المساعد الشخصي الرقمي

مشاهدة النسخة كاملة : اريد حلاً



شواريا
10/12/2003, 11:35 AM
السلام عليكم.....

كيفكم يااحلى ناس بالعالم....

عندي مشكله وهي اني اكررررررررررررررررررررررر ررررررررررررررررررررررررر ررررررررررررررررررررررررر رررررررررررررررررررره المدرسه بشكل ماحد يتصوره....وصبرت وتحملت كله علشان امي لكن الحين انا ثالثه توجيهي ومعلمه اللغه العربيه مااحبها والله حاولت اتجاوب معاها لكن مافي فايده وانا طبعي اذا ماحبيت احد مستحيييييييييييييل اتجاوب معاه والله نادتني الوكيله وكلمتني وصارحتها بالحقيقه كلها لانها استغربت غيابي الكثيررررر عن المدرسه ولكن ماطلعت بنتيجه حاولت احب المعلمه لكن ماقدرت هي صح شرسه واخلاقها شويه صعبه وكلامها مع البنات زي السم لكن شرحها رهييييييييييييب وهذي المشكله انا بصراحه اتعقدت منها بسبب كرهها لاختي((تخرجت من زمان)) مع انه اختي مؤدبه وخلوقه وممتازه لكن كانت تكرهها وسوتلها مشاكل كثيررره بدون سبب....وانا من بعدها صرت ماطيقها....ياناس ساعدوني بشي يخليني احب المدرسه واتجاوب مع المعلمه والله تعبت وانا ساكته بس علشان امي لكن خلاص ماعاد اقدر تصدقون هذا الاسبوع غبت ثلاث ايااااااااااام بالله في وحده توجيهي تغيب كذاااا,,,,والله حاله بس الحمدالله

اذا عندكم اي حل يحببني في المدرسه والمعلمه اعطوني اياه ولاتبخلون علي بنصايحكم الثمينه.....:confused::confused:

تحياااااااااتي

ابو داحم
10/12/2003, 12:52 PM
وعليكم السلام والرحمة
من ناحية أن هناك علاج قاطع فلا أعلم
والمريض يتناول العلاج المر ويصبر عليه من أجل الشفاء
وانتِ الآن في التوجيهي يعني آخر سنة
وما بقي إلا هالفصل الأخير
يعني تحملي شوي وتصبري وبيسهلها ربك

وبعدين فيه شي بقوله لك
بعض الناس إذا حط في راسه شي .. خلاص
مستحيل يتراجع عنه أو يناقش فيه
ويظن أن هذا هو الواقع الذي لابد منه ويجب التسليم له
مثلاً تقولين كرهت المعلمة ومستحيل تتقبلين منها
أنا ما أوافقك على هذا الشيء
فلابد تعرفين إنك لازم تتحملين هذه المعلمة وتصبرين
على كرهك لها ــ إن كان فيه كره ــ وربما يكون هناك بعض
الزميلات اللاتي يساعدونك على كره المادة والمعلمة
فرأيي أن لاتصدقيهم ولا تسمعي لهم لأنكِ إذا رسبتِ
لن ينفعوك أبداً .. ولأن مابقي إلا القليل
وترتاحين من الثانوية ومن هالمعلمة

أسأل الله أن يُفرج همكِ وينفس كربك
وأن يعينك على اجتياز هذه المشكلة


http://abofhd.jeeran.com/shar3.gif

كاريس
10/12/2003, 12:59 PM
تصدقين أختي الغالية أني واجهت نفس مشكلتك العام ..
وأنا اللحين في ثالث ثانوي يعني نفسك بالظبط..
ووجود معلمة تكرهينها ماهو سبب غيابك عن المدرسة.
أذكر أنا كنت أكرهها وتكرهني وكان بينا مشاكل بعد وكنت
كل حصة أجي وأرتز وأشارك قدامها حتى ماكانت تقومني؟؟
بس صدقيني دراستك ومعدلك أهم من أنك تتغيبين عن المدرسة بسببها..
أذا أنخسف المعدل ماراح تنفعك يمكن راح تفرح عليك لانة على قولتك أهنا تكرهك..
من المفروض تجتهدين وتجيبين الدرجات الكاملة علشان تعرف قيمتك..
وأذا كنتي أدبي يعني تدخل عليكم باليوم على الاقل حصتين صح
أما أذا كنتي علمي يعني ما تدخل عليكم كل ايام الاسبوع..
وبعدين ياحبيبتي والمدرسة تشرح تخيلي انها تموت فيك مجرد تخيل علشان تبلعي الحصة عارفة انها صعبة شوي ولكن حاولي..
وأذا كنتي مؤدبة ومحترمة ومتفوقة هي راح تستحي على تصرفتها..
وبعدين حطي في بالك أنك ماجيتي علشان هالمعلمة أنت جاية علشان
علمك ومستقبلك وهذا كلة بيدك..
وصدقيني أني كنت أمر في نفس الموقف..
وبعد جهد جهيد تغلبت علية...


تحياتي لكٍ..
كــــــاريــــس (u)

شواريا
11/12/2003, 05:41 AM
[ALIGN=center]أبو داحم

كاريس

مشكورين على كلامكم الرائع والله يقدرني على تغلب هالمشكله....

ادعوووووووووولي

احلى العيون
11/12/2003, 09:18 AM
وعليكم السلام ورحمة الله وبركاته

تصدقون عندي قريب من مشكلتكم...

بس والله ماعليه’ لاتزعلين نفسك عشان وحده ماتستاهل:cool2:

اشارك وماتقومني التعبير تقولي عيديه هذا مقال

وانا ابغى تحقيق عدته شايفه التعجيز وهو ترى اصل هدا كله غيره

مسكينه تحسب انا كاتبه الموضوع مادرت اني حافضته من البيت

واخواني الكبار سووة لي:D2

وترى هي تغار بالذات من المتفوقات لانها اصلا اتعرف زين

شوفي انا ما اقولك اني ماني حريصه على الدرجه

والله اني بحاجه ماسه لها لكن من الاول اشد حيلي مااضطر اجادلها ولا

اقعد اتشحدها

عشان ما ترفع خشمها علي وتقول ذي ضعيفه :up:

واسوي نفسي بريئه مادري انها تماحن

بس شوفي لاتزعلين عشانها ذي وحده سخيفه

قال جايه تعلم قال الي زي كذا جايين للفلوس بس

وبعدين بتحرمين نفسك من العلم عشانها لالالا مستحيل حبيبتي شواريا

تسويهااا:confused:

وانتي اجتهدي والباقي في ذمتها تسال عنه يوم القيامه

وبعدين زي ماقلت لك لاتفاهمين ولا شئ لو تزعلين في داخلك

لاتبينين لها :down:تخلينها تفرح عيك

وخليك مؤدبه عشان ماتهزئك..

واجتهدي جيبي الفل مارك عشان تبطين كبدها:up:

وحتى لو مو شاطره لايلام المرء بعد الاجتهاد(u)

ولا تفكرين تهاوشين معها لان والله انت الخسرانه

لان الدرجات بيدها والي ما يخاف من الله خاف منه

ومعليش على الاطاله ويارب انب افدتك

والسلام عليكم......
(u)(u)

ريووووووف
11/12/2003, 09:34 AM
انا كنت زيك ايام الثانويه بس اللي هداني لين خلصت الجامعه الله يهديك راح الكثير ماباقي الا القليل تحملي وبالتوفيق:up:

سارى11
14/01/2004, 08:31 PM
شواريا
السلام عليكم
في البدايه الله يكون في عونك ولكن بما انك طلبتي النصيحه فعلينا القول وعليك التنفيذ:
اولا:ضعي في بالك ان هذه المعلمه لها صفات حسنه ان لم يكن داخل الفصل فخارجه0
ثانيا:ضعي في بالك ان هذه المعلمه لها احترامها وتقديرها منك كطالبه 0
ثالثا:استغرب ان يكون الهدف الذي تضعينه كيف احب المعلمه وليس كيف احصل على الشهاده0
رابعا :ودي لويكون لك نوع من التحد ي مع النفس وهو الحصول على العلامه الكامله عند هذي المعلمه 0
هذا باختصار والله يوفقك

lamia_1
15/01/2004, 01:18 AM
السلام عليكم ورحمة الله وبركاته وبعد أخية كم تألمت حينم قرأت رسالتك المحزنة ! لاني ياأختي انا أعيش في السويد وأدرس في الجامعة ولانجد مثل هذه الطضيقات ابداً ولاكن أقول يا أخية ما أريد القوله لك هوا ان تجعلي نصب عينيك هوا النجاح وان تثبتي لهذه المعلمة بانك إنسان ذات خلق وادب وان تشعريها بانك إنسانة يجب عليك ان تحترميها لانك تتعلمينى منها العلم ولابد من يعطي العلم ان يتحل بلباس الادب . أخية حينما تجد منك هذا السلوك وهذا التقدير الجم لحصتها حتحاول ان تتقرب إليك وعاود تصحح سلوكها نحوك هذا هوا ما نقوم به في الغرب !أخية حينما يكن إهتمامك بالتعليم صدقيني لا ولم تشعرينى بهذه التصرفات لانها لا تعنيك من غريب ولا بعيد بذالك تكوني لها القدوة بدل ان تكون هي القدوة والله اعلم واجل !! أخية انا اسف لركاكتي في العربية و السلام عليكم ورحمة الله وبركاته

أختك في الله

040115:up:

شواريا
15/01/2004, 06:47 AM
مشكورين حبايبي من جد والله كلامكم مرررررررره رهيييييييب وحسيته اثر في نفسي...والحمدالله انا الحين وقت اختبارات وشديت حيلي بالذات في موادها والحمدالله بشرتني الوكيله عندنا ان درجاتي زينه عندها....الحمدالله يارب.....

مررررررره ثانيه اشكركم من كل قلبي على هالنصايح الرائعه منكم....وجزاكم الله الف خير......


تحياااااتي....

شواريا...:smile::smile::smile:

بنـ النور ـت
15/01/2004, 06:58 AM
والله في مدرسه عندنا بهذا الاسلوب كرهتني في المنهج مع انه شرحها زي مالقلتي رهيييييييييييييييب


والله انا حاسه انها هي لو انتي من سكان جده ياريت تقولين اذا من سكان جده او لا

DLoOo3ah
20/01/2004, 06:09 PM
سلالالالالالالالالالالام

حبيبتي شواريا ..

أنا عندي عقدة من شي اسمه مدرسه
يعني لماكنت بالمتوسطه كنت حاطه نقري بنقر مدرسة الجغرافيا

والحين أنا بالثانوي وعندي مدرسة المكتبة ماتطيق تشوف رقعة وجهي لدرجة إني رسبت في المادة في الامتحان النصفي وكان المفروض تخليني أشارك عشان على الأقل تحط لي درجة مشاركة ترفعني بس والله قعدت ثلاث حصص ورا بعض وأنا اشارك لين ما تقطعت يديني ولا مرة قومتني ..
لا واللي زاد الطين بلة إني كنت مظلومة في الامتحان النصفي يعني حطت لي أصفار على كيف كيفك وأنا نص إجاباتي صح ..

والحين ما ني قاعدة أقول إلا حسبي الله ونعم الوكيل عليها لأني متأكدة إنها ودها تحط لي الصفر من الخمسين .. بس الدعوة موبيدها ..

وانتي سوي نفسك بريئه شاركي واجتهدي ولا تهتمين وإذا ظلمتك الله مايخلي أحد تحسبي عليها وبس ولا تنسين إن دعوة المظلوم ليس بينها وبين الله حجاب ..

آسفه على الاطالة

تحياتي

أختك

دلو و و عه

عبير الورد
20/01/2004, 08:35 PM
عندي لك حل مقنع

اتفقي مع مجموعه من البنات

انكم اليوم الثاني

وهي داخلة تقفزون عليها وتعطونها كفوف وبقوس:D2:D2

امزح والله كان ودي اساعدك

اصبري فالصبر مفتاح الفرج

تحياتي

شواريا
25/01/2004, 06:45 AM
شكراً لكم خواتي...على ردكم على موضوعي...يالله ماباقي غير ترم والله يصبرني عليها.....قولوا آآآميييييين

اميره والله فكرت اسوي مثل ماقلتي لكن امي تشتغل في نفس مدرستي((إداريه))تخيلي اسوي فيها كذا...والله فشله...

:D2:D2:D2:D2:D2


على العموم شكرا وماتقصرون:smile::D2

كادي.
15/02/2004, 09:25 PM
أنا عندي لك رأي يمكن تضحكين بس أنا سامعته من أخصائي علم نفس

1- قبل ماتنامين أشربي شوي ماء

2- فكري بالموضوع زين وشوفي الإيجابيات بالموضوع

3- فكري بأربعه أسباب لأنك تحبين هذي الماده مثلا عشان تجيبين نسبه أو أن مستقبلك يعتمد على هالماده ..... الخ

4- أذا قمتي الصبح أشربي ماء وفكري بالإسباب

وكذا إن شاء الله تكونين أقنعتي عقلك الباطني وبتسهل المشكله أن شاء الله ..