المساعد الشخصي الرقمي

مشاهدة النسخة كاملة : البنات اللي راحوا ماليزيا وتايلند



وضحى
17/01/2004, 11:31 PM
السلام عليكم



ان شاء الله الشهر الياي عرسي وقررنا نروح ماليزيا وتايلند :shy:


اتمنى من البنات اللي راحوا هالبلدين يقولون لي وين احسن اماكن للتسوق واماكن تنفع للعرسان :o

وردة جده
17/01/2004, 11:41 PM
وعليكم السلام

اولا بالتوفيق ان شاء الله والله يسعدكم

ثانيا انا رحت ماليزيا وكانت من ناحية الاسواق مليانه بكل مكان

واسعارهم مثل اسعارنا تقريبا وبصراحه انا من وجهة نظري احس اسواقنا

احلى

لكن انتي ماسألتي عن اهم شي وهي الجزر فيها واذا تبين انا حاضره

احلى بنوتا
18/01/2004, 12:53 AM
مرحبا اختي انا سافرت سنتين ورا بعض لماليزيا
اول مره رحت ماليزيا وسنغافوره والمره الثانيه رحت لماليزيا بس
بالنسبه للأماكن الحلوه بماليزيا
1-العاصمه كوالالمبور بصراحه ولا احلى فيها اشياء مره حلوه وفيها فندق مره مره حلو اسمه sunway lagon فيه مسابح وملاهي كبيره والفندق مره راقي واذا حابه اجيب لك الموقع للفندق تشوفيه انا حاضره وبرضو فيه قطار معلق مره حلو
هذي بالنسبه للعاصمه اما المدن الثانيه عندك
2- بيننق وهذي على البحر واكثر العرسان متواجدين فيها يعني حلوه وفيها مراقص اسلاميه حلوه ومحترمه واهم شي انها على البحر
3-مرتفعات الجنتنق هذي مرررررررررررررره بااااااااااااااارده والجو كثيييييييييير حلو تقدرين تطلعين لها بسياره او بتلفريك بس التلفريك مرعب لان يكون تحتك بحر وفيها ملاهي تشبه الديزني شوي
4-لانكاوي هذي برضو حلوه والسكن فيها يشبه الشاليهات
وفيه بعد اماكن كثير حلوه
اما بالنسبه لتايلاند انا مازرتها بس الاهل يوم كنت صغيره زاروها وقالو انها طبيعه حلوه
لكن بالنسبه لي انا لو بغيتي رايي اقول لك روحي الشيك ورومانيا والمانيا بصراحه مره حلووووووووين يعني على الاقل اوربا اضمن لك من اسيا والسارز وكذا تعرفين الله يكفينا الشر انشاء الله لاني انا زرتهم السنه ومره حلوه البلدان هذي واي استفسار بعد عنهم انا حاضره واحسن لك روحي فيها قبل لايكثرون العرب :up:

كلهـ قمرهم ـم
18/01/2004, 01:04 AM
انا داخله فضول

لأني مارحت لا لماليزيا ولا تايلند

بس ابس اسأل احلى بنوتا شلون يعني مراقص اسلاميه مافهمت:eek2:

وضحى
18/01/2004, 02:34 AM
وردة جده

انا سألت وين احسن اماكن بالنسبة للعرسان
تسلمين حبوبة :)



احلى بنوتا

كفيتي ووفيتي :)
بس اوروبا بتكون بادرة وايد في الشتا وماليزيا وتايلند بيكون الجو زوين


نفس تساؤل الاخت كلهم قمر شلون يعني مراقص اسلامية :eek2:

وردة الشارجة
18/01/2004, 09:30 AM
الف الف مبروك اختي عقبال البقية المهم بالنسبة لتايلند فاسواقها وايد
وانا اقترح عليج شئ انتي سايره شهر العسل يعني لازم تستانسين والاسواق لاحقه عليها يعني خلي يوم سوق ويوم طلعه حلوه مع العريس حق التصوير لانها بتكون لكم ذكريات حلوه فيها
فلا تضيعين وقتج في الاسواق اصلا انتي متزهبه قبل العرس يعني تقريبا كل شي موجود عندج واسمحيلي اذا كلامي ما عجبج اعتبريها نصيحه اخويه
اما عن الاسواق عندج
مركز روبنسون هذا في كل مكان فيه كبير وفيه صغير
مركز طوكيو هو مركزين متلاصقين عدال بعض يعني انتي داخله مركز طوكيو وما تشوفين نفسج الا في مركز ام بي كي وهذا الاخير بتشوفين كل العرب فيه لان وايد رخيص وفيه اشياء حلوه
مركز زن وهذا 3 مراكز في بعض
مركز سنترال هذا راقي شوي لكنه غالي بعد
فيه بعد بكسي هذا مثل كارفور فيه كل شي
سوق بتونام سوق صنداي ماركت
هذا اللي اذكره الحين واذا ذكرت شي برد اكتبه
ملاحظه : علي فكره مراكز بانكوك كلها تتشابهه من ناحية البضاعه وهذا اللي انته بتلاحظينه بس اسم المركز اللي يختلف
وبالنسبه للحدائق بتلاقين في كل فندق البوم عن بلادهم وانتي تختارين وين تبين تسيرين سواء بغيتي حديقة او طلعتي برع البلد كله موجود عندهم بس انتو تختارون وين تبون تسيرون
وبعد فيه ملاحظه ثانية بالنسبه للتكاسي اذا بغيتي تسيرين الاسواق لا تاخذين اللي من تحت الفندق لانهم ما بيودونج دايركت علي المكان اللي انتي تبينه بيودنج اماكنهم هم قبل وبيضيعون عليج الوقت وما بتستفيدين من يومج لانه بيضيع علي تمرميراتهم لانهم هم عندهم عروض من المحلات البايخه لانهم يعطونهم كوبون بترول اذا يابولهم زباين
وبالنسبه للتكاسي لا تاخذون عن طريق العداد لانهم بيحوصون فيكم عشان بس يطلعون فلوس وايد بس كاسروهم مثلا اذا قالوا 100 بات قولو بس 60 او70 واذا ما رضي فيه غيره بيرضي وبعد فيه محطة القطار هذي توصلج الين السنتر وهو مريح من زحمة بانكوك وبعد فيه التوكتوك هذي ركشه سياره صغيرة ورخيصه حلوه جربوها وهذا بعد كاسروه
وبالنسبه للمطاعم فيه مكان خاص تجمع فيه المطاعم العربيه وفيه بعد اللي يبيعون النعله والساعات المقلدة بس مب كلهم يبعيون الساعات المقلدة عندج اوم وفيه واحد صيني والله نسيت اسمه وهذي اوم ما تفتح الا من عقب الساعة 6 المسا وهذي المطاعم ورا فندق غريس
والسموحه

وردة جده
18/01/2004, 10:05 AM
احسن اماكن برايي للعرسان جنتنج ولنكاوي اما بينانغ ماعجبتني

حاره مررررررره ولنكاوي هادئه وطبيعتها حلوه

اما جنتنج بصراحه حلوه وبارده وزي ماقالت الاخت فيها ملاهي حلوه بس

بصراحه اختي ماتوصل لمستوى ديزني خاصة ديزني اورلاندو لاعروض

ولاغيره

لو بالصيف اقترح عليك صلاله لانها بصراحه احلى من اوربا وامريكا وجنوب

شرق اسيا يكفي انها خليجيه والطبيعه فيها روووووووعه لكن الحين

مدري كيف الجو فيها

انا ماخليت مكان بامريكا لكن صلاله شي ثاني يكفي الامان اللي فيها

هذا اذا تبين طبيعه وبس اما اسواق مافي طبعا

وكل وحده وجهة نظرها وانتي لكي القرار اختي

أم أنوار
18/01/2004, 10:06 AM
ألف ألف مبروك حبيبتي ويارب تتهني إن شالله

أنا شهر عسلي قضيناه كله في تايلاند بصراحة بلده رائعه واهلها ناس طيبين وفي حالهم .

مافي داعي تتعني للأسواق أصل وانتي نازله من الفندق بتحصلي تحت الكثير الكثير على امتداد البصر محلات ودكاكين .

وبعدين معضم التكاسي اللي هناك تكاسي سياحية يعني لو حبيتو تتمشو من دون جروب سياحي روحو بس للمكتب السياحي وعرفو شو الفعاليات والماكن السياحية الحلوة والمكتب لوحدة بيدلكم وبيسألكم إذا تريدو تنظمو مع جروب سياحي او لوحدكم.

أنا افضل أختي انكم تنظمو مع جروب سياحي إذا الطلعة طويلة اما إذا كانت تمشية قريبة من الفندق أحسن تأجرو لكم تكسي من عندك ارخص وبعدين هم شعب طيب ما ينخاف منه.

بالنسبة لمحلات الذهب والمجوهرات اللي من تشوفيهن كذا بيصير وجهك:eek2: من حلاتهم هذي عند نهاية كل رحلة التكسي او الباص بيوديكم مجانا وبيقول لكم دخلو المعرض وتفرجو ويا كثر معارضهم .

وببعدين تايلاند كبيرة يعني من توصلو للعاصمة بانكوك جلسو فيها يومين بس وبعدين سافرو لبوكيت أو شنج ماي أو غيرها من الجزر الحلوة ومن تخلص رحلتكم رجعو مرة ثانية لبانكوك وقضو فيها يومين زيادة لحد ما يحين موعد عودتكم لبلدكم لأن بصراحة بانكوك ما ينجلس فيها أكثر من كذا لو أخبركم شو شفت وسمعت بأذني كان أنحذف موضوعي من اوله لأخرة فأحسن خلوني ساكته وانتو عارفين شو قصدي بس الله يسامح شبابنا ويهديهم يارب العالمين . اللهم سترك حتى الفنادق العائلية ما تسلم منهم .

لكن بغض النظر عن كل هذي الأشياء هي بلد حلوه وتستاهل أنكم تتعنون لها وخاصة انها بلد مو غاليه كثير من ناحية المصاريف والله يوفقكم إم شالله.

احلى بنوتا
19/01/2004, 01:19 AM
مرحبا كلهـ قمرهم ـم
اقصد بالمراقص الاسلاميه تعرفين ماليزيا بلد اسلامي وبرضو الطقوس الدينيه عندهم كثيره فتلاقين بنات لابسين ملابس ينقال عندهم مثل المطوعين والملتزمين عندنا تتشغل اغاني او شبه اناشيد عندهم فيرقصون ومعاهم عيال وكذا او اذا بغيتي تودين معاكي كاسيتات خليجيه وهما يشغلونها ويطلبون فرضا من الجمهور يرقص معاهم رقصات وحركات كذا حلوه هذا المقصود هو موجود ببينق واسمه مرقص اسلامي حنا بعد ماترجمنا الوضع وكذا طلعت معانا مرقص اسلامي اتوقع ان مدير المكان عربي لان اول مدخلنا على حسب ظني كان فيه قهوه عربيه
وبس

jeja
19/01/2004, 04:46 AM
اللللللللللللللة يا بنات فتحتوا نفسي كان ودي أروح شهر عسل عرسي مرة قريب ما بقى شي اللة يوفق لكن مافي سفر :confused:

ذوق
19/01/2004, 03:01 PM
تايلاند حلوه بس لا تضيعييين وقتج في بانكوك مافيها غير الاسواق والمعابد اكثر الرحلات يودونج معابد احسن شي روووحي الجزر
بوكيت روعه الكل يمدحها
شنجماي حلوه بعد
والسوق في كل مكااان بتشوفين اسواق بس السوق خلييه اخر شي

مولان
19/01/2004, 03:10 PM
السلام عليكم

اول شئ الف مبروك اختي على الزواج

اختي انا رحت ماليزيا بصراحه روووعه :up:

واتمنى اني اروح مره ثانيه ..

تحياتي لج

ملكة النحل
19/01/2004, 03:52 PM
ماليزيا حلوة ..بس جوها في الصيف حار ..الحين(في الشتا)مادري عاد..

بس تبين رأي أنصحج بأستراليا ..رووووووعة

وشعبها ناس طيبين مايبخلون عليكم بالمساعدة ..

هي غالية مثل أوروبا ..بس تختلف نظرتهم للمسلمين

..مب مثل الأوروبيين اللي يحتقرون المسلمين

في استراليا يحترمون الكل ..مايفرقون بين حد وحد

وتقدرون تاخذون راحتكم فيها ..

:up:وبلد آمن ومرتب ورحلاتها منظمة..

شعب ماليزي عكس استرالي ..حسيت أنهم وايد :eek2:يطالعونك ماتاخذ راحتك وايد..

أستراليا بعيدة شوية ..يعني زين لو تقعدون في ماليزيا كم يوم عشان ترتاحون في ذهاب واياب..

أما بالنسبة لتايلند ..مازرتها ..بس اللي أعرفه ..فيها عرب وايدين (يعني ما تاخذين راحتج فيها)

fatma
20/01/2004, 05:07 PM
بصراحه تايلاند روووووووعه رحتها 3 مرات والاخيره في شهر العسل بس عيبها انها مزدحمه من العرب اللي فيها وانصحج تروحين بوكيت حلووه لشهر العسل جو رومانسي وحياه طبيعيه وجو رووووووووووووووووووعه :cool2: وبالتوفيق ان شاءالله

بُوران
21/01/2004, 09:09 AM
الله يوفقكم جميعا ماعندي اي خلفيه :o
بس اتمنى اذا حصل لي نصيب اتمنى ويااارب ان شاء الله اسافر في شهر العسل وان شاء الله خواتي بعد ادعوا لي ولاخواتي
عندي اخت تمووت على شي اسمه الهند لان مره شافت برنامج في التلفزيون عن السياحه جزر ولا في الخيااااااااااااااااااال

ادعوا لنا الله يسعدكم ان شاء الله دنيا واخره :shy: