المساعد الشخصي الرقمي

مشاهدة النسخة كاملة : ليش بعض الناس وصلت أخلاقهم لهدرجه ؟؟؟



مقهوره
21/11/2003, 09:12 AM
السلام عليكم ورحمة الله وبركاته


كيفكم بنات ان شاء الله بخير .. وكل عام وانتو بخير مقدماً

بقولكم على حاجه صارت ونا اليوم رايحه المشغل استعداداً للعيد

المهم رحنا انا وزوجة اخوي هي اجنبيه طبعاً المهم وجلست

فقالت الفلبينيه وش تبغون تسوون فقلت لها انا قص شعر قالت

تعالي طبعاً هي ماتقصدني انا هي تقصد زوجة اخوي قلت لها انا

لا انا وهي بنقص فقالت طيب وهي من شافت زوجة اخوي وهي

بس تبتسم بوجها ومتشققه من الضحك حتى وهي تقص لها

جالسه تمزح معاها وتضحك وتاخذ وتعطي المهم بعد ماخلصت منها

رحت انا والله ولا نطقت معي بكلمه الا لما أسألها ترد علي اوكي

ماقلنا شي بعد ماخلصت مني قلت لها ابيها تسوي لي حاجه ثانيه

قالت وهذي بحال زوجة اخوي تقولي مافيه سوي قلت لها لا بس

أنا فقالت زين عاد انا زوجة اخوي راحت جلست بعيد وقامت

هالفلبينيه تسألني عن زوجة اخوي وتقولي هذي واجد حلو

وهذي وهذي وبعدين أسألتني وقالت هذي متزوجه ولا لأ قلت لها

الا متزوجه فقالت فيه بيبي قلت لها ايه قالت اوووو هذي شكلها

مافيه زواج هذي واجد حلووووو قلت لها ايه طيب وسكت وهي

تسويلي جالسه تسوي برسميه من غير ضحك ولاشي بعد ماخلصت

جات زوجة اخوي وقالت لها اروح اسوي فاتوره عشان تسوي لي مثلها

قالت لا مافيه داعي تعالي انا فيه سوي قلت لها يعني مافيه ياخذ

فلوس قالت لا عشان حلو مافيه ياخذ فلوس اوكي سكت ولاقلت لها

شي طيب رحنا بعدها عشان بسوي شي ثالث بعد وعادي جت بعد

وهي كل ماتشوف زوجة اخوي تضحك وتبتسم لها المهم بعد كذا جو

بنات وقالو لها الله مين مسوي لك هالقصه مره تجنن تعالي معانا

نبيهم يشوفون القصه عشان يسوون لنا مثلها مع ان بهاليوم كثير

مسوين هالقصه الا انهم مايسألون ومايمزحون الا معاها هي بذات

خاصةً وانها تحاول بعد تلفت نظر الموجودين بالضحك وبالمزح بصوت

عالي بعد كذا لما جينا نحاسب انا دائما اجي للمشغل وهي يمكن

مرتين بس اللي جات فيهم معاي ومع كذا اول ماشافتها صاحبة المشغل

مدت يدها لها وسلمت عليها وقالت لها انتىىىى ياهلااااااااااااا وهي

والله ماتعرفها ولا شي الا بهالمرتين اللي شافتها معاي ونا بجنبها

حتى ولا سلمت ولا قالت شي ولما سألتها تعرفينها قالت لا والله

حتى انا استغربت وش فيها تسلم علي كأنها تعرفني انا وش

قصدي من هالسالفه الطويله كلها ان معقول الشكل يخلي

الناس تتعامل مع بعضها بهالطريقه اللي مافيها أي إحترام ولا تهذيب

ومبالغه بالأسلوب الغير محترم في التعامل مع الآخرين يعني لو كان

اللي قدامي حلو امزح معاه واضحك واسوي له كل شي واذا اللي

قدامي شخص عادي ولا احد يهتم فيه ولا يعمله اي حساب ويتم تجاهله

وجهاً لوجه يعني بجد حسيت انهم ناس سخيفين ومو مهذبين حتى

بالأسلوب سواء كانو اجانب او من نفس البلد يعني تخيلو لما

تروحون مع حد لمكان عام وتحس بتجاهل الغير لك وبترحيبهم للشخص

اللي معاك مع ابتسامه عريضه بوجهه والسلام عليه مصافحةً

والضحك والمزح معاه واللي يشوفهم يقولون يعرفونه وهم

ولايعرفونه ولا شي .

كل هذا مع تجاهل الشخص الثاني ولا كأنه موجود وبذات كونها أجنبيه

راح تفرح بهالشي لانها دائما تقولي ان الكل يجي يتزوج من بلدهم

لانهم حلوين ودائما تقولي ان الخليجين عموماً عادين ونادراً مايكون

فيهم جمال عشان كذا يجون يتزوجون منهم فلما تشوف كل هالأهتمام

يجيها من كل جهه وهي ماتعرفهم فأكيد راح تنبسط مع العلم انها

تحاول تتجاهلني لما تشوف كم هالترحيب فيها وهم مايعرفونها اصلا

فاتشوفونها تمشي وهي رافعه نفسها .. عموماً أنا طرحت

هالموضوع لاني حسيت انه جا بخاطري وتأثرت ان الناس توصل

اخلاقهم لهالدرجه في التعامل وبس (u)

آساهي
21/11/2003, 11:21 AM
أختي مقهوره ..

صحيح يحصل كثير .. وانا احس بتعامل العاملات الاجانب بالذات بهل الطريقه
ذكرتيني بموقف صار معاي .. ما بكره لا اقهرك حبيبتي زياده ..

بس لا تهتمين الى هذي الناس .. إذا كان الخارج كل الي يهمهم ..بيجي
يوم يتأكدون أن الداخل اهم بألأف مره لم هم يتعرضوا الى موقف يوعيهم ..

والمهم انتِ ما تكوني حساسه وتتأثرين بحركات ناس عابرين المفروض ما
يأثرون فيكِ كذا ولو أثروا فيكِ المهم ما يقهرونك زود :smile:

almazyo0ona
21/11/2003, 11:58 AM
فعلا والله قهر


اشجايل كذة لو انا منج مرة ثانية ما اخذها وياي مولية تصطفل هي واللي بعبرونها بعدين.


ولا تنحرين ولا شيء لان كل انسان عارف جيمة نفسة وانتي اكيد واثقة من نفسج فما عليج من الباجين خلهم تغرهم المظاهر....لانهم ما يعرفون ان المظاهر مب كل شيء ف هالدنيا...








المزيونة

visitor
21/11/2003, 04:41 PM
لا تضايقين نفسج

الموقف مو وايد كبير

الدنيا فيها وايد اسوء وأسوء وأسوء
للاسف

في ناس واحد يحكمون على الشكل ويتصرفون على اساسه

بس مو مهم لان العلاقات العابره مو مهمه

العلاقات القويه اهي الاهم واهي ما تعتمد على الشكل تعتمد على اللي داخل الشكل :up:

:D2 واضحك للدنيا تضحك لك ولا تنقهرين

غرنوجة
21/11/2003, 06:44 PM
:down::down::down:


ليش جيه

انا محد يكلمني تدرون ليه!!!!

شكلي وغدة وغرورة مع اني وحليلي ابى اسولف

بس كل حد يقولي انه شكلي شايفة نفسي :down:


على قوله صاحبتي شكلي المدير العام

مقهوره
22/11/2003, 08:53 AM
السلام عليكم ورحمة الله وبركاته

آساهي شكرا لك حبيبتي على الرد والله يعينا بس على هالناس عديمين الذوق :pain:

عسووووله
23/11/2003, 05:19 AM
طنش تعش:down::down:

ريـــم البــوادي
23/11/2003, 07:16 AM
السلام عليكم ورحمة الله وبركاته
صدقتي يوم سميتي نفسج المقهوره
الله يبرد عليج بس انا متاكده ان انتي الحين عظم على جلد من الاقهار كل مواضيعج قهر في قهر ليه يحبيبتي كذيه لاتحطين على بالج كل شي طنشي مثل ما قالت الاخت عسوله يعني انتي وش مستفيده من كل هالاقهار كله من صحتج لا تلاحظين الا الشي اللي يعجبج وخلاص والله ان قلبي عليج والسموحه

تحياتي لج
وكل عام وانتي بالف خير وصحه وسلامه:smile:

مرموم
23/11/2003, 12:34 PM
http://www.3roos.com/upload/border 5.gif


أختي العزيزة المقهورة...


إنت و الله يا أختي حساسة و بتاخدي في بالك علطول...و هذه الطريقة لا تنفع في هذه الدنيا...


عايزة تنظر إلى زوجة أخوكي...خليها تنظر...يعني مين هي...مجرد عاملة في محل....معقول تخليكي تقهري نفسك ؟؟؟؟


شو راح يصير لما بعدين الله يكرمك و تتوظفي...راح تشوفي عجب العجاب من الناس اللي في العمل...معقول كل يوم راح ترجعي بيتك مقهورة بهذا الشكل ؟


و إن شاء الله لما تتزوجي...راح تشوفي كل يوم من زوجك و من أهله بسبب اختلاف الطباع اشياء كتير...شو راح تعملي وقتها ؟


الواحد لو ما طنش و أخذ الأمور ببساطة بيتعب كتير أختي المقهورة...أهم شيء بس ما تكون على كرامتك...غير هيك...عيشي حياتك و ما تلتفتي للأشياء اللي تتعبك...


و كل عام و إنت بخير إن شاء الله...


تحياتي...


http://www.3roos.com/upload/border 5.gif

فوانيس
24/11/2003, 02:19 AM
السلام عليكم ورحمة الله وبركاته
حبيبتي ( المقهوره)
لا تحطمك التوافه....الحياه حبيبتي جيه....إقبلي الحياة كما هي...لأنها ماراح تتغير....لكن بإمكانج تغيرين النفس....البشر مش كاملين و الكمال لربنا-سبحانه-...فلازم نتغافل عن أمور...و خاصة اللي تضايقنا..
و يقول المثل (( إجعل من الحامض شرابا حلوا))

Noooour
24/11/2003, 02:39 AM
:eek2: :eek2:

مقهوره
26/11/2003, 03:38 AM
السلام عليكم ورحمة الله وبركاته


أخواتي الف شكر على مشاركاتكم معي وماقصرتو والله وبالنسبه لنصيحتكم بعدم النظر للناس والتدقيق بتصرفاتهم فهذا شئ صحيح لأن فعلا دام عايشين فلازم بنشوف عجب العجاب بس انا مرات يجي بخاطري بصراحه لاني مو شايفه انه له داعي هالأسلوب لاني انا موكذا فعشان كذا اتضايق من هالنوعيه عموماً الله يعينا على اللي بدنيتنا ..:confused:

توته الصغيرونة
30/11/2003, 11:21 AM
هلا عزيزتي المقهوووووووورة كيفك عساااك طيبة وكل عام وانتي بخير

اما بخصووص السالفة ادري اذا قلت لك طنشي مارح تكون لها فايدة لانك انسانة حساسة وهالاشياء تأثر فيك غصبا عنك حتى لو انتي ما تبينها تأثر فيك .. شوفي اختي العزيزة بهالدنيا ناس متكبرة وشايفة نفسها علطول اعرفي انها عقدة نقص في الشخص نفسه ... هو بداخله حاس انه اقل من الناس فعشان يحس بقيمته يتعالى على الناس عشان يعطي لنفسه احساس مريض انهم اقل منه .. فأنتي ايش المفروووووض ؟ المفروض تشفقين على هذا الشخص وتدعين الله يهديه ويشفيه من مرض الكبر ... وانتي عارفة كيف الله سبحانه وتعالى ذم الكبر والمتكبرين والرسول صلى الله عليه والسلام ... شوفي اعظم العظماء من صحابة وعلماء ومفكرين وشوفي تواضعهم هذا دليل على ان التواضع دليل العلم دليل التحضر دليل الثقافة والتكبر دليل الشخص الجاهل الخاوي من داخله الفارغ يهتم بالقشور ولا يهتم بالداوخل ..

اما بالنسبة للجمال والله العظيم فيه ملكات جمال لكن شخصيتهم غير محبوبة تحسن جمالهم يخفت شيئا فشيئا بالبداية يكون باهر وتنبهرين فيه بعدين يصير بالنسبة لش شئ عادي ..

لكن احيانا وحده عادية .. جمال عادي .. لكن شخصية جميلة ومحبوبة جمالها يزيد يوم بعد يوم ... لان الجمال جمال الروح اولا ..

واتمنى لك حياة سعيدة صديقتي

تحياااااااتي

a9eela
01/12/2003, 10:16 AM
السلام عليكم ورحمة الله وبركاته ..

مقهوره ..

الصراحه أنتي غيوووووووووووووووووره .. :smile:

ووايد تفكرين بكل شي ..

في أشياء نفكر فيها لأنها مهمه ..

وفي أشياء لأ ..

يا بنيه ديري بالج على نفسج لا يشيب راسج .. :D2

نــورة
02/12/2003, 04:43 AM
يا جماعه تعجبني ردود هالبنت حيييييييييييل ما شالله عليها :up::up::up::up::up:


كاتب الرسالة الأصلية : مرموم
http://www.3roos.com/upload/border 5.gif


أختي العزيزة المقهورة...


إنت و الله يا أختي حساسة و بتاخدي في بالك علطول...و هذه الطريقة لا تنفع في هذه الدنيا...


عايزة تنظر إلى زوجة أخوكي...خليها تنظر...يعني مين هي...مجرد عاملة في محل....معقول تخليكي تقهري نفسك ؟؟؟؟


شو راح يصير لما بعدين الله يكرمك و تتوظفي...راح تشوفي عجب العجاب من الناس اللي في العمل...معقول كل يوم راح ترجعي بيتك مقهورة بهذا الشكل ؟


و إن شاء الله لما تتزوجي...راح تشوفي كل يوم من زوجك و من أهله بسبب اختلاف الطباع اشياء كتير...شو راح تعملي وقتها ؟


الواحد لو ما طنش و أخذ الأمور ببساطة بيتعب كتير أختي المقهورة...أهم شيء بس ما تكون على كرامتك...غير هيك...عيشي حياتك و ما تلتفتي للأشياء اللي تتعبك...


و كل عام و إنت بخير إن شاء الله...


تحياتي...


http://www.3roos.com/upload/border 5.gif

مرموم
02/12/2003, 11:04 AM
http://www.3roos.com/upload/border 5.gif


شكرا أختي نــــورة...كلك ذوق...(u)


هذا بعض ما عندكم :o




تحياتي العطرة لك....(a)


http://www.3roos.com/upload/border 5.gif