المساعد الشخصي الرقمي

مشاهدة النسخة كاملة : شو اقدم هدية لي صديقتي التي ولدت؟؟؟؟



حلوة المحيا
01/11/2003, 01:25 AM
السلام عليكم ورحمة الله وبركاته

صديقتي ولدت وابغي ازورها بس مب عارفة شو اقدمها هدية

فساعدوني بفكاركم:confused:

نور الهدى
01/11/2003, 03:34 AM
السلام عليكم ورحمة الله وبركاته

هلا بالأخت الغاليه

بما انها صاحبتك اكيد اتعرفنى ايش الأشياء الى ما شرتها

وتنقص البيبي حاولى تشتري لها شي هى ما عندها

عروس قديمه
01/11/2003, 04:07 AM
روحي0to 9

بتلقين افكار حلوه..مثل جهاز الصوت..او السرير الهزاز..او شغلات مثل هذي...

وممكن تشترين لها اية الكرسي من ذهب..

وممكن تسوين لها كولليكشن ملابس مع عطور والعاب للنونو وتلفينهم بطريقه حلوه

عسووووله
01/11/2003, 04:40 AM
ممكن تحطين لها مبلغ رمزي وتغليفينه بعلبه حلوه وكشخه:up: وهي تشتري اللى ناقصنها:cool2:
على فكره أحنا نسوي جذيه على طول:shy:

http://dahham89.jeeran.com/عسووولة.jpg

ماسة
01/11/2003, 03:56 PM
و انا رايي من راي عسوووولة ...
الحين في Patchi يغلفون الفلوس .... مثلا الخمسمئة يسوونها بطريقة حلوه ...


ممكن تودين المبلغ لباتشي و هو بيغلفه بطريقه حلوه

حلوة المحيا
01/11/2003, 09:39 PM
هلا بنات
مشكورين على افكاركم الحلوة:clap:

بس انا ما ابغي اوديلها فلوس :o احسن انه احراج لها

ابغي اوديلها هدية لها هي اما النونو في قالتلي اشترت له كل شي

عطوني افكار

عروس دبي
01/11/2003, 11:00 PM
السلام عليكم ورحمة الله وبركاته


هلا عزيزتي حلوة المحيا...


ممكن تاخذيلها ساعة من محلات مثل ريفولي او GUSS عندهم ساعات


اشكالهم حلوة واسعارهم مناسبة....


اتمنى اكون افدتج



اختج عروس دبي

مرسى الاحلام
01/11/2003, 11:22 PM
شوفي عزيزتي 00الوحده فينا بعد الولادة تحس انها عروس علشان كذا تلاقينها قبل الاربعين بيوم او يومين في السوق يعني تقضي لنفسها مثل العروس علشان كذا انا اشوف انك تشتري لها شيء يفيدها مثلا قارورة عطر حلوه او ممكن تاخذي لها قميص نوووم علشاان تكشخ عند زوجها بعد الغيبة "حتموووت من الفرحة:smile:اوممكن تاخذي لها تاييير حلو على اساس تكشخ في اول طلعة لها بعد الاربعيين عالعمووم هذي الاشياء اللي احس انها تفرح الوحده خصوصا بعد الولادة00اتمنى تعجبك00(u)

بنت الاامارات
02/11/2003, 04:49 AM
شوفي حبيبتي هاتي علبه كبيره دائريه وحطي فيها البوم صغير على حسب جنس البيبي ازرق او وردي بتلقينه في البيبي شوب وخذي فوطه
صغيره حلوه ومجموعة مراضع على بجامتين حق النونو وكم بدله وخذي دبدوب حلو حطيه فوق هاي الاغراض وفي نص الدبدوب حطي هدية الام
يا خاتم يا غرشة عطر او او او وحطي بعد من الورد المجفف اللي محطوط في الدانتيل بشكل حلو وريحته حلوه وبس ولفي الصندوق بشريط الهدايه بطريقه منسقه:up:

RoOoOmy
02/11/2003, 11:43 AM
اختي

لو كانت صديقتك قريبة منك وتمونين عليها تقدرين تشترين اي شي ناقص للمولود مثل كرسي السيارة او سرير صغير او عربات وكراسي الأكل ( طبعا هذي مو رخيصة ) بس لو كانت صديقة مقربة بس ما تبين تعطينها هالأشياء انا اشوف ان الذهب هو أحلى شي

لو جابت بنت اشتري لها (( ما شاء الله )) او (( آية الكرسي )) عندك ذهب ابيض وأصفر او الاثنين مع بعض او مع الالماس صدقيني مافي احلى منها كهدايا او طقم صغير للبيبي الصغيرة ( لو كانت بنت ) او بروش ذهب بعد للبنت

وأهم شي طريقة تقديم الهدية يعني غلفيها بطريقة حلوة في علبة او صندوق وكرت حلو ولا تنسين الورد

تحياتي لك

حلوة المحيا
02/11/2003, 09:45 PM
:clap::clap::clap:

اشكركم على الافكار الحلوة


:clap::clap::clap::clap:

حـــمـــده
03/11/2003, 12:16 AM
[ALIGN=center]
كاتب الرسالة الأصلية : ماسة
و انا رايي من راي عسوووولة ...
الحين في Patchi يغلفون الفلوس .... مثلا الخمسمئة يسوونها بطريقة حلوه ...


ممكن تودين المبلغ لباتشي و هو بيغلفه بطريقه حلوه


فــكــرة حــلــوة وعـمــلــيـة وأنــتِ وكــرمــج عــاد,,,,,,,,,



وممــكــن تـــشـتـريــن كــوبــونــات مــن مــوذر كـيـر أو آدمــز



أو مــاركــس انــد سبــنــســر,,,,,,,,,وهـي تــخــتــار الــهــديــة



الــمــنــاســبــة وأنــا أحــب هـذه الــفــكــرة,,,,,,,



وان شــاءالله أكــون قــدرت أفــيــدج,,,,,,,,,



تـحـــيـاااااااااتــــي

sweet nadir
23/03/2016, 02:31 AM
حسب علاقتك ...ممكن ذهب (حلق .سوار...) او خزانة صغيرة للاطفال (ادراج)..او البسة..او العاب......


فــكــرة حــلــوة وعـمــلــيـة وأنــتِ وكــرمــج عــاد,,,,,,,,,



وممــكــن تـــشـتـريــن كــوبــونــات مــن مــوذر كـيـر أو آدمــز



أو مــاركــس انــد سبــنــســر,,,,,,,,,وهـي تــخــتــار الــهــديــة



الــمــنــاســبــة وأنــا أحــب هـذه الــفــكــرة,,,,,,,



وان شــاءالله أكــون قــدرت أفــيــدج,,,,,,,,,



تـحـــيـاااااااااتــــي[/COLOR][/SIZE][/FONT][/CELL][/TABLE][/QUOTE]