المساعد الشخصي الرقمي

مشاهدة النسخة كاملة : مشكلتي مع وحده تستفزني



فديتني بحرينية ..
02/12/2012, 08:23 PM
السلام عليكم
اول شي هالموضوع ابتدى اليوم اهي معاي بنفس الصف هذي البنت
انه كنت مرجعه ايدي لوره رافعتها لقيتها (تقرصني) في يدي بطريقه غريبه
ابيها تترك يدي لاكنها مواصله في هالوقت انه ماستحملت زفيتها و شرشحتها
بعدين لما بعدت عنها بدت تضحك بهستيريه كانها مجنونة و ظلت تضربني علي راسي باوراق
و انه كتت للحين متماسكة اعصابي و اهي مواصله ماستحت على دمها و لا شي
اخر شي قمت بوقفها عند حدها لان وصلت عندي حدها قمت و بتضارب معاها سوت نفسها
انا اهي المسكينه و انه الي غلطانه في حقها و انه الي سبيتها مع انها من النوع الي الله لا يبلانا مسترجله
شتصرف في هالموضوع نصحوني و هل انا كنت غلطانه لما رديت عليها؟

وَدقْ ..~
02/12/2012, 08:27 PM
اممممم بوية

انصحك ابتعدي عنها

وادا زودتها لاتكلمينها روحي كلمي مديرة المدرسة او الوكيلة وخبريها وخليها تاخد عليها تعهد انها متقرب منك

اما ادا كلمتيها والله متخليك فحالك الاشكال دي تخوف

قهوه ساده
02/12/2012, 08:39 PM
اذا سوت مثل شي ثاني مره وشفتي منها تصرفات غريبه
كلمي الاداره عنها

فديتني بحرينية ..
02/12/2012, 09:28 PM
اممممم بوية

انصحك ابتعدي عنها

وادا زودتها لاتكلمينها روحي كلمي مديرة المدرسة او الوكيلة وخبريها وخليها تاخد عليها تعهد انها متقرب منك

اما ادا كلمتيها والله متخليك فحالك الاشكال دي تخوف


المشكله انتي مابتقدرين تسكتينلما تكون اهانه قدام جماعه بتحس انها تستقوي اكثر و اكثر

اريـــــــج ~
02/12/2012, 10:04 PM
بــؤيآت البحرين يبه
ما ينفع معاهم الا العين الحمره

جننتني وحده اللعام في توجيهي كل مكان تلحقننني
ذنبي مره صقعت فيهاا بلغلط

ولله لما تطقج
تحجي موب تسكتين ترى بتتمررد
قولي لها هييي انتي شفيج شله تسوين جذي ؟ّ!!

و خلي المعلمه تحس

و في الصف باعدي مكانج عنهاا اذا كانت معاج بصف
و لآ تسكتين لها

لما تتسبب حاجي المشرفه قوليها دون ما تعلم عليج باسمج لان بعدين بتزيد و بتسوي لج سوالف انتقام اكثر
بس فهيمها السالفه واهيه تعرف تتصرف بطريقتها تقولها معلمه جافتها شي ..!
المهم بسكته بدون محد يدري


و وخري عنها تبي تفرد عضلاتها


الله يوفقج

yma a7tajk
02/12/2012, 10:04 PM
لا تكلميها ولا تتعماملي معاها
على طول إذا ضايقتك كلمي المرشدة الطلابيـة مدري إش يسمونها عندكم
تكون شغلتها تهتم بشؤون الطالبات ..
على طول كلامك وجهي لها وهي تتصرف معاها
شكلها تستهبل بس تبغى تنرفزك ..
أعطيها أكبر طااااااف

• :032::f:

فديتني بحرينية ..
03/12/2012, 01:20 AM
مشكورين كلكم على ردودكم
بس انه اكيد ما خليتها و سكت عنها
لان ادري انها راح تتمادى اكثر
فقلت اني اعلمها حدودها من البدايه احسن
مشكورين مرة ثانيه خواتي

لارسا بغداد
03/12/2012, 06:49 AM
السلام عليكم ورحمة الله وبركاته
اختي البنت المزعجة قلتي مسترجلة يعني ليست على الفطرة وهذي لارح تستوعب ولارح تفهم الحدود
حدود الله لم تعرفها لذا لن تخاف منكي
ان اخبرتي المدرسة ستنصحها ولن تغير الفتاة طباعها
وستعرف انك من بلغتي عنها لانك صديتي ازعاجها
لذا انالومنك احول لمدرسة اخرى ولاينفع حتى صف اخر
لان ممكن تزعجك بالاستراحة بين الدروس
استخيري الله عن اي مدرسة تنقلين اليها
واسالو عن المدرسة جيدا واذهبي مع والدتك زيارة للمدرسة الثانية قبل ان تتسجلي بها
ولاتجعليها تراكي وابتعدي عن هذه الاشكال
سلامي
اختك لارسا بغداد

الامبرطوره2012
03/12/2012, 10:14 AM
انتبهي منها هالبويات مالهن الا الوساخه
وانتبهي ماتنتقم منك وحاولي تخبري الاخصائيه في المدرسه
او غيري مدرستك منها
لانها ماعملت هالشي والا انها حطت عينها عليك
وهذولا مايعرفو ربهم وحركاتهم وسخه
اخاف تتفق مع احد ويمسكوك او يحطو شي في شنطتك من ممنوعات
ويودوك في ستين داهيه انتبهي منهااااااااااااا
خبري والدتك ووالدك عنها والاداره كمان
ووكمان غيري المدرسه منها
الله يخسفهن هالنوعيه ياااارب

التفاحة الجناوية
03/12/2012, 02:00 PM
الله يعييينك بس ! والله شوفي بالنسبة لي لو صارلي اكيد بفشلها بكلمتين حلووين طبعا بدوون زف ولا هواش ! يعني بكل بساطة خليها ترجع للواقع انها بنت مو رجال لان بعض هالاشكال تحتاج لهالشي لحتى تفكر شوي بنفسها ولان معظم اللي حواليهم يخافون ويرتعدون ويبتعدون عنهم ويخلونهم براحتهم خوفا من ردات فعلهم بس في الواقع المفترض العكس ,, فاول شي رجعيها للواقع وثانياا ماتدرين ممكن تسوي هالحركة عشان تبغي تكون صديقتك وتلفت نظرك لها لان كل انسان محتاج أحد يسمعه فممكن ان اللي هي فيه الحين هي كردة فعل على حالتها الاسرية ؟؟ ...

ومثل مايقولوون العلماء النفسيين ان الضحكـ الهستيري يخبئ تحته حزن دفين ومحتاج لاخراجه ...

فديتني بحرينية ..
05/12/2012, 01:14 AM
السلام عليكم ورحمة الله وبركاته
اختي البنت المزعجة قلتي مسترجلة يعني ليست على الفطرة وهذي لارح تستوعب ولارح تفهم الحدود
حدود الله لم تعرفها لذا لن تخاف منكي
ان اخبرتي المدرسة ستنصحها ولن تغير الفتاة طباعها
وستعرف انك من بلغتي عنها لانك صديتي ازعاجها
لذا انالومنك احول لمدرسة اخرى ولاينفع حتى صف اخر
لان ممكن تزعجك بالاستراحة بين الدروس
استخيري الله عن اي مدرسة تنقلين اليها
واسالو عن المدرسة جيدا واذهبي مع والدتك زيارة للمدرسة الثانية قبل ان تتسجلي بها
ولاتجعليها تراكي وابتعدي عن هذه الاشكال
سلامي
اختك لارسا بغداد

مشكوره اختي على ردج
المشكله ان اهلي رافضين فكرة ان انقل لمدرسه ثانيه
لان هذي اخر سنه لي و ضل بس فصل واحد
و انه كلش مب متحمله الوضع
مادري شسوي؟؟؟؟!

لارسا بغداد
05/12/2012, 05:10 AM
اذن اطلبي من والدتك ان تأتي معك للمدرسة وتكلمون المديرة بغرفة المديرة او معاونة المديرة لكي تنقلك من هذا الصف لصف اخر بنفس المدرسة
احضري امك حتى تهتم المديرة للموضوع
انالااعرف نظام المدارس عندكم
ان كان الدخول لغرفة المديرة محال
اطلبي من مدرسة صفكم ان تنقلك لصف اخر
لابد ان لاتكوني امام هذه الطالبة الفاسدة
هي تضحك وانتي منزعجة ومتوترة وهذا ليس جيد لاعلى دراستك وخوفك من ان تتعرضي لمضايقاتها ولاعلى صحتك
لكن بنفس الوقت ان تم نقلك لصف اخر او بقيتي بنفس الصف معها لاتنسي يوميا قولي بقلبك اللهم انا نجعلك في نحورها ونعوذ بك من شرورها
لو امكن تغيير مكانك بالضف بحيث لاتكون ورائك ولاتتعرضين لمضايقاتها افعلي
المهم عدم التهاون والسكوت على الامر
لاتردي على كلامها
ولاتتكلمي معها ولاتكوني وحدك فتحاول ان تزعجك وتتنمر عليكي
يعني كوني محاطة بصديقاتك ولاتكوني لدقيقة لوحدك
سلامي
اختك لارسا بغداد