المساعد الشخصي الرقمي

مشاهدة النسخة كاملة : انا مشكلتي بالعكس...!!بليز ساعدوني



توليب
22/11/2003, 12:38 PM
السلام عليكم ورحمة الله وبركاته


أهلا بكل بنات المنتدى اللي انا
واثقة انهم راح يساعدوني..

والله انا ما شاركت إلا لأني واثقة فيكم وفي عقولكم الراجحة.ز

هذي أول مشاركة..
أرجوكم لاتخلوني...

مشكلتي وبكل إختصار...


أنه خطيبي واااااايد مندفع

و ووواااااااااااايد مستعيل

احس انه يبي كل شي قبل العرس..
مو كل شي كل شي يعني
بس انتوا عاد افهموها..


احس بلمرة مو حلوة في حقي :o
انه كل هذا يصير بيننا قبل العرس
من كثر ماهو مندفع
وانا احاول اصده
هو يقوللي اكيد تتمللين مني ومن كلامي
فيكسر خاطري واراضيه
بس انا في داخلي فعلا متملله واتمنى يخف الحين
وبعد العرس يقدر يطلع حرته


انا واايد اتعودت عليه
وانا وجهة نظري انه حلو الوحدة تكون مستحية اول الايام مع ريلها.. بس خلاص انا فقدت هالشي وهذا يحطمني:confused:
ودايما في خاطري الومه:o


والمشكلة انه لسه بدري عالعرس
يعني بعد 8 شهور
وكل هذا يستوي وانا احس اني ضعيفه جدامه:o


يعني ما اقدر أرده.. وأصلا لو حاولت ما ينفع...:o



انا اشوف البنات يتشكون انه ازواجهم ما يبينون لهم الرومانسيه

بس انا امووووت وهو يخف علي شوي...:confused:

يعني مو يبطل بس يقل انفاعه وتهوره..
اصلا هو من كثر ما عودني انه يقولي حبيبتي ..صرت لو ما اسمعها منه اقول في خاطري انه أكيد شايل عليه في خاطر حتى لو كان الكلام بيننا عادي

اااسفه ادري طولت عيكم بس والله اني محتاجه نصايحكم :shy:

أوركيـــــــــد
22/11/2003, 01:22 PM
اختي الغالية،،، من كلامج حسيت انه زوجج ولكنج كاتبة خطيبي فما ما ادري هل انتي مالجة ام مخطوبة فقط؟،،، على العموم تعليقي بيكون في حالة انه زوجج ،،،
الغالية،،،
8 اشهر فترة مب قصيرة،،، فديري بالج عدل،،، لانه ياما سمعنا قصص مثل جيه والله ما كتب الاستمرار في الزواج وكانت النتايج عكسية،،، الغالية انا ما ابغي اخوفج بس كوني حذرة في هاالشي بالذات،،، واذا يبغي كل شي من احينه شو خانة الزواج عيل،،، على العموم الرياييل كلهم جيه في البداية وها شي طبيعي لكن بعد الغالية الوحدة تكون حذرة ما تندفع وياه مرة وحدة او تضعف او تسمح له بشي لانه يكسر الخاطر،،، انتي ما تعرفين شو اللي في المستقبل،،، واذا من ناحية المستحى فيمكن لأنج تعودتي عليه خلاص وها الشي طبيعي وما فيه عيب بس لا تاخذين راحتج وايد او بالاحري لا تبينين له انج علي طبيعتج وما عندج خلاف خصوصا اذا بغى المزيد هناك عاد بيني له انج فعلا مستحية وما تبين ها الشي الحينه لانه يزعجج،،، اذا انتي ساكته عنه شي طبيعي بيتمادى بس طول ما انتي مسيطرة على الوضع ان شاء الله بيتفهم وبيصبر والله يدوم عليج المحبة

micky
22/11/2003, 01:53 PM
ديري بالك اختي
حاولي دايما غيري الموضوع
وتجنبي انكم تكونوا لحالكم فترة طويلة دائما تحججب بانك بدك تجيبي اشي
بس بدون ما يفهم هو
لأنه حتى لو زواجك بكرا لازم تديري بالك مش لأنه هو مش كويس او لا سمح الله بدي اخوفك منه
بس هذا قدر وياما كان زواجهم بكرا وما تم سواء كان الموت ( الله يبعده عنكم يا رب ) هو السبب او اي ظرف مش بالحسبان
فديري بالك والله يوفقك
واذا ما قدرتي بنصحك بتقديم موعد الزواج

توليب
22/11/2003, 02:20 PM
شكرا على ردوكم خولتي وهذا عهدي فيكم..راعيات فزعات

واتمنى مشاركة باقي العضوات
ارجوكم انا محتاجه نصايحكم





أختي اوركيد ...
شكرا للرد
انا مالجة صارلي 5 شهور


الحمدلله خطيبي يعرف حدوده عدل
بس المشكلة انه مايبا الجلسه تكون قعده وسوالف عادية وبس:o

وانا رايي من رايج شو خانة العرس إذا سوينا كل اللي في خاطرنا الحين..:o

وتراني فعلا احاول احسسه اني اتضايق وما احب
يستوي بيننا هالشي

وهو يراضيني ويخفف عني ..











بس نرد مثل ما كنا...
ولا كاني صحت وزعلت وتبهدلت:confused:



وزود على هذا يا أوركيد
انه إذا صبر عني وهو معاي فلا يمكن تقل مدة المكالمة عن ساعة


والله اني تعبانه وااايد
في خاطري اسويله كل شي حلو ويونسه

بسسسس مب وقته

واخاف يحس اني ما احبه..شو اسوي..

توليب
22/11/2003, 02:56 PM
شكرا للاهتمام اختي

micky

والله انه هذا اللي يالسه انا اسويه اللحين
اغير السالفة
واقعد اضحك وانكت
واقول سوالف تزعل
واتحجج اني بيييب شي
بس طبعا هالحركات كلهات مكشوفه وهو فاهمني عدل

ومافي مفر:o

ومن ناحيه انه ما نقعد لوحدنا فتره طويله...
فهاي مو بيدي
ساعات اتي امي ..اللي هي خالته وتيلس ويانا

وساعات نكون يالسين لمه انا وامي وابوي وساعات حد من اخواني
يعني على حسب الظروف..

وساعاات تطوووول اليلسه سااعات
وانا معانده..و ما ابي
فهو يزعل بس بدون مايقوللي او يحسسني
بس ممكن بعد فتره..يقوللي تخيلي انه بالعكس
انا اللي امنعج..ما راح تتضايجين وتزعلين وتشيلين في خاطرج
دايما احس بالذنب لما يقول جي..


احس ساعات انه ما في ايدي شي اسويه
بس تيني حالات اندم على كل لحظه طاوعته فيها
واحس اني يالسه اغلط في حق نفسي
واحس اني ارتكب اثم وانه اللي اسويه غلط ..
مع اني مااسوي شي..

التمساحه
22/11/2003, 06:13 PM
توليب

هلا اختي اللة يكون في عونج

حلاتة البنت اتكون ثقية وحتا لو شو ايسوي :down::down: الريل الحينة بس اتعرفين بعد الزواج ايحس ويعرف انها كانت ثقيلة ووايد الزوجة وحتا لو مالجين ((يعني زوجك)) صح انة زوجك بس اتعرفين يوم الزفاف غير وايد غير لاتندفعين احسن لج وحاولي وياة

واذا كان مستعجل ليش مايعرس بسرعة احسن لة:up::up:

غرنوجة
22/11/2003, 06:13 PM
انزين خبريه يجدم العرس يعني قبل ال8 شهور

عسووووله
23/11/2003, 05:17 AM
أقترح أنكم تقدموا تاريخ الزواج..

مرموم
23/11/2003, 12:25 PM
http://www.3roos.com/upload/border 5.gif


أختي العزيزة تيوليب...


شوفي أختي ..اللي يسويه أمام الله حلال...و لكن أمام الناس فيه ضرر كبير عليك...


حسب ما فهمت من مشكلتك...أحس إنه هدا الموضوع راح يفيدك...


http://www.3roos.com/forums/showthread.php?s=&threadid=29257


طمنينا عنك دائما...


تحياتي...



http://www.3roos.com/upload/border 5.gif

توليب
05/12/2003, 10:46 AM
التمساحة
غرنوجة
عسووووله

شكرا على ردودكم
واسمحولي طولت عليكم بسبب الإجازة
كنت في بوظبي

بالنسبة لسالفة تقديم موعد الزواج فهاي صعبه واااااايييد

اولا لظروف دراستي وبعدين طبيعة شغله والميزانية ما تسمح الحين...

مب مناسب بالمرة

مب عارفه كيف اتصرف

توليب
05/12/2003, 10:56 AM
اختي العزيزه مرموم

كنت انتظر ردج والله

انا وايد ارتاح لكلامج ونصايحج
الله يخليج لا تبخلين علينا

ويزاج الله خير علرابط واايد مفيد

بس انا مو بيدي اقلل لقاءاتنا

تخيلي اني بس مره وحده قلتله يأجل شوفتي لين العيد

لان ماكان باحي شي عالعيد يومين بس..

شو زعلل وشل في خاطره وتلومت فيه




وانا وايد استحي اتكلم معاه في هذي المواضيع
احاول قدر الامكان انتقي الفاظي بس بعد احس بقلة الادب

swib
05/12/2003, 07:22 PM
لا تأمنى لرجل....قد ياتى بعد فترة و يقول...انها تساهلت معى و الله اعلم مع من تساهلت ايضا و يخلع و لا يعود.....

و قد يتزوجك و لكن سيشك بك.....الامن ان لا تطاوعيه فىطلباته حتى تتزوجيه

و هل تضمنى انه سيكون زوجك؟؟؟؟؟؟ مهما حدث الرجل يحبها متشددة حتى لو اظهر عكس ذلك