المساعد الشخصي الرقمي

مشاهدة النسخة كاملة : توافق على الزواج ولا لا،، رأيكم مهم



عاشقة حتى البكاء
23/11/2012, 08:01 PM
السلام عليكم ورحمة الله وبركاته

كيف الحال عساكم الكل بخير ان شالله

الموضوع هذا مايخصني بصراحه يخص بنت خالتي ،، اجت تاخذ رايي وانا ماعرفت ايش انصحها

هي خريجه كلية وعمرها 29 سنه،، متقدم لها شاب بس مو في بلدها ،، بالخارج ،، هو من نفس جنسيتها يعني بس عايش في اوربا ( السويد) مع اهله

الصراحه هي متردده لان اول شي بعيد عن اهلها وعن بلدها ،، شي ثاني بسبب انهم مايعرفون الناس اللي متقدمين لها والجماعه اللي داليهم عليها يمدحون في الولد واهله ،، بس هي متخوفه

لان بصراحه شافت كثير ناس اتزوجت للخارج ورجعت بسبب ان الشاب ممكن يكون عنده سوالف مع بنات او اي شي ثاني

كمان الناس مهاجرين من زمان يعني مافي اي مكان احد يروح يسال عنهم وعن ابنهم

اهلها ،، امها تقول انها كبرت وخايفه تجلس بلا زواج ،، وهي تقول مو عشان الزواج اجي انا اتزوج اين كان

هي متردده ،، سالتني انا قلتلها سوي استخاره بس هي تقول ان قلبها مو مرتاح وحاسه نفسها ضايق


ايش رايكم انتو

همس الانوثة
23/11/2012, 08:59 PM
والله يا حبيبتي مايصير تحكم هالشي في علم الغيب لايعلمه الا الله
تصلي استخارة وتخلي الاختيار لعلام الغيوب وان شاء الله خير

عالم الذهب
23/11/2012, 09:41 PM
سبحان الله وبحمده سبحان الله العظيم

رجائي جنه ربي
23/11/2012, 11:47 PM
اهي مو مرتاحه لانها متخوفه من هالامر واحنا مانقدر نحكم ع الشخص


بس تستخير عند علام الغيوب اذا ارتاحت تزوجه واذا لا الله يعوضها باللي احسن منه

أميره بس فقيره
24/11/2012, 12:15 AM
مادري بس الاستخاره اول شي

تستخير مره ومرتين وثلاث

والي كاتبه ربي بصير

јǿđ
24/11/2012, 04:11 AM
خليها تستخير مرة ومرتين وثلاث

لا تخاف توكل امرها لله سبحانه

او تقدر توافق على خطبة .. تستمر معاه فترة معينة
طبعا بس يكلمون بعض ويتعارفون على بعض
واذا ربك كتب نصيب من بينهم ليش لا !

ألماسيه
24/11/2012, 04:44 AM
رأي من الأخوات الإستخاره ثم الإستخاره

مني حابه أخوفك لكن أعرف وحده كان خطيبها في بريطانيا مقيم لكن أهله موجودين في البلد و اهله كويسين لما تجوزاته وسافرت عاشة أيام و شهور ميعلم بيها إلا الله والله قصه ولا في الخيال و في الأخير راحت جامع وطلب من أولاد الحلال يعطوها فلوس ترجع لأهلها وللحين موراضي يطلق
حسيبى الله ونعم الوكيل عليه

لارسا بغداد
25/11/2012, 05:52 AM
السلام عليكم ورحمة الله وبركاته
اختي الغالية قولي لقريبتك تصلي الاستخارة اكثر من مرة
جواب الاستخارة ليس شرط ان يكون رؤيابالمنام لكن ممكن ان يتيسر الامر او لايتم
قولي لها ادرسي الامر من كل النواحي هل تقبلت شكله
يجب ان تعرف شكله هل ممكن احد من اهلها يسافر معها هل ممكن ان يأتي الخاطب لأقرب دولة عربية وتذهب قريبتك مع شخص من اهلها لدولة عربية وثم يتم عقد القران بالدولة العربية
هل يقدر هو مثلاان يأتي لبلدكم ليخطبها ويتزوجون
اناقريبتي تزوجت بنفس الطريقة لكن بلد اجنبي اخر لكن اشترطت قريبتي ان يأتي بوقتها لبلد عربي وتراه وتسمع صوته وبعد فترة عقدوالقران وتزوجو وسافرت معه لكن لم تسافر هي للمجهول
فالشخص مهم جداان تراه مباشرة لتعرف هل تقبلته ام قلبها مقبوض وتصلي الاستخارة والذي فيه الخير يقدمه الله
اتمنى ان اكون افدتك
سلامي
اختك لارسا بغداد

عاشقة حتى البكاء
25/11/2012, 05:29 PM
مشكورين يابنات وماقصرتو

ان وصلت ردودكم وان شالله تصلي الاستخاره واللي كاتبه الله يصير

عروسه باذن الله
25/11/2012, 10:54 PM
الله يوفقها يارب

خليها تستخبر وتسوي الشوفه الشرعيه ....

استغفرالله العظيم واتوب اليه ..

الاميرة ميار
05/02/2013, 06:17 PM
استخيري وحااولوا تدودو نااس يعرفو اذا طلع فييه إن لاتوافقي واذا طلع حق بناااااااااات > قفلي الباب بوجهو
وربي يكرمك باللي احسن منو يااااااااااااااااااارب

يا ريت
05/02/2013, 06:39 PM
حبيبتي شوفي هي شوي كبيره يعني عمرها صار مناسب للزواج وبتعرفي في الرجال ما يرغبون وحده عمرها تجاوز الثلاثين يعني في بنات قدها متزوجين وعندهم اطفال و في حل سهل اسألوا الناس اللي دلوهم عليكم وشوفوا وبعدين حبيبتي عادي الزواج اذا راحت للخارج انا بنات خالاتي كلهم بالخارج وعايشين حياتهم عالاخر حبيبتي اذا كان عنده سوالف بنات ما كان تقدملها فيعني هو شاريها ويريدها واذا عشان بعدها عن اهلها فطمنيها وقوليلها انو هي فأي وقت تقدر تاخذ اول طياره وتجي عادي انا قريباتي كلهم نفس الحاله والحمدلله عايشين حياتهم على كل اسأل الله ان يوفقها بحياتها

Bent aldyra
05/02/2013, 07:01 PM
هــلا اخــتــي ،،،

خليهــا تصلي الاستخــارة مرة ومرتين وثــلاث ..

والخيرة فيمــا اختــاره الله ...

واذا هيه صلت اول مرة ومــا ارتــاحت ..

تخبــر امهــا .. وخلاااص

وربي يرزقهــا بالــزوج الصاالــح ويرزق كل البنــات يــا رب

مشعولتي
05/02/2013, 09:40 PM
شوفي حبيبتي دام استاخرت ربي يكتب لها اللي فيه الخير
مو لازم وقت الاستخاره تحس بشي
اذا فيه خير ربي بييسر لها
واذا فيه شر ان شاءالله ربي يعقد الامور من عنده او ماتتم بدون ماتحس

يعني توكل امرها لربي وتستخير لين تطلع منها الموافقه او لا
بس انا اقول من الاولى تتزوج بصراحه العوانس كثيرررررررررررررررررررررر رررررر وكثير ناس تتمنى الزواج
يعني اذا ترضون دينه وخلقه زوجوه مو لازم العادات والتقاليد

والله يوفقها ويكتب لها الخير

دمعتي حكاية
06/02/2013, 09:40 AM
هلا اختي كيفك
من استخار ما خاب وانصحك انك ما تتزوجي

" لون القمح لوني "
08/02/2013, 12:29 PM
انا من راي البنات بنسبة للاستخارة و لازم تشوف الراجل اول وتقعد معاو ويتفاهمو

فراشة ترى النور
08/02/2013, 05:40 PM
اذا نفسيتها مو مرتاحة مافي داعي تفكر
ترفض والله بيعوضها
الزواج لايحتمل الفرضيات

عاشقة زهرة اللوتس
17/02/2013, 09:55 PM
الله يوفقها لو كان نصيبها وربي يعوضها باللي احسن منو لو ماكان من نصيبها

بالنسبة للسن ابدا لاتوافق لمجرد ان عمرها قرب يتجاوز الثلاثين

اهم شيء تتقبله من ناحية الخلق والدين ثم الشكل والحالة الاجتماعيه والماديه وغيرو وربي ييسر امرها ويوفقها

وربي يسعد الجمييع

..لمعة عين..
20/02/2013, 08:35 PM
عالأقل اسألوا عن قبيلة الشخص ومن القبيلة ممكن تاخذوا فكرة عنهم او خيط يوصلكم لهم
صعبة توافق على عماها رايي مثل راي وحدة من الأخوات توافق مبدئيا وتكلمه عالأقل شهر وبعدين تقرر وطوال المدة اللي تكلمه تستخير

محروق قلبي
20/02/2013, 11:52 PM
الغررررربه صعععبه جدا
انا ختي متزوجه بنفس الديره بس بعيد وكارهه روحها يمكن هي لان بعد مو بيت بروحها مع اهله فمتضايقه زود ..

عموما احسن شي الاستخاره وماخاب من استخار
بالتوفيق ان شاءالله

الله ايسر يارب

الطفله المسلمه
25/02/2013, 09:33 PM
عليها بالاستخاره والاكثار من الاستغفار