المساعد الشخصي الرقمي

مشاهدة النسخة كاملة : مشكله خطيييييييييييييره وااااااااااااااااايد



أم سعادة
09/12/2003, 10:30 AM
السلام عليكم ورحمة الله وبركاته

خواتي بنات المنتدى... انا عندي مشكله كبيره صعب اني احلها او افتك منها ... هالمشكله اني حنانه.. هو طبع فيني من صغري ومااقدر اغيره ... زوجي يعاني وااايد من هالمشكله ... يقولي انتي كل شي فيج حلو وايجابي .. بس العله الوحيده اللي فيج انج وايد حنانه .. وهالشي مخليه متمملل مني ومن اليلسه وياي واربع وعشرين ساعه برع البيت عشان يفتك من حنتي وعوار الراس .... :pain:

دخيلكم ساعدوني على حل هالمشكله اللي خلت حياتي الزوجيه جحيم ... انا وريلي نحب بعض .. لكن احس هالحب قام ينقص من طرفه بسسبه هالحنه ... :confused:

plzz لا تنطشوني وعطوني الحل باسرع وقت ... ابا اغير هالطبع مش قادره وانان متاكده انه وايد حريم يعاون من نفس المشكله وحلوها... plzzzzzzzzzz
:pain:

bawasim
09/12/2003, 10:53 AM
:o هلا اختي ام السعادة
في البدية احب اقولك اني انا مثلك فيني طبع الحنه و قدرت اتخلص منها بهذي الطريقة :up: وان شاء الله تنفعك

مثلا لما ابغا منه شي اقلولة بلطف لو سمحت ممكن تجيب لي الشيء الفلاني ، و طبعا لاني عارفة زوجي مشغول كثير اصبر عليه و لو نسى انه يجيبه ما اقعد احن عليه لما يطلع مرة ثانية احاول اكتبله ورقة فيها الطلب اللي طلبته و على فكرة اكره شي عند الرجل انك تقعدين تعاتبين فيه لانه نسى طلبك.
و حاولي انك تقولين له الشي مرة واحدة يعني لو اتصلك قوليله باسلوب لطيف تكفا وانتا جاي تجيبلي اللي طلبته منك.

وفي اي موضوع لا تقعدين تحنين كثير انك تبين اللي في بالك يصير . اعطي زوجك مبررات يعني قولي حق نفسك انه مشغلو الله يعينه حاولي انك لما تحسين انك بديتي تحنين انك تاخذي نفس عميق و و قولي حق نفسك لا غلط اللي قاعدة اسويه و صدقيني الزوج دائما يطفش من الزوجة الحنانه و اذا تخافين على زوجك راح تقدرين انك تتحكمين في نفسك وراح تقدرين ان شاء الله

وخلي عنك ثقة في نفسك انك قادرة على الشفاء من الحنه

و نصيحة ثانيه ومهمة
لما تبين تتناقشين مع زوجك في اي امر وتحسين انك ممكن تتسببين في خلاف لا سمح الله من هذا النقاش
اكتبيلة كل اللي تبينه من نقاش او عتب في ورقة و حطيله اياها في ثوبه مثلا علشان يقراها وهو بعيد عنك .
وصدقيني اختي هذي الطريقة ممتازة لانه راح يفهم اللي انتي تبغينه بكل هدوء و راح يجيكي حتى لو كان الكلام اللي قلتيه فيه عتب او اهو عتب عليكي راح يجي وهو اعصابة رايقة و اكثر راحة

هذي الطريقة انا اتبعها مع زوجي و الحمد الله ممتازة
واهم شي لازم كل وحدة تنتبه له هو الاسلوب في الحديث لانه لكل فعل ردة فعل و طبع الرجل يحب يحس انه زوجته تطيعة و تدور رضاه

والله يوفقك

:smile:

أم سعادة
09/12/2003, 11:47 AM
مشكوره اختي بواسم على هالحل اللي عطيتيني اياه.. انا متاكده انه بينفع .. لكن المشكله الاكبر انه حنتي مو بس في هالاشياء.. انا احن عليه وااايد لما اشوفه قام يمصخها في الطلعات.. يعني كل يوم يطلع ويا ربعه ومادري وين... ولما اقوله ابا اطلع يقولي تعبان .. مب فاضي ... انزين انته من الاشغال عندك ... ريلي ايي من الدوام ويقعد شهر اجازه ... وشهر دوام.. في هالاجازه .. مافي شي يشغله غير ربعه .. طفروبي .. كرهتهم... اربعه وعشرين ساعه خاطفينه مني..:confused: ويوم اقوله متى بترجع .. يقولي مادري... بدينا بالحنه .. هاي جملته الدايمه ... انزين انا حليلي شو قلت ...؟:pain:

اتمنى انكم تساعدوني... ارجوكم لا تطقعولي لانه هالمشكله وااايد متعبتني...:confused:

bint_jumera
09/12/2003, 12:23 PM
اختي لاتخافي تري الطاهر كل الحريم يعانون من هذا الشي بس اقولج تجربتي ويا الحنه تري انا بعد كنت فتره خلاص مليت من يلسه في بيت اهله وقمت احن عليه كل مااشوفه وانا احن لين مااكتشفت انه ريلي ايغازل في التلفون اتصدقون مت من داخي وحاولت اخفف من حنتي وماايلس اقوله انت ليش ماتهتم فيني ولا ليش ماتسوي جي الي الله كاتبه لي بيصير صدقيني يوم بيشوفج ساكته هو بيحس انه شي اتغير فتشوفين هو الي بيركض وراج هذا عن تجربه :o

أم سعادة
09/12/2003, 12:48 PM
مشكوره حبيبتي عالمساعده... والله يعينج ...

يعني انتي الحينه ساكته عللي سواه ريلج .. راضيه على خيانته ...
انتي حاولي تكلمينه وتعرفين هو شو اللي خلاه يخونج ... اكيد في سبب .... صارحيه بها الشي وبيني عمرج مسكينه وانتي تتفاهمين وياه .. بس لا تصارخين وتهاوشن.. واكيد اذا شافج زعلانه وايد من هالشي بيحاول انج يقولج السبب ويغير من تصرفاته


والله يوفقج :up:

s2s2s
11/12/2003, 01:49 AM
انا ما أداني الحنة ..ويرتفع ضغطي لما حد يحن علي..
والشخص اللي يستخدم معاي اسلوب الحنه ..استخدمه انا معاه في أي شي عشان أقهره ولما ينقهر أقوله شفت شقايل الحنه تبط الجبد..فيقلل حنته معاي..

يعني خلي زوجك يستخدم معاج اسلوب الحنه ..فتكرهين هالشي فيه فتتركين الحنه انت :D2