المساعد الشخصي الرقمي

مشاهدة النسخة كاملة : مشكلة صديقتي .. ارجوكم النصيحة



اعناب
07/12/2003, 08:27 PM
تشاجرت صديقتي مع زوجها ..

كيف ؟؟؟ وما السبب ؟؟

انا راح اقولكم ..

زوج صديقتي لديه راتب 3000 وصديقتي راتبها نصفه وتعيش في بيت اهل زوجها..

يعني الزوج ما عنده لا مصاريف كثيرة ...

وكان قبل راتبه قليل وكانت تعاونه بأشياء كثيرة والحين صار راتبه حلو

لا كن صارت عنده عادة انه مسكين .. ومحتاج المعاونة ..

المهم .. قاله في ذاك اليوم انه راح اشتري كمرى بـ 2000 ريال و راتبك الجاي ابيك تعطيني منه 1000 كمعاونة منك ..

وتقوله ليه وين راتبك يقول انا عندي فواتير وما ادري ايش .. وهي شاكه انه يكذب عليها

قالت انا الحين اتحرى راتبي علشان اروح السوق وانت تقول اباخذ منه

ويشيش عليها ليش السوق انتي لسه رايحه بشهر شعبان قصده ليه ما شريتي الي تبين ماراح اوديك لو ايش
وتقول انا اشتغل علشان اصرف على نفسي اشتري اللي ابيه وبس ملابس وكل شي ..
ما عليك مني .. (( عيونه على راتبه ... من كثره بعد ))
ويقولها وتقوله انت وانتي وانت وانتي لين وصلت المشكلة الي انه قالها ان حياتي معك زفت وعيشتي معك بلاوي اني ما قصرت معك اطلعك للثمامة (( مرتين بسسسس ))
وأوديك لأهلك بين يوم ويوم .. (( تقوله له بتحاسبني انت دايم تطلع وما ترجع الا بآخر الليل .. ))
قالها ايش الكلام هذا تحاسبيني قالت ايه احاسبك مثل ما تحاسبني ..
وقالها طيب وراح تندمين على كلامك ..
وتصير ذيك الهوشه ..

المهم .. الحين هم متخاصمين من ثلاث ايام ما يكلمون بعض بس اللهم
تبي الغدا الحين .. ولا جب معك كذا ..

ولا وداها لأهلها من خمس ايام وهو يسهر ما يجي الا 11 يمكن .. وهي تجلس لحالها في غرفتها بدون ونيس

كل شوي تدق علي تقول سولفي معي ..

وبصراحة ما لقيت لها شي

يعني تروح تراضيه .. اخاف يشوف نفسه ..

ويقول عرفتي انك غلطانه وهو اصلا الغلطان عليها ..

هاه بنات وش رايكم ..


:eek2:

مرموم
08/12/2003, 11:43 AM
http://www.crearecountry.com/flowerdivider.gif


أختي العزيزة أعناب...


أولا أشكرك على رغبتك في معاونة صديقتك....


أختي مشكلة المرتب هذه مشكلة...يعني الزوجة بإمكانها تساعد زوجها و تنفق على البيت في الأشياء مثل الكماليات أو حالات الطوارئ...و لكن الصرف الرئيسي على البيت يكون من الرجل ...


يجب أن يكونوا متفقين على ذلك من البداية...على طريقة توزيع الراتب...أو أن تقتطع من راتبها مبلغ شهري للبيت و يكون الباقي لها ( و هذا كمساعدة لزوجها...لكن الشرع لا يلزمها بذلك )


و طبعا حرام أن تظل متخاصمة مع زوجها مدة 3 أيام....خليها تنتظره لما يرجع من بره...و تلبس و تتشيك....و تناقشه بهدوء في مسألة الراتب حتى تكون الأمور على بينة لكل منهما....و تتفق معه على مبلغ معين أو طريقة معينة للتصرف بالراتب...كل ذلك بمنتهى الهدوء و الحب و العقل...


أتمنى إني قدرت أساعدها....و طمنينا عنها...



تحياتي...



http://www.crearecountry.com/flowerdivider.gif

ريم81
03/05/2004, 02:17 PM
أنا مع الأخت مرموم

لا يحق لهذا الزوج أن يأخد من مال زوجته إلا برضاها وواجب عليه نفقتها ولو كانت من أغنى الأغنياء أنا رأيي انها تسأل مفتي و يسمع الزوج الكلام و إذا فيه خير بيتعظ

fatma
03/05/2004, 03:17 PM
الله يهديهم ويسخرهم لبعض:up:

bent^cute
04/05/2004, 05:37 AM
كاتب الرسالة الأصلية : fatma
الله يهديهم ويسخرهم لبعض:up: