المساعد الشخصي الرقمي

مشاهدة النسخة كاملة : (( الصاحب الغائب ))



الســــاهـــر
16/01/2004, 11:23 PM
حبيت انقل لكم هذي القصيده

الي تبكي الحجر

اش سبب كتابته للقصيده

طبعا في هالقصيدة

يكلم اعز اصحابه لما راحله زياره في السجن

طبعا ما كتبت القصيدة إلا علشان سجنة صاحبه كانت ظلم

واهداله هذي القصيدة ينصحه فيها

يا ليت تعطوني رأيكم فيها


سلام للي ورى الشبكين
غريب غايب عن دياره
يا صاحبي اصبر وربي يعين
البعد محد قوى ناره
مير المقدر على المسكين
جار الزمن يقطع أخباره
برثيلك الحزن في سطرين
من سالف الوقت وأسراره
احذر دموع الأسيه تبين
لا جاتك أمك بك زياره
خبي دموع الحزن في العين
بين لها الفرح بأنواره
قابلها بأحلى الكلام الزين
قدملها السمح وأعذاره
وأطلبها يا ميه لا تبكين
الوقت يا مصعب أخطاره
الغربه هذي عليا دين
مقابل الشبك وجداره
سجنت شرف ماهي سجنت شين
والسجن يا كثر زواره
إدعي يا ميه عسى الله يعين
في سجنتي تكون كفاره
لا تجعلي للحزن بابين
باب الحزن قفلي داره
منسى عذاب السجن لو وين
عنابر الحبس وأسواره
العسر لا بد بعده لين
والجرح ما توجع آثاره
لو إني عنك بغيب سنين
الورد ما ينكر أزهاره
يا ميه منك الصبر تكفين
الكسر يحتاج لجباره
شوف الأسى كيف في فلسطين
أفعال شارون وأنصاره
في القدس كم ناس حزنانين
سلاحهم طين وحجاره
وأطفال بالدم غرقانين
ماتوا من صغار وكباره
ورجال ماتوا ألم باكين
الأم تصرخ والعذرى
وينادوو وين العرب هم وين
من واجب الجار على جاره
لا تتركوا القدس للطاغين
يالي على الوغد قهاره
يا ميه شوفي الأسى بالعين
يهون سجني ومشواره
كفي دموعك على الخدين
أبغاك للبعد صباره
والي خلق أمته من طين
وبرحمته تنزل أمطاره
ما غبتي عن ناظري والعين
من دونك النفس محتاره
دعواتك اليوم لا تنسين
السجن ماني من أخياره
وإن إنكتب عمري بتشوفين
إن عاش راسي أرجع الحاره


مو انا الي كاتبها كاتبها أحد الأصدقاء :o

تحياتووووووووو

الســــاهـــــر

visitor
19/01/2004, 01:25 AM
السلام عليكم ورحمة الله وبركاته


حياك الله وبياك اخوي الساهر

قصيده اكثر من راائعه لاتخلو من الحكمه والمواساة الصادقه

اخي اقتنصة الروعه... كم انت رائع


والله بفك المسجون من سجنه..

تقديري


الساهر
لك الــــــــــف تحيه


اخوك

الســــاهـــر
19/01/2004, 06:26 AM
:o يسلمووووووووو

اخوي الغالي على رأيك

الرائع


تقبل تحياتي

الســاهــر