المساعد الشخصي الرقمي

مشاهدة النسخة كاملة : ســــــــــــــــــــــاع دوونى فديتكن!



ميسى كوول
18/08/2012, 12:31 AM
السلام عليكم حبوبات...
اولا انا بنت عمرى 27 ومومتزوجه...تقدملى شاب من ديرتى بس يعيش بالخارج بلد اجنبى...يشتغل واهله وياه هناك بالبلد اللى اهو فيها..الشاب خلووق وطيب مثل ماعرفت بس المشكله مو هنى ..المشكله اهو يوم يتزوجى اكيد بروح اعيش وياه برع..وانا اشتغل ويا والدى فى مكتبه واهو معتمد على فى اغلب الشغل ...وثانى شىء اهو انا اخر بنت عند اهلى أحن بالاساس بنتين بس! واختى الثانيه تزوجت وسافرت مع ريلها...صراحه انا خايفه اوافق واتخلى عن اهلى واهم محتاجينى جنبهم..خصوصا والدى اهو كبير شوى بالسن وعنده مشاكل صحيه ..انا محتااره واايد واحس راسى بينفجر من كثر التفكير ..انا ضحيت واايد ورفضت عرسان كثييير بسبب هالموضوع واهلى عندى اهم من كل شىء...بس العمر يمر وابى استقر بس اخاف اضيع الفرص وبعدها اتندم..لكنى ارجع واقوول رضا اهلى بالدنيا..الحينه اهم مو مستعييلن ع الرد لين ماييى ولدهم من برع ويكلم اهلى..مدرى شنو اسوى يابناات شوروا على...انا بديت استخير بس صايدنى خووف مو طبيعى!!!
شوروا على الله يرضى عنكن وينولكم اللى فى بالكم ببركه هالشهر الفضيل هل اضحى واستنى نصيبى واعيش جريب اهلى ولا اوافق واتغرب بعيد عنهم !
ع فكره اهلى مو متشددين واايد بس انا بروحى احاتيهم وماابى اسوى شىء يكدرهم:confused:!
ربى يكتب اللى فى الخير واتمنى تردوا على باسرع فرصه ربى يسعدكم
سلام

////nana////
18/08/2012, 03:40 AM
الله يرضي عليكي دنيا واخره اميين يارب
حبيبتي ايش راي اهلك ؟
انا اشوف انك تستخيري واتركي ربي سبحانه يسهل امرك
يعني لما يجي الولد عند اهلك شوفي ايش راح يقول وشوفي ردت فعل اهلك
انا متاكده انهم يبغون لك السعاده وشي طبيعي يضايقوا ع فراقك
لاتتكدري ولاتعبي نفسك بالتفكير اطلبي منه سبحانه العون
موفقه

لارسا بغداد
18/08/2012, 03:41 AM
السلام عليكم ورحمة الله وبركاته
اختي الغالية فرحة وسعادة كل الاهل هي بسعادة ابنائهم وبناتهم
واهلك سيفرحون لكي لو تزوجتي لاتضني انهم سيحزنون بالعكس سيفرحون .سيحنون لكي لكن لن يغضبوا ان تزوجتي واغتربتي بالعكس فقد تكون هذه فرصة لفتح مكتب لشغل والدك في بلاد اخرى وهذا يعني فرحتين فرحة زواجك وتوسع العمل وازدهاره بأذن الله
العمر يمضي يااختي وفي مجتمعنا الشرقي كلماكان عمر الفتاة اصغر كان افضل
الزواج سنة الحياة
بالعكس اصلا زواجك زيادة لفرحتهم فبعد الزواج بأذن الله تجلبين لأهلك الاحفاد وتزداد فرحتهم
استمري بالاستخارة
انتي قلتي ان كل الذين تقدمو لكي خارج البلد
قد يكون هذ ااختبارا لكي من الله حتى تقررين القرار الصائب
فبزواجك سيكون لكي سند في هذه الدنيا وقد يقف الى جانبك زوجك ان احتاج والدك لرجل يقف الى جانبه
مهما كنتي قوية فأنتي فتاة وتحتاجين لرجل يسندك في هذه الدنيا
استمري بالاستخارة
وهذا رزق وهدية من الله لكي لاترديها
(اذاجاءكم من ترضون دينه وخلقه فزوجوه الاتفعلوه تكن فتنة في الارض وفساد كبير)
على الاقل من خطبك متمكن ماديا وليس طامعا بفلوسك
لكن طالما لستي مرتبطة ومتمكنة فلاتعرفين من يطمع بفلوسك ولايخاف الله
اتمنى لكي الموفقية
لاترتبكي توكلي على الله ووافقي
سلامي لكي
اختك لارسابغداد

FINDY
18/08/2012, 05:13 AM
أنا أقول استخيري و وافقي

و إذا على أبوك فأكيد فيه معه اللي يساعده

مثل ما قلتي العمر يمشي و احتمال ما تشوفين رجال تخطبك
او مثلا اعطيهم الموافقه و الزواج بعد سنة و اللي يريحك لكن لا تضيعينه بالعكس هذه فرصة لا تضيعينها

و توكلي على الله

حنووونهـ
18/08/2012, 06:47 AM
اختى لاتضيعي عليك قطار الزواج واذا راح عليك خلاص وماشاء الله عليك كبيرة موصغيرة

واهلك على العين والراس وبالعكس اذا تزوجتي بفرحووون لك اكثر واكثر نصيحه لك وافقي دام هذا نصيبك وكلهم يجون من برا واستخيـــــــــــــــــــ ـــــــــري لأنو اهم شيء سبحان الله غير نصيبها الوحدة ماتاخذ لو ايش تسوووين

حبيت أفيدك وأنصحك لأاني وربي شفتت ناس كانو يرفضوون الزواج ويقولو على نفسهم صغار ويدلعون

وراحت عليهم والحين يبون اي شي بس يسترون على نفسم ويتزوجوون وهم من عايلتي بعد
الله يوفقك ويسعدك

دعواتك بإتمام زواجي على خير

آمنـــه
18/08/2012, 08:14 AM
اذا مستحيل يتقدم لك احد من ديرتك جنب اهلك
فاستخيري وشوفي هو مناسب والا لا وشوفي رأي امك وابوك

والله يوفقك

ميسى كوول
19/08/2012, 02:07 AM
السلااام عليكم ينعااد عليكم بالخير والسعااد حبوبات ^_^
شرفتنى ردودكم الرائعه واثلجت صدرى :) عسى ربى يسعدكم بالدارين ياارب ^^
انا يابنات قررت استخير واوافق مبدئيا لعلها خيره ع قولتكم ...وماراح استعيل ع الزواج واخذ وقتى لين ارتب امورى ووضعى
بس والله انا احاتى اهلى ووايد بس مثل ماقلتوا اكيد راح يفضلون سعادتى وراحتى..وانا ادرى ان الزواج اهو رزق ونصيب مو انا اللى دورته
راح اواصل استخاره واخبركن اش صار..انا مرتاحه واايد بس بغيت اشاوركن واشوف وجهه نظر تطمئنى خصوصا انا بروحى ومو قادره افضفض
حتى صديقاتى اغلبهن تزوجن وماعندى الا زميلات بالدوام ...وانا احس هالخاطب ملتزم وخلوق وهادا شىء يريحنى.
هنى كل اللى تقدمولى بس يبون يعيشون وياى ببيت اهلى ومدرى شو ويتشرطون بعد ! مدرى طمع ولا الشباب هالزمن صاروا مايتحملون مسئوليه الحمدلله ع كل حال بس..ع فكره هالشاب عمره مناسب 38 وعنده بزنس خاص فيه يعنى احس ان لو تميت اكثر ماراح احصل خطاب جى لان تدروون كلما يمر العمر البنت تتنازل ..
السموووحه ع الاطاله حبيباتى فديتكن ووربى يسعدكم
فى داعه الرحمن ^_^

رحيل السرور
22/08/2012, 11:40 PM
خير ماعملتي الاستخارة هي الصح والله يوفقك ياااااارب

لارسا بغداد
23/08/2012, 05:33 PM
السلام عليكم ورحمة الله وبركاته
الف مبروك اختي وربي يتمملك على الف خير
وعقبال تبشرينا بخبر زواجك واباركلك
ربي يسعدك ويهنيك بزواجك يااختي
فرحتلك
سلامي

مصطفى وميسم ومرتضى نور عيوني
15/09/2012, 02:12 PM
موفقه

رووومانه
10/10/2012, 03:14 AM
انا اقولك استخيري واستعيني بالله . وانا اشوف انك ماتقطعي نصيبك دام مافيه شي واهلك تقدري تتواصلي معهم باكثر من وسيله وتزوريهم لو في السنه مررره . والله يسعدك

قهوه ساده
10/10/2012, 05:47 AM
استخيري والله يوفقك
بس في النهايه كل مرا مالها غير بيت زوجها

عروس مخمليه
10/10/2012, 11:26 AM
الله يوفقك ويتمم لك على خيرF: