تطلب منه ان يكشف طبيا لان من الممكن ان العلاقات المحرمه التي كان يأتيها تكون قد اصابته بمرض من السهل جدا ان تصاب زوجته من جراؤه

نسمة الحياة
25/10/2004, 10:10 AM
:eek2:


:eek2:


:eek2:


كان الله في عونها ....



المسكينة ...




شوفي عزيزتي :
لو كان زوجها بس مشترك في الموقع الاباحي بدون أن يقابل النساء في منزل .. فأنا أقول : معليش خليه تسامحه ...

بس لو فعلاً كان يقابل النساء عن طريق الموقع الاباحي ، ويعمل معاهم علاقات جنسية .. فانا أقول : من الصعب مسامحته ...

لأن اللي يخون مرة ،، يخون مرة ومرتين وثلاث ...

الشيخة
26/10/2004, 01:02 AM
هذي سوات ناس

اكيد البنت بتتحطم .. وبتنهار نفسياً

اول شيئ لازم تحسسة انها درت بالموضوع
وثاني شيئ توضع حد لهذا الشيئ بطريقة حسنة .. يعني تذكرة بالصلاة واهم شيئ اهم شيئ الصووووم.. لانه احسن وافضل علاج على الاطلاق لابعاد الشهوات عن الذات. والادعية.

وتقول له دايماً وش رايك اليوم نصلي جماعة انت جدام .. وانا ولعيال وراك.
او وش رايك نتعاون انا وانت على ختم القرآن.

يعني اشياء تذكرة بربه
ذكر فإنا الذكرى تنفع المؤمنين

وإذا ما فاد .. خلها تكون بشخصية قوية وتواجه -بعدين عن الاطفال تماماً- وتطلب منه الابتعاد عن ذلك وإلا تهجرة.

هذا وين مفكرة نفسه .. طلع برى دار ومشى على حل شعرة
صج ان امريكا بلد خراب .. بس اهو لازم يعرف انه هالبلدان الي يروح لها يروح للعمل والدراسة فقط يعني ناخذ منهم المنفعة

مو ننفعهم .. و لا وفي اشياء والعياذ بالله
اكفينا شرها يارب العالمين.

الله يهدية

الشيخة

روبا
26/10/2004, 01:32 AM
الأفضل لها انها تقول لأهلها و هم يتفاهموا معاه وتتركله البيت الى ان يسوي فحوصات وتتأكد انه سليم من اي امراض وعلى اساسها تتفاهم معاه انا مااحب الطلاق لأنه ابغض الحلال لكن لازم ما تسامحه بسهولة لأنه لو هي مكانه كان طلقها و فظحها بعد والله يصبرها على مبتلاها ويصلح زوجها ويهديه.

روبا
26/10/2004, 01:56 AM
كمان فيه استفسار بسيط وهو هل هي متأكدة من الي صار وكيف راقبت ايميلاته هذي مي داخله مخي وغير كذا ممكن يكون واحد ثاني أذا هي عارفه او شاكة انه زوجها راعي هاي السوالف ومتأكدة من الي ليقته وقتها مالها حق تسكت لكن اول افضل انها تكلم شيخ معتدل في احكامه وعلى اساس رده تتصرف

نوووسهUAE
27/10/2004, 06:42 AM
لازم يسوي فحص عن الامراض