المساعد الشخصي الرقمي

مشاهدة النسخة كاملة : الملكه والشبكه؟



براءه وحب
05/03/2012, 12:40 AM
السلام عليكم يااحلى اخوات مدري ليش كل مايخطر في بالي لازم اجي اقولكم عليه احس كأنكم اخواتي وارئكم تريحني:)
موضوعي ان ملكتي قربت ان شاء الله بيكون فيه يوم ملكه رجال بس وبعد يومين حفله في قاعه..
في يوم الملكه الوالد حلف اطلع للمعرس وابوه ويسلمون عليه مدري وش السر في الاصرار وانا ماابيه يشوفني الا في القاعه بالفستان الفخم والتسريحه والميك اب ونلبس الدبل وكذا :mad:
لان كل شي حجزته في يوم الشبكه الكوفير والكيكه والمصوره يعني وش بسوي في الملكه بس اناظر فيه؟؟؟؟؟
احس اني محرجه ومدري وش البس والوالد زاد ربكتي بهالكلام قال الولد يكون مشتاق يشوف عروسته بعد العقد:|وانا اتورط يعني؟؟ واخاف يلبسني الدبله في ذاك اليوم وانا ابغى تصورنا المصوره وقت التلبيس وش اقوله لاتلبسني صعبه

شورو عليه عادي اطلع له طبعا لابسه فستان هادي وعلى الجسم ورفعة شعر بسيطه وميك اب هادي ونلبس الدبل والا اترجى الوالد يتراجع تكفون الحقوا عليه واعطوني حلول
ويمكن امه تجي معاهم في يوم الرجال يمكن^o)

ريحآإنة الجنه
05/03/2012, 12:50 AM
الله يتمم لك بخير ياقلبي
لا حببيتي عادي فديتك
البسي شي يكون حلوو وحطي مكيااب خفيف
وربي بتجين رائعة
اقولك شي الثقه في النفس شي اساسي فديتك والله انتي ليش تقولي يتراجع حبيبتي هوة اختارك لجمال اخلاقك وبيششوفك عادية وطبيبعة
فديتك
اقولك غلاتي كوني واثق وسوي مثل ماقلت لك وان شااء الله يصير خير يااقلبي الله يثمم اموركم ياارب

تحياااااااااتي اميره

براءه وحب
05/03/2012, 12:56 AM
يسعد قلبك ومشكوره على الرد
انا قصدي الوالد يتراجع عن اصراره اني اطلع للمعرس

❥ بَـحّـة قَصْيٍـِد ❥
05/03/2012, 01:03 AM
لا عادي زي ماقلتي اطلعي بمكياج خفيف وبسيط ولبس مومتكلف وبتكون لك طله ثانيه اكيد بلفرح وخلي اخوكي يصوركم وقت التلبيس اذا كان قبل الشبكه بكميرا واحتفظي فيها كذكريات وبكذا ماحتشيلي هم.....

❥ بَـحّـة قَصْيٍـِد ❥
05/03/2012, 01:04 AM
نسيت ادعيلك ربي يوفقك وييسر امرك...

دقات قلبFي
05/03/2012, 02:59 AM
انا اشوف عادي تطلعين بشكل هادي ونعوم له بيوم
الملكه
بعدين بقلك شغله عالباً الرجال مايحبو التكلف بالميك اب واللبس والتسريحه
فأنتي قابليه بشكل نعوم بالملكه
وبالحفله يشوفك بشكل ثاني ميك اب وتسريحه وحركات
حلو يشوفك بالحالتين ترى

هذي وجهة نظري

واسأل الله لك التوفيق والسداد انه سميع مجيب


لك ودي حبوبه

مجنونتك رسمي
05/03/2012, 03:18 AM
رايي من راي البناات

و لج عندي ان بعد ماتسوي حفله الخطووبه بالقاعه

راح يقولج ان يوم اللي شافج في بيتكم كنتي احلى بكثير من القاعه هههه

الرجال كلهم جذي

يحبون يشوفو حريمهم بالبساااطه و النعوومه

اما بالمكياج الاوفففر وغيرة

مايشوفونج جميله ...ههههه

والله يوفقج و ايسر لج اموووورج حبيبتي

الجوهرة
05/03/2012, 08:48 AM
عادي قابليه واقعدي شوي عشان حلفة الوالد ولااطولين عشان يحس انك منحرجه وخاصة ان ابوه بيكون وياه


يااااااالله احراج

الله يوفقك يارب ويشوفك قمر

تبت لربي
06/03/2012, 10:38 AM
بصراحة ... احلى لحظة راح تحسيها لما يشوفك اول مرة ، لحظة كلها خجل و حياء و فرحة ، انا بيوم العقد كنت مستحية كثير و ما طالعت وجهه، خلي هذه اللحظة تكون بينك و بينه مو قدام كل الناس ، كوني ملاك من يشوفك اول مرة ، خلي الصورة تبقى بباله طول العمر، لبسي فستان ملائكي و شعر مفتوح بتسيحة رومانية او كيرلي ، ميكب هادي و ركزي على العيون و رموش صناعية ، احتفظي لهذه اللحظة لنفسك و الحفلة لاحقة عليها لبسي و كشخي و صوري ، راح تصير كثير احداث بالحفلة تنسيكي اللحظة الي شافك بيها لاول مرة بدون حجاب و مكشوفة ,,,, فأجعلي هذه اللحظة لا تنسى و لا يزاحمها ذكرى و امور اخرى.

عروسة قلبه وعمره
06/03/2012, 01:06 PM
بصراحة ... احلى لحظة راح تحسيها لما يشوفك اول مرة ، لحظة كلها خجل و حياء و فرحة ، انا بيوم العقد كنت مستحية كثير و ما طالعت وجهه، خلي هذه اللحظة تكون بينك و بينه مو قدام كل الناس ، كوني ملاك من يشوفك اول مرة ، خلي الصورة تبقى بباله طول العمر، لبسي فستان ملائكي و شعر مفتوح بتسيحة رومانية او كيرلي ، ميكب هادي و ركزي على العيون و رموش صناعية ، احتفظي لهذه اللحظة لنفسك و الحفلة لاحقة عليها لبسي و كشخي و صوري ، راح تصير كثير احداث بالحفلة تنسيكي اللحظة الي شافك بيها لاول مرة بدون حجاب و مكشوفة ,,,, فأجعلي هذه اللحظة لا تنسى و لا يزاحمها ذكرى و امور اخرى.

رايي من رايها

Elizabeth2
06/03/2012, 01:55 PM
عادي جدا .. اصلا احلى باشياء خفيفة و ستايل
لان البنت بطبيعتها احلى من الزيادااااات هذا برايي
الشي الطبيعي يكون احلى من بنظر الرجال من الصناعي ..
يعني لا ترتبكي ابداً .. اهمشي تكوني مرتبة و ستايل وميكب لو بتخلي خفيف
بحيث يحدد ملامح وجهك لا تخليه يخفي ملامحك ..
هذا رايي

براءه وحب
06/03/2012, 02:32 PM
الله يخليكم لي ياعسولات ويسعدكم دنيا واخره
..............احبكم......................
حمستوني لهذاك اليوم الله يتممه على خير

بحرينية_حلوة
06/03/2012, 02:57 PM
ألف مبروك حبيبتي .. و الله يتمم لج على خير ان شاءالله ...

و انا رايي من راي البنات بعد .. خليه يجوفج بنعومتج و بساطتج يوم الملجة .. و حتى لو لبسج الدبلة يوم الملجة و انتي حابة المصورة تصوركم و اهوه يلبسج اياها فالحفلة .. عادي .. خليها مع الشبكة فالحفلة .. و يرد يلبسج اياها عشان التصوير .. :thumbs_up:;)

فوشياآ~
07/03/2012, 12:14 AM
رايي من راي البناات

و لج عندي ان بعد ماتسوي حفله الخطووبه بالقاعه

راح يقولج ان يوم اللي شافج في بيتكم كنتي احلى بكثير من القاعه هههه

الرجال كلهم جذي

يحبون يشوفو حريمهم بالبساااطه و النعوومه

اما بالمكياج الاوفففر وغيرة

مايشوفونج جميله ...ههههه

والله يوفقج و ايسر لج اموووورج حبيبتي


رايي من رايها :D
لان هالشي حصل لي قبل سنه :p
وياليت زوجي يتذكر كلامه او يمكن يتذكر بس مسوي انه ناسي
الله يوفقك ي رب

**موتي ولادمعة امي**
07/03/2012, 04:50 AM
هاااي انا بقولك ايش تسوين كوني ناااااااااعمه استشوووري شعرككك ززززززززززززززين خليه طايح ع وجهك وسوي مكياج خفيف
مثلا عدسه رمادي مع كحل اسود دخل العين لا تطلعينه ولا سماوي وكحل سماوي زي كذاوبلشر ومرطب وردي كووووني ناااااااااااعه
والبسي بنطلون مع بلوووزه طويله
واتمنى ان الفكره تعجبك

وادعيلي بنقل عند اهلي


الله يوفقك ويسعدك يارب

لارسا بغداد
07/03/2012, 03:34 PM
اختي اول شي الف مبروك وربي يتمملج على خير يارب
حبيبتي مدام الوالد الله يطول بعمرة حلف اذا لازم متخليه يتراجع
لأن هذا حلف مو كلام عادي يعني من يتراجع عن حلفة لازم يسوي كفارة عن حلفة
انتي معتقدة انو الرجال خطيبج لازم يشوفج بالحفلة
يعني تتصورين لازم تكونين 100%ملكة جمال
بس تدرين حبيبتي حتة بحفلة الوالد من تطلعين لزوجج وامة لو امة وابوه هم راح تكونين ملكةجمال 100%
تعرفين ليش غاليتي
لأن فرحة انج تزوجتي وهذا الرجال اللي هوة زوجج صار زوجج حلالج
راح تعكس جمال اب روحج ونفسيتج هذا كلة راح ينعكس على وجهج
وتدرين حبيبتي والدج ربي يطول بعمرة ليش حلف هذا الحلف
لأن هوة رجال ويعرف طريقة تفكير الرجال
يعتقدون ان المرأة جميلة لأنهة حاطة مكياج ومسوية شعرهة احلى تسريحة ولابسة احلى لبس
ويعتقدون لو كانت بدون هالسوالف راح متكون بذاك النسبة من الجمال يعني والدج كأنما ديكول ال زوجج بطريقة غير مباشرة بنتي حلوة حتة لو شفتهة بيوم غير يوم الحفلة.
فهمتي قصدي حبيبتي
تدرين اني ام زوجي اشترطت على زوجي انو متقابلني الة واني محاطة ولاذرة مكياج
لكن اني لارسا;)حطيت مكياج كامل وربي
مقصرت بس ياهو اللي شوفني يقولي حطي شوية مكياج ماعليج من كلام امة
كدة النسوان ولا بلاش
حبيبتي عرفتي شدااقصد:thumbs_up:
يعني فعلا مثل ماقلتي ثوب ناعم وية الجسم كلة نعومة وتطلعين بيه ملكة من ملكات الجمال
والمكياج ناعم جدا والعطر هم والشعر تسريحة حتة لو ترفعيه لي فوك تسوين شعرج بس شنو نعومة
وصدقيني راح تكونين اميرة احلام زوجج لا تخافين حبيبتي
راح تسحريه بجمالج
الله يوفقج وبالتمام
سلامي
اختج لارسا بغداد

كادي الدلوعه
07/03/2012, 04:28 PM
والله زياده الخير خيرين ... ههه



شؤفيه مرتين تنحسب من عمرك وزياده ذكريات جميله ..


وكل مراا تتطلعين فيها بطلعه ثانيه ..

احلا من بعض ..
راح ينبهر فيكي ............ وينبسط


وان شاء الله الهديه يجيبها لك مرتين ;)

يوم الملكه ويوم الشبكه ............

ومن ناحيه التلبيس .....

يلبسك مرتين مره لحالكم ومره مع المصوره ..

رجعيها بعلبتها وغلفيها ويوم الشبكه هاتيها ويلبسك ثاني ......


انبسطي بدال المره 2 ههه
والله يووووووووووووفقك يااااااااااارب

ولا تتكلفي في الملكه ..... البسي على ذووقك فستان قصير احلى ..
وشعر مفكوك وميك آآب .. وكعب عالي ..
واهم شئ الريحه .. حطي مسك وتبخري ماااااااااراح ينسى هالحظه ابدن

واتصورو بكاميراا فديوو للذكريات ..

:)

ليندا أم حسون
14/03/2012, 03:53 AM
ضحكتيني لما حكيتي وش اقوله لا تلبسني هههههههه

عادي اطلعي مافيها شي يا ريت يرجع الزمان و اعيش نفس اللحظة اللي شفت فيها جوزي اول مرة

الله يسعدك و يتمملك على خير