المساعد الشخصي الرقمي

مشاهدة النسخة كاملة : فكره لإبعاد الملل عن الحياه الزوجيه



أم سيف
15/05/2002, 11:53 AM
حبيت أنه يكون هالموضوع أول مشاركه لي في هالمنتدى ألي أنا أستفدت منه و ارتحت لأعضائه وااايد :)
هو موضوع شاغل بالي من فتره كبيره حتى من قبل ما أعرس ( أنا في فترة الملكه ) و نصحت فيه كل صديقاتي العزيزات على قلبي ..
وهو ...

ليش ما تكون الزوجه متجدده دائما
يعني ليش ما تجمع في شخصها أكثر من أمرأه مثلاَ

أطبخي لزوجك أكل هندي و ألبس له ساري و حطي ياسمين في شعرج و يحبذ أنج تدخلين في كلامج بعض الكلامات الهنديه :) و بيكون أحسن لو غيرتي شوي في ديكور و حطيتي بخور هندي(i)

أو حتى سوي له أكل إيطالي و ألبسي لبسهم

أو أكل مصري و ألبس فلاحي

أو .. أو .. أو ...

المغزى أنج تبعدين الملل و الروتين عن حياتج و تحسسين زوجج أنه مب ماخذ وحده بس لا ما بين كل فتره و فتره أطلعي بطله جديده و شكل مختلف..

و عسى ربي يسعدكم و يوفقكم و يبعد عنكم الملل و يجعل أيامكم سعاده في سعاده

nadiaasman
15/05/2002, 12:41 PM
ومشكورا على الموضوع رائع بس بنسبة لى اناء لوسويته يقول عني اكيد هبلت هالمراة

رومانسيه
15/05/2002, 05:39 PM
انا اايد كلامج ميه بالميه....

الزوج ما بيمل بهالطريقه...و ما بيفكر يخون او يتزوج على زوجته.....

لان زوجته عن حريم الدنيا كلها.....


شكرا لكي ام سيف

أم سيف
15/05/2002, 10:01 PM
أختي العزيزه nadiaasman
جربي و شوفي النتيجه و علشان ما يكون الوضع غريب على رجلج سوي له أكل اماراتي مثلاَ برياني دجاج أو هريس أو حتى أي أكله اماراتيه ثانيه و ألبسي جلابيه مطرزه و دخني البيت بالدخون أو العود و تكون هاذي البدايه .... ثم جربي الأكل المصري مع توابعه من لبس و غير ذلك و بالتدريج و مع الوقت راح ينبهر زوجك و صدقيني راح يعجبه الوضع لأنه الرجل بطبعه يكره الملل و الرتابه خصوصا في حياته الزوجيه :)

أختي العزيزه رومانسيه

أشكرج على ردج ألي أثلج صدري و فعلاَ مثل ما قلتي :

(الزوج ما بيمل بهالطريقه...و ما بيفكر يخون او يتزوج على زوجته.....
لان زوجته عن حريم الدنيا كلها..... )

و لكم مني أكبر تحيه
أختكم
أم سيف

رحيـــــــــل
15/05/2002, 10:23 PM
هلا بك ام سيف

موضوعك حلوووووو وكلامك كمان حلوووووو بس يعتمد على حسب ذوق الزوج
في من يتقبل وفيه العكس ..... وبعدين عن نفسي انا لسه على البر لما اتزوج واجرب الطريقه هذي اكيد بقولك رده الفعل وعساك على القوه



رحييييييييييييييييل :o

عروس قديمه
15/05/2002, 11:44 PM
والله فكره تجنن....

عاد لو سويت له مجبوس لحم؟؟شو البس؟؟برقع ومخور؟؟؟


يعطيك العافية..
لكن والله اخاف من تعليقه..خاصة ان زوجي من النوع اللي يعلق وايد؟؟؟؟؟

أم سيف
16/05/2002, 03:11 PM
حياج الله أختي عروس قديمه :)

ما أعرف ليش كلكم متخوفين من تنفيذ هالفكره ؟؟؟

بس كل وحده أخبر بزوجها و شخصيته ، بالنسبه لي أنا أحبذ لو أنكم تسوون عملية جس نبض و تأهيل نفسي قبل ما تبدون فعلياَ بتنفيذ الفكره و ألي تلاقي قبول من زوجها خير و بركه و الا تحاول أنها تخلي هالفكره مقبوله بالنسبه له ..
أقل ما يكون قولي لزوجج فلانه من صديقاتي لبست كذا و طبخت و سوت كذا و كذا لزوجها... و شوفي ردة فعله و منها بتعرفين مدى تقبله للفكره ..

و صدقوني التجديد في الحياه الزوجيه شي وااايد مهم عشان ما يدخل الملل بين الزوجين و مشكله كبيره إذا دخل الملل الحياه الزوجيه ... الله يبعد الملل عنكم و ان شاء الله تعيشون في سعاده دايمه كلن في مملكته الخاصه :)

أختكم
أم سيف

عروس قديمه
16/05/2002, 07:55 PM
,والله انج ذكيه..ماشالله عليج...
بجس نبض...وبشوف