المساعد الشخصي الرقمي

مشاهدة النسخة كاملة : قصيدة للشاعر البحريني عبدالرحمن رفيع بعنوان (( البنات ))



latifa alali
14/12/2012, 01:06 AM
غمض عيونك تصور بلدة ما فيها بنات

الشواطىء خاليات والشوارع خاليات والمجالس خاليات

فتح عيونك وقولي مثل شنهو هالحياة F:

وش كثر ثم اشكثر ثم اشكثر لولا البنات

شكثر كانت كريهه هالحياة

البنات هم البداية لولا حواء ما صحى ادم وتم لك في سبات

ما خفق قلبه ولاتحرك شعورك وتمت عيونه في جفونه مغمضات

من حجيهم من ضحكهم يضحك اللؤلؤ يتناثر بالمئات

ومن سحرهم تنسحـر دنيا بكبرها

تنزل نجوم السما تمطر ورود معطرات

هم ساس الساس وتاج الرأس وكـل الناس

وهم جنة الماضي والحاضر والي آت

وش كثر ثم اشكثر ثم اشكثر لولا البنـات

اشكثر كانت كريهة هالحياة

البنات ما في مثلهم

وأنت طاير منهو يطرد عنك هموم

السفر في الطائرات البنات

وأنت متضايق وغرقان في الزعل منهو

يقلب عيشتك المرّه عسل البنات

اش كثر تربح بتلكو من حجي

الناس في البنات

بيجرات دوم اترنم تيلفونات اتكلم

هذي في النقال ينادي سارح (ن) وياه في وادي

وهذي في الانتر ينتنت يهذي طول الوقت ما يسكت

وهذي ويا الفاكس يفكسس جنه شيطان(ن) يوسوس

قولو آمين لين دعيت الله يخليلنا البنات

الله يحفظهم يكثرهم يزيدهم في الحلاة

وقولوا هات لين ما كتبت فيهم قصايد قولوا هات

ولين سكت انتو تحجوا واسألوا ليش السكات ؟

الكلام فيهم هو المطلوب هو المرغوب هو المحبوب وغيره خربشات

وش كثر ثم اشكثر ثم اشكثر لولا البنات

اشكثر كانت كريهه هالحياة

yma a7tajk
18/12/2012, 07:46 PM
رائعة جدًا
شكرًا لطرحك وانتقائك
حفظ الله بنات المسلمين من كل سوء ..

• :032::f:

ماذا اقول
27/12/2012, 04:38 AM
الله الله على الوصف الرائع للبنات
بالفعل أليست المرأة هي نصف المجتمع والمكمل للرجل
مشكورة والله يعطيكِ العافية عزيزتي على حسن الإختيار