المساعد الشخصي الرقمي

مشاهدة النسخة كاملة : اعترافات سيدة سعودية



الســــاهـــر
19/11/2003, 07:22 AM
الموضوع : كرسي الاعتراف


أعترف إني لمّن اقرأ فتاوى عن تحريم الأغاني أقطع عهد على نفسي إني أبطلها .. ويوم نزل شريط شبيه الريح طرت لميجا ستار اشتريه



أعترف إني إذا رحت للكوافيره وشفت بنت تحف حواجبها أقول: اللـــــه تغيّر شكلها 180 درجة .. ويبدأ ابليس أعاذنا الله منه يوسوس لي

أعترف إني إذا حضرت محاضرة أو ندوة دينية اتأثر وأخشع وتدمع عيناي .. ولمّن أطلع منها بعدها بساعات أنسى وأطلع للسوق بعبايتي الكتف


أعترف إني لمّن تجي الإجازة أنشغل بالسفر والطلعات وأهمل السنن الرواتب .. وأهجر كتاب الله


-أعترف إني إذا كنت بروح لحفلة أو عزيمة ماألبس حجاب عدل عشان مايخرب شعري ومكياجي وإذا رحت للكلية ألبس حجاب شرعي كامل


أعترف إني أسمع قصص بنات ماتوا وهم في عمر الزهور وفعز معصية الخالق جلّ وعلا.. بس ماأتعظ !؟!؟


أعترف إني عارفة حكم الغيبة وأتقزز لمن أذكر تشبية المولى عزّوجل للمغتاب بآكل لحم أخيه وهو كاره له .. بس أغلب حكيي مع صديقاتي حش X حش



أعترف إنه ينصحوني ناس جزاهم الله خير لمن أقص شعري قصير مرة وأقتنع بكلامهم .. ولمن يطول شعري بعد شهر أرجع أقصه أقصر من أوّل

أعترف إني دايما أقول خلاص ولد خالتي أبو 16 سنة كبر ولازم أتغطى عنه .. وإذا رحت لبيتهم أقول توّه صغير وأكشف له !!


أعترف إني أدخل السوق وألاقي جامع الصدقات عند البوابة وأعطيه خمسين ريال .. وأدخل جوا وأشتري ب3000 ريال وأغلبها أشياء ماأحتاجها .. وفيه ناس في أمسّ الحاجة لثمنها ..


أعترف إن قلبي يتقطّع على أطفال الإنتفاضة وأتمنى أساعدهم بأي شي أقدر عليه .. وأدعي لهم بصلاتي .. وأنا لابسة بيجاما من ماركس اند سبنسر !!


أعترف !! وأعترف ….. وتتوالى إعترافاتي ….

لكن .. ماسبب كل ماأفعله ؟؟؟؟!!

هل هو ضعف إيماني بربي ؟؟

وإلا هوى النفس ؟؟؟؟؟؟؟

وإلا ابليس ؟؟؟؟

وإلا مجتمعي الغلط ؟؟؟؟؟

أكيد مالي حق إني أعتبر مجتمعي أو وسوسة ابليس أو غيرهم من الأسباب شماعة لخطاياي !

الغلط فيني .. الغلط جواي .. بنفسي الضعيفة اللي تتبع هواها…بقلبي اللي ماكان ايمانه بربي قوي L

أحس براحة بسيطة يوم فضفضت …. بس الله يهديني ويصلحني .. وإياكم ..

"اللهم أرني الحق حقا وارزقني اتباعه وأرني الباطل باطلا وارزقني اجتنابه "

…اللي ذكرته أنا مناجاة بيني وبين ربي .. الله يعلم إنها مو مجاهرة بالمعصية …

المجال لكم تفضفضون ..تعترفون بأخطائكم .. تطلعون اللي بقلوبكم …علما بأن أول خطوات التوبة الإقرار بالذنب....


هذه اعترافات سيده سعوديه ,,, ياترى هل نجد عندنا في المنتدى من تعترف وتعبر عن مابداخلها بكل شجاعه!!! وتجلس على هذا الكرسيولو بينها وبين نفسها .. !!

؛؛؛؛

م ن ق و ل

تحياتي وتقديري

أخوكم


الســــــــــــاهــــــــ ــــر

rozah
19/11/2003, 07:47 AM
:clap::clap::clap::clap::clap::clap::clap::clap:

يعطيك العافيه اخوي بس الواحد احلى انه يعترف لربنا ويستر على نفسه احسن

دفى الكون
19/11/2003, 04:53 PM
موضوعك حلووو

بس ظلمتنا حنا السعوديات:)

مراام
20/11/2003, 03:59 AM
السلام عليكم ورحمة الله وبركاته

اعتراف المرأه هذي شجاعه وجرأه مرغوبه لكن الأفضل انها شكت لربها ودعته وان شاء الله ربي يستجيب لها

عموما الانسان اذا امتلك اراده اراااااااااااده اراااااااااااااده قوييييه وشجاااااااااااااااااااااا اااعه >وتحت هالكلمه ألف خط وقدر ينتصر على نفسه راح يلقى السعااااده والله يهدينا (a)

الســــاهـــر
20/11/2003, 06:31 AM
لحد يفكر إني ماني سعودي

بالعكس هذي المرأة قدرها كبير عندك كل من قرأ لها

على فكره امي سعوديه وأختي سعوديه وجدتي سعوديه

خالتي سعوديه وعمتي سعوديه

ولا أرضى اي واحد يتكلم على اي فتاة سعوديه

بصفه خاصه ولا علي الخليجيه بصفه عامه


اشكركم على مروركم الرائع

تحياتي

الســــــــاهـــــــر

تسواهن
20/11/2003, 06:46 AM
:clap::clap:
مشكور على التذكير

جعله الله في موازين حسناتك

الســــاهـــر
20/11/2003, 07:12 AM
آمين

يا رب العالمين

وافيه الوافي
20/11/2003, 07:42 AM
جعله الله في موازين حسناتك وجزاك الله خير:up: