المساعد الشخصي الرقمي

مشاهدة النسخة كاملة : متعشمه اتحلون مشكلتي



bint_jumera
19/01/2004, 01:03 PM
بقولكم مشكلتي اتمني اني احصل علي الحل عندكم انا انسانه متزوجه من 8 سنوات وعندي 3 عيال كنت انسانه هاديه ومااعرف شي في هاي الحياه كنت اتحري كل الناس مثلي خجولين مايجبون يجرحون حد المهم زوجي كان حالته الماديه تعبانه المهم انا اتزوجته لانه انسان زين عن طريق الاهل

المهم كنت اتحري اني يوم مااطالب بمهر غالي اني بكبر في عين اهل زوجي وبيعرفون اني مااحب المظاهر اتمني اني استقر وبس بس عاشرت ناس فقراء بس فيهم من الغرور شو اقول اتزوجت في بيت مافيها غير امي زوجي وابوه واخوه اكبر عنه مو متزوج واخته هي اكبر عني


يوم دخلت البيت اخته اتعاملت وياي انها اتحبني كانت اتجيبلي الاخبار ان خواته المتزوجات يتكلمون من وراج لانه عرس ماكان حلو ومن هاي السوالف خاتني اكرهم وانا كنت صغيره ايامها لين مره سمعت هي تتكلم مع امها ويحشون فيني اني دوم اطبخ مااعرف اطبخ ومن هاي الكلام من يومها عرفت انها منافقه تتبين لي انها اتحبني وتكره خواتها لانهم يتدخلون في كل شي بس هي مثلهم استحملتها 3 سنوات كان جحيم بالنسبه لي نقل اخبار ووايد اشياء انا ماكنت اقدر ارد عليها ولو رديت كنت اطلع انا الغلطانه



المهم الله فرجها واتزوجت وانا حصلت علي وظيفه المهم ماتم في البيت غير ام زوجي واخو زوجي وابو زوجي هجرها لانه ماقدر يتحلمها اكثر من جي المهم زوجي قام يصرف علي البيت وانا جبت الخدامه عشان اطالع ولدي واتسوي شغل البيت بس للاسف المشاكل زادت لانها علي طول كانت تتكلم من واري والخدامه كانت تنقل الخير المهم غيرت الخدامه وصدقوني كل ماكنت اسمعهم يتكلمون من وراي ماكنت اعطي بال بس في داخلي اتالم لاني فعلا مالي خص فيهم


المهم احينه انا زوجي فرجها علي الله واتسوا متسواه زين وانا راتبى زادوه وانا طفح الكيل من اهل زوجي مااعرف اطلع بيت روحي واترك ام زوجي مع ولدها الي مو متزوج ؟


انا قايمه في البيت من اغرض وسوق بس صدقوني كل هذا ماي في عينها بتقولون حرمه كبيره في السن وخوات زوجي يتصلون عليها ياخذون اخبار ي منها شو سوت شو كلت ليش اضاربت ويا ريلها يعني اخباري بالتفصيل الممل عندهم


وغير هذا يوم الجمعه يوم ايجيون لازوم كل انواع الاكلات جدا مهم والعشا من برع واذا عشا من البيت لازم جحلو املمهم مره الخدامه ماسوت الاكل حلو سوها خناقه مع الخدامه انا طفح عندي الكيل واجت ام زوجي قلت ليش يتخانقون مع الخدامه طاحت فيني انتي مب زينه وهذيله بناتي وكلمت اخت زوجي تعرفون شو قالت كفايه انه عرسج ماكان حلو واحنا واحنا وانتي غلطانه


ارجوكم قولوا اطلع ام ايلس وياها واتحمل وماعدا اشك اني قادره

حيوت
19/01/2004, 01:18 PM
السلام عليكم ورحمة الله وبركاته شحالج حبيبتي انا من راي اذا انتي وزوجج متفاهمين طلعي من عندهم وكل جمعة زوريهم عادي

مرموم
19/01/2004, 02:00 PM
http://www.crearecountry.com/flowerdivider.gif


أختي العزيزة بنت جميرا....


لا أختي اطلعي من عندهم....ما شاء الله عليكي كفيتي و وفيتي معاهم...


بناتها أولى بيها....بدل ما هم قاعدين شاطرين يرفعوا سماعة التيليفون ينموا و يغتابوا...الأحسن إنهم ييجوا يخدموا والدتهم و يشوفوا طلباتها....


و حبيت أسأل سؤال...ليش الأخ الكبير ما يشارك مع زوجك في مصروف البيت ؟ مفروض هذه والدتهم...و مفروض حتى لو الأب غايب...هو المسؤول عن الصرف على البيت...


أختي...كل اللي عليك تعمليه إنك ما تمنعي زوجك أبدا من زيارة والدته و أخواته و صلة رحمه حتى لو كل يوم...لكن من حقك طالما أن الأمور متيسرة أن تخرجي في بيت لوحدك و تحسي بالقليل من الإستقلالية بعد 8 سنوات زواج في بيت أهل زوجك...و من كلامك ما قصرتي معاهم أبدا....


أكيد راح ييجوا يزوروك لما تطلعي في بيت لوحدك إن شاء الله....بس إنت ممكن تتحكمي في الموضوع ....متى و كيف....


أتمنى أمورك تتيسر إن شاء الله ....و طمنينا عنك دائما...:smile:





القضية الثانية من أهم قضايانا : عزوف الشباب و الشابات عن الزواج.. (http://www.3roos.com/forums/showthread.php?threadid=74460)

http://www.alsareha.org/up/images/nona-_20.gif

http://www.crearecountry.com/flowerdivider.gif

**rose_25**
19/01/2004, 11:41 PM
اقووووووووووووووول

اطلعي قبل ما يجيك هوس في دماغك

لا تفكيري تهتمي في احد ما يقدرك مافي احد يستاهل عورا الراس


دامك موظفه من حقك تعشين في بيتك علي راحتك اتركيلها البيت تشبع فيه اهي وبناتها:cool2:


خليك قويه لان الضعيف والطيب ماصار لهم مكان:s2


خليكي كده:up:

اختك روز

قطاوه
20/01/2004, 12:01 AM
الغاليه
تلاحقي عمرج وشبابج وراحة بالج ........ الوقت يطوف وانت مجابله ناس مايستاهلونج الغاليه انت ماقصرتي في شيء ودومج جدام وياحفظين عليج
بس الانسان له قدرات والحمدلله وفيت وبيضت ويهج وفيه رب ماينسى صغيره ولا كبيره والله يعوظج انشالله
اختي لملي جراحج ووقفي على ريلج وصارحي زوجج وطلعي وصدقيني مثل ما قالت الاخت لا تقطعينه من صلة الرحم وتعاليلها خطافي تشوف العيال وسيري انت كنتيلها احسن عن بناتها والله مابيظيعج.....
انت بعد وراج حياه ومستقبل مب متفيجه للقيل والقال

DARK ANGEL
21/01/2004, 02:09 AM
الغاليه بنت جميرا....
خذيها نصيحه مني..............
لا تفكرين في غيرج فكري بنفسج الأول
وبعدين إذا كان ريلج متفاهم طلعي.....
والله ما راح تندمين.....بالعكس راح ترتاحين
آخر راحه وخصوصا إن هذا حقج.....
فكري بنفسج ........ وفكري براحتج.....
والله ييسر عليج......

آساهي
21/01/2004, 02:37 AM
اهلين اختي بنت جميرا ..

انتِ برايي ما قصرتي بالعكس احسنتي الى ناس أسائو لك ..
وجزاكِ على رب العالمين .. بس ما دامك تقدرين تخلصي نفسك من وجع الراس .. ريحي نفسك .. لان يمكن بعدين انتِ بتتعبي نفسياً منهم

وممكن يأثر على علاقتك بزوجك ..فأحسن قبل ما يحس زوجك بأنك مانتِ قادره على اهله او شئ من كذا .. انتِ تتركيهم او تخفين عنهم ..

و .. موفقه ..:up:

lolo4ever
21/01/2004, 03:43 AM
[QUOTE]كاتب الرسالة الأصلية : مرموم

بناتها أولى بيها....بدل ما هم قاعدين شاطرين يرفعوا سماعة التيليفون ينموا و يغتابوا...الأحسن إنهم ييجوا يخدموا والدتهم و يشوفوا طلباتها....
<<<<<<والله عجبتني الجملة هذي

و حبيت أسأل سؤال...ليش الأخ الكبير ما يشارك مع زوجك في مصروف البيت ؟ مفروض هذه والدتهم...و مفروض حتى لو الأب غايب...هو المسؤول عن الصرف على البيت...


______________________________________
أختي الكريمة
انا كلامي من كلام مرموم , واشوف كلامها كله عسل .
والحمد لله انج كنت مظلومة مو ظالمة , واهم شي تكونين انت و زوجج متفاهمين .
والله يوفقج و يريح بالج ويبعد عنكم المشاكل , أمين يارب العالمين :smile:

سارى11
21/01/2004, 10:31 AM
انا مع الاخت حيوت

بُوران
21/01/2004, 10:47 AM
طلعي اهم شي الوحده صحتها يوم من الايام بتنهارين وبيغمى عليك
ايش بتستفيدين :down::down:
تلاحقي روحك وتكلمي مع زوجك بتفاهم وبوقت مناسب وبالراحه
وان شاء الله تلقين الحل

والله يهدي الجميع ان شاء الله والله يوفقك دنيا واخره :smile:

بُوران
21/01/2004, 10:48 AM
واول شي مثل ماقالوا الاعضاء استعيني بالله

فوانيس
21/01/2004, 10:17 PM
الغاليه
تلاحقي عمرج وشبابج وراحة بالج ........ الوقت يطوف وانت مجابله ناس مايستاهلونج الغاليه انت ماقصرتي في شيء ودومج جدام وياحفظين عليج
بس الانسان له قدرات والحمدلله وفيت وبيضت ويهج وفيه رب ماينسى صغيره ولا كبيره والله يعوظج انشالله
اختي لملي جراحج ووقفي على ريلج وصارحي زوجج وطلعي وصدقيني مثل ما قالت الاخت لا تقطعينه من صلة الرحم وتعاليلها خطافي تشوف العيال وسيري انت كنتيلها احسن عن بناتها والله مابيظيعج.....
انت بعد وراج حياه ومستقبل مب متفيجه للقيل والقال




كلام البنات كله على بعضه صحيح

بس قطاوه عجبتني طريقة و أسلوب كلامها:smile:


(u)

:up:

bint_jumera
23/01/2004, 12:43 PM
بنات اشكركم وياد علي حلولكم كنت اعرف انكم مابتخذلوني واشكر كل الخوات علي الحلول في اخت اتقول اهم شي اتكونين مظلومه مو ظالمه لاسف اهل زوجي يعتبروني ظالمه مااعرف انا ابى اطلع بس افكر فيام زوجي منو بهتم فيها احس بالذنب اتحاها مااعرف خايفه انا فعلا ابى استقل ياتري اذا تركتها بكون انا الملامه ريحوني

مرموم
23/01/2004, 12:47 PM
http://www.crearecountry.com/flowerdivider.gif


ليش أختي ملامـــة ؟


هي مش عندها بنات مأمورين من الله تعالى بخدمتها و السهر على راحتها....؟؟؟؟!!!!


ما عملتيه معها هو تصرف طيب و جميل و سيجزيكي الله عليه كل خير....و الآن دور بناتها اللي تناسوا أن أمهم من حقها عليهم خدمتها و رعاية شؤونها....


استخيري أختي و الله يهديكي يا رب...



بالتوفيق إن شاء الله....


القضية الثانية من أهم قضايانا : عزوف الشباب و الشابات عن الزواج.. (http://www.3roos.com/forums/showthread.php?threadid=74460)

http://www.alsareha.org/up/images/nona-_20.gif

http://www.crearecountry.com/flowerdivider.gif

salasil
23/01/2004, 01:01 PM
اختي من الاحسن تروحي تسكني بروحك , والشي الي حاصل معاك عشت فيه بس انا الحمد لله بيتي بروحي . بس انتي ما تهتمي بكلامهم والله بينصرك عليهم.

izdehar
23/01/2004, 01:09 PM
عزيزتي الغالية
جزاكي الله خيرا على المعاملة الحسنة لاهل زوجك واستمري معهم بالحسن لكن اذا عندش الامكانية المالية لكي تقيمين مع زوجك في بيت واحد وتزورينهم دائما لاهل زوجك يكون افضل لج ولهم.
byyyyyyyyyyyyyy
izdehar