المساعد الشخصي الرقمي

مشاهدة النسخة كاملة : بيجون يتعرفون وش اسوي متدودهه



الماسةالماسية
06/09/2012, 10:29 PM
سلام بنات , ماادري اذا تذكرون قبل فتره كتبت موضوع , المهم الحين ابو الصبي كلم ابوي وقاله نبي نجي انا وام الولد والولد نسوي قعدة تعارف


عاد انا هذي اول مره يصيرلي هالشيء , ما ادري وش نسوي , وانا اكبر وحده والبنت الوحيده , واحس امي وابوي متدودهين وانا وياهم , اهما قالو بيون العصر , عاد احنا قلنا شاي وعصير وحلاوه .... اتحسون عدل ؟

وهل استقبلهم مع بيتنا ؟ او انطر في غرفه وينادوني ؟ وادا نادوني شسوي ؟ ادش بروحي


واذا دشيت , امي وابوي ايقولون بنهدكم بروحكم , انا شسوي ؟ اتكلم وياه ولا اسكت ؟ ادري في اساله , بس ما ادري اذا هذا الوقت المناسب لانها قعدة تعارف وش رايكم



ترا حدي متدودها

لارسا بغداد
06/09/2012, 10:43 PM
السلام عليكم ورحمة الله وبركاته
اختي الغالية عندنامثل بالعراق يقول
اكرم الحلك (الفم)تستحي العين
يعني اكرموهم بالطعام والعصائر والحلى انواع
والرسول عليه الصلاة والسلام يقول(من كان يؤمن بالله واليوم الاخر فاليكرم ظيفه)
اناانصحك ان تكوني بمقربة من غرفة الظيوف الى ان ينادوكي
وان لاتجلسي وحدك معه
1.لأنه لايجوز ان تجلسي انتي والخاطب وحدكم وليس بينكم عقد رسمي
2.حتى لاتأخذ عنك امه فكرة انك جريئة
اهم نقطة ان تكسبي موافقة امه
حتى لاتعرقل لكي
اقري على نفسك الاية الكريمة(وزيناها للناظرين)
الله يقدم الذي فيه الخير
مهما كنتي تريدين ان تنظري للشاب لاتفعلي بحضور امه
حتى لاتفتعل عرقلات
سلامي لكي
موفقة

الماسةالماسية
06/09/2012, 11:18 PM
شكرا اختي


ان شاء الله بسوي الي قلتيه


لكن هل ما اجلس معه , اجل اشلون بعرف اسلوب كلامه ومنطقه ؟؟؟


وانا لن اجلس في مكان مغلق

وش رايك ؟

لارسا بغداد
06/09/2012, 11:53 PM
اناانصحك ان جلستي معه لتسأليه لايكون وحدكم للأسباب التالية
1.حتى لاتضن امه انك جريئة
2.ان جلست هي معكم وانحرجتي ان تسأليه بحضور والدك فالتكون والدتك معك
بحضور والدتك لن تقدر ام الشاب ان تقول اي كلمة تغث
3.قد تعجبين الشاب ويبحلق بك ان كانت امك حاضرة لن يبحلق براحته ليس بصالحك بحلقته
لأنك ستنحرجين ولن تستطيعي ان تسألي براحتك
وبعض امهات الشباب بمجرد ان تشعر بأعجاب ابنها بالفتاة تبدأتحارب الفتاة
والانسان طبعا لايعرف الابعد العشرة
لكن اسألي الله التوفيق
سلامي

samah1
07/09/2012, 12:17 AM
الله اتمم عليك بالخير واعينك وتوكلي على الله وخليك على انوثك وحيائك

Sephoraholic
07/09/2012, 01:45 AM
شكرا اختي


ان شاء الله بسوي الي قلتيه


لكن هل ما اجلس معه , اجل اشلون بعرف اسلوب كلامه ومنطقه ؟؟؟


وانا لن اجلس في مكان مغلق

وش رايك ؟

كيف يعني؟ الصالة مفتوحة والأهل بيشوفوكم ويسمعوكم عن قرب او بعد؟

اذا جذي السالفة...عادي حبيبتي...اقعدي معاه...لكن بما انج ما تعرفين شنو نوع البنت اللي يفضلها الرجال..انصح انج ما تتكلمين اول...او على الأقل انت لا تسألين اي اسألة اول..سلمي واتبعي الذوق العام بالترحيب...اذا ما تكلم قولي له تفضل قول لي عن نفسك شوي...وخليه يتكلم...اكيد بيرجع يطلب منج هالشي بعد...فقولي الأشياء المهمة والأساسية فقطططط..لا تكثرين كلام...خليه يتحمس *ويسألج* عن الباقي حتى انت تردين تسألينه نفس الأسألة او اسألة مبنية على اجاباته..حتى تعطيه احساس انه *هو* اللي قاعد يدير الحديث بينكم مو انت!..وجذي ان شا الله انج تطلعين بفكرة اساسية عنه كشخص (للتدقيق..خليه يجلس مع ابوج وخلي ابوج يسولف معه بشتى المواضيع..أطلبي هالشي من أبوج..حتى يعرف من لباقته وثقافته اشياء ثانية بعد)...

ومن ناحية النظر له...حاولي تنظرين لشكله...طوله ومشيته...لكن بطريقة ذوق ومو واضحة كلش..حتى لو بالخفية..وهو داخل البيت وهو جالس بالصالة من طرف غرفة مثلا...هذا حقج...الحيا اكيد راح يساعد انج ما تطالعين بشدة او فترات طويلة (لو قعدتي معاه) فلا تخافين من النقطة هذي...لكن المهم انج تطالعينه حتى تشوفين اذا فيه اللي يسر عينج ويخلق بينكم مودة باذن الله..وهم شيين اساسيييييييين بعد على فكرة...

اما من ناحية الضيافة...قدمو مع الحلى والمشروبات من قهوة وشاهي وعصاير والخ...اشياء مالحة (معجنات وخلافه)...بس احسبو حساب عشا يبين عزكم وحسن ضيافتكم في حال تأخرو عن الموعد وقرب وقت العشا او طولو بالجلسة وقرب موعد العشا..فما تنحرجون قدامهم لا قدر الله

ومن ناحية الترحيب وكذا...انت خليج بغرفتج او بمكان قريب ولا تطلعين الا لما احد يناديج تطلعين...ولا تكثرين مكياج ولا تزوديها بالكشخة حتى لا تنأخذ عنج فكرة انج مشفوحة على الشوفة والزواج (حشاج مليون مرة)...اكشخي كشخة تعطيج حضور انيق وتبين جمالج على طبيعته قدر الامكان..وبدون مبالغة

ولا تنسين الدعاء وصلاة الاستخارة قبل وبعد المقابلة...والله يكتب لج النصيب الطيب الحسن ويسعدج دنيا وآخرة

مغتربة سدني
07/09/2012, 01:57 AM
البنات ماقصروا

فوشياآ~
07/09/2012, 03:03 AM
ييييياي وناصه ...

ادخلي وخليك حياويه وإذا تكلم خلي عيونك بالأرض
وردي بصوت واطي

خليك انثويه و دلع ... لا تصيرين مطفوقه وطق حنك
انتبإب

ترى هذي النظره هي اللي بتحدد مصيرك معاه
و منها راح تعرفين مرتاحه له او لاء


مووووفقه يارب

التفاحة الجناوية
07/09/2012, 10:34 AM
الله يوفقكم ان شاء الله ويكتب لكم اللي فيه الخيير ....

عادة عندنا ,, الرجال يكونون بمجلس والنسوان بمجلس موو ؟ انزين بالأول الأم والخوات واللي يعزون عليكم خخخخ يقعدون مع النسوان ويحطون القدووع ويسوولفوون وياا سلام على سوالف النسوان اللي ماتخلص !!! يتحجون بكل شي ماعداا سبب الجية ههههههه >>> طلعت عن الموضوع ,, المهم بعدها انتين تجين عادي وتقعدين وتتكلمين معاهم جداا عاادي ريلاااكس وكوني على طبيعتك ...

مع الخاطب ,, مفترض تسوين المقابلة عشان تجوفين شكله منطقه اسلوبه وهل ارتاح قلبك له او لاا .... تقعدين معاه بكل أدب و قليل من الخجل و لاتخافين بروحه راح يتكلم يعني اولها سلام بتشوفين شوي شوي بتتكلمون براحة ,, عن نفسي سويت فيلم ! مع ان الشخص قريب لقلبي والمفترض ما اتوتر جي !! فإنتي خليك ريلاااااكس ولان هاذي اول مرة فاكيد شوي بترتبكين والرجال بيفهم هالشي بس عاد مو طول القعده لان الشي يصير ممل بعدين ...

الماسةالماسية
07/09/2012, 08:30 PM
مشكورين حبايبي صج انكم اكثر من الخوات


انزين الحين اذا قعدت معاه اشلون اعرف هل هو الشخص المناسب او لا ؟ هل ارغب فيه لو لا


احس ما بعرف احدد موقفي

على اي معاير ابني قراري


ما ادري وش بيصير


والاهل يقولونلي , ترا احنا ما بنقول ولا شيء هذي حياتك وانتي قرري

فوشياآ~
07/09/2012, 09:43 PM
ربي وقتها بيلهمك
هو لك او لاء ... انتي راح ترتاحين له من كلامه

ويمكن تتضايقين ..

من هنا راح تعرفييييين ان شاءالله
ربي يكتب لك اللي فيه الخير

التفاحة الجناوية
08/09/2012, 05:27 PM
اضم صوتي للأخت اقواس ,, انتي بتشوفين اذا نفسك ارتاحت له او لاا وعلى قولتهم الكيمياء تلعب دوور ...

مصطفى وميسم ومرتضى نور عيوني
15/09/2012, 03:53 PM
موفقه

ღ الفلسطينية ღ
17/09/2012, 03:53 PM
الله يجزيهم كل خير البنات ما قصروا
ههههههههههههههههههههههه
بس ما بعرف ليش صابتني الضحكة يوم قرأت الردود
أتصور الموقف وأضحك
ردة فعل الإحراج خخخخخ


ربي يسعدك ويهنيك ويكتب لك الخير =)